-
~傳說中的傻仔︻五星白金會員
2010-4-3 08:24#21
RE下級生:嘿嘿 咁又未必既 做紅棍唔只得一條路
RE MICHAELO:咀嚼個意思就好似你唔知佢係苦定甜 經過你既舌頭先會慢慢分辨到
相反 品嘗好似比較正面 咁樣唔係幾符合我想帶出個意思
意思就係:你既心態好壞 就要透過好多事先會領略到 就係我用咀嚼既原意
感謝你既意見:smilie_:)3:
-
~傳說中的傻仔︻五星白金會員
2010-4-3 08:39#22
第三話:
阿MAN殺紅了眼,想向我再施以毒手,
「停手!」強哥一下喝令,
阿MAN縱萬不情願,亦只好停手.
菊花這時卻露出一絲的笑意,
「點呀強仔,話左阿MAN有料,係都要打,影衰埋自己.」
阿偉過來扶起我,「死得未呀?」
我推開他的手自己站起來,但全身痛得要死,
畢竟不可以再掉強哥的面子,也只好死忍下去.
「結果出左黎,阿MAN係今年既紅棍,而阿波自己衰仔唔夠料,三年後再黎過啦.」
強哥縱然無奈,但事實上我就是輸了,
眾兄弟也只好苦笑,三年一度的大典亦這樣完結.
晚上,我獨自在家裡擦著鐵打酒.
電話這時響起來,「喂.」
「阿波,出唔出黎飲杯野.」
原來是阿偉,看來他是想關心我,怕我輸給阿MAN後心情有所失落,
「唔啦...痛到我死..柯尿都無力啦.」
「有食唔食呀你,今晚又要我起雙飛.」
「睇住腎虧呀.」
「講埋D咁唔老泥既野,咁你早D抖啦,BYE~」
「BYE~」
我把電話放回桌上,卻不小心把一個相片架掃趺在地上,
我拿回一看,原來是當年我與『她』的一張合照,
想不到我還保留這張照片,『她』現在還好嗎?
(三年都無見過佢,一切都應該變哂啦.)
距離大典後兩個月,社團又有大事發生,
強哥急召我們集合,大家立刻趕去拳館待命.
「喂,咩料.」阿偉向犀牛問道,
「強哥同東英個泥鰍傾唔掂條數,咪開片LOR.」
只見眾人在磨利他們的武器,有鐵通、開山刀、棒球棍等等,
看看人數也有一平馬之多,強哥亦在此時到達,
他到達便即招手叫我過去,我不敢怠慢,
「強哥.」
「今次唔洗比面我,盡情掃班仆街!!」
「OK.」
強哥下了追殺令,我們便要盡力去執行命令,
古惑仔的生涯,便是上頭有指示,
我們不理危險與否都要把任務完成,
用生命賭博的日子,用鮮血達成上頭的意願.
「強哥,洗唔洗借D兵比你呀..哈哈.」
一陣令人討厭的聲線響起,那是阿MAN,
他好像特意來贈興似的,眾人看見他都立刻充滿敵意;
一來他不但自出自入,態度更是囂張得反感,
二來自從他當起紅棍之後便自以為是,更數次踩線去干預其他話事人的地盤,
風頭一時無兩,氣焰大得驚人.
強哥心情已經不好,現在有出氣對象當然歡迎之至,
「關你撚事咩?你咩身份同我講野?」
想不到強哥這麼好性子也忍不住責罵,
四大話事人之一的地位令阿MAN閉起口來.
「我既事唔洗你條盲毛黎理,OK?」
強哥的氣勢完全展現出來,「番屋企睇AV啦,大隻佬.」
阿偉帶領一班兄弟起哄,阿MAN帶著『吃了屎』的表情離去.
身份地位永遠是古惑仔所追求的榮耀,因為它帶來的用處多不勝數,
也是為何願意用珍貴的生命來作交換原因,一切看似平等......
到達荒廢的舊市區後,眾人拿起刀便衝出去,
「殺!」
「咪比班仆街走!」
「你係咁大先啦,東英仔!」
「收啦,華興仔!」
撕殺隨著眾人的挑釁而掀起序幕,
血不停在我眼前飛灑,但這並不是令人振奮的戰爭,
而是踏著別人屍體往上踩的行為,究竟我在做什麼?
六年來沒有過的猶豫,竟然在這血肉橫飛的情況中使我遲疑起來,
「睇鬼!!」阿偉的一聲驚叫,我才發覺有人從後襲擊,
「嗚..」很痛!!刀鋒在我的背脊劃下一道血痕,
回過頭時他已經把刀高舉,我要死了嗎!?
(待續)
補充資料:
一平馬:100人的術語, 如此類推,兩平馬即係200人
-
DAVIS123456二轉會員
2010-4-3 12:28#23
你死得啦:smilie_:10:
-
~傳說中的傻仔︻五星白金會員
2010-4-3 12:32#24
原帖由 DAVIS123456 於 10-4-3 12:28 PM 發表 
你死得啦:smilie_:10:
咁又唔會咁快香既-.-
話哂都係主角 之前已經衰左一次又要死 仲慘過D二打六:face_l_17:
-
DAVIS123456二轉會員
2010-4-3 12:34#25
個「她」係咪主角以前條女?
你話主角同佢以前 搞過 生左個仔
之後你就死個時佢黎左幫拖:em014:
-
~傳說中的傻仔︻五星白金會員
2010-4-3 14:05#26
原帖由 DAVIS123456 於 10-4-3 12:34 PM 發表
個「她」係咪主角以前條女?
你話主角同佢以前 搞過 生左個仔
之後你就死個時佢黎左幫拖:em014:
嘿嘿 個劇情無咁簡單 遲D你咪知A_A
-
阿唷一星新手會員
2010-4-3 17:03#27
正啊 !!!!!!!!1:em014: :victory:
-
~傳說中的傻仔︻五星白金會員
2010-4-3 17:12#28
原帖由 阿唷 於 10-4-3 05:03 PM 發表
正啊 !!!!!!!!1:em014: :victory:
多謝支持A_A
可惜<兄弟死戰篇>我已經作好哂D人物所以未招人住
等我出下一篇個時再招人 到時希望大家多多捧埸:em015:
-
西門●吹峰五星白金會員
2010-4-3 18:34#29
我有個問題丫...以我了解
如果你係真實的話...
應該會係 415 426 438 49 .... 嫁喎
但係 你又講到有 49 咁 49 點都唔會係最細丫?
49 再對落個d 應該 都唔洗 講 ... 係而家社會 黎講 個d 名 無人理...
-
~傳說中的傻仔︻五星白金會員
2010-4-3 18:56#30
原帖由 西門●吹峰 於 10-4-3 06:34 PM 發表
我有個問題丫...以我了解
如果你係真實的話...
應該會係 415 426 438 49 .... 嫁喎
但係 你又講到有 49 咁 49 點都唔會係最細丫?
49 再對落個d 應該 都唔洗 講 ... 係而家社會 黎講 個d 名 無人理...
其實我係用統稱 點解用統稱呢? 係為左方便
四九就係基本會員 紅棍就紅棍 白紙就白紙 草鞋就草鞋 起碼有個名係度
下下用415 426 會好易令人混淆 又要搵番426係乜 415係乜
所以係呢部小說入面 我用最簡單既方法分開唔同LV既人
四九仔 < 草鞋/白紙/紅棍 < 話事人 < 龍頭
咁當然啦 事實上當然唔只咁少 仲有大路元帥 二路元帥 雙花紅棍等等
不過為左方便同埋統一 所以先唔用數字 而且仲將職位減少左 大家都無睇得咁辛苦
至於四九仔點都唔會最低 我都知道
不過既然個故事係圍繞住四九仔 我索性將佢變成最低 可能有小小混淆視聽 不過都係為左故事可以發展順利
希望可以解決你既問題:cheers:
[
本帖最後由 ~傳說中的傻仔︻ 於 10-4-3 06:58 PM 編輯 ]
-
~傳說中的傻仔︻五星白金會員
2010-4-4 10:11#31
第四話:
一把不知從那裡來的開山刀,突然穿過那名刀手的心胸,原來是阿偉!!
阿偉把刀拔出來後向前一踢,那名刀手死得很不甘心,
他的雙眼猶如金魚眼般突了出來,不肯相信自己已踏進死亡的國度.
「你係唔係傻撚左!!差D就打柴!!」
阿偉的罵叫聲令我清醒過來,
(要生存就要殺...!!)
我現在不應該著緊沒有意義的事情,要生存便不能猶豫!
清醒過來後,我狠心除掉眼前的敵人,
我捉著其中一名刀手的手腕,而右手的利刃早在他的頸部亂劃,
「嗚呀!」
他的痛苦聲線並沒有使我留情,
我把刀快速地推入他的肚內,再向右一拖,
一連串的動作很流暢,鮮紅的人血便這樣染上我的面龐.
「一個都咪比佢地走!」
我也開始瘋狂起來,獸性似乎已經覆蓋我的人性,
「挑,我唔信你咁勁!!我叫......!」
又一名不知死活的人過來送死,他的名字還在嘴邊,
我的刀卻早已送進他的頭顱裡,他只能帶著他的名字進入黃泉路上;
我們愈戰愈勇,對方開始潰不成軍,
再過多十五分鍾,東英很快便敗下陣來.
經過點算,泥鰍這次是損兵折將,相反強哥的生意再次回復起色,
強哥很滿意我們的戰績,故請眾兄弟往夜總會慶功.
夜總會內,
「你今日做咩無啦啦呆左,係唔係食左屎?」
阿偉在取笑我,我馬上向他的『小弟弟』還擊,
「我比你呢度嚇傻左.」
「拿,咪攪個度,生小偉偉都係靠佢架啦.」
阿偉看我只是在喝啤酒,而沒有左擁右抱,
便招手喚媽媽生過來,
「媽咪~!你今晚D女我地波哥唔係太鍾意WO,有無D仲正D既先.」
一名濃妝艷抹的中年女人走過來,她架起一個機械式的笑容,
「偉哥仔,有就緊係有啦,只不過...」
她好像有點難言之隱,阿偉立刻發作,
「咩料呀,波哥要既女你都吱吱左左.」
「唔係呀偉哥仔,D女比你地兄弟落哂鍾,就係個邊咋MA.」
她向前方指一指,我與阿偉便望望是誰,
原來是阿MAN,只見他與一眾手下玩得不亦樂乎,
「我小,個基佬MAN.」
矮仔明好像看見我們,阿偉立刻裝了一個鬼臉回敬,逗得我也笑起來,
「算啦,你去招呼其他人啦.」
「係既係既,玩得開心D啦.」
中年女人便好像如釋重負地走開.
正當我們在談天的時候,有人卻過來掃興,
「咦?呢個咪係比MAN哥收左一次既波哥!!?」
原來是矮仔明,他應該是看見我們後,想過來挑釁一番,
「你傻撚左呀?你同邊個講野呀?」
阿偉不甘我被『單打』,立時發作,
我拍拍阿偉示意他坐下,阿MAN這時又走過來,
「細既又亂講野啦,哈哈,阿波唔好見怪.」
阿MAN一如以往的佛口蛇心,真他媽的虛偽.
他在我桌面上倒了兩杯酒,然後遞了一杯給我,
「以前D野,飲左佢當無數啦.」
他自己則便拿起酒杯在等我,「好呀.」
(等我玩下你條契弟先.)
我亦拿起酒杯,「波哥即係波哥,特別大量.」
阿MAN的樣子實在令我很討厭,
當快要『CHEERS』的時候,
我裝作拿不穩酒杯,把酒倒向他的衣服,
「嘩..」阿MAN避不開,眼神立時變得憤怒,
「係唔係玩野呀!」矮仔明馬上發作,
「啪!」他大力拍往桌面,
十多人立刻從阿MAN的桌上過來圍著我倆,
「唔好意思WO,MAN哥,隻手唔聽話,
我地今晚就玩夠啦,你慢慢玩啦.阿偉走啦.」
還沒有等阿MAN回答我便離去,圍著我們的人也不敢作出阻攔,
阿偉刻意碰撞數人的肩膀,這時我高舉食指擺了一擺,
意思便是:總有一日我會替你收屍.
(待續)
補充資料:
打柴:死亡
落鍾:金錢交易(性行為)
[ 本帖最後由 ~傳說中的傻仔︻ 於 10-4-4 10:16 AM 編輯 ]
-
DAVIS123456二轉會員
2010-4-4 11:53#32
個波哥係咪你簽名個個:smilie_:10:
-
~傳說中的傻仔︻五星白金會員
2010-4-4 12:51#33
原帖由 DAVIS123456 於 10-4-4 11:53 AM 發表
個波哥係咪你簽名個個:smilie_:10:
你覺得係咪係-.-
你可以當自己係都得架A_A
-
DAVIS123456二轉會員
2010-4-4 13:03#34
我係強哥wo :em015:
-
~傳說中的傻仔︻五星白金會員
2010-4-4 13:09#35
原帖由 DAVIS123456 於 10-4-4 01:03 PM 發表
我係強哥wo :em015:
咁你注定無好下埸-.-"
-
DAVIS123456二轉會員
2010-4-4 14:20#36
WHY:smilie_:10:
-
~傳說中的傻仔︻五星白金會員
2010-4-4 16:53#37
原帖由 DAVIS123456 於 10-4-4 02:20 PM 發表
WHY:smilie_:10:
因為係之後既劇情 強哥會......(賣個關子先)
-
MICHAELlo五星白金會員
2010-4-5 10:01#38
原帖由 ~傳說中的傻仔︻ 於 10-4-3 06:56 PM 發表
其實我係用統稱 點解用統稱呢? 係為左方便
四九就係基本會員 紅棍就紅棍 白紙就白紙 草鞋就草鞋 起碼有個名係度
下下用415 426 會好易令人混淆 又要搵番426係乜 415係乜
所以 ...
咁你又話要真實..又要刪減..
-
MICHAELlo五星白金會員
2010-4-5 10:04#39
原帖由 DAVIS123456 於 10-4-4 11:53 AM 發表
個波哥係咪你簽名個個:smilie_:10:
哈..佢果個係山下忠秀(立花)XDXDXD
-
~傳說中的傻仔︻五星白金會員
2010-4-5 10:58#40
原帖由 MICHAELlo 於 10-4-5 10:01 AM 發表
咁你又話要真實..又要刪減..
咁法律都不外乎人情 我盡量將個故事簡化係方便大家睇
而家當中大部份都係真實 只不過有小部份我無寫出黎
如果真係跟足<古感仔>既架構 無番十幾年 都唔洗作完個故事 希望可以體諒 體諒:cheers: