-
四星黃金會員
2010-3-8 16:13#1
火龍類分為雄性和雌性，即使亞種動作只是快了一點、大力一點、血厚一點而已，攻擊模式基本上都一樣。
雄火龍相關
【雄性火龍攻擊模式】
雄火的攻擊模式是時常飛上天噴火球，或飛抓，抓中了會有毒效果或者還會暈，所以留意它一起飛，就要留在它影底觀察它的動作，如果噴火的話火球是用口噴的，大家都知點做吧，向著火球投出一個閃光，八成會成隻跌落黎。
衝火車，在online版入面的火龍，火車前的起手式很大，只要看著它車中的機會很低，但小心裝不夠防的話一下就有專車送回家了。火龍類的掃尾是左右都會的，每次掃兩下，掃的起手好快要很留心和跟得上龍的攻擊節奏，要迴避也不算難。最可惡的攻擊就是飛出版外，再回來時的飛抓，要是你看錯了方向的話根本就是中左都唔知咩事，只好一飛走就望住佢睇住佢係邊飛返黎。
【雄火招式與迴避契機】
衝火車：起步前會用兩下踏步來描準目標，佢描住你即刻跑開就得，好近冇得走時自己撞佢隻腳扣小Ｄ
飛高噴火或飛抓：一飛起就走入影底安全，佢噴火球向火球掉閃光會成隻跌落黎，佢飛抓就只會聽到叫左一聲。
前咬：頭會向後縮一下丫大個死人口，如果你當時打緊頭就要後退，如果已經太近就轆入肚底。注意，尾部也會有攻擊判定。
擺尾：先兆是身體會有輕微扭動但很短出招很快，留意到就向尾的末端或擺尾的相返方向轆就可以。
後跳噴火：先兆是翼會張開頭會縮後，動作很大但出招也超快，因為攻擊範圍好大，唔好長時間留係肚底腳邊，發現佢有起手動作就向左或右轆開如果個位大正轆一下都未必避到，而且攻擊力超凡的。
【雄火龍的部位破壞】
爆頭：
很多朋友都會在火龍中了閃光時去切尾，其實這是很危險的，因為火龍中了閃彈，會原地踏步、轉身掃尾或是向前咬，這些動作尾部都會擺來擺去，而且扣血量奇高，其實中了閃彈是爆頭的機會，因為火龍中了閃彈是不會完全看不到你的，只要你在它面前，它就會不停用口咬你，如果是用太刀用刀尖督 - 挑 - 燕返～再來直到它醒的時後都差不多爆了。用督督就更好前督兩下跳後再來兩下又跳後不停督。GUNLAN就唔洗諗啦噴佢。總之咩武都好打佢頭時要記住佢會前咬，打一兩下後退咬完再打。主要是它醒著時要打頭就很難，注意它的動作，留意後跳的噴火，這扣也能一擊攞命。
斷尾：
切尾的時機其實在雄火飛起後降落及大叫時，當然中麻的時候是最好最安全的，基本上要斷尾太刀和大刀是最好不過，隊中有大刀太刀就別去搶尾了，誰切都沒分別啦～
爆翼爪：
火龍的翼是全身最厚防的地方，不過打爆它易最容易的，降落和大叫都可以，只要留心掃尾和後跳噴火，如果你隊中有弓或弩手的話，就由他去打翼吧，打翼最好是用屬攻，因為翼部位食屬多於食普攻，如果是蒼火就更是不要打翼因為很硬，求其爆左翼就算啦。返而如果雷刀打銀火，就係咁打翼，因為打得入而且食屬打三四下佢又痛一痛，唔洗佢郁來郁去丫麻。
雌火龍相關
【雌性火龍攻擊模式】
雌火攻擊速度比雄火快一點而且不會飛起作高空攻擊，還有cancel火車的技能，最可怕的招式是360度後空翻，有毒而且會暈，中左可能會暈住毒死慘慘呀～其他都和雄火差不多，前咬同左右掃尾、只是噴火球有點不同除了直噴會無限遠之外還會近身三方向連射，單火球動作很大，好易迴避，而三方向火球就分別會由中間左邊再到右邊（注意：係你既畫面方向唔係龍既方向）要避只要係佢噴第一個時向右閃，之後慢慢行開就得。其餘時間佢不停和車轉尾、360、噴火總之攻擊此起彼落，所以打它要好小心，即使佢攻擊力冇雄火咁勁，但話晒人地都可以一擊秘殺新手裝的。
【雌火招式與迴避契機】
衝火車/前咬/擺尾： 都同雄火一樣，只係火車可以急停再衝，比較古惑。
後轉360：先兆是後退兩步，注意不要長留肚底會必中的，隊友中左最好食粉塵，因為可能佢起身就暈，而且亞種級係會追方向的。
三方向火球：先兆是企定縮頭，噴出第一個火球時向右轆開之後keep住走向右。
直線火球：先兆同三方向一樣，但只噴一個無限遠的火球。
【雄火龍的部位破壞】
爆頭/斷尾/爆翼爪：爆頭/斷尾/爆翼抓的時機都在360之後和噴三連射的時候，簡直就是大開中門任打，有耳聾的裝更佳，連大叫的時候也能狂打。
注意：亞種和希少種會出二段360，中毒加暈眩沒人救的話必死。
共通相關
【其他事項】
【可檔格招式】全部都可以。
【對火龍最佳防衛技能】耳拴、速食、速磨、防風壓、毒無效
【對火龍最佳負面效果】雖然〔毒、麻痺、睡眠〕都會中，但都是中等效果。
[ 本帖最後由 hannya 於 10-3-8 06:50 PM 編輯 ] -
七星元老會員
2010-3-8 18:15#2
-.-""
你應該早2日post啊=="
而家活動時間都過左 -
四星黃金會員
2010-3-8 18:46#3
呵呵～唔緊要啦～檔分享一下心得都好架～:smilie_:D5:
-
三星高級會員
2010-3-8 18:51#4
樓主好有心機
但其實如果純文字,我諗吸引性唔大囉
起碼有一兩張圖都好d,唔係既話好少人會睇哂 -
五星白金會員
2010-3-9 00:23#5
毒無效<---好像沒甚麼用= ="
-
四星黃金會員
2010-3-9 11:23#6
知道知道～我會盡量加點圖片的啦～
原帖由 無月仔 於 10-3-9 12:23 AM 發表
毒無效
毒無效最有用的時候就是你俾金火車左個360，又中毒又暈又爆根性果時就會知道毒無效可以救你一命。 -
VIP會員
2010-3-9 12:12#7
原帖由 hannya 於 10-3-9 11:23 AM 發表
知道知道～我會盡量加點圖片的啦～
毒無效最有用的時候就是你俾金火車左個360，又中毒又暈又爆根性果時就會知道毒無效可以救你一命。
根本就唔會中佢D招=.=
火龍打得多都開始睇到嫁啦 -
三星高級會員
2010-3-13 22:45#8
原帖由 Kｕsｏ-小光 於 10-3-9 12:12 PM 發表
根本就唔會中佢D招=.=
火龍打得多都開始睇到嫁啦
你收皮啦!講就勁 我唔信你未中過阿!有時連緊技 未收到刀 都會中啦! 懶係勁咁 -
一星新手會員
2010-3-13 23:09#9
原帖由 柔 於 10-3-8 06:15 PM 發表
-.-""
你應該早2日post啊=="
而家活動時間都過左
你既ICON 絕對比整篇帖吸引 :em012:
番番正題,支持原創的教學!
繼續比心機發表多D野益兄弟0.0
如果可以有片段/ 圖片會更好,
單單是文字的話不夠全面~~