整體來說比上古之戰簡單，今日15:00~17:00、20:00~23:00點呢段期間都可以喺畫面右上角進入
事前準備：
記得準備5個人，少一個都殘廢，少兩個就可以棄械投降
同樣，五個人分工抽一個角色用，玩慣DOTA既香港人應該難唔到大家
我今次自己就用補師(仙人掌)，仲有遠攻、近戰賊、近戰戰士(擋)同埋法師角色可以揀
揀好角色記得第一時間睇返d hotkey有咩用，同隊友溝通下，認清楚自己個角色定位。比如我係補師，就負責補人比較少攻擊，不過記住入到去無得揀左面個隊伍欄，一定要click落隊友度，比較考技術。Tank就去前面擋啦，然後其餘3個角色就遠攻
倒數完開始，包圍戰持續20分鐘，呢20分鐘內唔可以比人拆左中間個閃光城，就係咁簡單。
要注意係，怪會係四方失面黎，唔似上古之戰咁一單條直路。
頭10分鐘基本上全無壓力，其間會有一波有一隻機械人BOSS，輕鬆解決。
之後8分左右有條叫「阿爾蘇菲克」既龍出現，隨之四圍小兵都會多起黎，叫做為最後衝刺熱身，開始會有D難度
最後五分鐘，兩隻機械人BOSS同時出現，不過本身佢比較豆腐，唔算太難，比起龍更易
好，最後三分鐘，終極BOSS獅身人終於出現，一句說話，難打到嘔。
佢會失驚無神放一招範圍技，每下一兩千起跳，如果埋身一唔注意就會死，TANK要盡力拉好
係喇，你係D圖裡面由頭到尾都見唔到熊仔TANK…因為中途隻熊仔已經LAG左，所以我地係無TANK情況全滅....
值得注意隻野本身好似會無限復活，打完佢一行血又會生返出黎，我地撐到最後分半鐘宣佈玩完…
雖然失敗咗，不過呢次活動都為27級既我貢獻左七萬幾經驗(成10%有多!!!!!!)，所以大家記得今日都去玩一玩﹗之後再同大家報導其他活動啦~~
P.S 眼利既你會見到我D畫入面好多聯軍牧者、聯軍法師、聊軍戰士，其實每個角色「6」個一招技能都可以召呢D 幫手出黎，非常好用，不過要士氣值，而士氣值就要按返上面個活動資訊睇(一個獎章咁樣的ICON)
二星初級會員
2010-1-26 16:54#1
整體來說比上古之戰簡單，今日15:00~17:00、20:00~23:00點呢段期間都可以喺畫面右上角進入