鼠兔樂園

twstws422四星黃金會員 2010-1-4 23:42#21

原帖由 prince520ghost 於 09-8-30 09:03 PM 發表
我養緊小灰霸同小紫王
小灰霸係幾惡下
我想養小露寶

小露寶你養一年左右都未必可以比你抱上手玩...

如果養小露寶..建議大家只當係金魚一樣...只可以觀賞:smilie_O_o:

twstws422四星黃金會員 2010-1-4 23:43#22

原帖由 ☆魔鬼皇☆ 於 09-9-28 03:11 PM 發表
天竹鼠啦 我尋晚買左隻 不過要等佢熟悉左我同新環境先可以影相俾大家睇 9個月大 780蚊 我覺好便宜 而且養佢一d都唔覺得似鼠科 要好耐心同佢fd教佢野 好好玩

你係邊度買咖=.=780蚊?!

我見過最貴既都係350蚊...天竺鼠wo.........最平品種既天竺鼠(中國葵鼠)只係賣50蚊........

我都有一隻...280蚊

[ 本帖最後由 twstws422 於 10-1-5 12:07 AM 編輯 ]

twstws422四星黃金會員 2010-1-5 00:04#23

小紫王...只需要好小時間就可以同佢好fd..另外仲需要加多d愛心同埋最緊要既(零食):smilie_:D5: 同埋小紫王真係好純!!!!!!!!!!!!!!

小灰霸就需要多d時間..同埋最重要唔好一買番黎就拎黎抱抱...要用多d食物..零食黎到引佢...比其他倉鼠要需要多少少既時間同心機..
如果唔係...佢唔會同你fd(永遠唔咬你)..

小露寶...我個人養過3隻...都係放埋係同一個籠入面養..如果想見到倉鼠群居訓埋一齊既場面..可以試下養小露寶...
但係佢地好細膽,如果想抱起佢地黎玩...你每天可能需要多d時間陪佢地..傾下計..或者用美食引誘啦:em014: ~

小銀狐..我到目前為止只養過兩隻,其中一隻因為買番黎就病左..雖然可以抱上手..甚至係手上面訓著..但係原來因為佢係病左所以先至累到連咬都唔想咬我...最終隔左兩日死左...唉.........不過另外一隻小銀狐既經驗就係,只要你買佢番黎唔搞佢..慢慢同佢傾計..比零食佢食..你可以好快同佢熟到..比小灰霸易養..

熊仔鼠呢...我養過兩隻,如果要評佢地.我只能說.."GOOD"!!因為熊仔鼠係我養過既鼠入面..最易養既鼠..第一唔嘈..第二親人..第三可愛..@.@我唔信你搵到一種鼠可以可愛過熊仔鼠,,但係熊仔鼠唯有一個問題..就係佢地好臭:smilie_O_o:d屎唔臭..d尿先激 ...不過如果每天都洗籠既話..熊仔鼠係你既不二之選!

天竺鼠..嗯....其實我唔知應唔應該拎埋天竺鼠黎講...因為天竺鼠既習性同倉鼠好唔同..最起碼倉鼠係夜行動物..天竺種就係日間生活...天竺鼠最大既優點除左佢個樣好可愛之外..就係因為佢係草食性動物,所以好純!不過佢既缺點都係因為佢既排泄物...佢既排泄物產量真係好驚人..同埋佢地痾屎會揀定一個位痾..最大既問題係佢地會訓係痾屎果個位..搞到成身都有陣屎屎味...所以天竺鼠100%要每天都執屎同洗籠!!仲有一個問題...就係養佢地千其唔好放係自己訓既房間裡面養...一定要放係通氣既地方...我初初養放係自己既睡房度...搞到我咳左個半月....中醫西醫都睇過..醫藥費過千...到最終我老豆叫我拎個籠出廳先至好番...真係一個好大既教訓...:smilie_O_o:

其他鼠我未養過...所以比唔到評語...

其實杏倉我都養過..但係第一天就肚痾死左..唉!買埋止痾水都救唔番...唔知係d水唔夠料到定係佢黑仔...唉!><

[ 本帖最後由 twstws422 於 10-1-5 12:06 AM 編輯 ]

選擇頁數