-
一星新手會員
2009-7-2 23:47#1
我知香港社會 連全世界都講求學歷
但難道讀書不好 就應該在這世界消失?
可能在座都覺得我應該消失.....
我只係想問......如果我一個中4既青少年(毅進好似唔合格-0-未知成績)......真的只有讀書這條路生活下去?
我很煩惱 身邊每個人都說 你不讀書 你就一定沒有出息
但我自己知道自己去到咩程度..........讀書 我好有可能浪費4年時間(應該修讀ive4年制課程,以我這個程度)
但如果我現在出來社會,我覺得應該比我讀書出來工作,多一點技能,或者這4年我都只是浪費中
我想大家比意見我 就算批評我 笑我 或者 罵我 我也樂意聽你們的意見 你們的見識一定會比我這個廢棄物多
[ 本帖最後由 我只愛我 於 2009-8-23 02:57 AM 編輯 ] -
等待驗證
2009-7-3 06:54#2
你有冇出過來做野先
如果冇..我建議你先去做下先.而家暑假..快d搵份工黎體會下系幾甘辛苦
到你9月先再決定去吾去讀書拉 -
三星高級會員
2009-7-3 15:06#3
我同你都係差唔多一類人
但我鍾意今朝有酒今朝醉 明日愁來明日愁
天生我材必有用啊 不用灰心
去做你鍾意做既事就得了:thup: -
四星黃金會員
2009-7-3 17:23#4
原帖由 我只愛我 於 2009-7-2 11:47 PM 發表
我知香港社會 連全世界都講求學歷
但難道讀書不好 就應該在這世界消失?
可能在座都覺得我應該消失.....
我只係想問......如果我一個中4既青少年(毅進好似唔合格-0-未知成績)......真的只有讀書這條路生活 ...
我曾經都有過同你一樣既想法,
因為我果間學校d人好壞,
好多人讀到中2,3就冇讀,
果時我又係升中四,
我班好朋友都走哂,
我就心諗再讀落去都冇咩用嫁啦!
不如早d出黎做野好過,
但我諗諗下果時先得16歲,
咁早就出黎做野幾時先做得到60歲退休?
眼見咁多個朋友中三畢業,
出黎既野都不離幾樣,廚房,跟車,三行同車房,
日日朝7晚7,每日12個鍾機械式咁返工放工,
得果幾千蚊一個月,第時點養老婆仔女?
跟住我就諗,如果我咁早出黎做野咪會好似佢地咁?
好似佢地咁既話,我既一生就咁完嫁啦,
我會甘心嗎?我一定唔甘心所以我選擇左讀落去,
因為有得讀就姐係仲有機會,
咁樓主,如果你既生活係好似佢地咁.........你甘心嗎????:smilie_:)3:
[ 本帖最後由 ~亞鄒~ 於 2009-7-3 08:58 PM 編輯 ] -
二星初級會員
2009-7-3 18:10#5
讀書系好重要~因為讀書系唯一既出路...
5系你5想讀就得~系呢個社會迫你讀....現實就系咁殘酷..
你眼見見到有咁多人為左成績去補習...讀書讀到傻..番學放學溫書~
為咩?都系為左將來條路好行D~你想5想自己拎D咁爛既成績出黎見工?
人地要你填表~叫你寫會考幾多分..你都5想比人知你有咁既成績喇~
真系好肉酸嫁麻~成日聽人講~讀5成書咪出黎做野囉..學野囉~行行出狀元呀...
出條毛咩~5好將自己睇得咁高先得GA~你E+識咁問..你仲有機會改變自己~
讀書系一件好痛苦既事~但你E+痛苦夠...你將來條路一定比其他人好行...
呢個世界系公平GA..要默默接受呢個事實....
讀書系為左入大學...5系為過程GA..政府D廣告系呃人GA JA~
希望你識諗喇~如果你仲停系到諗...呢個世界系5會為左你停系到5轉GA...
其他人仲好努力咁學習....諗諗下..你會5會覺得自己好洩抵..好哂時間呢? -
三星高級會員
2009-7-3 18:52#6
各人有各人的專長 各人有各人的興趣
書讀夠了 就去做自己想做的事
我個人認為中五已經讀夠 應該係後生果十幾年盡情玩樂 將來既事 將來再算 -
一星新手會員
2009-7-3 20:44#7
多謝你地意見 我會盡量讀書進修 真係唔得 就算了 都盡左力
-
二星初級會員
2009-7-3 22:54#8
加油.我支持你樓主.我都係中四.不過我都係為證書而讀書.
你而家識咁諗代表你仲識諗.仲肯為自己前途打算.祝你將來搵到一份好工!!!!!!!!! -
五星白金會員
2009-7-4 04:14#9
真係盡左力 對得住自己良心就好
樓主我同你一樣都係中4
中2果年..成班都唔讀書
到左我F3..原來我識果咋,玩開果咋都比人踢晒出校
得返我同2個FD
我真係好唔開心..佢地個個都做緊野
搞到我都唔想讀..成績同操行就一落千丈
其實我係有能力可以做得更好..可惜就因為呢幾年時間
我懶左落黎...曾經有幾次我都好想去努力.收心養性做返條書虫
不過,
總係周身唔自在~.~
我DADDY同我講:對得住自己良心既就去做啦
講真..我良心話我聽我唔可以咁落去..
不過,改唔到.....
樓主!我地一齊努力:) -
五星白金會員
2009-7-4 14:08#10
盡自己全力讀書
能讀到幾高就幾高
讀書在於努力與否
唔想浪費時間就好好的讀 -
三星高級會員
2009-7-4 16:01#11
在我眼中..在學校中十多年最主要的不是為了那一張學沙紙.
.而是給你十多年去想想自己最想當甚麼...找出自己將來要走的路..
我身邊有一個朋友...讀書實在不好..
但他有志向...要當一名DJ..所以他半放棄自己的學業
可是他在音樂及口才方面的進步十分明顯..在全級實在數一數二..
他不讀書..但善用不讀書而剩下來的時間...
使他一天一天地接近自己的夢想..
這樣的一個人..你可以說他沒有前途嗎?.
以我自己來說...我想讀醫..因我比較強於Science.
因此..我半放棄中史等科目..
把多出來的時間進修science..
這樣的話..讀書變成了我的工具..而不是我變了讀書的工具..
希望樓主能夠明白..讀書只是一個方法..一個工具..
只要你有一個目標...你便可以選擇達到目標的方向..方法..或工具..
當中不一定要讀書..不一定要高學歷..
何奈在中國傳統的家庭中..讀書往往成了家長眼中的必要..
所以希望樓主也在讀書方面盡力..
要找到自己的路....自己的目標.. -
三星高級會員
2009-7-4 19:30#12
我係讀唔到果D人泥 加入CITA吧 出到泥會幫您搵工開始時6500-7000 3年後有成10000
-
三星高級會員
2009-7-4 20:14#13
玩左先啦 讀咩書丫:smilie_:10:
第時既事 第時再算 -
一星新手會員
2009-7-5 02:28#14
我下年4月 我想讀 電機工程 大家有什麼意見 我平時對科技有點興趣............數學因為好耐沒有讀書....轉數慢了很多
這算是我的讀書目標.......做不做到 不緊要- - 只要想去做 就去做 盡力了就心安理德
就算我成績入不到電機 或者因各種原因未能入讀 我也會努力生活下去..........我就算樣樣都沒有...我還有生活下去的本能....
[ 本帖最後由 我只愛我 於 2009-7-5 02:32 AM 編輯 ] -
二轉會員
2009-7-5 03:01#15
學歷唔重要,係某方面以言係假ge
但冇學歷唔代表冇生存ge價值,冇學歷唔代表冇貢獻,冇學歷唔代表係廢物,純粹咁覺得 -
一星新手會員
2009-7-5 03:48#16
你說得不錯
但這個社會認為學歷是一個指標 你在指標下你就是廢人廢物 壞學生 窮人
在指標上 是有用 成材 有錢人 -
VIP會員
2009-7-5 16:06#17
未來的路怎樣走都是樓主自己的,
我絕對是同意讀書, 但同樣, 雖然身邊大部份的人都是讀書出身的,
但當然有些現在是以技能為榮。
走那條路, 是樓主的決定,
但我想先說一句, 未先嘗試未先盡力, 請別說會浪費。
您指唸書會浪費四年這點我不會認同,
一個人未去嘗試便抱著負面的態度, 這種想法是很差的。 -
四星黃金會員
2009-7-5 20:17#18
我深信有一天
你必定會
飛得很高
走得很遠
只要你堅持自己所做的決定 -
一星新手會員
2009-7-6 00:35#19
我現在是中五生‧‧是最後一屆會考
可以說是最後一次機會，我的想法同
你一樣。我也想放棄現在的學業‧‧
但係呢家我去做暑期工，想法完全被
打破了‧‧中五？洗車？侍應？學徒？
是吧‧‧世界很簡單，你有實力大把
人要你。你無用‧‧人地彩你都傻。
我唸我日日咁辛苦，日日做樓面服務
人地，難聽o的可以話人地點你做野
‧‧你甘心？不論時間、身體也受到
別人既控制。工作是辛苦的‧‧讀書
也是痛苦的‧‧你想第日行樓梯定係
搭升降機？我做完工‧‧學到幾樣野
，執著、勇敢、面對、不放棄。呢幾
樣係做野果陣領悟到返黎‧‧都係一
生受用，機會係你面前，你等咩？ -
一星新手會員
2009-7-6 21:23#20
開始明白學歷是重要的..........沒有法子.....社會既方向.......就如同我所說 指標上 就是有錢人/有用人 指標下的就是窮人/冇用人
什麼是指標?我個人認為沒有一個高級文憑或是一個學位...那你是指標下了(我就是指標下的窮人,而且是沒有能力的窮人)當然一定會有一部人是指標下的有錢人....但有幾多....我不知道@v@"
下年 我想我應該會讀ive
(唉 想說不重要 也不能啦 鬼叫我是一個普通人 如果我是(新-喜特拉) 就好了 搞一個戰爭 來一個第3次世界大戰 大洗牌....
但又怕痛~ ~我明白到 我現在生活已算好...就算讀書不成...只小辛苦一點也能生活............但你們想想幾十年或者百年後,人類到太空生活............到時就會像科幻小說一樣........沒有力量就沒有地位.........還是現在好....沒有力量也有人保護.........而且現在也算是和平)我的混亂想法