-
阿爾比昂二轉會員
2009-6-19 20:19#1
咁我08年中5畢業成績唔好就無讀書出黎搵野做
期間做過7仔同藥房
而家做緊呢份做左10日左右,系我阿媽個熟人介紹,佢系麵包鋪老闆娘黎
咁我反正無工開咪想試下,事實上我系1個慢工出細貨既人黎,即系比較留意小細節同比較斯文果類人
大家唔難想像麵包佬系點樣,日日做完成身都好污糟,因為經常接觸d油呀粉呀蛋漿呀
第2日番工果陣個師傅叫我包腸仔包,ok無問題,第1日已經教左我1次,因為唔算難咁就叫我自己1個包3盤
跟住我包完佢話我包得太慢喇,當時我就心想,大佬.....我做第2日已經識包腸仔包但你點可以叫我保證埋速度??
個速度比例大約我包1個師傅可能包左4個左右,但佢都做左至少2,3年啦,咁算啦我認自己本身都系慢條斯理
之後叫我按磅數切面粉糰,大約1磅1舊,要自己手感感覺大小再磅,咁我都系第1次做,個重量把握唔到系要耐d架啦
佢又話我太慢太斯文喇,真系無計架wo,呢d我天性黎好難改變
好多方面佢都話我慢,包括
打蛋
磅麵粉 糖 椰絲果d
打蛋方面佢要我左右手各1只蛋1齊打......我自問暫時唔得lo
其實我自問雙手打都唔算好慢,事關我平時屋企連蛋都唔打只
唉,其實d同事都幾好人,只系我本身可能真系唔適合呢d工種,要快狠準,我自問唔得
污糟辛苦我無所謂,基本上我番左咁多日,1日10小時可以唔洗去廁所,因為會流好多汗,系咁飲水都唔洗去
主要原因系好多時我都跟唔到個節奏,即系個師傅想我用佢既方式去做野,但我自己都有自己做野既方式,但工作方式系好難去改變
加上我好怕個爐,因為真系好熱,當你要攞出盤麵包時而唯一既隔熱工具就系2塊麵包袋.....我已經燙傷左2,3次
有一部份系要你徒手反轉d岩岩出爐既長方包,我真系唔得,自己d手指皮太薄根本耐唔到熱,想拎塊布隔下熱又話最好唔好,話要適應下
搞到我都無咩心機學落去,反而隔離個西餅師傅可以慢慢黎,我覺得自己比較適合學呢d
而家個問題系做既話我都無心機去做,d野都無心機去記
唔做阿媽又會唔happy又會煩,阿爸又會一定講唔做你做咩??(當我唔順我阿爸意佢系會寸我,即系比d說話你聽,都咁多年已經慣左-.-)
自問自己都會周圍去搵工,只不過要d時間
唉 真系好煩..........................
-
oO小仙人OoVIP會員
2009-6-19 21:14#2
每一份工都會有佢辛苦同埋要受氣既地方
你如果已經盡左力就唔好比太多壓力同煩惱自己
因為我相信衣家E個時間對你黎講會係一個適應期 再做耐睇下點先
話唔定之後你會係E一份工入面搵到佢當中既樂趣
真係唔鐘意先考慮轉工 因為衣家要搵份新工唔易
另外如果你有時間既話 可以去飲食版到分享下你既工作經驗同心得=]
相信有好多人會對你份工作感到興趣 因為好多人都鐘意食麵包:love2:
-
zx19891023二星初級會員
2009-6-19 23:51#3
唔好話我串你....."俾人話...個爐好熱"..呢d都係辛苦ge一種
你咁都叫唔怕辛苦..我覺得你做西餅ge時候又會話有咩辛苦..唔想做
好多野唔係睇表面...份份工都要俾人話,俾人串嫁啦,話你慢又唔得.
其實真係好小事..唔好重以為好似中學咁..d人會好似老師咁會同你講道理先得嫁
做細係咁嫁啦...見低就踩.香港大把呢d人呀
-
夢幻貓三星高級會員
2009-9-8 00:44#4
出黎做野要好快手....
快手既定義係 係d無關系既動作可以 +快速度....
依家 好多學徒既 都要快手....
通常d 大既都係中意快手既人......
我自問 依家真係唔夠快,,,,,但我都會盡力....
ps:依家做日本廚(學神)
-
『無敵仔.』六星鑽石會員
2009-10-17 22:51#5
唉...其實行行都辛苦...
我返果行有時仲要搵命博...
你未做開果行一定好唔慣...好難涯...
涯得過e個時期你做多幾年話唔定可以做埋師傅...
加油喇..!