-
tvcomhk2004二星初級會員
2009-5-17 03:59#1
呢段野雖然有D長，但係大家都睇下啦。我都打左好耐架....THX!!
其實，呢段故事係發生係1年前.....
1年前，我就見到個女仔。我第一眼就好鍾意佢，但係我唔知佢讀邊班(我地讀埋同一間學校，但係間學校有2個校社)。之後，我查到佢原來係隔離校社既其中一班。個陣因為我唔可以成日見到佢，所以就只係一直諗住佢。(個陣大家都係5年班)
1年後，即係6年班。唔知係唔係天意。我地個校長話4-6年班去哂新校社，1-3就係舊校社。所以我就日日都係佢個班房對面個條小走廊既小窗口到望住佢....雖然唔係一定叫到佢出黎，但係我都唔想錯過任何一個見到佢既機會。直至有一日，我個班有D女仔(係我鍾意果個女仔既朋友黎，但個陣我並唔知到呢樣野。)叫我一齊玩Facebook。我見好似幾好玩咁，我咪同埋佢地玩囉。當我玩左Facebook1,2個星期到，就有個人加左我。而個人個名就有我鍾意果個女仔個全名裏面既最尾果個字。(呀X)
當我係Facebook得知佢就係我鍾意果個女仔，我就係Facebook個即時對話同佢傾左計先。個次係我第1次同佢傾既計，之後我就問佢拎埋MSN。
而係學校個面，好多人都知到我鍾意果個女仔。我有一個fd，係同個女仔同班既。佢就話幫我同佢搭建'關系'。個陣佢未知我已經有果個女仔既MSN....
當我加左佢MSN之後，我每日都同佢傾計。重傾得好開心，當時佢都好似有少少Feel咁。所以同佢傾左一段時間之後(大概1個月)就同佢表左白，但係佢之後有一排冇理我。
雖然有d失望，但係佢未有男朋友。所以，我冇當自已係完全失敗。我依然繼續表示我係愛佢、鍾意佢既。
今日，我果個'fd'(果個話幫我搭建關系果個)話約我出黎打波。我見佢好似好想打咁，我咪答應左佢囉。當我出到黎，佢無啦啦話佢有個新女朋友(佢以前果個同佢分手個陣，我安慰過佢)。咁我咪問佢係邊個囉。佢又唔肯講係邊個，佢淨係話佢約左佢個新女友出黎。
當佢話帶我去見佢個新女友個陣，我竟然見到佢個女友就係我鍾意果個女仔(個陣，果女仔重係過緊馬路。我唔小心睇到。)。跟住我就扮望唔到。個陣，我無法想象自已睇到D乜。個腦一片空白。跟住我就同個fd講話我有野做，唔打波啦。
我個日都要參加一個球隊既訓練，係我去訓練場地既途中。我回憶返我所見到既野，個一陣，我成個人好似失去知覺咁。(唔係訓低左個隻)
E加，我感到萬分悲痛。連呼吸，個心口都有少少痛。(講真)
為左呢個女仔，我既成績由Band1跌到去Band2。為左呢個女仔，我上堂比老師罵。為左呢個女仔，我晚晚唔訓覺都諗住佢。
各位情場高手，你地可能覺得我傻。但係我真係好愛呢個女仔。所以唔好踩我，安慰下我啦....等我死左心之後返美國讀書啦...
同埋我想提大家，朋友信唔過架，除非你同佢真係識左好耐啦!
[ 本帖最後由 tvcomhk2004 於 2009-5-17 04:15 AM 編輯 ]
-
天灰二星初級會員
2009-5-17 04:30#2
我都有你呢一個經歷,不過我比你仲慘........
只可以咁同你講......恨心地忘記所有一切啦
越諗只會越傷心架咋.............雖然唔可以一下子就放得低
比d時間自己去放低啦,仲有你仲細,唔似我地咁,大把時間呀:smilie_:)2:
-
tvcomhk2004二星初級會員
2009-5-17 04:32#3
但係我太愛佢...不能自拔呀!!
-
天灰二星初級會員
2009-5-17 04:49#4
我唔怕我講埋我個經歷比你聽:smilie_:)2:
話說5年,我係學校睇中左一個女仔,個陣時我F3佢F2,我真係好鐘意佢,
但係又冇勇氣向佢表白.......之後我F5畢業,佢仲讀緊F4,本來我想向佢表白,但係我衰心軟,驚會影響佢會考,所以我又等多一年了.....近排佢岩岩考完CE,跟住就搵返我,約我去行街食飯唱K....之後佢發現左我鐘意佢,佢就同我講.......點解你鐘意我唔向我表白呀?你知唔知我鍾意左你好耐呀?不過你而家先同我講已經太遲喇,我已經有心上人喇........................
雖然我唔知你同我邊個慘D......但係而家只可以咁樣同你講,機會只得一次,錯過左可能未必再有,所以,有機會要好好把握呀,唔好到最後先黎後悔,咁做只會拎自己痛苦......都係.....恨心地忘記佢啦.......我而家都忘記緊,雖然有時都會有D心up,你仲細,預期不斷想,不如盡好學生既責任,努力讀書先啦,我相信你一定可以係呢段其間搵到第二個架.......好好加油把:smilie_:)2:
-
浪子哥二星初級會員
2009-5-17 18:16#5
希望你可以好快忘記佢la
我都有你既經歷~~仲為左個女仔放棄去澳洲
但最後咪衰左~~但我冇放棄自己
仲要努力做好自己要做既一切
好快就忘記佢
-
tvcomhk2004二星初級會員
2009-5-17 22:53#6
最唔服就係比個fd搶走左!...個fd最要知道我鍾意果個人，重話幫我..幫佢老X
-
faiiiiii一星新手會員
2009-5-17 23:07#7
你從一開始就係錯~幸福係自己爭取~點可以靠人幫你?
-
tvcomhk2004二星初級會員
2009-5-18 00:24#8
鬼叫我個陣唔係幾識鍾意果個女仔咩....
-
中山五星白金會員
2009-5-18 01:32#9
好可憐拉..你老友真係對你幾好.......:smilie_:D5:
-
天灰二星初級會員
2009-5-18 02:18#10
雖然要你立即忘記係好困難,但係比d時間自己啦:smilie_:(: 時間耐左就會唔記得架喇
大家都係過來人:smilie_:(: 加油啦:smilie_:):
-
tvcomhk2004二星初級會員
2009-5-18 16:55#11
知道!!!!!!!!!
-
中山五星白金會員
2009-5-19 23:11#12
你老朋友可能真心幫你試下條女係咪好野...如果係好野 你fd就會過返比你......:smilie_:)3: 你等下拉
-
♂》笨笨=超〞▊七星元老會員
2009-5-20 02:42#13
保持聯絡~改變自己~
女人其實都係鐘意d感覺壞壞的..(唔係真係叫你壞)
但又細心溫柔~識哄佢開心既男仔
愛一個人唔一定要即時得到佢~努力改變自己令自己長成多d~
再去追吧~你朋友不仁~你亦唔需要對佢有義~明知你鐘意佢仲追人地~
+油~留得青山在~那怕冇柴燒~唔好太急進~急進只會+速斷絕你地來往~
-
tvcomhk2004二星初級會員
2009-5-21 17:05#14
thx!!!!!!!!!
-
longkit123二轉會員
2009-5-21 22:07#15
好慘..點解d人可以禁賤嫁.....禁玩你都得嘅...
-
次狗左線一星新手會員
2009-5-29 19:26#16
原帖由 tvcomhk2004 於 2009-5-17 03:59 AM 發表 
呢段野雖然有D長，但係大家都睇下啦。我都打左好耐架....THX!!
其實，呢段故事係發生係1年前.....
1年前，我就見到個女仔。我第一眼就好鍾意佢，但係我唔知佢讀邊班(我地讀埋同一間學校，但係間學校有2個校社) ...
去斬佢啦 拎返個彩:em014: :victory:
-
吃貓的狗一星新手會員
2009-5-31 01:20#17
........咁細...算啦
唱番首 忘記他 就算啦
-
憨憨的小任(CPU)版主
2009-5-31 20:28#18
樓主…
我同你一樣，都唔想見到最唔想見到o既情況…
就係一個好好o既朋友拖著自己心儀o既對像一齊手拖手行出黎…
我呢家真係好驚樓主同4樓o既情況會發生係我身上…
我都好似樓主咁有個朋友話會幫我同某個女仔「搞好關係」…
雖然呢家情況未去到樓主咁樣，但…
我發現我個朋友好似對我有 d 咩企圖咁…
我諗我有一日會好似樓主咁被朋友玩…
唉……
-
hasonm一星新手會員
2009-6-1 20:33#19
人在生活上往往會有不如意的事發生，加油
-
coka一星新手會員
2009-6-1 21:04#20
唉 依D野成日都有啦....不過我冇發生過 (呼~)
你個好朋友真係夠晒義氣啦...口就話幫...幫你上埋條女就真
咁都有幾個選舉既...
第1..耐心地等待條女..(例如...條女比仔飛....條仔比女飛...咁樣 ..) 但係 條女未必選舉你喎 自己諗啦!!
第2..搵過第二個
第3..好似上面有人回覆你咁樣 (去斬佢啦 拎返個彩)