-
三星高級會員
2010-6-4 23:23#1
呢隻game有6個職 青雲 鬼王 天音 聖巫 係最多人玩既
人物有5個屬性比你加: 力量(物攻) 靈力(魔攻) 敏捷(速度) 耐力(物/魔防) 體質(血量)
每升1lv 都會有5點屬性點比你點.....ok~~入主題~~~
青雲: 法師黎講~ 佢既技能比較全面...係最快可以點出 一招打4隻怪既技能既職業 所以 無論係升lv做任務 都係搶手職業~
加點建議: 5靈力 全面加魔攻 有人會問..咁d血同防點算...... 血同防完全可以算裝備黎頂上去....所以 一般人都係加晒靈力加魔攻
天音: 補血既 所謂既奶媽~同樣會有一招打幾隻怪既技...但傷害冇青雲高 係大陸玩左幾個月....玩天音有好多種玩法~
加點建議: 有好多種玩法 有人加靈力..呢種係暴力奶媽.....升lv解任用.....如果為後期PK著想....可以考慮將5點屬性分配係 體+耐 上面 or 體+敏.....
鬼王: 物攻形~呢個職業前期團練方面比較難組到人....因為大家為左快速升lv...多數會組d法師可以一招殺多隻怪....咁樣清怪快d.....
但當佢門派心法高lv d 時 會學到招技能...追擊.....即係 當你殺完一隻怪後...會自動追擊下一隻怪 之後愈高lv 追擊既怪就+多一隻 不過係要你追擊時打死咪隻怪
佢先會自動追擊下一隻怪......呢個比較麻煩~~~
加點建議: 5力 暴力型 呢個係完全既升lv型~~ 到後期~~要pk 可以考慮 4力1敏..... 始終快過人出手係好d~~
聖巫: 呢個職業 係PK同解高級任務時係一個好重要既角色 佢既技能可以封人魔攻又可以封人物攻 所以....如果比佢封到....就等於對面打少個....所以呢個職業係PK上佔有一個好
重要既地位
加點建議: 全敏 原因係 PK時鬥快封人技 你速度愈快 就愈著數 快過人地封好過人地快過你地封~~~~
PS: 呢個職業有個好處....就係捉寵物 呢隻GAME既寵物都係抓既....寵物有分寶寶同變異....變異係勁過寶寶好多 而寶寶既出現率好低....變異出現在機率就更加低.....
大家可想而知..捉一隻勁既寵物要有幾難......最PK既係....當你遇到寶寶要去抓時.....抓唔到.....之後隻寶寶黎打你(寶寶都係1LV)...你反擊.....隻寶寶就飛左......係幾咁
PK既一件事,.... 所以....如果你係練聖巫既話.....你係抓寶寶方面你就有晒著數......有2個好處: 1:你加晒敏...絕對冇人可以快過你...除非同一隊有第2個聖巫....如果唔係
一定係你出手先.....第2: 你自己係度單抓寶寶時....當你遇上寶寶....你放個封物攻既技 咁寶寶就唔會黎打你....免左佢會飛既機會~~ 所以 如果大家係想以抓寶寶賺錢
既...聖巫係個唔錯既選擇...........
焚香: 法師...同青雲大同小異~~魔攻方面高過青雲...唯一唔同就係佢既魔攻暴擊率高過青雲好多 但我玩落....其實都冇咩分別..........
加點建議 同青雲一樣....5靈力 高魔攻
合歡: 呢隻職業我癟玩過....不過聽人講 單P 1ON1 幾勁....因為佢有招隱形~ 隱形左你就可以為所欲為.....除非對方可以睇隱形(焚香有一招可以睇隱形) 寵物都有技能可以睇隱
形 不過....以我係大陸玩咁耐,,,,,好少有.....因為 多數D人都會幫寵物上晒勁既技能...而唔會晒一個技能位去上睇隱形既技..
加點建議: 不詳......SORRY...因為冇玩過... 唔想誤導你地..............
以上係我玩大陸服時既心得.....希望幫到你地~~
個人建議 青雲 焚香 鬼王 呢3個著重高物攻魔攻既職業 可以唔洗著重於分配屬性點係體力耐力同敏捷 因為呢3樣既可以用裝備黎頂上去 個人認為 全力/全靈..係最好既配點方法.......鬼王可以係前面幾LV 每LV分配一點係敏度.....之後後面前面全部加晒力.....確保物攻傷害事出~~~
暫時念到係咁多~~ 有咩唔明可以問我.......但7唔保證將來香港開SER 佢既版本會同大陸版一樣~~ SO 呢D只係比你地參考~~
唔知有冇得精呢.......哈哈哈~~~ 頂頂頂~~頂上去~~~ -
三星高級會員
2010-6-5 09:23#2
唔錯唔錯,3Q樓主
-
二星初級會員
2010-6-5 10:08#3
咁你覺得隻game好玩嗎? 耐唔耐玩?
-
三星高級會員
2010-6-5 12:14#4
唉你咁講一講我唔想玩鬼王lu-.-
-
三星高級會員
2010-6-5 17:05#5
聽說更新過後...情況大逆轉~
青雲同聖巫呢2個pk強勢屈機職業沒落了...
鬼王強勢地位依然未變,
但焚香,合歡呢2個弱勢職開始掘起~
最大因素都係符文技能既關係.... -
三星高級會員
2010-6-6 04:32#6
呢個我就唔係好清楚啦....自從佢改左版我都冇再玩啦.............
-
三星高級會員
2010-6-12 18:33#7
有參考價值:smilie_8):
-
四星黃金會員
2010-6-18 12:22#8
請問樓主，如果有5個朋友一齊玩，邊5個職業最好?
-
二星初級會員
2010-6-18 20:50#9
原帖由 kkh1983 於 10-6-18 12:22 PM 發表
請問樓主，如果有5個朋友一齊玩，邊5個職業最好?
3法c 2回血(後期會只要一個,另一個轉鬼王引怪) 清怪刷王最強組合:smilie_:D4: -
三星高級會員
2010-6-22 17:54#10
不如5個全封技仲好 人地唔洗玩la-.-
-
二星初級會員
2010-6-22 19:17#11
原帖由 kksunny01 於 10-6-22 05:54 PM 發表
不如5個全封技仲好 人地唔洗玩la-.-
全血鬼王超高抗 你3下先封到佢一下 人地其他隊友都秒7你啦..:em012: -
四星黃金會員
2010-6-23 11:10#12
有d唔明喎，鬼王點引怪?回合制點引?
-
四星黃金會員
2010-6-23 18:00#13
你d資料幾時- -我睇官網群p 100級 差好多哦人都都靠藥 靠血寵 人地區戰都有組合歡哦而且作用好大 玩持久靠距招 犧牲自己復活隊友可以有1萬血到2萬
-
二星初級會員
2010-6-23 22:06#14
原帖由 kkh1983 於 10-6-23 11:10 AM 發表
有d唔明喎，鬼王點引怪?回合制點引?
有技可以引怪打自己 :em012: -
四星黃金會員
2010-6-23 22:24#15
原帖由 12wewd 於 10-6-23 10:06 PM 發表
有技可以引怪打自己 :em012:
哦...咁要點全體先得喎=.=唔係點頂