-
三星高級會員
2010-4-29 00:23#1
在此Post將會將我玩內測所知,同埋論壇中各人既意見同資料集合。
希望方便一些未玩過內測或有唔明白既玩家更加了解遊戲。
覺得好既記住禁推薦,評分支持下
內容:
#1五職業兩系介紹及簡短分析
#2技能+潛能+專精系統
雙職系統
圖鑑系統
裝備+服飾系統
精鍊系統
鑲嵌+打洞系統
神子+式神系統
★五職業兩系介紹及簡短分析
根據官方網頁大家可以知道四個職業各自分為兩個系列,但其實兩個系列係指大家所學既專精分為兩個系列
技能方面只要有錢,全部都可以學哂,以下係我根據內測為止,各會員既意見收集為四個職業既簡短評價。
戰士:
我自己內測玩戰士,所以先講戰士吧。
戰士分為破壞系與自衛系,可以話防守同攻型吧。
戰士武器可分為雙手武器或單手輕武器+盾,單手輕武器+盾普遍偏向護衛型,當然你可以劍+盾但選擇破壞系。
據我內測經驗,專精去到【血脈斬】都仍然可以以單手劍發動,技能方面冇咩影響。
單手輕武器+盾:
優點可以話有盾既檔格率,防較高,有多一招暈技-盾擊,而家攻速比雙手武器高。
雙手武器:
攻擊力比起單手劍可以話高出很多,攻擊力只比機器師低一點,出技攻速慢但破壞力強,可以話用防同攻速換取瞬間既攻擊力。
戰士有用的Link:
http://www.2000fun.com/bbs/viewthread.php?tid=4105239&extra=page%3D1 戰士評價by 完子筆
http://www.2000fun.com/bbs/viewthread.php?tid=4103921&extra=page%3D1 戰士兩個系的專精by o紫薇o
http://www.2000fun.com/bbs/viewthread.php?tid=4103873&extra=page%3D2 雙手斧戰評價by hong9735
http://www.2000fun.com/bbs/viewthread.php?tid=4095327&extra=page%3D3 戰士評價by 仲z
法師:
法師可以分為火水系同土風系,兩項專精既分別。據內測玩家【小雲】之言,
火系技能有燒傷效果,持續傷害。
冰系技能有減速效果,減慢移速。
風系技能係類似電系既技能,冇乜特別效果。
土系技能算係近攻既魔法,內測暫時都唔明顯。
據【小雲】之言,火冰效果係內測比較明顯,亦都比較強。
但相信封測會有所修改,此為一個簡單既了解比到大家。
法師有用的Link:
http://www.2000fun.com/bbs/viewthread.php?tid=4105207&extra=page%3D1 冰火法評價by kawah1111
機工兵:
而機工兵既兩個系分別為火炮系同埋機械系。火炮系就係火炮既遠攻技能專精,機械系則偏向地雷型既專精技能。
內測所見火炮係機工最重要既攻擊方法,平常打怪,打王通常都係用炮遠攻。
火炮可以話係內測最高攻既一個職業,由於遠攻既關係,打怪唔洗四圍走,攻擊力又高,所以升級亦都可以話最快。
當然亦有人用地雷型引怪升級,以下會有link給大家,地雷型引怪既示範。
http://www.2000fun.com/bbs/viewthread.php?tid=4100501&extra=page%3D6 地雷引怪示範by Peter_Lai
http://www.2000fun.com/bbs/viewthread.php?tid=4098753&extra=page%3D9 地雷引怪示範by Peter_Lai
當然大家可以地雷型既技能同炮既技能都擁有,只係專精方面有分別,專精會為個個系列既技能有所加成。
當然專精有時會有佢獨特既技能,大家要留意囉。
祭師:
補師可以分為暗黑系同光明系。
暗黑系可以係話偏向攻型少少既補師,但仍然擁有補血技能,但相對補血既量就會少。
據內測所知,暗黑系打怪能力比起任何一個職都唔會差得遠,加上有buff,算係一個幾全能既職。
光明系可以話係純補型既補師,雖然都有攻擊技能,但據內測所知,攻擊力十分弱。
恐怕要有一隊親友團組隊打怪,打任,打副本 先比較容易生存。
祭師有用Link:
http://www.2000fun.com/bbs/viewthread.php?tid=4095443&extra=page%3D7 暗祭評價by 冰＊雲
http://www.2000fun.com/bbs/viewthread.php?tid=4106583&extra=page%3D1 暗祭評價by 紅豆湯丸＊QQ
忍者:
忍者相信會係好多人想玩既職業,內測最多人選既亦都係忍者,相信大部份都係因為之前影片中既各種忍術技能既吸引
忍者可分為暗殺系同忍術系。
暗殺系既忍者可以算係比較攻擊型既忍者,技能唔洗施法,攻速亦都係咁多個職業最高,連技最快。
忍術系就如同大家睇片所見,可以分身,變大,另外忍術系既技能係需要施法同埋需要使用類似查克拉既東西
要用技能儲定忍術既能量,所以忍術絕大機會都唔可以臨場使用,要預先儲能量同施法。
配點方法暫時係到唔評價,因為封測將會有人幅既改動。
覺得好既記住禁推薦,評分支持下
[ 本帖最後由 仲z 於 10-4-30 01:46 AM 編輯 ] -
三星高級會員
2010-4-29 00:25#2
覺得好既記住禁推薦,評分支持下
★技能+潛能+專精系統
技能系統-無分系列,亦與每個職業的兩個系列沒有影響。
只要有錢就可以學得哂,雖然好多人話錢好夠用,但到後期講技真係好貴,一招技都要近10萬(40等左右)
所以封測建議大家,不常用既技可以暫時唔加。技能表而家好多職都未出哂,網絡搜尋暫時搵到祭師,以後再搵到先補上。
祭師各級技能:
http://farm4.static.flickr.com/3426/4553939864_7a383faeb0_b.jpg by FaceBook 可愛遊戲俱樂部-幻月之歌 群組
潛能系統-係打怪或做任時會得到一D潛能石,例如初級力量潛能石,中級智力潛能石等等,每樣潛能石加既能力都唔同,
只要右kick粒石,係你既潛能版面就會多左一項潛能,但每項潛能係需要開發先會有加成既效果,同一時間內
只可以升一種潛能,當一種潛能開發完成既時候,先可以開發第二個潛能,兩個不能同時進行。而潛能冇上限,
所以打到咩就可以學咩,但係不可以重覆,初級力量同中級力量可以共存,但不可以兩個中級力量,中級智+中級力則是可以。
潛能既開發過程是由打怪增加經驗,當開發率去到100%就會獲得該潛能既能力。有可能係能力加成或新技能。
專精系統-專精系統就係每個職業兩個系列既重心,專精既用途係加強某一些技能既能力or提供新既技能,以此將職業分為兩個大系。
但絕不建意大家雙修專精,專精點數由Lv20起,每2級一點。一個系列既終結技要既點數為31點,即係20+31x2=Lv82先達成。
如果雙修好難取得更高一級既技能,因為專精分為5點,10點,20點,22點,30點 5層, 每一層既技能係需要擁有該層數字既專精點數量先可以加。
即是,你要加20點個層既技能,你之前既專精點要先加左20點,即係20x2+20=Lv60。如果仲要雙修分一D專精點去另一個系列。
只可以學到D低級既技能同專精,對於一個角色既長遠發展冇咩幫助。想雙修既朋友我諗最好到修到一邊既終結技之後先將專精點分去另一邊。
但現階段仲未知封頂係幾多Lv,所以大家有幾多專精點都係未知之數,所以鼓勵大家只專於一個系列。
★雙職系統
可以話係【幻月之歌】Hard Sell 既系統之一,亦係大多數會員,玩家最唔明白既地方。
當玩家去到Lv30既時候就可以根據任務選擇一個副職,副職由拎到個一刻就已經Lv25。
而主職同副職就好似兩個角色咁,技能係唔可以共用,但只要用角色左上三個心心去轉職。心心可以由打怪增加番。
而升副職既方法有兩個,可以用一種類似分經驗既藥,將主職所打到既經驗,分一個百分比給予副職。
也可以直接轉變成副職去升級。
由於副職既技能不可以共用,因此其好處暫時仲未有定案,有玩家估計可以以一個比較易升既職業帶副職升Lv,
例如以主職接任,解完任,副職交任。(已證實不能)
★圖鑑系統
遊戲設有怪物圖鑑既系統。當打低怪物既時候可以收集到一定百分比既圖鑑,當達到100%既時候就可以拎到佢既圖鑑。
當禁圖鑑,怪物圖樣既左下時,就可以變成該怪物既外表,角色能力不變,但每隔一段時間有可能會得到有關於既怪物既特別道具。
例如變身 音丸鳥, 每隔一段時間會拎到 音丸蛋(補品) 一粒。 此外圖鑑係根據地域而分,每個地域有九格,分別代表不同既怪物。
不是每一隻怪物都屬於圖鑑既一部份,要大家去尋找圖鑑既每一格係屬於邊隻怪。當圖鑑達成一定既條件,例如打橫,打直3格既圖鑑已收集,
或一個地域九格已收集,都可以係圖鑑版面既左下按【取得】領取達成條件既禮物。禮物種類很多,有具現石,外觀裝等等。
內測已收集既圖鑑:
http://www.2000fun.com/bbs/viewthread.php?tid=4101689&extra=page%3D4 圖鑑列表by 小洋少
★裝備系統
幻月之歌既裝備系統最有特色既地方係,角色裝備既能力來源係源至四鍵+核心和四個裝飾品(耳環,腳環,戒子,手環)跟武器。
四鍵是指上下左右四個類似葉形狀既鍵塊,核心則是指四鍵中間既核心。
四鍵同核心都有加成效果,只要係用同一個系列既核心同鍵塊既時候,就會有特別既能力加成,例如攻擊增強,魔攻增強等等。
四鍵既取得方式可以由商店買到,但想要好能力既鍵就需要由打怪打到既物品【？？？】,帶回城鑑定而得到。
耳環等等的取得方式與四鍵相同。
核心則比較特別,普通能力既核心可以從商店購買獲取,較好既就係要由玩家去製造。
武器的取得方式與核心相同。
紙娃娃系統相信係各女玩家最擔心既問題,遊戲有樣好,角色既外觀裝備與能力係分開,所以唔需要因為外觀唔好睇
而放棄裝備既能力。外觀裝備可以從各項途徑取得,商店購買,活動取得,產品包,商城等等。此外,外觀裝備可以進行染色,
暫時所見染色劑分為兩種,指定色既染色劑 同埋 隨機染色既染色劑。 指定色既染色劑取得方式未明,內測可以由任務取得小量。
隨機染色劑則可以由雜貨商店中購買。(內測出現過缺貨的情況!!!可見需求很大!)
幻月之歌入面既裝備暫時見到可以分為三種, 白裝<淺藍裝<紫裝。
能力以紫裝最強。
紫裝大部份情況都要由玩家自己製造取得,而製造既方法就是由玩家或神子到武器卡片站或核心卡片站處掛機 取得卡片。
武器卡片站可以收集到製造武器既卡片 相反 核心卡片站就係收集到製造核心卡片既地方。(玩家自己採為不同等級不同秒數)
此外收集到既卡片亦分為很多種,普通既卡片,紫卡同金卡,製造不同強度既核心或武器 需要使用既卡片品質同數量都唔同。
至於要點樣先製造到:
1/就需要從打怪收集到想製造裝備既圖樣。
2/然後打怪收集到製造裝備所需既卡片。
3/在收集站收集到製造所需的各種品質的卡片。
此外製造亦都會有成功率,可以用一D道具增加,具現水晶
具現水晶亦分三類,增加成功率,增加好品質出現既機率,增加鑲嵌物出現既機率。
取得方法斷估都係商城/打王。
★精鍊系統
精鍊系統在內測暫時開放到Lv10 會唔會再增加則是未知之數。
四鍵,核心,武器,盾牌,四種飾品都可以透過精鍊黎增加能力。
而係幻月之歌精鍊同其他遊戲既分別,就係每一種物品都各自有自己既精鍊石。
四鍵精鍊石,核心精鍊石,武器精鍊石,盾牌精鍊石,飾品精鍊石。
各種精鍊石亦分為幾個等級
普通精鍊石:可以提升物品等級一級,失敗時會將等級降至0。(商店購買取得)
淺藍色精鍊石:可以提升物品等級一級,失敗時會使物品等級後退一級。(斷估打怪)
紫色精鍊石:可以提升物品等級一級,失敗時不會對物品有任何影響。(斷估商城)
金色精鍊石:隨機精鍊物品由 Lv3~Lv10。(斷估打王或打怪低機率掉出)
★鑲嵌+打洞系統
大家係做任或打怪時候會取得一些原石,每一種原石加既能力都唔同,例如回復量,加數值等等。
每粒原石會寫明鑲嵌係邊一個部位,四鍵/核心/武器/盾牌/飾品。
原石可以鑲嵌係有洞既物品上面,至於點樣打洞,就需要一樣打洞既物品。
該物品既取得方式暫時未知,在內測時有禮品包送。(斷估商城/圖鑑禮品)
★神子+式神系統
神子:
暫時內測所見有俏皮鼠,苦命兔 兩隻神子二選一送比大家 。
其他神子既取得方式未明,有可能從任務或商城。
召喚神子需要扣佢地既感情度(?),神子死亡亦會扣,感情度可以由大家神子對話可以增加/減少神子與玩家既好感度 (因為會有3個TOPIC揀 揀唔中就下降)。
神子既作用可以幫你打怪,亦都可以派佢去幫你地採集卡片,當然採集既時間會比玩家自己採慢很多。
派出神子去採集卡片需要選定一個時間,暫時冇方法取消已經選擇左既時間,需要等待時間完結,神子先會番黎。
如果彈game就會自己返黎 但如果OFFLINE佢會仍然幫你掛卡。
神子要升Lv需要禁神子版面既教育,去教育佢地,可以選擇佢地成長質素既方向,例如力量/智力等等。
每教育一次升一級,愈高級,需要教育既時間愈長,教育時不影響玩家正常活動,所以定時去禁就OK。
當神子既能力值升到某一個偏向既數值,例如全升力量時,便會有一個進化鍵比大家禁,佢就會進化成物理系既神子,
相反升智力,就會進化成法型既神子,大家可以嘗試下有冇更多不同類型既神子。
此外神子可以根據佢地既類型學到不同既技能,有助於你地打怪。
例如法師低防,可能需要肉盾擋怪,內測見過有人將隻神子全升體力,將佢變成肉盾擋怪。
至於點樣幫神子補血,係任務當中會得到一個神子補血技能既潛能石,可以開發佢,開發成功後會獲得一個幫神子補血既技能。
此外神子亦都有自己既背包,用於派出外收集時所用既背包,將佢地採到既野放入去。
式神:
召喚式神既時候佢會浮係你身邊,式神係冇血量,唔會比怪打,但每一種式神所增加既能力都唔同。
暫時所見,內測開發左四種式神,分別為白虎,青龍,朱雀,玄武四種聖獸式神,加既能力都唔同。
而佢地所增加既能力可以由將式神升級而有所增加。
每當召喚式神既時候,佢既飽食度就會有所減少,100為上限,每減少10飽食度,就可以使用式神特有既食物
增加番飽食度,而升級既方法亦都同食物有關,有d式神既食物會增加式神既經驗,有d只增加飽食度。
由於內測時間有限,遊戲開放時間短,好多資料都未清楚,望各位體諒。
以上資料未必齊全,只供參考! 希望有人能提供或更改,我會加番上去。
覺得好既記住禁推薦,評分支持下
[ 本帖最後由 仲z 於 10-4-30 01:46 AM 編輯 ] -
六星鑽石會員
2010-4-29 01:39#3
強帖劉明:smilie_/):
-
四星黃金會員
2010-4-29 01:56#4
:love2: 佩服,辛苦晒你啦
-
三星高級會員
2010-4-29 02:18#5
原帖由 kawah1111 於 10-4-29 01:39 AM 發表
強帖劉明:smilie_/):
唔評分 仲要唔推薦 係咪想死:em012: -
六星鑽石會員
2010-4-29 02:23#6
原帖由 仲z 於 10-4-29 02:18 AM 發表
唔評分 仲要唔推薦 係咪想死:em012:
挑~整緊個法post嘛= = -
六星鑽石會員
2010-4-29 04:04#7
支持...!!:cheers:
多謝分享!! -
副版主
2010-4-29 07:10#8
fk u:smilie_:10: 偷野
-
二星初級會員
2010-4-29 08:49#9
gd 有十個爆好 多謝你
-
二星初級會員
2010-4-29 09:17#10
★四職業兩系介紹及簡短分析
戰士 法師 機工兵 祭師 忍者
我相問那一個不是職業:smilie_:D5: -
四星黃金會員
2010-4-29 09:30#11
如果d小字換下色就好@w@" 睇到暈~...~"
有幾段好似 反復咁講@@"
有空在來看@@" -
三星高級會員
2010-4-29 09:39#12
好想+個good比你:smilie_:(:
-
二星初級會員
2010-4-29 11:57#13
你呢篇野真係正爆, 對於我呢個冇玩過內測既人睇完都對呢隻GAME有一定既認識了!!
-
二星初級會員
2010-4-29 12:07#14
好正，應該幫到好多人 thx 推:smilie_:)2:
-
三星高級會員
2010-4-29 12:30#15
有1定要留名支持!
-
二星初級會員
2010-4-29 13:07#16
咁好既帖一定要推薦~
辛苦哂樓主! -
六星鑽石會員
2010-4-29 13:27#17
支持 仲兒:cheers:
-
四星黃金會員
2010-4-29 13:33#18
支持下你啦;
禁有心機XD -
六星鑽石會員
2010-4-29 13:42#19
仲z 你系得既:smilie_8): :smilie_8):
-
一星新手會員
2010-4-29 13:56#20
其實個雙職業系統可唔可以咁諗
就係你主職係攻擊系個d
副職係補or坦克(打副本拉怪果個)
其實咁樣就可以方便d打副本
唔洗驚話太多人做dps(攻擊傷害個d職)
而冇人做坦克or補咁
唔一定話要升lv快既
呢個我一個 個人既睇法
因為我有玩魔獸世界,而魔獸世界都有類似既系統
可以方便人隨時轉
有野問呀,咁升lv會唔會話有得加屬性點數嫁?
定係好似魔獸咁靠裝同技術?
[ 本帖最後由 莫魯極夫 於 10-4-29 02:03 PM 編輯 ]