-
‧路飛‧二轉會員
2009-10-16 01:54#1
今年17歲..我人緣,學業,家庭 都唔好
先講讀書方面 依家中五 好似完全唔知會考既重要性 日日同班fd係堂上面吹水 禁就一日
有時塔車番屋企個陣諗 點解依家我會變成禁 我真係想考好個會考佢 第二日一定唔可以再係禁上堂
第二日 見到d數學英文完全唔明佢咩黎 問阿sir 俾阿sir串番轉頭 就即刻放棄左 又過番平時上堂既生活
放學 無所事事 同班同學食下煙 去機鋪打下機 就番屋企
家庭方面:我,哥,老豆,老母
自問自己真係一個敗家仔,,對屋企冇貢獻,,我知我屋企人辛苦 但我既懶散令到依個家庭重辛苦
屋企最得閒就係我 除左我個個都要番工 所以平時屋企d野應該要我做 但我因為懶 係懶到自己都動不起來
已令到我d屋企人放左工重要做家務
我屋企人平時都俾我100蚊一日 但我可以係1日使哂100蚊 我平時見其他人得50蚊 都可以慢慢使
我都唔知點解我可以使禁快 你地話我係咪敗家?
我阿哥 我17歲仔 佢都重要打我 還手又唔夠打
我真係對佢有d驚 我諗佢幾時先可以唔再打我?
所以我依家係出面d野都唔夠膽同佢地講
人緣:我自知自己膽小 而且人打我 我唔夠膽還手既人黎
我係唔夠膽還手定唔鍾意打人個種感覺!
所以我身邊既同學 只有佢話我 我話佢就小老母個隻
唔知大家發唔發覺 我冇講過朋友依兩個字?
朋友?依樣野真係好復雜
找到一個交心朋友真係好難
我試過將自己心入面既野同人講
希望換來佢心入面既野
我係100%係食檸檬
禁樣叫朋友?
可能你地覺得真心朋友既定義 唔一定係禁
但我個立埸 就係禁 作為朋友當然為朋友分擔
我都試過埋 去埋其他人堆
可能自己kai子既形象 影衰佢地啦
成半年都冇聯絡!
依世仔朋友一個都冇...
禁大個仔初戀都唔知叫算唔算有左...
係女仔心目中 我只係一個kai子
個頭成個冬茹頭禁
個樣又柒
著衫又柒 成個爛仔禁
俾班女仔話我汁紙皮= =
真係好想轉個形象!但可惜 我唔知有咩方法
其實我懷疑自己精神有d問題
係屋企對住屋企人 好似有嘈狂症禁
對出面d人 同對屋企人 性格兩個人黎
而且極度自卑,,成日發白日夢 幻想自己係一個神之子 依家時機未到 所以神重未話我聽我係神之子:em012:
↑
睇完係咪心入面話緊我on9?
睇黎我真係精神有問題!
大家可以當笑話睇
另外希望大家俾d意見我
thx
-
吳樹喜二轉會員
2009-10-16 02:12#2
應該用『嗔』:smilie_O_o:
-
♂邪留丸╳~王子五星白金會員
2009-10-16 12:39#3
讀書絕對可以將勤補拙~!
只要您肯俾心機的話.仲有幾個月先會考嘛.加油喇樓主~!
既然知道要做下家務.咁點解覺得攰 ?
100蚊1日.3000蚊1個月.
您幸福過好多同樣讀緊書既朋友咖喇!
儲錢好簡單.淨係擺30蚊落銀包.其他收埋佢.
愛情.朋友.都係在於自己性格.
您都知道自己缺點喇.
著杉唔洗型.順眼舒服就可以了.
幻想下冇問題咖.我都會幻想呢個世界有修真 @@
只要唔會俾人覺得您淨係識發白日夢就可以.
-
黑鈴舞月四星黃金會員
2009-10-18 09:37#4
嗯...我懶得用書面語了...= =
感覺上你有d似以前既我
我宜家20歲快21
我以前都係冬菇頭 仲好菇下添
又唔識去打扮呀 咁樣
運動又唔鐘意 果時同你一樣咁懶 都唔想郁添呀
膽子一樣小 因為以前既天真害我留下左唔少既黑歷史 到宜家都依然緊緊於懷
不過冇以前咁膽小啦宜家 雖然都係小= =
都俾阿哥打過 一樣還唔到手
你可以想像到既係一隻食指同大母指都差唔多"cool"得住自己隻手臂
你就知我有幾弱啦
又係一樣人前人後咁 係屋企同係出面係2個性格既人
又咁岩既 我又係成日幻想果種人=.=
不過當然冇你咁大洗啦:smilie_/):
想有少少改善其實也不會太難
首先一定要加強自信心 多與小都無關
總之能加強就加強 不無小補
至於點加強?
以前我爸同我講過 有充足既運動
連自信心都會有番d
坦言呢樣野個陣我都唔太信 而且懶透了 都唔想郁
仲何況話運動?
不過人大了 要開始面對社會
一開始我都幾驚下 因為講信心冇信心 講大力冇大力
不過我第一份工就係倉務員
辛辛苦苦做呀做 做到宜家(當然有轉其他工 一樣死搬爛搬)
真係大隻左 氣力又大左 仲有少少肌肉添:D2
感覺到真係有番d自信心 因為以前只係知被人打就只有被秒殺的份 宜家可能仲有希望:D2
至於朋友甚麼的 這個我也不便多說
因為我想法真係幾負面 所以我都係廢事講咁多:smilie_:P2:
嘛...至於會考個d野 其實我到宜家都覺得唔係大問題(汗
雖然5科合格係好事啦...不過我覺得又唔係真係咁有用
反而出左黎社會英文真係重要到不得了
先令我覺得...其他科唔合格問題都唔大呀
英文勁先有優勢-口-就算真係會考唔合格
我建議去你都可以去讀下ive/專科私校個d
搵定一個目標攻上去 再修一下英文
我相信也可以活得成功 會考不是一切的 只是令你機會更多而已
然後衣著方面 正如之前所說我都係唔洗打扮呢d野...
都係簡簡單單tee牛仔褲算嫁啦-口-
哈哈 我好似講遠了...
其實我最想講既只係 自信心才是第一
要談其他的就先建立好自信心
有了自信心做事也順利多了:D2
運動吧少年:D2
[ 本帖最後由 黑鈴舞月 於 09-10-18 09:39 AM 編輯 ]
-
young四星黃金會員
2009-10-18 23:09#5
哈
最尾果句我真係笑左
-
young四星黃金會員
2009-10-18 23:20#6
不過呢~ 睇你都係醒目仔黎既
讀書方面盡量讀好佢啦
你可以試下同d有心讀書既人做朋友
朋輩的影響力真係好大的
我覺得朋友 真係好睇緣份
隨緣啦
外表不是很重要
普通直腳牛 加件t-shirt 也很型仔
-
madachan三星高級會員
2009-11-4 23:06#7
學習 改變 與為人生重新訂位 都係成長必經佳段
別怕什麼 只要有變好的念頭 就勇往直前=]
-
nocas一星新手會員
2009-11-11 00:14#8
會考就去下自修室,
讀書質素要靠環境,氣氛好就有心機,
朋友這個問題,我同你一樣年紀時都會諗,
你定義朋友的層次太高,很難找的,隨緣吧
找到要珍惜
-
龍逸四星黃金會員
2009-11-11 16:15#9
朋友 岩傾就係朋友架啦=)
-
zx19891023二星初級會員
2009-11-20 01:02#10
讀書...友佢算啦..你未試過搵野做唔會知
呀sir串你一句就俾藉口自己,真係想努力ge人唔係咁
你呀哥打你呢樣..係你呀哥唔岩..重用我想同你講惡唔係大晒...你唔去打人,串人
係你善良...呢d唔係叫細膽..
改變自己...出黎做野咪可以改變自己lo,係個工作環境迫你改變,你捱得過,個人會醒好多
講野叻左..自然受歡迎d..俾d自信自己,做多d運動個人會開心d....順帶我宜家二十歲初戀
都未有..所以17歲冇初戀一d都唔瘀.我有d fd二十四五歲先有第一春,
其實你算幸福嫁啦...我以前重衰返學成日俾人打同蝦..零用錢每日係一蚊..
重有唔好食煙啦...你買包煙都成三十幾四十蚊..你果一百蚊想用唔晒都難啦
[ 本帖最後由 zx19891023 於 09-11-21 09:19 PM 編輯 ]
-
守護．天使六星鑽石會員
2009-11-20 08:14#11
讀書方面要加把勁啦！
每日放學都抽一兩個鍾頭溫書！
星期六日用上午/下午黎讀書！餘下時間比自己輕鬆下！
甘樣應該5科都會合格！
"會考只會陶汰啲懶人,唔會陶汰勤力既人"信我啦！||
仲有今年大家一齊努力！我都係會考生=3=
-
○兔兔VIP會員
2009-11-20 22:46#12
世上不能用懶一字作永遠的藉口,
人生是您自己的, 路是自己選的,
為什麼有人成功有人失敗? 就因為做與不做的關係。