-
chipdan四星黃金會員
2009-7-9 19:08#1
係中國四大奇書“奸、淫、邪、盜”入面，相信以三國題材的遊戲大家最為熟悉，而當三國無雙、三國志等紛紛Online化、及至玩到爛的時候，最近興趣左吹西遊風，係云云大量“西遊”遊戲中，小弟挑選“口袋西遊”作為測試目標。原因無他，畫面精美是也。
畫面(9/10)
以往的西遊題材遊戲以2D為主要視角，所以當遇上了3D的“口袋西遊”，感覺係煥然一身，好合理地將傳統卡通Q版與中國風格融合，基於本人唔太喜歡過於Q版的2頭身角色，對於口袋目前的角色設定感覺幾好。
而再細心睇的話，可以見到細微部份亦唔馬虎，以筆者2年前的機種開全效來玩的話，流暢之餘，可以清楚見到水紋、倒影、日光等等造得好精美的效果，而令我最驚訝係，“口袋西遊”的夜晚係會見到星星的，使我不得不給予“強國”一點“掌聲鼓勵”。
有讚當然也有彈啦，雖然介面設計幾人性代同方便，但係配合起佢一些新系統來用，感覺仍有不足，如若有大量寵物的話，會佔去了一定界面位置，雖然有些少怪怪的，但仍然未算是十分大的影響。
這部份給予9分。
系統(8/10)
“口袋西遊”雖然叫作西遊，大家也不用擔心，內容一點也不老土。實質上除了任務主線會有西遊故事味道外，其他部份仍然有大量空間予玩家發揮。就筆者立場來看，這樣至少不用受到原有故事影響而妨礙發展的彈性。係介紹系統前，筆者希望大家在接觸“口袋西遊”可以改改一般玩MMORPG的習慣，多留意NPC、任務等的對話，皆因內容幾有趣，實在不容錯過。
回正題，“口袋西遊”的系統可謂：“人有我有、人冇我都有”，由於內容太多的闗係，先就官方所講的三大特色來介紹吧，分別是：飛天、七十二變及寵物。
.
飛天
大家有聽過“筋斗雲”啦？這正正是“口袋西遊”其中一種飛行工具，除“筋斗雲”外，大家更可以選擇風火輪、飛機、飛行寵物甚至是“送你一對翼”般人體生翼飛翔。
飛行除了比“奔、走、行”更快之外，其實還可以打空戰啊，對於我們這類兩條腿的物種，空戰總是有無窮無盡的誘惑，甚至乎最後“化龍”對決，也是精彩萬分。
七十二變
筆者沒記錯的話，多情自古空餘恨的“豬八戒”老哥懂得三十六變，而“Yo~駛乜驚”的“孫悟空”老大則懂得七十二變，在“口袋西遊”中，你將會比他們懂得更多。要講解“口袋西遊”的變身玩法，大家先要了解遊戲當中的五行屬性及九系相剋啦。簡單講，五行屬性與個人職業有關，而九系相剋則同怪物有闗，呢點如果有機會會再詳解。
遊戲入面變身功能主要係用黎配合九系相剋，令到打怪或者BOSS時更有效率，好似若果對方係“妖獸系”怪物，呢個時候你變做一隻“人形系”怪，基於九系相剋原理，你將會成為“妖獸系”的天敵，再簡單講，你已經贏在起跑點啦，呢一點不論係出外打怪、定係居家PK同樣有效。
除打怪之外，變身另一個作用就係去整古造怪啦。呢部份比較講求天份，要使得其他人又愛又恨唔係一件容易的事，就請各位自行參詳啦。
寵物
口袋者，pocket是也。大家會聯想到咩呢？算啦，基於兩地文化差異，直接開估“寵物小精靈”是也。“口袋西遊”入面，寵物系統的能力可以算係非常強大。好似之前所講，寵物分左做9系，除左相剋之外，連型都非常唔同，有可愛、有趣怪、有騎呢、有兇猛，正如官方所講“沒有你要不到，只有你想不到”。
寵物係要一手一腳自已去捉的。鐘意捉咩都OK，好似捉隻龜慢慢培養佢為“天下第一龜”也沒有人會怪你，唔係講笑，透過“1+1=1”的煉寵系統，你真係有機會煉出超強龜寵。
除左外表之外，寵物仲有唔同性格，按照唔同性格，同一隻寵物可以領悟到不同的技能。傳聞寵物仲會講粗口，但本人從未遇過。而寵物除左召喚出來一齊打天下外，仲可以合體啦、騎啦、飛啦。合體部份需要提及下，當合完之後，你會得到寵物的特殊能力同屬性，如果你果隻係血牛型寵物，合體之後將會坦克打你都唔死，然後再召喚多一隻寵物出來幫手，你都咪話唔爽。
除左以上三點系統之外，好似自動導航呀、副本呀、任務呀、內掛、結婚、鈞魚等等就留待下次再講啦，整體黎講，口袋係一隻唔錯既遊戲，值得玩下^^
-
凸凹一星新手會員
2009-7-9 20:22#2
=0= 好像好多野玩~我最愛飛天的遊戲~~
畫面有9分...?有無圖睇先?:ro04:
-
chipdan四星黃金會員
2009-7-10 10:49#3
-
凸凹一星新手會員
2009-7-10 17:39#4
第1張圖~有d 似寵物小精靈~~~
第2張圖~背景好華麗~~
第4張~~~~~隻馬騮想點XD
face_l_18: 好串樣!!
-
-___-傑六星鑽石會員
2009-7-12 10:37#5
Ｄ畫面真係好正
-
matrix四星黃金會員
2009-7-15 16:21#6
第3張圖隻雀幾靚~
-
墨屎三星高級會員
2009-7-16 19:05#7
最緊要係食唔食錢?
食錢既話,靚唔靚都冇乜用!
赤壁online整裝都要收錢(痴線)
以上個人意見,不喜勿插
-
芝士漢堡四星黃金會員
2009-7-16 19:37#8
完美既game，食唔食錢見人見至，
不過鍾意玩既話都唔會介意
-
o(wing)o三星高級會員
2009-7-17 00:06#9
隻game個商城同赤壁個個一樣:donno:
-
chipdan四星黃金會員
2009-7-17 10:19#10
商城來來去去都係差唔多架啦:smilie_O_o:
-
matrix四星黃金會員
2009-7-17 11:38#11
原帖由 o(wing)o 於 2009-7-17 12:06 AM 發表 
隻game個商城同赤壁個個一樣:donno:
商城可以有咩唔同=.=
-
墨屎三星高級會員
2009-7-21 18:37#12
原帖由 matrix 於 2009-7-17 11:38 AM 發表
商城可以有咩唔同=.=
赤壁d網既等級.:白,綠,紫,南,金,,,好似係
整白同綠唔洗點,
但係之後整勁d就要,咁樣我覺得食得勁得濟
-
紅豆湯丸＊QQ區域版主
2009-7-22 12:23#13
洗唔洗錢係自己自願
無人迫你 =[
又要勁又要威又要令又要唔洗錢
咁不如玩單機
玩依d game一樣可以用得好少錢
只係在乎你有無時間同有無心
依個世界不嬲都係有錢大晒 :face_l_15: