原帖由 小ma仔 於 10-3-23 04:41 PM 發表 
其實都唔知開心好定唔開心:~: 因為她不想fd知..~so 係學校都無咩2句
有咩方法可以 "搵"定d 感情
無聊戈陣諗過放棄 但係又唔捨得 :(
戀愛甜密期我係會明你成日會搵佢 總係會想聽大家甜密既對話
而男人本身有佔有慾 所以我會明白你希望佢係眾人面前承應你既身份
但係你都要企係佢既角度諗下 可能佢唔想比人講事非先廢事表明你既身份
所以你唔應該因而有所怨言/唔開心 咁樣只係不成熟既表現 令佢對你既好感度極速下降
至於你話有咩方法穩定大家既感情 就係"自然"同埋"信任"
自然咁約佢出街 自然咁同佢傾電話 自然咁攬住佢
當自然地做任何一件事 只要佢係喜歡你 佢亦都會自然地回應你
講過好多次 不論愛情/拍拖 都係一種互動 一種雙向性 所以唔需要話咩特別方法去穩定感情
能夠順其自然就係最好既方法
咩係信任? 我明白初初得手個時 你會好緊張佢
衣食住行你都會問一餐 但係咁樣會令佢覺得缺乏空間感
所以唔好太過緊張佢 只要信任即可 能夠信任佢 就比到空間佢
即使得閒問候一兩句 亦都可以比佢感受到你有關心佢
最後 我真係好想用粗口罵你 咩係"無聊戈陣諗過放棄"
又要一齊又要放棄 咁你不如咪一齊
要你明白既係 佢肯同你拍拖唔代表佢一定鍾意你
只不過佢願意比機會你地彼此了解大家 所以你連自己都未做好 就開始諗佢既不是
你呢種心態係未付出就想有收獲 係好唔要得
成熟小小啦 樓主
[
本帖最後由 ~傳說中的傻仔︻ 於 10-3-23 05:46 PM 編輯 ]