-
版主
2009-6-29 23:49#101
醒來吧香港人！
係時候要比我地香港o既無能政府睇下人民o既力量…
將你地o既不滿，都放哂係7月1日o既大遊行，表達不滿吧！
要香港有普選，要香港有民主同自由，要香港係世界上站起來，就一定要有行動！
有普選o既時，我地可以用選票黎爭取；無普選時，我地就必順用腳步去爭取民主！
大家，「７．１」維園見吧！
雖然我知道大家一定唔會去…
各位同志，7月1日維園見！
以下轉自每日一膠。
《福佳當奴勿當奴》
詳情請到此觀看：http://plastichk.blogspot.com/2009/06/blog-post_463.html
《福佳當奴勿當奴》將一片分為三
第一套係正戲的短片，由五大演員真人上演，排名不分先後，有陳淑莊扮演「當奴待應」，袁彌明、陳巧文演「勿當奴員工」，賴恩慈與兩歲半小妹妹擔任顧客。
第二套係回歸《福佳》系列的傳統歌舞片，加入紀念 MJ Michael Jackson 的環節，一眾膠官將大演硬膠舞步，配合群星演唱的改歌面世
第三套就係呢套預告片，由於冇時間再剪，片段有少許重覆，多多包涵。
七一前正式上市
上星期四壹周刊報導：
上周末晚上，葵涌某所工廠大廈正進行「秘密倒曾」活動，「疑犯」包括公民黨立法會議員陳淑莊、爭取西藏宗教自由的港大女生陳巧文，及轉做才女的前落選港姐袁彌明，原來三人正拍攝號召七一遊行的短片。
反串扮曾蔭權特首的陳淑莊戴上微禿假髮，穿著大兩碼的男人西裝，再結上煲呔。劇情說她是快餐店「勿當奴」的老闆，以「普選樂園餐」做幌子呃飯食，她邊化妝，邊學煲呔表情：「最緊要上唇向上蹺，有少少似徐小鳳，但郁動冇咁多；個頭微微向上抬，語氣要輕佻，好似睇唔起人咁就最似。」她在Youtube翻看完煲呔的「六四論」，即對著鏡頭學他語無倫次：「我既意見代表全香港『勿當奴』意見、全世界、全宇宙……我要做好呢份工、呢份工……唔會同你狗噏辯論……」
袁彌明飾演「勿當奴」侍應，專送贈品，包括代表政制事務局林瑞麟肖像的「人肉錄音機」、政務司司長唐英年的「糖果」。去年在立法會選舉廣告片中自稱「Reginababy」的葉劉淑儀，也被製成吹氣公仔，她更想出「食夠廿三條薯條有得送」的對白，諷刺葉劉曾推銷廿三條惡法。
袁彌明身上的「勿當奴」戲服由陳巧文製作，陳憶述：「我兩星期前知道要拍呢段片，去咗麥當奴兩次，記低佢哋套制服的顏色同袖位，然後去旺角二手舖買材料，做咗兩日。」她買了紅白雙間的短袖衫，將中間的布剪成兩個手袖；又將鮮黃色的連身裙剪成外套，再於袋口縫上家中找到的紅布，她說：「我手工唔好，有些係自己縫，但好多係用雙面膠紙、扣針連埋一齊。」
這晚她也要飾演侍應，她拿起道具晃來晃去說：「試吓呢部人肉錄音機，阿爺講乜佢講乜。」又將嘴角靠近「林瑞麟」臉龐，佯裝傾慕叫道：「好神奇架！」接著又大讚「唐英年糖果」會「吊吊fing」，表情豐富，連攝影師都大讚她經驗雖少，但表演出色。原來陳巧文在英國中學有修讀戲劇，會考成績取B：「當時上堂會比二十分鐘準備，幾個同學即時諗個短故事，用最少的道具，仲要演出。我亦做過學校舞台劇，不過番來香港冇再做過。」
自零三年起年年參加七一遊行的陳巧文，今次粉墨登場號召上街，但她講明自己不是倒曾：「曾蔭權同董建華只係阿爺的吹氣公仔，即使下台，第二個都會一樣，所以我係要爭取普選。我哋冇雙普選時，雙腳就係改變政局的唯一方法。」
這段《福佳當奴勿當奴》短片由網民林忌和Freeman製作，○七年兩人將回歸十周年主題曲《始終有你》改編成《福佳始終有你》，嘲弄煲呔曾及前民建聯主席馬力，在Youtube半年內有過百萬點擊率。今次林忌找來三位美女登場，他說：「希望視覺效果完美，正如拍戲都一定會搵上得鏡的演員，佢地三個（四個）都係靚女，而且又會去遊行（當然希望可以加分。）」
71.勿當奴 - 瘋狂預告MV - Jaiho
漬出陣容：
陳淑莊@勿當奴;
林公公@人肉錄音機;
克勤@Fling頭;
鬍鬚曾@剝你光豬;
陳巧文@勿當奴;
袁彌明@勿當奴;
糖糖@拍拍籮友;
賴恩慈@神奇女俠;
Melody 妹妹@2歲半;
Reginababy（葉劉）;
CYLEUNG（梁振英）@傳聖火;
糖糖@吊吊fling;
克勤@搓MyBreast;
曾誤導@左耳入右耳出
[hdutube]<object width="425" height="344"><param name="movie" value="http://www.youtube.com/v/J3Vj7aIbgZs&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/J3Vj7aIbgZs&hl=en&fs=1&" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>[/hdutube]
再一次比香港政府知道我對香港人對吹主ｏ既渴望係有幾大吧！
由網民制作－－民主抗戰二十年ＭＶ
[hdutube]<object width="560" height="340"><param name="movie" value="http://www.youtube.com/v/n_OBeonRBvk&hl=en&fs=1&"></param><param name="allowFullScreen" value="true"></param><param name="allowscriptaccess" value="always"></param><embed src="http://www.youtube.com/v/n_OBeonRBvk&hl=en&fs=1&" type="application/x-shockwave-flash" allowscriptaccess="always" allowfullscreen="true" width="560" height="340"></embed></object>[/hdutube]
[ 本帖最後由 憨憨的小任(CPU) 於 2009-6-29 11:52 PM 編輯 ] -
五星白金會員
2009-6-30 00:04#102
無奈
只可以用一個詞語講 -
四星黃金會員
2009-6-30 09:59#103
d議員叫人上街遊行
係因為要政府改善民生同"爭取雙普選"
我相信前者先係呼籲到人參加
後者參與的人一定好少
遊行之後，d"議員"就會話
"睇下幾多人支持雙普選！"
香港選特首要有唔知幾多個選舉團推薦先可以有資格選
唔係點會好似之前梁家傑Vs曾蔭權先？
只不過個民主權唔o係人民度
而係o係議員度
美國選總統你覺得好民主？
不過黎黎去去都係得2個黨派爭
而且當時希拉里的民望高過奧巴馬咁多
點解最尾係奧巴馬得到提名？
因為個民主權亦唔係o係人民度
而係o係議員度
最尾話就話係全民投票選總統
實際上只有538張選舉人票有決策權
香港咁細個地方都有800人選舉團
點解美國咁大得538人投票？
我講過
世界上冇一種制度係可以滿足所有人
亦冇一個制度可以迫使人民互相得到平等和自由
最大問題只在於人民價值觀
中國其實冇乜機會有民主
因為俾皇帝統治左幾千年
自此中國人習慣被管
國民黨時期中國都曾經民主過
結果情況點？
軍伐割據，光明正大地貪污等等大問題出現
我唔係話民主一定唔好
亦冇話共產一定好
如果你覺得自己活得自由
人民開開心心
其實仲有乜野要強求？
政府都係人，都會有錯
有錯投訴都已經夠
如果你話政府做錯幾樣野就話政府廢柴
就話要政府落台的話
好對唔住，唔單止香港
全世界的政府都要落台 -
版主
2009-8-7 22:31#104
唉…我真係好失望…
繼續劉曉波後，南京大學一名教授（姓郭）再次被中央因批評共產黨/共產黨政權而判處【煽動顛覆國家政權罪】…
根據事件，郭教授係幾年前1已經多次係網上發表文章，一方面批評共產黨o既不是，一方面就要求政治憲政改革。
郭教授又係網上成立「中國新民黨」，呼叫民眾支持政治憲制改革…
佢更試過公共寫信比朝錦濤同溫嘉寶，要求改革。
期間郭教授曾多次被捕，雖然每次都可以平安無事，但今次郭教授就被共產黨拘捕，並判佢【動顛覆國家政權罪】…
起碼都坐5年…
唉…
經過呢件事，我對我自己身為中華人民共和國－－呢個獨裁國家o既人，感到無比o既恥辱！
究竟呢個國家幾時先會清醒？
自己國家o既人民，出少少意見就等於賣國，就等於要亡你地國嗎？
佢地唔係法輪功，亦都唔係我！佢地係你地o既人民！
點解共產黨你地可以對自己o既人民咁唔信任？
再次見到，中華人民共和國係一個只有獨裁沒有民主o既國家！
邊個話你地國家強大？我呸！
一個無民主自由o既國家，唔可以話係強大，只可以話係弱智！
要你政改之嗎，都唔得？
又唔要冇左老本－－一黨獨大o既，郭教授又冇叫你放棄一黨獨大…
叫你政改姐，又唔係叫你死…
唉…
愛國就係有罪？
就因為愛國，所以先會比意見，如果係唔愛國，早就唔理你喇…
愛國=有罪
我明白…
共產黨你醒下喇，你想你o既政權可以無了期咁延續落去，就應該變下，唔好成日獨裁前弱智後…
不過我諗你呢個黨都係盲左心眼，同你講咩都冇用。 -
版主
2009-8-22 01:07#105
本帖最後由 憨憨的小任(CPU) 於 14-1-27 12:46 AM 編輯
抽水哥你去左邊呀…
冇你同我吹政治水教我政治我好悶…
唉… -
版主
2009-9-12 01:11#106
相信今日o既大新聞，應該就係阿扁o既一審宣判吧？
結果，陳水扁同吳淑珍被判無期徒刑（終身監禁），而陳致中就判2年半…
再一次證明，台灣係個民主之國！
一個國家領導人，當犯左彌天大錯時（比如貪污），人民係有權去控告佢。
雖然我係支持阿扁o既台獨路線，不過對阿扁o既貪污，我就感到有 d 可惜…
堂堂一個「台灣之子」，點解會走上成魔之路…
明明係反共o既中堅份子，點解會搞成咁…
但今次阿扁犧牲都有價值！
至少可以比香港人睇到有民主o既國家係可以將犯左罪o既國家元首入罪…
中國內地o既人更加要睇！
共產黨每年每年貪埋貪埋都唔止8億美元喇？
我地亦都睇到台灣o既司法係唔會受到政治干預。
係大陸，只要係對共產黨不利o既案件，土共一定會秘密用政治手段去插手，影響司法公平。
如果要舉例，大把！
比如三鹿奶粉事件，政治一開始係保三鹿，人民向法院告，但最後都係無功而還，如果唔係件事暴光，你認為中國政府會真係比人民嬴場官司嗎？
再比如近期中國內地有個女子因為防衛過當傷到人，被人拉左。
初頭法院係判女子有罪，後來網民介入，向法院施壓，法院先判女子無罪。
台灣民主o既成功，證明法院係由人民開，而唔係政府。
有民主先有民生，如果香港呢家已經好似台灣咁民主發展得咁成熟，真係唔知會有幾多官員因為某 d 事件而下台。
香港 d 官員係好鐘意死唔落台，明明出左事，當冇事，因為冇民主嘛！
人民耐得佢何？
台灣o既風災，就因為有好多官員救災不力，加上人民不滿，所以先會落台。
香港果 d ？
比如泰國包機事件，唔知邊個要付上最大責任呢？首係曾對權，次係李少光。
最後佢地點樣？咪都係乜事都冇？
同埋香港政府永遠都只係識得「狗嗡」，「嗡」就天下無敵，但真實呢？
乜野「我o既意見就代表香港人o既意見」…
呸！
所以話民主先係一切！
阿扁今次o既犧牲，好值得香港人去體會。
體會一下人地台灣有民主o既時候係點好法。
民主，令人民有權力去監督政府，萬一政府犯左乜野大錯誤時，可以要求佢下台，呢個就係民主其中之一個好處。
至於台獨…
我唔相信台灣冇左阿扁台獨就會玩完，始終民進黨都係仲係蠢蠢欲動…
放心喇阿扁，只要一日中共未侵犯台灣，台灣一日都仲係民主之國…
所以阿扁，祝你二審可以減刑。
至於反共，我地中華民國子子孫孫會繼續反落去！
陳水扁等人被判終身監禁，係民主o既表現；假若中國有一日共產黨倒台，相信果日就係民主降臨中華中地之時！
我小任在此向陳水扁－－呢位民族英雄致敬！！！！！！…
民主萬歲！ -
四星黃金會員
2009-9-12 22:58#107
o係阿扁做總統的時候
都已經被人查出佢有貪污
只不過因為總統有"刑事豁免權"
到左馬英九上任，佢落台的時候先可以起訴佢
呢個正正係政治干預
正正係因為法律而變成的正當干預
民主點都會有個極限
我講過有政府同法律就代表冇民主
市民個個都要守法律(政府法規)
如果唔係又點會有獨裁呢d情況出現呢？
假如阿扁o岩o岩贏左選舉先俾人爆大獲
就算法院有實質的證據
佢一日唔下台，一日都唔可以起訴佢
因為佢掌控司法機關，職位大過佢
過4年後d人都唔記得哂啦
佢再贏咪即係等於唔駛俾人起訴？
(對不起，我認同"一個中國"政策
"台灣"係中國領土一部分)
風災的話
我唔認同剩係國民黨有錯
民進黨更加有錯
你有冇發現南部受災的縣市中
係民進黨人管治架？
台灣上報災難機制係逐級上
由鄉鎮地區至縣市，由縣市再至政府高層
南部係民進黨勢力地區
點解唔質疑係民進黨唔上報政府機關
而質疑馬英九慢熱，管治有問題？
難道呢個唔可以係民進黨的陰謀咩
藉呢個機會煽動綠營民眾示威？
南部受災的重要原因係因為治水不力
水利建設有問題，引致泥石流掩沒鄉鎮
有d橋啟用左唔夠2年就崩塌
引致災民無法逃生而致死
災民將責任推俾現任政府手上
指政策出錯
有冇諗過呢d基建係幾時起？
全部都係民進黨陳水扁時期興建
之前話用幾千億起南部水利
結果一個風災後一半基建要重新起番
一個貪污的人自然會"報大數"起基建
由於民進黨係自己友
少左錢都冇問題
寫就寫50億起條橋
俾就俾20億你
逐級落又抽d"稅"
到你地區手得番10億
材料自然就冇咁靚啦
實用期限係50年
而家2年就玩完左
[ 本帖最後由 TTThomas 於 2009-9-12 10:59 PM 編輯 ] -
四星黃金會員
2009-9-12 23:08#108
太多字 =.=
打左幾次都出唔哂
聽日打 -
版主
2009-9-12 23:13#109
55…
台灣風災，南部情況之所以咁嚴重，唔多唔少都係同阿扁有關…
以少肯定死左果班市民係政治犧牲品…
唉…
順帶一提，我只係支持阿扁o既台獨（反共）路線，但唔支持佢貪污…
[ 本帖最後由 憨憨的小任(CPU) 於 2009-9-12 11:14 PM 編輯 ] -
四星黃金會員
2009-9-12 23:44#110
共產唔係唔好
中國人的心態係咁
只不過而家中國已經唔叫共產
你可以叫佢做封閉式資本主義
又或者開放的共產主義ge=.= -
版主
2009-9-13 18:39#111
我記得學者將呢個主義叫做【中國特色的社會主義】= =
-
版主
2009-9-30 19:27#112
聽日就係一班獨裁統治左中華大地o既共產黨建立o既所謂"新中國"60週年…
可能會有人好開心，話咩"中國掘起喇，中華民族萬歲"等等…
但我都希望香港人諗下，家下o既時勢，"新中國"真係算係"掘起"嗎？
一個國家係政治同經濟唔平均發展下（中國重經濟輕政治），只會令國家得到一時o既繁榮，不過好快，一定會走向下坡！
"新中國"雖然好著重經濟發展，呢點的確可能會為人民帶來繁榮安穩o既生活，但"新中國"係政治上又極唔開放（至少言論&思想自由係接近冇），眼前o既繁榮我相信只會係曇花一現。
所以向位香港人，如果你想"新中國"可以永遠繁榮穩定，就應該用行動去提醒班共產黨高層！
抗議中共專制,抵制官方「國慶」活動,十一外出穿著黑衣！
注意，呢個活動目的唔係要你反共，而係想你以杯葛方式去提醒中國共產黨。
那怕只係細小o既力量…
只要你肯做，就有改變o既可能！
雖然我係反共產+支持台獨，但我反共o既原因只係想中華人民可以過到 d 安穩o既生活…
台獨只係推翻共產黨o既手段…
我冇權阻止大家去參加國慶活動，不過我係想大家反思下，所謂"新中國"真係可以永遠都咁強大繁榮嗎？
作為一個中華民族，應該好好咁諗下自己國家o既前途係咪真係咁明朗…
我期待大家可以係十月一日"新中國國慶"當日著上黑衣，以表達你對"新中國"o既意見！
如果係為左國家未來，就更加應該咁做！ -
四星黃金會員
2009-9-30 22:08#113
講真
世界上每一個國家政治同經濟都係唔平均發展架啦
你睇英國，美國，日本呢d極度發展國家
而家全部d領導人的民望都極低
咁就代表施政失誤？
唔可以代表人民唔肯承認自己出錯？
基本上d人係因為利益行頭
政府一日未搞掂，就算好野都反對
正如雷曼事件
d人話要政府賠錢
點解唔諗下係佢地自己貪心在先
當時金融海嘯之前都有好多經濟變壞的預言
係佢地唔聽人講姐
乜都冇先識死，仲叫人賠錢
同o個d賭輸差loan shark錢的人
要賭場賠錢俾佢的厚顏無恥的人有乜分別？
至於專制
其實只係睇政府的透明度有幾高姐
比較透明就叫做管治威信
冇咁透明就叫專制
兩者根本係同一樣野
唔存在話係壓迫人民
如果係咁
無政府管治咪唔駛被壓lo
我唔明白點解要杯葛國慶喎
難得今年60週年閱兵
正係觀察中國強大的證據
你要明白呢d野係需要時間
唔係剩係話要求就求得番黎
其實除左自由度，乜野都好好架
點解仲要爭取咁多呢
香港人對呢d野完全冇興趣
如果大部分香港人支持民主的話
為何建制派在立法會選舉所取得的議席
遠遠拋離所謂的泛民主派？ -
版主
2009-10-1 10:18#114
六四一日唔平反，就冇真正o既國慶，話乜野"中國人站了起來"，根本就係"狗嗡"…
一個國家o既人民冇言論思想自由，算乜野"站起來"？
美﹑英﹑法等強國至少做到普選呢樣野先！
佢地o既經濟同政治o既差距係冇"新中國"咁大，所以先叫強國…
一方面強國們都非常著重經濟發展，同"新中國"一樣，但係政治方面，"新中國"就永遠都比唔上強國們…
要中國真正強大，唔該首先放棄"一黨專政"o既局面，解放言禁，平反+承認六四等事件，做到全國普選。
上面所有o既事情，中國共產黨只要做到一件，就已經好好… -
四星黃金會員
2009-10-1 13:38#115
你首先要明白
中華民國時期的民主制度o係大陸徹底失敗
導致社會極度不隱定
所以最後都係共產黨贏
統治哂整個中國內地
不過又唔見得中國人唔支持呢個社會制度喎
之前中華民國時期
中國完全沒有被外國重視
又偷文物，又要求中國乜野乜野
其實都係外國得益
而家呢？
中國成為全球第3大經濟體系
軍備足以挑戰美國
金融海嘯下經濟仍然上升的少數國家之一
令大部分國家將對華政策由冷淡轉為重視
可見得一黨專政未必唔係好事
起碼有一國兩制
證明中國政府對於政策方面尚算開通
外國有民主
不過黨派鬥爭不斷
政府新舊交替所引起的問題好多
就以台灣黎睇
陳水扁單案搞咁耐
其實如果以香港的速度
1年內實搞掂哂啦
呢d根本就係出於政治考慮
又睇下日本
經濟發展快
民主發展好好
結果？4年內換左3個首相
人民無所適從
紛紛出來抗議
我相信將來民主黨都會出現呢一個現像
一直被政敵攻擊
引致推行政策方面出現重大阻力
經濟民生都出現問題
呢d就叫做民主的好處？
政府唔承認六四
只因領導人都經歷過呢個時候
佢地都係當中的人
想平反的話
要等到1989年d人死哂咁滯先有可能做到 -
版主
2009-10-2 17:17#116
如果係咁點解仲會有咁多人係十月一日下午出街示威（支聯會）？
皆因中國冇人權，冇自由，再加上內地官員經常貪污（一個官員閑閑地都貪多過陳水扁）
想要解決呢個問題，係一黨專政下基本上係無可能…
中華民國o既民主制度失敗，就係正正因為共產主義o既出現+毛澤東o既洗腦能力太強！
當年毛澤東係國共內戰時大大聲聲話要建立一個民主o既'新中國"，但係開國後，共產黨竟然可以當著咁多人面前，係法典上寫上"專政"二字…
中國開國頭30年，政治運動不斷，加上大饑荒等…
頭30年死於非自然o既中國人就有接近1億！
毛澤東所謂o既"民主中國"原來就係咁…
後30年改革開放，人民生活就叫做好少少，但官員就被以前更倡狂咁貪污，不斷拎人民"開刀"，於是就發生"六四事件"。
但中共可以無恥到話六四"無死到人"﹑"只係死23人"﹑"純粹一場交通意外"…
可見中共o既無恥情度比阿扁仲要高n陪！
香港呢家再唔去爭取民主，到左2017年，中共肯定又會有藉口去推遲普選，一到左2047年，香港就肯定玩完…
呢家o既所謂"2017民主方案"其實只係一個騙局，我地應該將呢個騙局弄假成真！ -
四星黃金會員
2009-10-2 22:15#117
中國的情況就好似外國n年前的君主立憲制度一樣
外國的君主立憲制度到而家民主的進程都起碼進行左200年
對於中國黎講，因為之前君主制度影響極深
所以中國人o係5000年入面被"奴化"
即係話佢地所需民主的進度一定比外國慢極多
需要再多時間去轉變長久以來的性格
由1911-1949的中華民國民主制度
我覺得係民主推行過急
令中國人民無所適從
中國人最垢病的地方就係"一唔俾人管就以為自己大哂"
中國歷代有暴君的基率比外國多好多
所以而家所謂的共產政治
就係因為要中國人有自由得黎又唔好太過份
而家好多中國人基本上都接受左呢一套
香港, 澳門, 台灣係因為殖民地統治下改變
再加上秦朝時先開始被統治
我地呢d外族受統治的性格自然細好多
當時勢唔隱定，人民生活艱苦
佢地自然會想有一個新政權黎解救佢地
於是共產制度黎得合時
最後仲推翻埋資本主義呢個咁好ge制度
呢個完全唔關洗唔洗腦的問題
比喻話你屋企有蟑螂
你用一款殺蟲水噴極都唔死
於是你下意識一定會用另外一種黎解決
結果o個一種就噴死左隻野
你自然會keep番o個隻黎用，唔轉款
如果有讀過bio的話(,,,)
用一隻殺蟲水用得越耐
d害蟲會develop抗體對抗呢隻chemicals
於是將來隻殺蟲水冇用，就要轉款
統治都係一樣
如果有一種管治方法管理唔到問題
民眾自然會追求其他可能性
發現到有一種管治方法管理到問題的話
佢地自然會受落，遵守
外國民眾崇尚資本
中國民眾崇尚共產(其實而家都唔係)
呢個問題確實係好頭痛
外國都有呢d所謂"政治運動"
只不過佢地比中國的政治運動早200年
因而令你覺得"近左眼前的事實"
而要去深究
不過照呢個情形黎睇
想要平反六四仍然是很難做到
香港係一國兩制+高度自治
其實對於我地黎講已經係非常幸運
假如普選成功，推個泛民主派人做chief executive
可唔可以解釋話佢"唔聽中央政府的某d決策"
咁樣可唔可以解釋為"港獨"？
情況同"台獨"相比確實係差唔多
如示者呢d叫真民主？
結果中央唔俾野落黎做
要成個香港d人因為首長一個決策而要等死？