小弟剛剛完成了100稱號了, 總遊戲時間用了400小時，最重要先說明.有2個稱號是要連機的,只有一個人打永遠不能齊100稱號；基本上我用既都係不聰明的做法...對住wiki武器表
http://www37.atwiki.jp/psportable/pages/14.html. 怪物表
http://www37.atwiki.jp/psportable/pages/91.html 不停打不停打..打到信心動搖 (d日本仔有冇打錯職業),答案係絕對冇...只要不停打一定會出。
傳言第2,3周目可以加掉寶率，全是假的 (掉寶率公式係完成每一章故事任務+2%，完成8章故事任務可以+16%；另外，每職業到達5/10lv可+2%，全職業10lv可+32%，怪物全清可+2%，每個人物最高可以有150%掉寶率)，第2/3周目只係比你玩多次story mode，我係為左打番對暗之翼先開2周目，最後就中左仿製品地獄，盡可能唔好開2周目，最怕你打唔番第1周目出果d仿製品。
有4個稱號係要任務全清(包括 cbas)，我清完單機所有任務之後...發現1個稱號都冇，之後再去聯機模式，只要清番d聯機任(eg.真影/獸與機械...)就可以，同名只要清一次就得。強烈建議大家最好完成第1,2章故事任務就去開聯機模式，清晒所有任務，清完你既bc武都齊得7788，最緊要係打多些s級仿製品 。當你仿製品齊得咁上下，可以清番3-8章，記住第8章個女人身邊有2隻怪會掉暗之翼，怪唔出翼請load save再打，打完第8章基本上9成既a武都可以係武器店買到，千祈唔好孤寒，用晒全部身家去買啦。
相信大部份人都係卡在某d武器80%收集，當然我開post唔係叫大家不停咁打....因為遊戲中有一d武器係叫仿製品 (大多係pp極低既s武)，當你係100-120%掉寶率時打小怪成日會出，我150%掉寶率基本上是不會出仿製品，害到我要不停打一d低機率出既高星數武器；如果你已經150掉寶率，你可以懶好人咁帶朋友d分身，用你朋友低掉寶率的分身做host，咁樣都係一個打仿製品既方法。
有3個稱號要近戰/遠戰/魔法技能各10個到達30級，近戰技能唔洗講，遠戰技能練手槍/機關槍是唔錯既選擇，魔法技能有4個狀態魔法必練，只要到打王門前，不停按不停按，pp用完，就去支柱到加番啦，重有4個魔法範圍技都好好升，最後練補血同復活術。
以上係我完成100稱號後既小小心得 (基本上全部都只係我既反面教材)，相信大家唔洗400小時都可以完成，如果有高手睇到我不足既地方請補充修正
四星黃金會員
2008-9-9 23:22#1
小弟剛剛完成了100稱號了, 總遊戲時間用了400小時，最重要先說明.有2個稱號是要連機的,只有一個人打永遠不能齊100稱號；基本上我用既都係不聰明的做法...對住wiki武器表http://www37.atwiki.jp/psportable/pages/14.html. 怪物表http://www37.atwiki.jp/psportable/pages/91.html 不停打不停打..打到信心動搖 (d日本仔有冇打錯職業),答案係絕對冇...只要不停打一定會出。