-
omfg1234二星初級會員
2009-4-17 23:53#1
各位好,呢個post我諗左好耐,應該擺係愛情板好定寫我生活板好..
我中學一直係讀男校,初中果時咩都唔知咁,根本唔理解咩係愛情,更加無諗過自己會需要呢樣野..
到左高中,思想開始改變(唔敢講成熟左),再加上身邊既同學都有D開始拍拖,自己都有d心郁.
不過果時唔知係一間男校可以點識到女仔,而且自從小學畢業之後就無同其他女仔接觸過.社交圈子全部都係男性,所以自己都唔敢搵途徑識下異性既朋友
到左中7畢業,終於讀大學啦,開始果1-2個月我都完全唔敢去識同班既女仔,都仲係同自己以前中學同班果1,2個fd玩.
後來識左d新既同班同學,再透過佢地介紹,搞下活動,終於都識到同班既女仔
而且最重要係.我果時對其中一個女仔有左好感...
我地呢堆人就係咁keep住番學放學一齊食飯,一齊玩,而我對果個女仔亦越來越有好感
但係我地就咁一齊玩左差唔多一個月之後,我先發現個女仔原來已經有男朋友
而我知道左之後本來都應該要放棄....可惜我發覺已經太遲..每次見到佢都會不由自主咁去同佢傾計,想對佢好
果時既我只可以一邊忍住..一邊希望搵到其他野來令自己對佢無好感
不過事與願違..我同佢越來越熟..後來有一次同佢傾傾下計,佢話佢其實知道我應該係有d鐘意佢,佢都話對我有d好感,
我同佢就係咁一路發展落去,但係始終我地都無真正拍拖,因為佢都仲係有男朋友.
甚至番學果時有d阿sir見到我地會問[拍完拖拿?],同我熟d既同學都話其他人唔知以為我同佢已經係拍緊拖..
其實我想知道,我係咪真係鐘意左佢..
我覺得同佢一齊既時候好舒服.我會成日都想望住佢
我覺得我同佢好多地方都好相似
咁樣算唔算係鐘意左佢..?
我之前都試探過佢介唔介意我一直等落去..佢都默許我等..
咁如果我真係鐘意左佢..我應唔應該等呢..定係應該早d放棄..
其實我都唔介意等..如果真係有可能等到既話
但係有時候我同佢一齊,佢男朋友打比佢,我會覺得有d痛..雖然明知道男朋友打比女朋友好正常.但係我就係會有呢d感覺.
而且..果種[你鐘意既人拖住既唔係你既手]既感覺實在好痛好痛...真係好痛...
痛到有時真係想喊..
一直忍住真係捱得有d累,有d辛苦....
我一方面又唔想再一直咁痛落去..但係我又唔捨得..就算可能最多都係維持住而家呢種好似有d噯味既關係,我都唔捨得放手...
我可以點做呢....佢係第一個令到我有咁既感覺既女仔...但係我又驚係最後一個...再搵唔番另一個[佢]...
真係好累啦..
-
27537703八星無敵會員
2009-4-18 09:22#2
男人啊男人...
你雖然係依家一個吃醋階段,從表面可以睇到仲有顆單純、等待既心
但係事實永遠只有好與壞,不如直接諗最壤既打算好過吧
等..無所謂,怕你浪費一個陽光既青春
而且一旦受傷害,我可以九成九答你..你既態度可轉359度轉變
與其等待,不如實際努力向上/尋找一個更加適合自已既情人
-
Fy。忘照一星新手會員
2009-4-22 00:47#3
嗯.. 我諗你真係攰喇.. 因為你已經等得太累, 想得太累。
雖然只係同樓主平水相逢..
但奈何見你困在虛情假意當中.. 真係唔忍心見你留在這困獸之鬥中。
話說在前, 事實是如此, 你的女性好友並不如你想像中和你情投意合。
你對佢既愛有幾多, 我諗佢好清楚,
但抱歉告訴你一句...
你在這場戀愛的角力中落敗了。
妳等, 係因為你覺得你有機會..
從你發表既文章睇得出, 佢接受左你去愛佢.. 等佢..
但係佢無意要跟你做對情人。
感情路上總係充滿比較,
今次佢o係你同佢男友之間選擇左佢男友..
佢冇離開佢男友亦都冇意同你一齊..
其實一開始佢已經心低裡有左答案。
可能你會問, 但係佢都有鍾意我喎, 點解唔俾個機會自己去等佢回心轉意?
女生總是多愁善感, 單單一句"對你有d好感"就令你迷失o係e個愛情假象入面..
如果佢有你對佢果份愛, 我諗你地早已成為情人, 還何需談" 等 "?
你一顆清心照明月, 但明月又照在哪?
再者..佢真係為你好,
就應該同你講清楚..
邊個人會鍾意俾自己既知心人無了期咁等待自己?
o係佢心目中, 你充其量只有一個追求者, 愛慕者既地位..
這, 是自私的。
你還想等..到哪時?
我只怕你情夢醒後, 等到的卻是一陣當頭棒喝的後悔,一段浪費了的時光..
苦心意見如上,
樓主想繼續尋夢, 定係揮袖另尋新天地, 你心中應有數..
此處不留人, 自有留人處。
天涯何處無芳草?
又何苦為生命中一個過客自怨自哎呢?
路, 一直都在
-
garycoolman三星高級會員
2009-4-22 19:06#4
唔好搶人地女朋友 講完
-
mhy54812三星高級會員
2009-4-26 23:30#5