-
五星白金會員
2009-12-18 09:58#1
首先小弟唔係好大 亦都唔係拍過好多次拖個隻情聖
請大家唔好誤會我係度扮愛情專家
只不過好多時站係局外人既角度去睇野 從中得到既啟發亦希望同大家分享下
大家可以係度學到野既 我當然好榮幸
如果唔係當呢個係故事咁睇下都無妨~
當然大家喜愛既話,小弟會盡快推出<<追求篇>>
好!開始講啦!不喜勿插:victory:
重點討論:
女人係咩一回事?
點樣可以提高男人既吸引力?
如何避免收好人卡?
以上問題係小弟今次打呢篇文章既原因 所以名為<了解篇>
序:
女人係一種好奇怪既生物 佢地既處事手法係無道理同埋章法可言 (EG:忽冷忽熱)
相信不小既同志都會讚同我呢種睇法
所以我地想去追女仔 就唔可以單調咁去追求
因為好多時只會收到好人卡>> (你係好人,但係我地唔岩)
為左避免呢種情況 男人就需要憑藉小技巧去引起佢地對我地既注意
咩小技巧呢?
1.)神秘感:
呢樣永遠係我地男人最<殺食>既一樣武器,
但亦都係我地最早放棄既一種武器. 點解呢?
相信有不少同志認為個女仔對自己有意思個時,
就會一輪咀係咁講自己既陳年往事比佢地聽;
自然地係發展初期個時,女仔就已經對你失去了解既興趣,
吸引度大減,得手既機會亦都下降.
所以,保持神秘感,令女人對我地有一種摸不透既感覺,
就會令我地既吸引力大增,換言之你心儀既對像都會想對你進行了解,
機會隨之得到上升~ .
2.)壞
[男人不壞,女人不愛]呢句係至理名言,
但請唔好誤解<壞>既含意,唔係叫你去做古惑仔,係佢面前斬人吹雞,
咁既行為只會令佢以九秒九速度飛你.
咩係<壞>呢?即係有一點吊兒郎當的味道,比佢感覺到你唔係咁在乎佢;
有人問:你唔在乎佢,佢咪會走LOR!
呢種想法係錯的,人係犯賤的,男人或女人,都有其犯賤一面.
男人犯賤既一面在於:明知個女仔唔鍾意你,我地都鍾意話等佢一萬年之類.....
女人犯賤既一面在於:明知個男仔唔緊佢地,佢地偏要去行近佢睇下佢諗緊乜
係呢種心態影響之下,吊兒郎當可以令我地有壞既味道;
相信好多同志係發展初期都成日做好人,對個女仔死心塌地,但換來既係咩??
唔係叫我地對個女仔愛理不理,而係係適當時候先去理下佢
要有戰略性咁撩起佢既意欲,但又唔好如佢所願,呢種就係<壞>.
3.)時機既把握
再靚仔既人,如果刻意去追一個有男朋友既女人,都係失敗收埸.
再平凡既人,如果識把握時機去追一個靚女,得手並唔係天方夜譚.
要點樣去把握時機呢?就係去訓練你既<觀察力>
女人既喜怒哀樂係好複雜的,佢表面笑,但係其實個心喊到死,呢種情緒係好難察覺的.
所以我地就要透過<交朋友>黎發揮觀察既力量,
[細心]係我地發揮觀察既推動力,只要一絲不妥,立刻發出慰問,得到既效果會係意想不到.
但記住,<<細心=/=長氣>> 你真係有把握佢係唔開心,你先好慰問佢,
唔好下下問佢係唔係唔開心,咁樣只會令佢覺得你煩.
而觀察力係需要訓練的,平時留意多D身邊既人,就會慢慢熟習呢種技巧.
4.)印象:
呢一個係好重要既環節 係成功與否既決勝點
女人鍾意既係幽默而唔係爛GAG
女人鍾意既係溝通清晰而唔係口水多過茶
女人鍾意既係MAN而唔係粗口大王
好多男仔狂攪爛GAG,講粗口,係咁大大聲吹水,
以為咁樣就會引起女人既注意;的確係引起佢對你既注意,
只不過係負面印象咁解姐.
所以,建立一個好既印象,就係成功既一半.
時常展現風度,得閒講一兩個笑話哄佢地微笑;
唔想講野個時就唔好講,寧願唔講,好過講多錯多,
咁樣可能反面比到佢一種無聲既安全感;(咁當然唔係全程唔講,只不過再熟既人都會有冷埸,唔好夾硬拉長話題黎講,反而有好既效果.)
總結:
以上係我對女人心態同埋男人處事手法既小小理解,
希望可以同大家一齊理性地討論,
亦都歡迎大家提出愛情問題,
係小弟範圍之內,一定會盡力提供最好既意見.
最後臨近聖誕節,願祝各位板友<得抱美人,共渡佳節>face_l_18:
[ 本帖最後由 ~傳說中的傻仔︻ 於 09-12-18 10:06 AM 編輯 ] -
二轉會員
2009-12-18 14:18#2
我睇哂=-=...
原來咁有學問=-=""
我睇我學十世都學唔到-.-"""
所以難怪自己仲係單身寡佬一個:ro03: -
五星白金會員
2009-12-18 14:38#3
其實唔算學問黎 係小小既生活經驗
只要做好自己 其實好易做到以上技巧
畢竟女人最尾鍾意既係我地既內在 而唔係技巧:D2 -
版主
2009-12-18 15:25#4
雖然我是這裡的試版 但我亦有戀愛上的煩惱...(很諷刺 對吧?)
我喜歡了一個女同學 但我暫時沒有打算表白(因為以前曾經魯莽表白 導致失敗收場)
本來我們的關係蠻好的 以前我坐她附近 她經常都會找我聊天 放學還會常常SD MSG
但至從調位以後 我跟她相隔很遠 SD MSG的次數也大減
至到這幾天測驗 跟她碰見時 只督一眼便走了
我可以肯定 我並沒有做任何令她生氣 令她傷心的事
這 就是樓主所說的 忽冷忽熱嗎?
P.S 別人有戀愛疑難時 我可以為他們解答 但唯獨自己的 就手足無措... -
二轉會員
2009-12-18 21:12#5
原帖由 hoyin2234 於 09-12-18 03:25 PM 發表
雖然我是這裡的試版 但我亦有戀愛上的煩惱...(很諷刺 對吧?)
我喜歡了一個女同學 但我暫時沒有打算表白(因為以前曾經魯莽表白 導致失敗收場)
本來我們的關係蠻好的 以前我坐她附近 她經常都會找我聊天 放 ...
忽冷忽熱? 我諗你誤會左隻字既意思
忽冷忽熱係形容 已是情侶當中既態度..
其實應該話係 距離感問題 大家坐得近 傾計自然多 正常
調左位 就唔多就手 佢又會搵其他坐佢隔離既 遇著個 好好傾計既 高明過你 咁你又話佢飛起你?
眼一看走又點 你唔緊 佢緊你 又驚你誤會 你緊佢 佢唔show 你又hurt 咁多矛盾 不如搵個新的
學校係咪得佢一個女 唔係 沒左佢會唔會死 唔會 點解咁多野煩?
人地有難題你答到 有咩出奇 自己有問題 自己解決唔到就係自己問題
你都唔識 幫人解決問題既同時 將自己既說話 同自己講一次 間接你都幫自己解決到問題
[ 本帖最後由 intermethk 於 09-12-18 09:14 PM 編輯 ] -
五星白金會員
2009-12-18 21:49#6
原帖由 hoyin2234 於 09-12-18 03:25 PM 發表
雖然我是這裡的試版 但我亦有戀愛上的煩惱...(很諷刺 對吧?)
我喜歡了一個女同學 但我暫時沒有打算表白(因為以前曾經魯莽表白 導致失敗收場)
本來我們的關係蠻好的 以前我坐她附近 她經常都會找我聊天 放 ...
女人係憑感覺行事既生物
佢同你既感覺已經變左
所以對你既處事亦都改變
好多時我地唔明點解女仔可以變得咁快
但係女人就係咁 佢要留係度 你飛佢唔甩
佢要變心 玉皇大帝都留唔住
所以當女人變心個時 亦即係改變佢對你既態度時
亦都代表左你地之間差唔多去到終點 節哀吧 -
一星新手會員
2009-12-19 03:07#7
甘我多謝曬你先@@ 看完之後 得益不少@@
不過都要我 驗證過 先@@ -
六星鑽石會員
2009-12-19 15:36#8
thanks a lot !!
我都想拍拖..成18碎都味試過!!
唔係我自己要求高..我出街10個有7個我都覺得係靚既"
我朋友唔多..女性既10隻手指數得哂=-=
我平較有小小內向..唔係好識引起話題 -
三星高級會員
2009-12-19 17:27#9
女性就系這樣很唉“面子” 她們很會吊人的胃口，這就是女性存在的價值，
講返版主，真正的情聖系唔會講出呢，睇出呢，大家都知噶啦
上面同長同成功人士必有ga 條件一樣
只要你觀察到女性的內外，這讓你同人際關系方面都幾有用
我通常問候我暗戀ga女仔 （都系通過巨D朋友，但我唔會讓她知道，因為我太被動） -
一星新手會員
2009-12-19 18:17#10
單身寡佬都幾好啊....我都係唔岩拍拖架啦...
-
五星白金會員
2009-12-19 18:18#11
其實男性想追求女性 被動真係好蝕底
不過太主動又會令到女仔驚
所以要個力道真係要拎得好準
又要比佢知你追佢 又要唔好比佢覺得你追得咁明顯
女人...真係好高深莫測 -
二星初級會員
2009-12-19 19:11#12
原帖由 hoyin2234 於 09-12-18 03:25 PM 發表
雖然我是這裡的試版 但我亦有戀愛上的煩惱...(很諷刺 對吧?)
我喜歡了一個女同學 但我暫時沒有打算表白(因為以前曾經魯莽表白 導致失敗收場)
本來我們的關係蠻好的 以前我坐她附近 她經常都會找我聊天 放 ...
也不是的..''版主也是人..人總有煩惱與不知所措的事情..
不妨和網友多作討論..把暗戀的女同學追到手吧:smilie_:)3: -
二星初級會員
2009-12-19 20:58#13
多謝曬你..............
-
版主
2009-12-19 21:24#14
原帖由 colin 於 09-12-19 07:11 PM 發表
也不是的..''版主也是人..人總有煩惱與不知所措的事情..
不妨和網友多作討論..把暗戀的女同學追到手吧:smilie_:)3:
其實我是個比較內向的人，為人又被動，又容易自卑，加上我不是她喜歡的類型（因為我聽過她的擇偶條件，我除了夠高及比較乖外，其他都不附合） -
區域版主
2009-12-19 23:31#15
原帖由 hoyin2234 於 09-12-19 09:24 PM 發表
其實我是個比較內向的人，為人又被動，又容易自卑，加上我不是她喜歡的類型（因為我聽過她的擇偶條件，我除了夠高及比較乖外，其他都不附合）
好多野順其自然就可以,你夠高同比較乖已經迷到唔少女仔了,
雖然內在未必改變到,但係外在已經補返好多了...加油呢:D2 -
版主
2009-12-19 23:47#16
原帖由 colin 於 09-12-19 07:11 PM 發表
也不是的..''版主也是人..人總有煩惱與不知所措的事情..
不妨和網友多作討論..把暗戀的女同學追到手吧:smilie_:)3:
昨晚十一時五十六分 我收到她的訊息 她說 她失戀了...
我問她 這次又因為什麼事被甩(因為幾個月前她被甩了...)
她說自己都不知道
我連忙跟她說 選男朋友 應先對他有充分的認識 再想他是否適合自己 才決定是否跟對方有進一步的發展
但她竟然說 她談戀愛只是需要感覺...
她嚮往的是不現實的愛情...
我說 我怕這樣會令妳傷得更深
她說 假如跟一個好男人但對他沒有感覺 那麼談戀愛就沒意義
我發現 我跟她對談戀愛的觀點相異
我也要重新考慮應否追求此人...
[ 本帖最後由 hoyin2234 於 09-12-20 08:31 AM 編輯 ] -
二轉會員
2009-12-20 10:42#17
原帖由 hoyin2234 於 09-12-19 11:47 PM 發表
昨晚十一時五十六分 我收到她的訊息 她說 她失戀了...
我問她 這次又因為什麼事被甩(因為幾個月前她被甩了...)
她說自己都不知道
我連忙跟她說 選男朋友 應先對他有充分的認識 再想他是否適合自己 才決定 ...
老老實實
佢話就算遇倒一個好男人
但係對佢冇感覺
咁一齊黎做乜?
我都幾認同佢既睇法...
就好似你可能係街到見倒男既柒女既靚既情侶咁..
佢地點解會一齊?
feeling 囉... 有feel 自然就會想同佢一齊
不過feel 呢d野好短暫
快既1個禮拜就冇 慢既就半年
所以呢種愛情i think 不能長久
所以我都係suggest 你唔好溝呢條女喇:smilie_:)3: -
版主
2009-12-20 10:49#18
原帖由 蝶戀花乂 於 09-12-20 10:42 AM 發表
老老實實
佢話就算遇倒一個好男人
但係對佢冇感覺
咁一齊黎做乜?
我都幾認同佢既睇法...
就好似你可能係街到見倒男既柒女既靚既情侶咁..
佢地點解會一齊?
feeling 囉... 有feel 自然就會想同佢一齊
不過fe ...
沒錯 感覺這回事 長久抑或短暫 根本沒人知道
但我認為要跟一個人一起 不可以單靠感覺
因為這根本不能長久
我知道她拍過很多次拖 每次都是因為「感覺」但每次都是被對方甩
奈何到目前為止她都沒有醒覺... -
五星白金會員
2009-12-20 16:09#19
原帖由 hoyin2234 於 09-12-20 10:49 AM 發表
沒錯 感覺這回事 長久抑或短暫 根本沒人知道
但我認為要跟一個人一起 不可以單靠感覺
因為這根本不能長久
我知道她拍過很多次拖 每次都是因為「感覺」但每次都是被對方甩
奈何到目前為止她都沒有醒覺. ...
呢樣就係男同女既分別
男人係好現實既人 無論做咩事 都一定要有開始 過程 結果
女人係好唔理性既人 憑佢個句最緊要有FEEL 都反映左男女之間對愛情既分別
男對愛情 好多時要分析好多野先會決定追唔追
女對愛情 只係憑<感覺>二字就可以了
或許係好無稽 但係女人係愛情路上係捉唔到既煙霧
看得見卻捉不到
捉得到卻留不住.... -
五星白金會員
2009-12-20 18:31#20
嘿嘿~~ 以我甘鐘意抽秤男仔既麻煩女人 都比左個GOOD你
真係無乜野可以抽秤你篇文...
我都是認同的
或許 我想加入一點意見於 " 壞 " 的 論點
樓主所說 的 某方面 是 100% 對的
壞 並非 真的壞
要去做壞事 斬友 扮黑社會 吸毒 販毒
呢D 係我眼入面去睇 呢D唔係壞 而係 白痴 !!!!!!!! 低能!!!!!!
另外 樓主 所說的 不在乎
我認為..... 最好的 ....也並非 真的要你不在乎
這是 在乎 與 不在乎的 中間 遊走..
簡單 來說
就是 弄一點 " 曖昧" 而已 ^^