原帖由 拳魂 於 2009-5-1 07:20 PM 發表 
今日終於去左正式脫毛了.....上次佢話要脫2個半鐘先得,今日竟然只有1個鐘就攪掂...都唔知係未偷工減料= =(雖然今次唔洗剪毛,因為上次剪左,但剪毛最多用半個鐘姐,仲有果一個鐘去左邊= =)
過程首先要敷冰,話之後會無 ...
正常現象~因為始終係高能量打落毛孔位置~所以會熱(其實係好熱好熱, 不過佢部機本身已經有d冷卻裝置去令你舒服d~不過都尚且要再用冰去紓緩你既皮膚~)
同埋佢係真係整死你個毛囊, 令佢唔會再生的~而佢係針對d生長中既毛囊, 所以會次次都剃毛, 然後再做激光, 一次大概對25%左右既毛囊會有效(但注意咁唔代表做4次就攪掂, 因為每次係"計"淨返未死既25%)
所以通常都係脫4-8次之後就包你改善95%, 唔會做得到100%
點都係敷下冰好d既, 唔止係痛方面既野, 而係d激光對皮膚都好刺激性, 有d野紓緩下會好d~
至於痛方面呢, 其實之前聽dermes講係因為毛囊閉塞左, 個一下先會痛; 如果無咩毛囊閉塞的話好似話應該唔會點痛@_@~?
可能做下磨砂會好d~但treatment之前兩三星期就唔好做~費事d微細傷口影響你做treatment@_@~
(咁你離下次激光應該仲有兩三個月架嘛, 呢排等皮膚calm down兩三個星期, 之後可能可以做一兩次磨砂, 但我唔sure有無幫助呢.....)