-
鋼牙章魚丸二轉會員
2010-4-9 14:38#61
戰神超強大
1打10
-
~傳說中的傻仔︻五星白金會員
2010-4-9 15:12#62
話哂都係龍頭 1打10就由佢啦-.-
而且唔係成日出埸 唔好捉得我咁嚴:smile_13.gif:
-
DAVIS123456二轉會員
2010-4-9 22:50#63
已閱
啦啦啦~~~~~~~~
-
朗2二星初級會員
2010-4-9 23:22#64
第八話>>「拿,我今晚就唔想攪事,上頭柯打就拎番三份一衣總會姐,葡萄哥就比下面,大家好來好去.」
係咪夜?
-
朗2二星初級會員
2010-4-9 23:31#65
故事清楚,內容寫實
我好鐘意呢個故事
推薦推薦推薦
-
~傳說中的傻仔︻五星白金會員
2010-4-10 06:32#66
原帖由 朗2 於 10-4-9 11:31 PM 發表 
故事清楚,內容寫實
我好鐘意呢個故事
推薦推薦推薦
多謝支持 我改番個錯字先@.@
-
~傳說中的傻仔︻五星白金會員
2010-4-10 06:51#67
第九話:(呢話賣大包 有成6段咁多 慢慢睇啦:victory:)
早上打開報紙,全是昨晚葡萄被殺的新聞,
整個A1板面也給『黑道撕殺』四個大字霸佔,
「鈴..鈴..」電話響起來,
「喂.」
「阿波,琴晚單野做得好.」是強哥的慰問,
「強哥落得ORDER,我地緊谷行哂.」
「升左做大底係唔同D,講句野都有POWER.」
「咪笑我啦.」
「一陣去我間寫字樓,有計傾.」
(強哥叫我去吹水??睇怕都有野要攪.)
「咁一陣我差唔多到比個電話你.」
「OK,你鍾意可以叫埋阿偉.」
我致電給阿偉,但他卻沒有接,應該是要在風花雪月中.
換好衣服,我便向著強哥的公司出發.
「蒙生,有位凌生搵你.」
「比佢入黎.」
「你入得去啦,蒙生已經係入面.」
門外的秘書小姐邀請我入內,
「唔該.」
我推開木製的大門,大門邊著有龍紋的圖案,散發著與別不同的氣派;
「強哥.」
「阿波,坐坐坐.」
環望四周,辦公室不但充滿著格調,更突顯出強哥的富有.
「強哥即係強哥,間房都型過人.」
「碎料黎姐,第日你搵到錢都可以好似我咁.」
「呵,都唔知要幾耐.」
「呢D遲D再傾,搵你上黎係想同你傾少少野.」
我點點頭,聚精會神地等著強哥的發言,
「想問下你想唔想參加今年個社團名次爭霸戰.」
「咩黎架?」
「講白D,即係自己環頭派人出黎隻DUP,贏左就省靚個牌頭,
亦有D人就藉呢個比賽解決社團恩怨;年年都有架啦,你之前未夠班,今年你都二十三,諗住比你見下世面姐.」
「好多社團都會玩埋一份?」
「係呀,我地同東英就落硬埸,另外有中星,謝記個D細野都會玩下.」
(謝記!!)
一聽到這個名字,便會令我想起火柴那個賤人.
「另外贏左冠軍條友,就會成為公認既雙花紅棍.」
(雙花紅棍!!!)
「咁堅!?」
「嘿,預左你係咁既反應,你都知雙花紅棍係全香港都得兩個,
係我地呢輩黎計,得佳哥同埋東英個皇龍;
而我地呢D都變做老野啦,所以諗住係D細既入面,
睇下搵唔搵到一兩個都好,順手問你會唔會參加.」
「緊參加啦!」
能夠見識到不同的格鬥好手,我才不會錯過這樣的盛事,
「但係我地琴晚先隊死左葡萄,東英個邊又會肯算數?」
「挑,個葡萄出哂名貪威識食,東英班幹部一早想做瓜佢啦,
而家你幫佢地收左條友檔,多謝你都黎唔切;不過你要小心個史王輝.」
「史王輝?」
「葡萄既親生大佬,五幹部之一,條友勁有腦;葡萄做到掌舵個位都係史王輝攬佢.」
「嗯,收到.」
『東英』與『華興』是不同的社團,內部分級亦有分別;
沒有分別的是「龍頭」當然是最大,
「龍頭」之下,華興便是以『四大』來作分支,
東英則分開了五大幹部與八區掌舵,
史王輝便是其中一名幹部,葡萄與泥鰍便是其中一名掌舵,
能夠升上掌舵的位置,沒有一定時間與彪炳的戰績是絕對當不了;
亦因為『華興』與『東英』的勢力同樣強大,所以亦有云:
『華興四大隨勇龍,東英五幹全掌舵』
可見東英五幹部的實力與華興四大話事人不分上下,
亦因此力證東英便是華興最大的敵人.
強哥走過來拍拍我肩膀,
「GOOD,仲諗你之前衰過比阿MAN會謝皮.」
「邊個未輸過呀,識企番身咪得囉.」
「哈哈,我就係欣賞你自強不息,你順便睇下仲有人想參加,
下星期三之前比個LIST我.」
「咁菊花個面係唔係都會...?」
「哈哈,定啦你.花仔佢咁要面,肯定都落硬埸,
到時你咪再同個阿MAN片過,不過今次醒定D.」
「放心啦,我唔會再做第二次衰仔,係呢,個比賽幾時開波?」
「下個月五號,仲有成個月比你操,醒扒啦.」
「收到,走先啦,強哥.」
「嗯.」
離開強哥的公司後,我開始想想身邊有沒有人會參加比賽,
在大街之上,卻聽見一把令人討厭的聲線,
「咦,波哥WOR.」
這個世界還真是細小,偏偏看見不想碰到的人,
「點呀,阿MAN.」
阿MAN擺出一副看不起我的神情,
他身後亦總是跟著一班手下,好像整個環頭也是他們管治似的.
「你都參加個比賽呀?」
「係又點.」
「哈哈,咁我希望你唔好第一ROUND就同我打啦.」
「唉呀,MAN哥,我驚人地連外圍賽都比人收左皮.」
矮仔明在一邊附和,
「有無攪錯,你咁樣話波哥?」
「對唔住,波哥,原諒我係咁直.」
矮仔明露出一個恥笑,正所謂『士可忍,孰不可忍』,
(咁都忍到,我唔姓凌!!)
「碰!」我的右拳把矮仔明直轟趺在地上,
「嘩..!!」矮仔明怕得連忙躲在阿MAN身後,
街道的人趕忙過來圍觀,「嘩..打交呀?」
「打狗都睇主人呀,阿波.」
阿MAN的面色變得很深沉,他的手下更過來想抓我,
我馬上推開他們,指著阿MAN說,
「阿MAN,你係唔係玩野!!」
「停手!」阿MAN立時喝停他們,
「你係玩野既,我而家就吹雞同你玩!」
彼此眼神交接,不和已經擴展成仇恨,
「嘿,點會呢,波哥你敏感姐,係比賽到見啦,走啦!!」
阿MAN總算不敢在白天明刀明槍,走之前他在我耳邊說了一句,
「我會係擂台上面,當住咁多人面前打死你,執生啦.」
看著他的背影,我便知道總有天要跟他決一死戰.
(待續)
補充資料:
牌頭:社團
雙花紅棍:紅棍中既紅棍 超強格鬥能力既古惑仔 全港得一至兩個
[ 本帖最後由 ~傳說中的傻仔︻ 於 10-4-10 06:55 AM 編輯 ]
-
DAVIS123456二轉會員
2010-4-10 09:18#68
咁快又要打 SAD:victory:
-
~傳說中的傻仔︻五星白金會員
2010-4-10 11:49#69
你想隔幾耐?? 唔通一年半載咩:smilie_:10:
-
鋼牙章魚丸二轉會員
2010-4-10 13:59#70
波波做硬雙花紅棍:em014:
-
~傳說中的傻仔︻五星白金會員
2010-4-10 14:11#71
原帖由 鋼牙章魚丸 於 10-4-10 01:59 PM 發表
波波做硬雙花紅棍:em014:
拿...我無講過呀A_A
-
十天使三星高級會員
2010-4-11 02:42#72
你個故仔好好笑^^幾好睇唷
心思思想追落去添!!
不過寫實就唔係喇, 很劇情化吧 ~
-
~傳說中的傻仔︻五星白金會員
2010-4-11 11:37#73
原帖由 十天使 於 10-4-11 02:42 AM 發表
你個故仔好好笑^^幾好睇唷
心思思想追落去添!!
不過寫實就唔係喇, 很劇情化吧 ~
點解會好好笑-.-....明明無刻意做GAG位出黎
不過都多謝你支持
-
~傳說中的傻仔︻五星白金會員
2010-4-11 11:40#74
第十話:
距離比賽還有兩個月,我在拳館苦練,
「啪!!啪!!啪!!」沙包被我打得左右搖晃,
「波哥,操得咁衡既?」
「唔衡唔得啦,比賽架MA.」
「我地實撐你,加油波哥.」
拳館內的兄弟給予我支持,這也是黑社會圈子內較為溫暖的一面,
「走先啦,波哥,慢慢練.」
「嗯,再見.」
拳館內只剩下我一人,心裡覺得有點空虛,
人一旦空虛,便會不斷胡思亂想,
我在這一刻也不例外,回想與她相識的那一天......
人總會有年少輕狂的時候,更何況是三年前只有二十歲的我,
那時最喜歡與阿偉四處生事,也沒有不敢作的事情,
「阿波,今晚落BAR玩.」
「好呀,照舊紅牛等.」
「OK,今晚見.」
我們在晚上如常往酒吧玩,但我想不到那一晚卻是碰見了『她』.
在酒吧內,正當我在舞池興奮地跳舞時,
吧台那裡卻有一個異性吸引我的目光,
她是一個調酒師,兩個深深的酒渦掛在面上,
一條高高的馬尾,雖然不可說是天資國色,但卻有異常的吸引力.
(嘩...溝得過..)
那時心裡想什麼就去做,那管得有什麼後果.
我走到吧台前坐下,用右手抬著頭,再把雙眼聚焦於她的面上,
「先生,你想飲乜?」她的聲線很甜,但我並沒有回答她,
只是把動作一直維持,她似乎並不擅於解決這種騷擾.
「先生..先生..?」
她被我看得有點面紅起來,那種羞澀的神態,
更是把我對她的興趣給大大地提升起來.
「我唔係想飲野,想同你吹下水.」
「但係我做緊野...」
她好像想拒絕我,但找不到藉口,
「唔緊要,你等我一陣.」
我馬上去找這間酒吧的『睇埸』,
「威哥,我想同條女溝~~~~~~通下,介唔介意提早放佢工先,一次半次姐.」
威哥還是老樣子,把手伸出來說,
「波哥仔,放低小小比我好交差呀.」
我把五百元放進他的手裡,
「掂啦下話.」
「即時個隻,我幫你同條女講.」
威哥走過去與她說話,只見那女人的神情變得有點慌張,
我亦走過去聽聽發生什麼事,
「而家人地落左你鍾,係唔係唔陪先!!」
威哥的語氣變成喝斥,嚇得那女人花容失色,
(我頂你條威哥,以為我落人鍾!!)
「威哥,你會錯意.我剩係叫你批佢早D放工,唔係叫佢同我攪個味野....」
她聽到後,面色更變得通紅,
「你早講呀,波哥仔,攪到我好似變左龜公.」
威哥明白我的意思後也有點不好意思,只是斥令她快點離去,
過了十分鍾,她換好衣服後便離去,那時還是一月,
為何我記得是一月??因為她的頸巾很可愛,使我一直憶記至今.
那間酒吧附近便是星光大道,
「喂!!」
我隨她離開酒吧,她卻加快腳步不理會我,
「喂!!」
我跑過去攔著她,不讓她再前行,
「你想點呀...我打工架咋...」
她好像很害怕我,
「唔洗咁驚,我想同你做個FD姐,我叫阿波,點稱呼?」
「......」
她正在猶豫是否告訴我她的名字,
(我頂,洗唔洗淆成咁!!)
「你咁驚我呀MA...我發誓比你睇我唔係衰仔!!」
我吸了一口氣,用盡我畢生的氣力大吼,
「我凌成波唔係衰仔!!!!!!!!!!!!!!!!!!!!!」
『仔』字一音直上雲霄,她連忙按著我的口,
「嘩,你想我地比人當痴線架.」
「哈哈,咁你而家肯同我講你叫咩名未呀.」
「講比你聽都得,但係你唔好再黎整我,我仲要搵錢.」
「好呀.」
「我叫..何靜儀..」
何靜儀,不是很特別的名字,卻深深的烙印在我心底,
「咁我走得未呀...」
「傾下計先啦.」
我賴著她一起離去,她只好被迫與我談天;
那一晚,是我結識何靜儀的日子,也是悲劇的開始.
「喂!!天光啦!!」
怎麼好像是阿偉的聲音,我朦朧地睜開雙眼,
只見阿偉的面距我不足五公分,我馬上推開他,
「頂你個肺!!」
阿偉咯咯地大笑,
「哈哈,見你笑哂咁,發緊乜野春夢姐.」
原來已經是早上,我昨晚發呆至睡著,
「關你春事.」
「嘿嘿..係唔係...」
「收皮啦你,6點咋wo.你咁早落黎拳館?」
「妖,睇完波又訓唔著,打去你屋企又無人,
打你手提又唔聽,睇死你都係係拳館,諗住搵你灼個早餐.」
「行啦,屎忽鬼.」我伸著賴腰,
「有乜真係拎出黎同我嗲啦,識左你咁耐,兄弟實撐你.」
阿偉背著我,他並沒有讓我看見他的樣子是否認真,
在這一刻,我感覺到阿偉的背影不停放大,
在這個惡浪滔天的圈子內,阿偉是我唯一的立足點,
彼此總是互相照應著,只因我們相信大家的『心』,
為兄弟而拋頭爐的『心』.
(待續)
補充資料:
睇埸:一D埸地既大哥
[ 本帖最後由 ~傳說中的傻仔︻ 於 10-4-11 11:44 AM 編輯 ]
-
鋼牙章魚丸二轉會員
2010-4-11 12:41#75
波波發春夢:em014:
-
~傳說中的傻仔︻五星白金會員
2010-4-11 12:53#76
原帖由 鋼牙章魚丸 於 10-4-11 12:41 PM 發表
波波發春夢:em014:
睇黎你對『波』呢D字眼好敏感=.="
-
DAVIS123456二轉會員
2010-4-11 19:31#77
唔好怪佢:smilie_:10:
佢係咁的了
-
~傳說中的傻仔︻五星白金會員
2010-4-12 11:56#78
第十一話:
「究竟你發左乜野夢姐,衰鬼.」
正當我與阿偉滔滔不絕的時候,在馬路的對面卻看見一個人,
他雖然是一個普通人,卻是一個令我想把他粉身碎骨的人.
「火柴!!!」我在大聲呼叫,
想確認一下是否他本人,果然他望見我後立刻逃走,
加上他這刻是獨自一人,我當然不會放過任何機會,
「阿偉,我去追條仆街,你吹雞之後黎搵我,條友仔肯定好多古惑.」
還沒有等阿偉回答,我跳過鐵攔向對面跑去,
「咇!!!咇!!!!!!」
馬路上的車不斷發出不滿的聲音,
但我腦海中只有一種想法:追到火柴之後親手打死他!!
走到對面之後我左右張望,眼尾瞄到火柴正走進後巷,
「你老味想走!!」
我立刻衝向後巷,恨不得把他撕成兩半,
(張進財!!三年前單野我要你血債血償!!!)
怒氣已經掩蓋我的理智,人一旦失去理智便會容易犯錯,
我便是在這種的狀態下犯錯,剛轉進後巷,
「碰!!!」
一條鐵通朝我的腹部狠狠地打,
我始料未及,全數承受後立時痛得跪地.
這時我才後悔自己為什麼不小心一點,火柴必定是古惑呀!!
「哈哈,柒頭,你頭先咪好型咁沖過黎既,我而家就隊死你!!!」
火柴面帶奸笑,
「張俊財,你條仆街伏我....」
後巷原來埋伏了十多人,他媽的火柴是引我入局,
「的起佢,等我慢慢玩殘佢.」
他們想抓起我,我卻突然發難,
「要死都攪正左你先!!」
我強忍痛楚踢開眼前的大漢,右肘向後一批,
「嗚呀!!」想抓我的人立時遭殃,牙齒也被批甩兩隻,
「隊死條靚仔!!」
這種後巷激鬥我可碰得多,他們雖然人多,
但窄巷之內卻是不利人多,故擅長博擊的我更是有利.
我先拉著眼前大漢的手臂,他亦感覺不妥,
故重拳立時揮至,「呼!」
我蹲下避過,左手順勢發力拉後,
他整個人立時失去重心趺下,
我右拳蓄力一發,「砰!!」他馬上『爆剛』,
要知道練習拳擊的人,蓄力的一拳更夠高達一百磅至二百磅左右,
所以一拳便把別人打得頭破血流,並不是夢幻的事情.
他意識被我打散,我卻以他作為盾推前,
「火柴!!!」我大吼以增加士氣,
大漢身後的人只能打向這個『盾』,我則絲毫無損,
瞄到右上方有一個冷氣機架,我立刻跳高拉著這個架借力,
雙腳再向前一撐,大漢向後方趺下時順便把身後的人壓到.
「嘩,好重呀!!」
「快D推開佢!!」
就這樣成功壓到兩至三人,火柴感覺情勢不妙馬上逃去,
但我又怎會如他以償,我立時繞第二條小巷追去,
果然天助我也,他竟然自尋死路,與他的手下逃往一條死胡同.
(火柴!!!今日唔係你死就係我仆街!!)
(待續)
補充資料:
攪正:殺死
[ 本帖最後由 ~傳說中的傻仔︻ 於 10-4-12 12:01 PM 編輯 ]
-
鋼牙章魚丸二轉會員
2010-4-12 18:20#79
波波秒殺柴柴
-
~傳說中的傻仔︻五星白金會員
2010-4-12 19:10#80
RE章魚丸:有咁易殺死就好-.-
RE三六:數碼暴龍咩=.="