美容髮型講場

主題列表 登入
VIP會員 #1
似乎獨立出黎會多d人睇到^^
原文既post: http://www2.2000fun.com/discuz/viewthread.php?tid=1538322
(2009年5月19日按: link已死, 此為保留歷史~嘻)

錯錯錯錯錯錯錯><""""
我一早想開post講起泡架啦~難得你俾個契機我>_<~~~

起泡係一門要練習既技術黎架.........

唔好係面起泡呀呀呀呀呀呀.......

-----------------------------------------------------------------------------------------------------------------------------------------------

正確起泡 vs 唔正確起泡:
<1>就算係一隻好既洗面膏, 唔起好泡的話, 洗完面會乾
<2>如果唔完全起泡就放係面, 可能會刺激皮膚, 原理同洗頭水要先起泡之後先搽落個頭度一樣
<3>起泡用量少d~支洗面膏既壽命長d~o~////
<4>好既洗面膏本來就應該要起到好多、好靚、好幼細、好綿密、好滑既泡泡~!!

-----------------------------------------------------------------------------------------------------------------------------------------------

~起泡前~

[attach]165373[/attach]
呢隻係我隻手~_~"
我手上既份量大概係1cm長(因為揩埋個尾, 所以圖中所見大概俾我拉到2cm長左右)
其實呢個要跟返你隻洗面膏既建議份量, 否則就應該根據起泡量同經驗黎決定適當既份量
今次負責示範既係pond's deep spa moist cleansing foam~(所以係淺藍色既~)

-----------------------------------------------------------------------------------------------------------------------------------------------

~起泡後~

[attach]165375[/attach]
係應該要有1-2個乒乓球既份量架>_<~~~~~
其實今日起得唔夠好=_="得1.5個乒乓球左右=_=因為要留返隻手出黎影相=.="
平日再有心機d應該可以起到足兩個乒乓波=.="

[attach]165377[/attach]
d泡係要綿密到....應該彎埋隻手, 之後反轉都唔跌落黎架>_<~~~~

塗落塊面既時候, 應該係感覺到好多泡泡~幾乎感覺唔到手指既觸感~係~好舒服~既呢~~~
(起泡同洗面會令我上癮=.=" )
我無中途加d洗面膏落去架.....我真係靠1cm既洗面膏就整左一堆泡出黎

其實起泡既原理係靠洗面膏、水同空氣既配合
方法係.....一隻手盛住d泡, 另一隻手用指尖反覆打圈, 有時除左係手心打圈之外(即係....平面咁打), 仲要離開手心咁打(垂直打圈, 好似不停咁撥隻手), 將空氣打落d泡度
好似用筷子打蛋咁@_@~
你唔可以淨係係蛋漿入面攪架嘛.....打蛋既時候有時筷子會抽起咁打圈

如果d泡顯得比較大粒既, 就表示泡裏面既水比較多, 可以打耐d, 打到d泡變得幼細為止;
如果d泡顯得太杰, 唔太攪得郁, 就可以加多兩三滴水, 再唔夠先再加, 每次加兩至三滴, 唔好加太多;
慢慢就會越打越多泡^_^打得熟手的話....我自己白手打大概一兩分鐘就ok~

不過呢.....正如打蛋都有打蛋器幫手, 其實起泡都有起泡工具既~
沖涼個d海綿就係好好既起泡工具~
我用緊既係fancl洗面膏專用既起泡海綿~係fancl問ba拎就ok架啦~
(不過鑑於大部份男孩子都唔會夠膽入fancl拎-.-我建議你地可以試下去拍賣bid個返黎-.-兩三蚊到啦~_~)
2006年12月31日最新消息: 我去問佢拎起泡波波需要俾會員卡佢呢~
起泡波波依然免費, 但佢就當我"買"左個0蚊既起泡波波, 即係keep返record落我既購物歷史度
所以可能以後無咁容易拎到起泡波lu~
不過今日拎既係新版, 有起泡波波座=_=可以好似egg cup咁俾個波波坐上去風乾=.=......

2009年5月19日更新: 我已經好耐無去fancl拎起泡波波~
因為而家其實卓悅, sasa, 甚至吉之島10蚊店都有起泡工具賣~(10蚊店仲要係10蚊兩個起泡網=_= )
據聞而家係賣$5一個~不過我自己無去證實過消息~
而家用緊既係sasa賣既一個瑞士卷蛋狀既起泡海綿, 好似賣$1x (sasa的起泡工具普遍較貴), 一般起泡網會便宜一點~
總括而言, 我覺得$20以下, 用得順手既起泡工具都是物有所值的啦~
(樓下報價的missha潔面球已經是06年的價錢, 不知道現在會否已經加至超過$20了呢?)


但自從用左
[attach]165379[/attach]
用呢個呢......20秒就起到我頭先起既泡~_~"
方法係.....整濕個起泡球, 之後搾一搾乾佢(咁個球就會變成九成乾), 然後就當佢係湯圓咁搓, 就會有好多泡走出黎=.="
如果搓搓下d泡出晒界, 就用手撥返佢落手心繼續搓~

其他選擇包括:
missha泡泡潔面球($19), 我無用過(既然fancl有得免費拎我就唔花錢啦~cc)不過應該都可以起到好多泡@_@~

muji起泡網($15) 圖及起泡分享→ MUJI 洗面起泡網 ~用後感
↑樓上這個的泡量和泡的綿密度都很足夠呢~洗起來一定很舒服face_l_18:

然後是手起泡的短片~↓↓

以下這個量是足夠了, 但泡不夠綿密~隱約還看見有很大的泡泡~而且看起來比較水狀(有些擔心反轉隻手應該會跌落黎......)
(如果起泡起得好起得夠的話, 應該成舊好似cream咁~無洞咁滯既)
應該唔再加水, 再打圈半至一分鐘比較好~

[utube]09jqJeOqL9k[/utube]


以下這個短片就相反, 泡泡夠棉密, 但量有點不足~我相信以她用的份量, 再加多少少水打多d圈, 起多一倍都唔係問題~(shiseido洗面膏可是起泡量之王啊......)
當然, 用起泡工具的話, 可以不費吹灰之力就起到更多既泡泡~但人手來說, 這個示範已經很不錯呢~而且說明很仔細~

[utube]tQf_tK_s8RQ[/utube]



有興趣看更多起泡工具的圖片的話, 可以到google search 起泡網/起泡球/起泡海綿, yahoo拍賣也有不少~
短片方面也可以到youtube search 起泡, 或者lathering, 會有一些洗面膏和剃鬚膏起泡的短片喔~


[ 本帖最後由 小sion子 於 2009-5-19 04:23 AM 編輯 ]
VIP會員 #2
ha,,
估唔到真係入開左個精華,,
thx
二轉會員 #3
點解你個d可以起泡既?我之前係學校見人拎住支野黎洗面,又係可以起泡的a_a
八星無敵會員 #4
仲係唔係太知點樣整起泡.......
六星鑽石會員 #5
點解我起唔到你咁多泡既= =起到隻手都冇曬力
四星黃金會員 #6
我起唔到好似你咁多泡= =係咪要加水架..!!
四星黃金會員 #7
原來要起咁多泡嫁
我起極都起唔到你咁多= =
四星黃金會員 #8
可以起到咁多泡架咩??好誇張的說...
七星元老會員 #9
=__=囉個d網起泡is ok too
五星白金會員 #10
原來係咁起泡架,之前我起,1粒泡仔都無=.=""真係唔該晒,今晚試下先!!
  sionsion>3<"你隻手又白又滑唷:em014: kaka~
二轉會員 #11
試過起唔到咁多- -" 得好小

再努力學先
VIP會員 #12
唔引用啦=_="一次過回應啦

其實每隻洗面產品既濃度都唔同, 起泡情況都未必一樣
例如我影相個隻pond's係好濃好杰好實既, 唧出黎你見到係柱狀;
我另一隻洗面product係shiseido既uv white cleansing foam, 倒出黎係一灘既(本來以為佢水汪汪應該要用多少少, 但係呢隻野竟然異常地多泡=.=)
所以要靠練習同埋經驗, 先判斷到一次要用幾多洗面乳, 同埋要加幾多水, 隻隻都未必相同, 要摸索呢~

如果無起泡工具的話, 一開始可以試下 洗面產品份量 比 水既份量 = 2:1
然後慢慢用手指將佢地混和, 之後睇情況先決定仲加唔加水
如果見到佢地混和左之後都算攪得郁(即係唔會杰撻撻), 就可以繼續打圈(唔太需要用力既, 亦都唔駛話好慢咁攪)
如果攪攪下開始覺得杰, 就可以加多兩三滴水
如果泡泡係比較稀, 而且大粒的話, 可以嘗試係泡面(水面?)打圈, 指尖碰唔到手心既, 應該可以整到多d同埋細d既泡
三星高級會員 #13
一句講哂- -..用工具= =
VIP會員 #14
Originally posted by aab at 2005-11-2 10:49 AM
一句講哂- -..用工具= =

我承認用工具可以做得更快=_="
而且更穩定=_=""
五星白金會員 #15
Originally posted by 小sion子 at 2005-11-2 02:56 PM

我承認用工具可以做得更快=_="
而且更穩定=_=""


咦 個起泡海綿唔洗錢架 @@? 洗唔洗買d野先有得送架?
六星鑽石會員 #16
嘩~乜可以起左咁多泡架???
我用"new草煎娜"
但係次次都起唔到泡架~更何況你咁多呢~
學左野~不過岩岩洗完面咋~冇得實習下天~
anyway~thz
二轉會員 #17
我小小都整唔到喎''
VIP會員 #18
Originally posted by 卡碧囝 at 2005-11-6 03:06 PM
我小小都整唔到喎''

有機會你用潔膚液或者洗面啫喱的話, 佢個質地本身就起唔到泡, 就可以skip左起泡既程序, 在面上按摩然後過水就可以了~
不過多數起泡既洗面產品既潔淨力會強d, 潔膚液或者gel多數會比較適合乾d既皮膚~
四星黃金會員 #19
我都起唔到咁多泡= =" 不過懶既可以買d擠一擠就起泡洗面產品,我都係用bodyshop茶樹油 cleansing
二轉會員 #20
Originally posted by 小sion子 at 2005-11-6 04:16 PM

有機會你用潔膚液或者洗面啫喱的話, 佢個質地本身就起唔到泡, 就可以skip左起泡既程序, 在面上按摩然後過水就可以了~
不過多數起泡既洗面產品既潔淨力會強d, 潔膚液或者gel多數會比較適合乾d既皮膚~

多油同生暗瘡用邊隻會好d呢?
下一頁
回到最頂傳統版

選擇頁數