-
五星白金會員
2009-12-27 15:43#1
大家好 平安夜同聖誕節都已經過左
唔知大家同意中人過成點呢?
眼見<了解篇>同埋<溝通篇>既反應唔錯,
小弟決定再出呢個<約會篇>,
都係個句,
幫到大家係小弟既榮幸,就算幫唔到都可以當笑話咁睇下.:smile_30.gif:
重點討論:
終於到第一次約會,之前有咩準備呢?
約會進行緊,點可以令到個氣氛好D呢?
如果佢既反應好冷淡,係唔係我有野做錯呢?
約會完左啦,有咩要做既呢?
1.)終於到第一次約會,之前有咩準備呢?
好啦,萬眾期待終於同佢進行第一次約會;
首先你要做既,係好好妝扮自己,
唔洗潮,唔洗型,但係要整齊舒服,
你可以樣衰,但係唔可以著衫<呢FAI>
無女仔會鍾意爛身爛世既男仔,
呢一點係好重要.
其次,你要計劃定路線,咩係路線?
例如:睇完戲去食野,食邊間好呢?
你要預先準備資料,打聽好邊間好味/係你心水,
睇完戲之後你咪可以問個女仔去邊度食,
大部份既女仔會答你一句:是但啦/你鍾意啦/無所謂
呢個時候,你就可以答你心目中既答案,
一黎可以比佢覺得你有主見,二黎又覺得你尊重佢地(因為我地有扮民主問佢地去邊食)
所以,準備路線圖係好重要,唔洗到時諗爆頭係條街食風.
第三,你要諗定話題,
都係個句,要靠溝通黎增進關係,而溝通係靠話題維持,
佢肯同你出黎約會,即係佢都肯願意睇下有無機會同你發展,
所以,準備定話題黎溝通,係一個好既開始.
第四,你要練習一個微笑,
一見面個刻你就要露出呢個微笑,
女人對初次見面既印象睇得好重,
如果你比到佢好既印象,你往後既行動就會順利好多,
所以,一個自然既微笑係可以幫到你加印象分.
2.)約會進行緊,點可以令到個氣氛好D呢?
終於見到佢,就緊係照路線圖去睇戲同食飯啦,
而決勝既關鍵,就係食飯時間點可以令大家既氣氛變得好呢?
就係睇你既幽默感同埋你既眼神!!
先講幽默感,呢樣真係天生,所以無得強求,
如果你天生幽默感強既,你既約會自然會順利,
記住!要點到即止,否則太過賣弄,就會變成<爛GAG>,
呢點要記住.
但係你天生悶既都唔緊要!!!
因為有<眼神>呢個方法幫到你!
小弟睇過本書,佢話眼神對女士黎講,係一個用黎解讀對方心思既路徑.
所以,眼神對悶人黎講,都係一種幫助既方法.
唔識講笑話唔緊要,你咪講心事,
心事唔洗有幽默感啦掛?
記住,悶人盡量利用你地既悲傷眼神望實佢黎講,
女人對男人望到佢地實一實既眼神會解讀成為<個男仔對我有好感>,
所以,悶既男仔不仿望實佢地對眼黎講,
就算要移開眼神,都要扮到好唔願意咁,
咁樣可能仲帶到個效果出黎.(當然,咪成埸望到佢實一實,咁樣只會弄巧反拙)
經過幽默感同埋眼神兩個小技巧,你既氣氛通常都會唔錯,
當然,冷埸出現時,就當比時間大家休息一下,
等回一回氣,再開始大家既話題.
3.)如果佢既反應好冷淡,係唔係我做錯咩呢?
如果你用上以上技巧,佢都係好冷淡既;
並唔會係我地既錯,而係佢地既問題.
點解咁講呢?
因為一個對你有好感既女仔,
即使第一次見面,但係溝通既時間入面,
佢地都係會願意回應你既話題,
相反,對你無興趣既女仔,係你用左千萬種方法之後,
佢仍然對你冷冷淡淡既話,你就應該意識到呢個女仔對你無乜興趣,
呢個時候,你就應該風度地維持完呢一餐飯,
之後就要思量下應唔應該再對呢個女仔出手;
所以,佢對你冷淡時,你先唔好驚,
諗諗自己有無地方做得唔好,
試下係話題方面再講好D,
眼神方面加強D,
如果都係無幫助既,我勸你就思考呢個女仔係唔係真係岩你.
4.)約會完左啦,有咩要做既呢?
好明顯,我地係要風度地問一句:洗唔洗送你回家去~~~?
通常答案有幾個,
第一:唔洗啦,我自己番就得.
呢個時候,你可以問多一次個問題,問多一次就夠啦,
因為佢其實講左唔洗,所以一次之後都係唔洗,
你就唔洗送啦,再問就會覺得你煩;
相反,一次之後,你風度地說句下次再出黎玩,
反而比佢覺得你唔煩,機會仲大左.
第二:唔好啦,咁遠,又唔順路.
咁你就可以回應佢唔遠而且你大把時間;
呢句既底裡意思係佢唔想煩到你,所以先唔洗你送.
如果你話比佢聽唔遠唔煩,咁你通常可以得手,就可以送到佢番屋企啦;
而個段番屋企既時間再講番你地今日做過D乜,加深印象,制做共同回憶,
對你之後既行動都會好有幫助.
第三:好呀
咁基本上你可以知道個女仔對你都有好感,
嘗試同佢展開更深入既話題,
EG:感情/男女朋友
咁樣可能將你地既關係拉得更好.
所以,要識得洞悉心意,去了解佢答案既背後含意,對你地關係有好大影響.
總結:
記住,約會最緊要風度,風度,同埋風度.
做乜之前(坐低,叫野食,乜都好),都要以佢地為先,
咁你就會得到唔錯既印象分.
適當既身體接觸,例如:多人時拓下佢既肩膀,
上車時扶下佢,呢D係比到佢安全感,
認為你要在意佢既行為,反而加分.
希望幫到大家啦:D2
[ 本帖最後由 ~傳說中的傻仔︻ 於 09-12-27 03:45 PM 編輯 ] -
二轉會員
2009-12-27 17:02#2
幾時出溝女篇呀:smilie_:)3:
-
五星白金會員
2009-12-27 17:35#3
其實 包含黎講 已經係溝女篇黎 :smilie_/):
-
一星新手會員
2009-12-27 17:40#4
樓主真係有見解~~
-
一星新手會員
2009-12-27 17:44#5
多謝樓主分享....
不過仲未有大派用場的時候 -
三星高級會員
2009-12-27 18:12#6
原帖由 p445hkk20001 於 09-12-27 05:44 PM 發表
多謝樓主分享....
不過仲未有大派用場的時候
睇定都岩+啦 不久GE將來實有用場 -
一星新手會員
2009-12-27 22:41#7
原帖由 神手一個 於 09-12-27 06:12 PM 發表
睇定都岩+啦 不久GE將來實有用場
我都相信不久ge將來…可能到時 唔記得左:~: -
二星初級會員
2009-12-27 23:10#8
我經常覺得..男生用眼神比女生用眼神更易得到一段戀情..
-
三星高級會員
2009-12-28 02:22#9
第一次約女仔就睇戲其實唔係太好
無交流既活動幫唔到你地發展 -
二星初級會員
2009-12-28 20:47#10
這篇文也出賣了樓主系溝女天王，
如果大家想認識我:loveliness:
上我個bolg
http://user.qzone.qq.com/4445832 ... ENT.QQ.2587_Mysrv.0 -
三星高級會員
2009-12-29 08:03#11
多謝樓主分享....
:victory: :victory: -
區域版主
2009-12-29 14:11#12
原帖由 hoyin723 於 09-12-28 08:47 PM 發表
這篇文也出賣了樓主系溝女天王，
如果大家想認識我:loveliness:
上我個bolg
http://user.qzone.qq.com/4445832 ... ;ADTAG=CLIENT.QQ.25 ...
個bolg串錯字==>blog先岩
個網無野睇既:face_l_14: -
五星白金會員
2009-12-29 14:29#13
其實我分享 只係技巧中既冰山一角
當然 仲有好多特別既方法
但係我其實想大家記住一句話
想人地真誠對你 首先係要自己對人真誠
真誠 係追女仔不二法門 -
二轉會員
2009-12-29 15:16#14
敢問樓主咁樣識女仔成功過幾多次?
-
六星鑽石會員
2009-12-29 21:19#15
睇完笑完算嚕=) :em014:
-
一星新手會員
2009-12-29 22:44#16
其實 包含黎講 已經係溝女篇黎
-
三星高級會員
2009-12-29 22:57#17
如果冇幽默感眼神又唔係好得
其實係我唔敢望佢- - 望幾秒我就唔夠膽再望
之後佢又問點解咁驚我成日都唔敢望住我~咁我應該點答好??..
因為我太怕羞 而且我覺得我配唔起佢先唔敢望(可能) -
三星高級會員
2009-12-29 23:01#18
樓主大哥~
我想問下
我以1月1生日為理由約左個女仔:smilie_:p:
係12月31号晚出黎
咁係咪應該去睇戲食飯呢:smilie_??:
咁之後應該係去倒數好定...
如果去倒數有咩好地方介紹:smilie_;):
thx~ -
一星新手會員
2009-12-30 15:22#19
多謝樓主分享...
希望樓主能更詳細解釋更多眼神的用處....:smilie_:D5: -
VIP會員
2009-12-31 03:29#20
上述女仔大概既心態都講得岩.
值得想約心誼對象的男仕們參考.
但我覺得眼神係其此,最緊要都係多啲溝通.