原帖由 鋒.嵐* 於 10-7-3 10:44 AM 發表 
其實保濕呢方面..可唔可以由內出發
者係飲多D水咁樣 去調節 (當然加埋護膚品)
其實無咩關係~_~"
咁如果你平時少飲水既, 變返正常健康飲水量可能會有d幫助既~
即係你本身身體唔夠健康, 加入一個健康既生活習慣, 令身體(連帶皮膚)健康左都話唔定~
例如你本身係缺水到連皮膚既細胞都唔夠水分, 咁當然補充左身體水分會令皮膚健康d啦~但我地居住係香港而唔係非洲或者沙漠, 事實上身體好難缺水到咁既.....
從來飲左食左既野去唔去到身體度, 尤其係去唔去到"指定地點"都係唔聽你支笛既.....
(最簡單係, 我會想脂肪唔好積聚係下半身, 向上方發展好唔好=_="?)
你講既水已經好等閒, 反正不費分文已經可以做得到~
而且本來就係應該做既健康習慣, 老土講句就算無護膚功效都應該飲多d水~
反正都係唔駛錢就買到既護膚希望~何樂而不為呢~?
其實一般講緊既"由內"會係例如骨膠原飲料, 或者係美白丸之類既野~
不過經過左個消化系統之後我個人係覺得無可能補充到既~d骨膠原食左落肚會消化會break down, 唔見得食collagen就可以補充皮膚既collagen
(不過大把人企出黎話佢食緊個排皮膚堅係靚左)
而外用呢, collagen份子太大, 唔好話皮膚底層吸收左會唔會補充到皮膚自己既collagen, 而係佢落唔落到去都成問題~原理上佢只會停留係皮膚表面~
我自己好少依賴"健康食品", 因為暫時仲未有一套我buy既產品原理~
[
本帖最後由 小sion子 於 10-7-4 03:34 AM 編輯 ]