-
~傳說中的傻仔︻五星白金會員
2010-5-12 22:56#221
原帖由 chinesepeople 於 10-5-12 10:48 PM 發表 
真系好精彩可惜要人等好耐囉,,,,等兩三日先睇得果少少...
我真係好明白讀者們的感受 亦都好清楚個份期待既感覺
但係我又要作 又要鋪排情節 更要修改 希望可以出到最好既篇章比大家睇~
時間 係一定要的了~
二至三日有一篇新的文 大家可以看看整個小說板
只有少數作者能夠承受到 我希望大家可以體諒~
作者們其實係要負擔好多野 包括你地既反應/文章既質量
二至三日 真係算快架啦~~
我都相信大家唔想見到一篇為『快』而作出黎既文
質量..可想而知.....
所以最後一句:還望大家體諒...體諒呀...
-
藍色千羽鶴四星黃金會員
2010-5-12 23:41#222
留CM支持~~
更新很快的說
-
~傳說中的傻仔︻五星白金會員
2010-5-13 08:43#223
第十二話:
(呼..好彩佢唔知我吹左雞姐..)
他向身旁的近身點點頭,就是剛才眼神兇狠的人,
「波哥下話?」
這人正在磨拳擦掌,眼神的壓迫力極強,
他應該也是二十有多,略高我半個頭,
雙目如虎,身形不太算健碩,但是卻隱含一陣陣的戰神氣勢,
雙拳鬆而聚力,雙腿直而剛猛,整個便是以戰為生的感覺,
我也立刻把狀態推上頂點,只因感覺到眼前的人絕對不簡單,
但我怎麼覺得他很熟悉,我是不是在那裡見過他?
「龍仁,睇你啦.」
「放心,食滑佢個隻.」
「哈哈,虎父無犬子,實唔會影衰皇龍哥個朵.」
我嚇了一嚇,原來是龍仁,
在福田的工廠裡,也算有有過一面之緣;
怪不得我好像見過他,但真正使我嚇到的不是龍仁,
而是『皇龍』這名字,聽到這兩字我已經心惑不妙,
(皇龍!!今次捉蟲啦.)
『東英皇龍』,貴為上一輩的兩大『雙花紅棍』之一,
而這名字在十年前已經響遍全港的社團,
每次出戰皆獲勝,以『打』來說的名頭,
只有『華興』的佳哥能夠與之匹敵,
而他兒子的實力是如何,我很快便會知道.
(戰神個仔又點!!雙花紅棍又點!!
唔Q理啦,老虎就老虎,燒賣就燒賣啦!!!)
「開波!!」
瞬間,龍仁以疾速打出一個直拳,
拳風撲面,格鬥技術可見一班!!
「碰!!」其沖擊力大得驚人,
即使我出盡全力抗衡也被迫得退後數步,
(痴線!!今次奶野!!)
「唔係咁快玩完呀!!」
龍仁左腿一掃,我馬上跳起而正想出拳之時......
(咩話!)
他竟然快速地轉了一圈,右腳隨旋轉向半空的我橫掃,
(有無咁誇張!!半空轉身踢我都得!!)
我用盡力氣舉起左肩力抗,「躂!!」
卻仍然能硬生生把我壓回地上,雙花紅棍的實力果然恐怖!!
「華興兩大打手就係咁多?」
(我屌你..仲寸柒柒)
龍仁並沒有放鬆,更想乘勢把我一舉擊倒,
「咳..咳..」我壓下痛楚看清楚他的進攻,
一下右勾拳急攻我左面龐,我屈身蹲下,
當我天真的以為避過的時候,
他卻早預料到我的動作,膝撞已經迎面而來!!
「碰!」我面龐全數承受他的膝撞,鼻血飛灑在地上,
「唏!!」
我本能反應捉緊他的腿一起向後趺,雙手發力拉直他的腿,
雙腿挾緊他的頸,這是自由搏擊中的『鎖』,
(夾死你!!)
「咁就鎖到我,我就唔叫龍仁!!!」
但雙花紅棍之名豈是浪得虛名,他雙手竟能硬生生拉開我的雙腳,
正常來說腳的力道是手的三倍,可見他的手已經等於我的腳,
「哂氣!!」他一下吼叫,把我下半身拉起來後,單腳屈曲成一個尖峰,
他想把我的腰直撞上膝蓋,如若成功的話,我的脊骨將會一分為二,
而我一輩子也會在輪椅中渡過,
(唔放手唔得!!)
我只能馬上放開他的腿而滾向一旁,
我暗自慶幸反應快,否則將會半生不遂.
我還想站起來時發覺全身痛得要死,
(好痛....)
剛才混戰中所受的刀傷不斷滲出血來,加上他超班的格鬥能力,
如果是平常狀態,我或許有能力與他打個平手,
但如今傷患交集,我是絕對勝不了他.
可是我仍然露出一個勝利的笑容,連龍仁也捉不到我在想什麼,
「有乜咁好笑.」
(笑你班白痴無腦,強哥應該到啦!)
這時東英手下慌忙的拿著一部正在震動的電話,
「輝哥!!原來佢地報左寸,樓下班兄弟同人片緊!」
史王輝面色突然大變,
「乜撚野話!」
這時工廠下層傳來一陣陣的撕殺聲,
「阿波佢地係天台,殺佢老母!!」
我認得這是強哥的聲音,由天台望下去亦見到華興的兄弟正在血拼,
「仆街仔,你陰我!」史王輝氣得面也變青,
然後他望到阿偉的手在衣服內微動,
他抓緊阿偉的手拉出來,是我給他的電話!!
「嘿嘿..成班..柒頭..」阿偉還來個火上加油,
「同我溶左佢地!!」史王輝怒不可遏!!!
(待續)
補充資料:
捉蟲:搵自己笨
[ 本帖最後由 ~傳說中的傻仔︻ 於 10-5-13 08:45 AM 編輯 ]
-
鋼牙章魚丸二轉會員
2010-5-13 17:22#224
小,有雙花紅棍打條毛
-
~傳說中的傻仔︻五星白金會員
2010-5-13 22:31#225
原帖由 鋼牙章魚丸 於 10-5-13 05:22 PM 發表 
小,有雙花紅棍打條毛
下期 是一個高潮位...
-
~傳說中的傻仔︻五星白金會員
2010-5-14 09:08#226
第十三話:
阿偉突然發難,整個身撞向右邊的史王輝,
但史王輝四肢健全,要避開完全沒有難度,
「嗚呀...」阿偉摔向地上,
「仲想發圍!!同我打死佢!!」
史王輝令手下攻擊阿偉,
而剛好阿偉的面對著我,但令我在意的是,
阿偉面上的表情,那是什麼的表情!?
六年前......
「喂,阿波,行左古惑無得番轉頭架.」
阿偉把拍拍我的背脊,示意我要想清楚,
「算啦,自己又唔係讀書,又無一技之長,行古惑最岩我.」
我們穿著校服,慢慢地向強哥的公司前進.
「好!!阿波,阿偉,今日開始你地就係華興既人,
亦都係我毛強既人,有人攪事既,響我朵就得.」
「收到大佬!!」我們異口同聲地說,
「唔好叫大佬,都係叫強哥好D.」
「收到強哥!!」
「嗯,你地走先啦,岩岩閹正就周圍威下啦.」
「喂,你估下你第日點死?」
阿偉突然問一些虛無的問題,坐在尖沙咀海旁的我,
看著眼前夜景,卻沒有一個答案,
「撚知咩...不過我一定知你點死.」
我露出一個奸笑,
「點呀點呀?」
「你肯定精盡人亡.」
「我屌你呀!!」
阿偉不斷向我小弟弟施襲,我只能馬上投降,
「唔玩啦!!咁你想自己點死呀!!」
阿偉的神情卻立時轉變,剛才的嬉皮笑臉也收回,
呈現我眼前的,是一副奇怪的表情,
好像看透了世間的事情,那種無怨無悔的感覺,
「點死...如果你第日見到我咁既表情,你就知我個刻係點死...」
那是六年前的一番戲言,想不到我再次看到這個表情,
這段回憶馬上在我的腦袋播放,阿偉竟然露出這個表情了!!
「阿..阿偉!!」
我失聲大叫,東英仔以為我只是在關心阿偉,
但其實阿偉已經是準備踏向死亡之路,
只有我能夠清楚這是什麼表情呀!!
(唔好阻住..唔好阻住!!)
當我想衝過去救阿偉時,眼前的龍仁卻不斷把我迫退,
「想救人!?過左我個關先.」
伏在地上的阿偉卻不斷被眾人的利刀斬下,血花從他的身上散落,
「屌你老母!!夠彊就斬死我,唔好攪佢!!」
我怒極咆哮,卻阻擋不了他們的獸性,
他們一刀一刀地斬下去,我一秒一秒地感到絕望,
阿偉......要死了嗎??
「阿波伏低呀!!」
血跡班班的阿偉突然大叫,我立時望過去,
只見他雙手快速地扭開那頸飾的外殼,
(話唔定會救到你.....)
這句說話再次響起,究竟那頸飾是什麼東西?
而眾人的注意力被吸引到阿偉的身上,
一下很刺耳的聲音突然從頸飾裡響起,
「滋...!!!!!」這是什麼聲音!?
(話唔定會救到你...話唔定會救到你...話唔定會救到你...)
這時我的腦海馬上浮現兩個字---爆炸!!!
史王輝等人也好像意識到發生什麼事,
「仆街,快D行開!!」
「哈哈,仆街啦東英仔!!」
阿偉浮腫的面上露出一個笑容,那是我最後看見他的表情,
這表情就像在對我說:再見了,我的兄弟.......
(待續)
補充資料:
閹正:岩岩做古惑仔
[ 本帖最後由 ~傳說中的傻仔︻ 於 10-5-14 09:14 AM 編輯 ]
-
雨紛飛一星新手會員
2010-5-14 13:21#227
死左啊!!!!! 我不要!!!!!
-
ho0000一星新手會員
2010-5-14 14:40#228
讀!!!!!!!!!!!!!!!!!!!!!!!!!!!!!!!!!!
-
飄渺的風四星黃金會員
2010-5-14 18:12#229
原帖由 ~傳說中的傻仔︻ 於 10-5-14 09:08 AM 發表 
第十三話:
阿偉突然發難,整個身撞向右邊的史王輝,
但史王輝四肢健全,要避開完全沒有難度,
「嗚呀...」阿偉摔向地上,
「仲想發圍!!同我打死佢!!」
史王輝令手下攻擊阿偉,
而剛好阿偉的面對著我,但令 ...
你令我想起大逃殺了XD
一樣放炸彈係條頸到~
-
鋼牙章魚丸二轉會員
2010-5-14 20:19#230
屌屎王輝老母 偉偉唔死得!!
-
fgh14798二轉會員
2010-5-14 22:22#231
偉偉死左既你就pk
-
~傳說中的傻仔︻五星白金會員
2010-5-14 22:47#232
好大壓力 究竟阿偉會唔會死呢!!!!
哈哈哈 不過我係唔會因為讀者而偏離我既作風
慢慢期待吧 (奸笑)
-
fgh14798二轉會員
2010-5-14 22:56#233
此小說將會被離棄....
-
~傳說中的傻仔︻五星白金會員
2010-5-14 23:17#234
原帖由 fgh14798 於 10-5-14 10:56 PM 發表 
此小說將會被離棄....
我不會害怕的!!
-
johnchc四星黃金會員
2010-5-14 23:28#235
比我講中左偉哥會死? 我講下笑嫁炸 作者千其唔好當真
-
~傳說中的傻仔︻五星白金會員
2010-5-16 11:16#236
小小調查
大家想我下一話出外傳先 定係砰砰聲出埋下一集先~
-
吹啤四星黃金會員
2010-5-16 12:18#237
砰砰聲出埋下一集先
-
johnchc四星黃金會員
2010-5-16 15:21#238
下一集 唔該!!!
-
~傳說中的傻仔︻五星白金會員
2010-5-16 18:18#239
OK 聽日早上即出下一集
-
~傳說中的傻仔︻五星白金會員
2010-5-17 08:22#240
第十四話:
「轟隆!!!!!!!!!!!」
爆炸的威力瞬即擴散,
這時所有事情在我眼中亦變得很慢,很慢......
慢得可以看著阿偉的四肢怎麼分離,
慢得可以感受到我最重要的兄弟如何死去,
慢得連我的呼吸也像停下......
「呼!!!!!!!!!!!!」
爆炸力很強,最接近阿偉的人自然不能悻免,
連我與龍仁即使距離數十個人位,也被爆炸力衝開,
一瞬間我暈了過去,不知過了多久......
「砰!」天台鐵門被打開的聲音使我醒過來,
(阿偉,阿偉呢!!)
爆炸過後我完全不能動彈,我想用最後的力氣站起來,
然而身邊的龍仁卻還沒有醒來,映入眼簾的是有人搬走史王輝和龍仁,
「快D走!!」
「呢條友點攪.」
「仲理佢!?班華興仔就殺到黎啦,早走早著!!」
幸好他們沒有心情理會我,好運又使我避過一劫.
(阿偉.....)
我想爬起來但卻不能,我看看四周,
只見一大片血肉橫飛,卻找不到阿偉的屍體,
阿偉在那裡!!阿偉在那裡呀!!
大概過了數分鍾後,強哥率眾人來到,
「阿波....阿波...!?」
他們走過來在呼叫我的名字,
「快D CALL白車啦!!屌!!」
「波哥,頂住呀!!」
「你仲係度拎住把刀做乜,幫手啦!!」
聲音變得愈來愈立體,我還想盡最後的一絲爭扎,
「阿...阿....偉..」雙手不斷向前亂抓,
我不想暈到,我要找到阿偉!!!
(阿偉..你去左邊呀...)
黑暗卻突然侵占我的雙眼,
(唔好..唔好暈呀!!)
但事實是我已經暈到在地,不省人事.
這是那裡??
四周沒有風景可言,只有白色一片,
連地上也是白色,我置身於一個白色的空間裡,
「喂,飲唔飲.」
身後傳來一把熟悉的聲線,我趕忙回頭看,是阿偉!!!
「阿偉!!太好啦,你仲係度!!」
阿偉飲著啤酒,把另一樽亦遞給我,
「阿偉...呢度係邊度,我地一齊走啦.」
我眼神充滿期待,他卻露出一個苦笑,
「我走唔到啦,呢次係最後一次同你飲酒啦.」
「你講咩..?」我想抓住他時,雙手卻穿過他的身體,
「阿波,你仲未夠鍾黎呢度,以後既路自己醒扒啦.」
細看之下阿偉的身體是由煙所構成,而且正在慢慢消散,
我雙手不斷向前抓,想阻止阿偉消失的身體,
但卻是預期中的徒勞無功,
「唔好...唔好呀..」
這時,阿偉的面孔再次露出一個微笑,
「兄弟,下世見.」
呼......阿偉消失了,完完全全地消失了,
四周的白色景象突然轉為黑色,更有一股強勁的吸力出現,
把我整個身體從這裡吸走,
「阿偉!!」
我雙眼猛然睜開,四肢卻未能如常活動,
但肉體的痛楚,卻遠遠比不上心靈的悲傷,
眼淚已經流下,一滴滴地刺在我的心內.
(待續)
有獎預測遊戲:
阿偉會唔會死呢?
答案:會
得獎者將會得到我既GOOD 1個~
[ 本帖最後由 ~傳說中的傻仔︻ 於 10-5-17 08:31 AM 編輯 ]