-
三星高級會員
2008-8-4 15:50#1
1 Sep 2008 update: 因為過咗字數, 所以有d嘢放咗去呢度http://www2.2000fun.com/bbs/viewthread.php?tid=3132772
終於收集齊材料得到飛空庭,不過一開始只係得個平台!
第一件事要去買小屋,上城嘅傢俱匠人有得賣,要30萬呢! 我已經試過集齊小屋嘅材料不過合唔到... 100個木材,100個釘等等已經超過玩家嘅體積限制!我個農夫已經用特大背包+2個大手提包,全部加埋都拎唔晒呢!過體積用唔到技... 試過雙開搵精製師佢又冇得合,最後只好同npc 直接買... = =
返到上庭, 安裝小屋嘅方法喺用mouse 按庭上邊嘅舵輪,再從選單中選取改造飛空庭
由你自己嘅道具欄拖個小屋icon 去呢度
或者用mouse雙click間小屋就會自動安裝,其他家俱/地皮/寵物都一樣,例如雙click道具欄中嘅地皮:
放寵都一樣,不過寵物&家俱可以調較放向
A: 調整家物品嘅方向(下,左,上,右), B: 按下後會打開可以微細調整嘅板面
C: 直接打入物品嘅方向角度(0-359), D: 我試咗好耐都唔知咩嚟,請高人指敎... Orz
仲有一個方便D嘅方法,就係當你設置緊隻寵/家俱(半透明)嘅時候你可以直接用滑鼠左制拖果樣嘢去適當嘅位置, 按住滑鼠右制拉就可以改變方向~
滿意後直接按確定就ok!
之後要變動或移除就用滑鼠右制按落個家俱/寵物度,會有選單俾你選
屋內一樣會有一個控制台可以變換地板,方法同屋外一樣
完成!
補充一吓,屋內裝設完後,我試過就算出去收起間小屋,屋內嘅家俱係唔會返到你嘅道具欄~ 只要將小屋放回原位屋內嘅家俱同寵都會保留喺原位而唔會改變位置!
雖然未布置好,不過都忍唔住影返一幅相先!
跟住講一吓家俱嘅合成~ 材料不外乎都係木,布,棉花之類...
木材:
可以同家俱匠人買,或者用農夫(其他職業唔知打唔打到?)到東邊打木材樹就有
堅固的木材
城南邊樂天湖泊下游可以搵到
就係用農夫打呢樣嘢
其他職業就只會打到木塊? (無正式証實過...)
絲線
下游左手邊(A)或經過下遊南下出咗去之後(B)
就會搵到呢隻蟲
打到佢就有機會跌絲絨,呢樣嘢可以合到絲線去做絲綢
堅硬鵝卵石/石蠟/蠟
補充(2008-8-5 1:04am): 唔駛去南邊, 堅硬鵝卵石 & 石蠟呢兩樣嘢都可以去殺人蜂山路(初生城向西過一個板圖)搵到, 只要打岩石或山岩石就可以打到鵝卵石或堅硬鵝卵石,打殺人鋒或黃色皮露露都有機會出石蠟,用石蠟就可以合到蠟出嚟, 太耐無去西邊所以一時忘記咗...
一直南下
如果你唔係南軍就要買証或憑去人地身上偷渡先可以過去, 我多數會買証...
到呢度嘅時候要小心D企鵝同飛魚,佢地係主攻怪!
經過鐵火山,去到阿伊薩鳥斯路,紅色圏住嘅地方就可以搵到堅硬鵝卵石/石臘/臘呢三樣嘢
石蠟/蠟打火岩皮露露會有機會跌
堅硬鵝卵石打附近嘅岩石或蘿伊特(有時會跌鐵塊嘅材料)
喺呢度好多人會打康康之類嘅怪(lv34,lv39康康任),自己唔夠lv打呢度嘅怪就四圍盡情汁啦~~ 因為打怪嘅人多數只顧搶怪,D材料掉到四圍都係... 成個場只有蘿伊特係主攻怪,佢地走得慢只要小心D就ok~~ 你地真正嘅對手係其他生產系嚟汁嘢嘅人!!
掛住影相俾蘿伊特追殺,好彩走得快...(戰地記者??)
打完材料可以順便入南城買製作工具 (唔係生產系都要買去俾npc 同你合...)
棉花/高級棉花/黃麥穗/園藝用雜草種子(大) & 各式園藝花種子
前三樣材料到東邊可以打到,第四樣要去農夫農場先有~ 要入農場有兩種方法,第一種就本身係生產系嘅人,第二種又係憑人偷渡...
生產系第一次去要做任,先去東邊搵農場管理員,佢會要你俾20個黃麥穗佢做入會費...
圏住嘅地方可以打到棉花/高級棉花/黃麥穗
要注意,黃麥子草係唔會跌黃麥穗!! 黃麥子先會跌,佢地嘅分別係差一個字!
打棉花 & 高級棉花一樣, 打棉花草只會出棉花, 要打棉花先會有機會出高級棉花!
呢個唔關事,只係啱啱見到迷路的金屬球所以順便打埋... (出咗黃金...點解唔係印章呢.. =w=)
收集到20個黃麥穗交俾管理員,以後去搵佢就有得直接入農場啦~
所謂嘅農場同外邊一樣,只係入邊多咗好多植物 & 冇怪喺入邊打擾你嘅田園樂...
打農場入邊嘅雜草/雜草(大)都有機會打到各種園藝用嘅花種子
不過要得到園藝用雜草種子(大),就一定要打大嘅雜草:
農場入邊都可以打到黃麥穗,只要打呢D就得:
其他工具
常用到嘅雜件例如礦工火爐,釘子,螺絲,有锈的模型等等大部份都可以喺下城搵到...
[ 本帖最後由 古爾格雷 於 2008-9-1 12:05 PM 編輯 ] -
三星高級會員
2008-8-4 15:51#2
最後我收集咗一D家俱嘅秘方,各位加油啦! (不過唔好同我搶材料~ 我真係喺農場都見到有元素師喺度掃場.... (笑))
家俱成品
原材料合成
[ 本帖最後由 古爾格雷 於 2008-8-7 09:22 AM 編輯 ] -
三星高級會員
2008-8-4 16:09#3
小屋現在鎖了合成。
另農夫材料超過負重的合成方法:
之前合小屋時，身上齊材料>超過負重>放100木材在地上>按木材加工>bar行緊時拾回木材>可合小屋。
[ 本帖最後由 user1234 於 2008-8-4 04:12 PM 編輯 ] -
三星高級會員
2008-8-4 16:24#4
資料好好用 快去搬去資料區xdd
-
二星初級會員
2008-8-4 16:28#5
T^T 感謝大大無私既奉獻~~~
我會努力收集嫁喇T^T ~~~~
DIY也許是一種樂趣~(嘆) -
三星高級會員
2008-8-4 16:49#6
雖然現在官方是鎖了一些傢俱的合成，但成功率好似高左，合傢俱完成品時都冇爆過:smilie_:D5:
(定係我特別好運:smilie_O_o: ) -
三星高級會員
2008-8-4 16:55#7
原帖由 user1234 於 4-8-2008 04:49 PM 發表
雖然現在官方是鎖了一些傢俱的合成，但成功率好似高左，合傢俱完成品時都冇爆過:smilie_:D5:
(定係我特別好運:smilie_O_o: )
試咗咁耐發覺原料嘅合成失敗率雖然都算高, 不過成品嘅失敗我玩咗咁耐好似都未遇過呢? -
三星高級會員
2008-8-4 17:05#8
原帖由 user1234 於 4-8-2008 04:09 PM 發表
小屋現在鎖了合成。
另農夫材料超過負重的合成方法:
之前合小屋時，身上齊材料>超過負重>放100木材在地上>按木材加工>bar行緊時拾回木材>可合小屋。
放咗落地冇木材佢俾個技出? 我又未試過啵, 返到屋企試吓先! -
二星初級會員
2008-8-4 17:05#9
W0W整得好詳細呀
但係如果比我，我會整個花園，放晒D寵出去算啦
因為間屋好貴囧 -
二星初級會員
2008-8-4 17:15#10
日記寫得太有趣了:victory: 希望有些飛空庭的故事 咁就:thup: 了
-
三星高級會員
2008-8-4 17:28#11
原帖由 wong515 於 2008-8-4 05:05 PM 發表
W0W整得好詳細呀
但係如果比我，我會整個花園，放晒D寵出去算啦
因為間屋好貴囧
我見過有人的飛空庭好似動物園咁，所有寵放曬出來:smilie_:P2: ，D寵一齊說話時都幾得意:smilie_:P2: -
三星高級會員
2008-8-4 17:33#12
deleted................
[ 本帖最後由 user1234 於 2008-8-4 05:34 PM 編輯 ] -
三星高級會員
2008-8-4 17:37#13
小屋現在鎖了合成。
你試合別的物品，一定要在bar run完前拾回物品wow -
四星黃金會員
2008-8-4 17:48#14
飛空庭,要係邊到先招到出黎-0-?
[ 本帖最後由 小妖）風 於 2008-8-4 06:14 PM 編輯 ] -
一星新手會員
2008-8-4 18:43#15
我係farmer, 但係我好似1樣傢俬都整唔到= =?
-
四星黃金會員
2008-8-4 18:53#16
好詳細...真係好正 強烈建議去資料區
-
五星白金會員
2008-8-4 19:18#17
原帖由 古爾格雷 於 2008-8-4 03:51 PM 發表
最後我收集咗一D家俱嘅秘方,各位加油啦! (不過唔好同我搶材料~ 我真係喺農場都見到有元素師喺度掃場.... = =)
http://i44.photobucket.com/album ... 20Resource%2001/res ...
感謝樓主的分享..
我就是你說的元素師.. 跑去農場內放技掃場 - -"
不過可以告訴你.. 以我的經驗.. 有某些東西是要用農夫才能打得到..
至於是什麼呢.. 就留侍大家去發掘好了.. -
五星白金會員
2008-8-4 19:23#18
可以的話縮少少個圖丫,放便一下大家
-
三星高級會員
2008-8-4 20:14#19
原帖由 Haze1 於 4-8-2008 06:43 PM 發表
我係farmer, 但係我好似1樣傢俬都整唔到= =?
你只要有精製道具, 木材加工, 天衣無縫同園藝就可以做啵, 我個農夫lv33時呢幾個技都到頂囉~ 況且就算唔係農夫都可以搵npc 做... =w= -
三星高級會員
2008-8-4 20:18#20
原帖由 小妖）風 於 4-8-2008 05:48 PM 發表
飛空庭,要係邊到先招到出黎-0-?
上城嘅東,南,西,北都得~ 南城嘅飛空庭停泊處... 其他嘅我未試過~