-
三星高級會員
2009-12-24 18:19#61
我中意左一個好多仔溝ge女仔應唔應該放棄好= =
不過佢對我好好(相比其他男仔好好多)
小息果陣佢成日拖住我隻手周圍走..有時仲會攬住我唔放
雖然比好多人望住..令到我好緊張好驚好無奈- -..不過果陣好開心..因為未試過有女仔對我咁好= =
加上佢日日同我返學放學...令到中意佢果d男仔成日夾埋蝦我..不過佢見到有人蝦我會走過黎幫我
同埋有時佢msn搵我/打電話比我果陣都唔知講咩好
我對住佢果陣又好怕羞..又唔識諗話題..直頭驚到變左令1個人..其實應該係我唔敢講出口先岩- -"
到底我應唔應該放棄好呢??- - -
五星白金會員
2009-12-24 19:40#62
人地做到咁明顯你仲放棄 不如你去跳樓-.-
砰砰聲借今晚就表白 最好約埋佢出黎
除非!!!!!!!佢當你係知己/好好好朋友 否則做到咁 其實已經同情侶無異
小心佢玩你 不過照你咁講 我覺得個女仔都已經對你咁好
你地之間只係差一句咁多姐...快D講埋講句表白啦 -
三星高級會員
2009-12-24 20:23#63
樓主你好。
我今年中五(重讀)，中意左個同我唔同班既女仔。
但好幸運地我同佢有兩科都會一齊上堂，亦不幸運地我同佢坐到冇雷公咁遠。
(e.g 我坐門口第一個，佢坐係門口斜對面個角落頭)
跟住我add左佢facebook，然後轉轉接接咁拎埋msn同電話。(拎電話係兩三日前既事)
我同佢係msn同sms都有計傾 (佢多數應單字 e.g 嗯 哦 哈)
但我同佢係現實就一句野都冇講過。
然後，我今日做左個非常低b而且白痴既決定，sd左個sms比佢約佢去睇戲。
但佢冇應到我。
我係咪做得太快同急 ?
如果係點樣可以補救下...
同埋，我同佢基本上好難有接觸機會，
點樣可以同到佢講野，又唔洗做到好似好有機心咁 ?
希望各位幫幫小弟，thank you ! -
二轉會員
2009-12-24 20:32#64
原帖由 chungtszho 於 09-12-24 06:19 PM 發表
我中意左一個好多仔溝ge女仔應唔應該放棄好= =
不過佢對我好好(相比其他男仔好好多)
小息果陣佢成日拖住我隻手周圍走..有時仲會攬住我唔放
雖然比好多人望住..令到我好緊張好驚好無奈- -..不過果陣好開心..因為未 ...
去馬啦兄弟:cool: -
三星高級會員
2009-12-25 10:37#65
原帖由 ~傳說中的傻仔︻ 於 09-12-24 07:40 PM 發表
人地做到咁明顯你仲放棄 不如你去跳樓-.-
砰砰聲借今晚就表白 最好約埋佢出黎
除非!!!!!!!佢當你係知己/好好好朋友 否則做到咁 其實已經同情侶無異
小心佢玩你 不過照你咁講 我覺得個女仔都已經對你 ...
有好多人問佢係咪鐘意我
佢話食屎- -唔好傻啦/冇可能之類ge野
我親耳聽到:ro03: 搞到我都唔知點做好 -
五星白金會員
2009-12-25 10:59#66
原帖由 grando14602 於 09-12-24 08:23 PM 發表
樓主你好。
我今年中五(重讀)，中意左個同我唔同班既女仔。
但好幸運地我同佢有兩科都會一齊上堂，亦不幸運地我同佢坐到冇雷公咁遠。
(e.g 我坐門口第一個，佢坐係門口斜對面個角落頭)
跟住我add左佢facebook，然 ...
的確 係有小小急
女人對第一次出街既對像 係需要經過考慮同埋思量
你連人地既基本都未了解 話題都無 即使比你約到佢出黎
你又點樣維持到彼此既溝通? 最終咪又係冷埸..冷埸..冷埸...散埸...
所以你而家要做既 唔單止係MSN/SMS同佢傾多D計
亦都要係現實世界到主動搵佢傾計
增加彼此既了解 一黎可以令你地之間無咁<懢界>
二黎親口傾計個感覺會好多 友誼亦會一日千里
到一定既了解之後再約佢出黎 咪可以追佢之餘又唔會有冷埸
希望可以幫到你啦 -
五星白金會員
2009-12-25 20:02#67
曖昧....
好複雜啦...
有d 灰tim... -
五星白金會員
2009-12-28 00:33#68
原帖由 hoyin2234 於 09-12-18 03:25 PM 發表
雖然我是這裡的試版 但我亦有戀愛上的煩惱...(很諷刺 對吧?)
我喜歡了一個女同學 但我暫時沒有打算表白(因為以前曾經魯莽表白 導致失敗收場)
本來我們的關係蠻好的 以前我坐她附近 她經常都會找我聊天 放 ...
我看過一句...希望幫到你...
<為什麼我可以幫別人解決這些問題,卻解決不了自己的問題?>
>因為 這是(你)的問題 而不是(他)的問題 如果你能解決 那就不能稱為問題了吧...< -
一星新手會員
2010-1-9 16:46#69
謝謝大大的分享:P
-
二星初級會員
2010-1-26 10:44#70
相信好多同志係發展初期都成日做好人,對個女仔死心塌地,但換來既係咩??
呢句真係講得好岩,次次都對d女女好好 放晒佢地第一位 但係冇個有好結果:cry:
但係要扮唔理佢地 其實又驚佢地走左:cry:
好難做到
不過確實有d中意你既女仔 而你唔係好中意佢冇咩理佢 佢地反而keep到都係中意你:dump: -
一星新手會員
2010-3-5 07:33#71
我想做個壞果肉:cry:
-
四星黃金會員
2010-3-10 01:06#72
相信好多同志係發展初期都成日做好人,對個女仔死心塌地,但換來既係咩??
呢句真係好岩 我試過2次同樣既事情.....唉 係唔係姐係中意果個女仔我都要對佢唔好咁好 一時好一時唔理佢咁= = -
五星白金會員
2010-3-10 01:34#73
點解 要將情愛 放第一位??
只有呢樣係最重要????
又係唔止一次甘講..
人係需要平衡......
身體所需既營養都係要平衡
人與人之間既關係 都係要平衡
雖然冇絕對既"平均""平衡"
但係我地可以控制 唔好比佢太偏側
當一有偏側
身體會有毛病
關係會有病態..
一個有病態既關係
唔係人人都可以接受
自然 就會好想擺脫!
當你 認為 將對方 擺得好重
或者係 將佢放在你的人生第一位
你先要做既... 唔係去埋怨 點解人地唔去(唔識)欣賞你
你需要既係 冷靜...
將你地之間既關係 調至 正常 或 較平均平衡
如果唔係 雙方都會有壓力
得唔到 雙方 相處時 既樂趣
當我地 渴望 談情說愛時
要既 唔係奴隸
要既係一個伴侶
究竟 你地明唔明呢? -
VIP會員
2010-3-10 11:46#74
原帖由 ☆可兒☆ 於 10-3-10 01:34 AM 發表
點解 要將情愛 放第一位??
只有呢樣係最重要????
又係唔止一次甘講..
人係需要平衡......
身體所需既營養都係要平衡
人與人之間既關係 都係要平衡
雖然冇絕對既"平均""平衡"
但係我地可以控制 唔好比佢 ...
呢個我答到你..因為冇生活壓力所以愛情就自自然會變得好重要
點解 要將情愛 放第一位?因為除左愛其他野都係自自然某程度係迫(例如返學.起身.食飯)唯一有選擇既就係愛情..你可以選擇愛邊個唔愛邊個點去呢個人...唯一有選舉既就係呢個方面呢d係自願
所以就會全心全意@@ -
五星白金會員
2010-3-10 12:05#75
其實每樣野都係好重要~
我試過好多次...
有個死人二世祖... 成日遊手好閒 成鬼日痴住我
我身邊d fd 就羨慕到不得了
仲成日話我 做乜成日鬧到佢不似人形 (一來比佢痴到我好很煩 二來受人所託)
我唔係睇在佢對我好 我真係得鬼閒鬧佢
慳番啖氣暖肚唔好??
佢老母又麻鬼煩
成日打電話比我 想我幫佢教好個仔
佢老母真係好了解佢..
話佢只會聽女講...不過都係冇用!!
佢懶根太重 藉口又多 !! (最後有負所託..我真係恨不得殺左佢)
叫佢老母合作 將佢經濟封鎖
頂~~ 開頭可以丫~ 到尾又係驚個仔會餓死
玩咩~~ 搵著我黎玩~!! 諗起佢地真係把鬼火!!!
(激到我連佢亞媽都鬧埋) 想當初 唔係因為佢亞媽 我都不知幾逍遙!
原來要鬧醒人 真係好鬼難!
係唔係真係要好似d"港女"甘..
將佢踩到 似 地底泥 先會醒覺呢??
我唔鐘意呢d人 一來無目標 二來唔似男人
三來 唔係佢有錢丫~ 係佢屋企有錢
如果..大吉利事 佢家人 陷包散
呢種人 一定聽乞米!!
更何況 唔係 個個人都係甘有福氣做二世祖
成鬼日 痴住條女 痴住條仔 把鬼咩~~
有麍自然香 情痴都要食飯
食飯都要人迫既話 呢d人真係搵鬼要
情痴唔係大晒~~
人地唔要你係人之常情
冇人會想要一堆泥"痴"!!
好少女人 鐘意 湊細佬甘湊住條仔!!
除非 食軟飯啦~
軟飯 食唔食得起先~ 可以食過世??
佢請得你食 自然可以請第二個
隨時飛起你都得!!
只係當養多隻狗 會當你係人咩???
仲有丫~~~~
果d 以為自己好有型果d呢~~
開口埋口 話人"港女"果d呢~~~
你地有冇撫心自問一下
你地係唔係一pat泥 一pat屎?
對方真係"港女" 定係 想為你好呢??
火火火火火火~~~~!!!
[ 本帖最後由 ☆可兒☆ 於 10-3-10 02:14 PM 編輯 ] -
VIP會員
2010-3-10 16:22#76
原帖由 ☆可兒☆ 於 10-3-10 12:05 PM 發表
其實每樣野都係好重要~
我試過好多次...
有個死人二世祖... 成日遊手好閒 成鬼日痴住我
我身邊d fd 就羨慕到不得了
仲成日話我 做乜成日鬧到佢不似人形 (一來比佢痴到我好很煩 二來受人所託)
我唔係睇在佢 ...
wow@@玩到有火XD講真拍拖有4種可能
一.係錯既時間遇到錯既人(最多呢種..散左唔會心痛因為一開始已經係錯)
二.係錯既時間遇到岩既人(最心痛應該係呢種因為岩既人係好少有)我岩岩先試緊呢一種既痛
三.係岩既時間遇到錯既人(呢種大多數係冇言地分手/極和平地分手)分左手都重會係吃喝玩樂朋友..
四.係岩既時間遇到岩既人(呢種唔代表你唔會分手..但係就算分手你地都會係極好既朋友)
講真點先係岩點先係錯我唔肯定..就好似拎我黎講..我曾經為左一個升職機會(因為份工真係我果時女朋友既夢想男友既工作)而訓身去做..一日計埋ot返16個鐘只打到一個電話俾佢(食飯果時)基本上一星期先見得幾個鐘..到我升左職..冇左呢個女仔果一秒有心痛過既但係好快冇事..因為果時我升左職做design助理女人順手都2件...
到我對上既女朋友(我既最愛..唔係呢個女仔我可以講我未認真戀愛過)我想俾童話式既愛俾佢...咁岩我搵緊野做..我想多d時間陪佢唔想做d時間長既工..佢就好似你咁諗..我又冇左佢...到底進取定係接受..重要定係放棄?...我真係唔知...可能一開始最唔了解佢既係我...我想俾佢既野..佢分手果時答左我一句..呢個世界冇童話...哈...原來佢就係想要我當年進取到咩都唔理既我...係錯既時間遇到岩既人真係好痛..同佢分開左一個月我到呢一刻冇時冇刻都掛住佢..每一次訓上我張床每一次行返屋企既路我都諗起佢每一次做緊野包括而家我都會諗如果佢知道會點呢?係佢既角度我係第一種..而佢係我既角度係第二種..係岩係錯可以評價既只有自己..我係上一個月我喊足廿日見埋心理醫生我曾經有自殺傾向點解?因為我曾經係佢身上見到80日既煙花..你諗下如果有一個 人為你放足80日既煙花你重會唔會對其他幾分鐘既煙花而感動..唔會ka啦 -
五星白金會員
2010-3-10 16:39#77
nonono 我唔係同佢拍拖~~
( 我唔輕易同人拍拖的 不過比人追既經驗好多)
我識呢個人 已經反感了 連朋友都唔想同佢做...
不過我識佢亞媽...
佢亞媽 知佢 鐘意 痴住我 同埋想溝我
最不知所謂既... 佢同佢亞媽講 想溝我
溝女都要搵亞媽幫
你話呢d人 係5係應該要死左去!!
我搵呢個人做例子 因為呢個係極品!!
唔怕衰d再講句
呢個人 由討厭 去到 反感 再去到 鄙視!!
由開頭 勉強當係朋友 比佢留係身邊一齊玩
到最後 我只係當佢係一隻狗!
[ 本帖最後由 ☆可兒☆ 於 10-3-10 04:47 PM 編輯 ] -
VIP會員
2010-3-10 16:46#78
原帖由 ☆可兒☆ 於 10-3-10 04:39 PM 發表
nonono 我唔係同佢拍拖~~
我識呢個人 已經反感了 連朋友都唔想同佢做...
不過我識佢亞媽...
佢亞媽 知佢 鐘意 痴住我 同埋想溝我
最不知所謂既... 佢同佢亞媽講 想溝我
溝女都要搵亞媽幫
你話呢 ...
咁講啦...我一d都唔怪呢個男仔wor....我反而係怪佢屋企多d...冇人一出世唔識爭取想要既野...例子細路仔扭計買玩具..你睇下玩具反斗城d細路真係好勁又入去扭到出去都係為左一份玩具
佢既行為講左我知一樣野,..就係佢呀媽由佢有記憶開始就寵壞佢寵到佢咩都係佢呀媽幫佢先得~ -
五星白金會員
2010-3-10 16:48#79
甘呢d 咪係 廢柴 lor~~~~
-
五星白金會員
2010-3-10 16:54#80
仲有丫~~~~
呢個極品 勉強幫佢搵藉口 就係因為佢亞媽
甘其他果d呢~~~~
為左條女 工又願做 學又唔願返
返左 都好似遊魂甘..
甘果d 咪係 自甘墮落???
有藉口咩??
情痴???? 我呸~!!!!