-
timyun二星初級會員
2010-7-2 02:11#1
以下劇情全屬虛構，如有雷同，那是故意的
此篇同時於另一個劍狐官方指定討論板上發佈，是哪個我便不多說了= =
（聽說2kf不能幫其他討論區宣傳，所以我也不多說了= =大家知道就好了）
若果喜歡這篇的話可以按一下「推薦」，不喜歡的話不按也沒問題
------------------------------------------------------------------------------------
武林風雲錄‧卷一 風雲會與武林盟決裂的真相？
眾所周知，武林盟同風雲會兩大勢力原本係同一個聯盟，而分裂原因就係歐陽清同陳爽兩師兄弟之間一個誤會，而其背後既真相又係咪咁呢？某狼岩岩係某隻藍色狸貓身上借左部超————高清電視番黎，就等我地黎睇下事實係咪咁啦——
話說係某一日，陳爽歐陽清兩位師兄弟檯食飯，而同樣眾所周之，中國人食飯習慣「食不言，寢不語」，特別係果d習武之人同三高人仕（職位高、薪水高、身高高），係食飯果時直頭係食大啖d、大聲d都唔得。
當日菜單：例湯一碗、白飯一碗、紅燒牛肉一碟、梅菜扣肉一碟、清炒菜心一碟。
一如以往，兩師兄弟講左句「大家食飯」，就開始幫佢地個肚診症——講白d就係去醫佢地餓左成日既肚。
兩師兄弟互相幫對方夾送，就咁樣禮尚往來，直到佢地食完餐飯，真係一對感情好好既師兄弟，真係羨煞旁人。
………………………
最好就係咁樣啦！
就係佢地差唔多清哂檯上面所有食得落肚既野既時候，歐陽清準備夾起佢最鐘意食既紅燒牛肉，仲要係最好味，特登留到最後先食既牛腩肉——係電光火石的一瞬間，即將到口既紅燒牛腩竟然係消失左！？
歐陽清轉頭一望，只見果塊即將到口既牛肉竟然同陳爽個口只有半寸距離——就係下一秒，果舊紅燒牛腩就消失係歐陽清眼前，落入陳爽口中——
『身為師兄，只要唔犯門規，我就要容忍師弟所做既一切，就算係佢食左我最鐘意食既紅燒牛腩，我都要忍——』
冇辦法啦，既然比陳爽食左，就唯有食另一舊啦——不過就係歐陽清準備夾起另一舊既時候，同樣既事再次發生係佢眼前——
『我要忍——無論如何我都要忍——』
歐陽清準備夾起碟上面最後一舊紅燒牛腩——今次佢終於都夾到啦！不過同一時間——另一對筷子夾住牛腩既另一邊——
兩人四目交投，係e一個moment，佢地都清楚知道對方諗緊咩——
『你都食左咁多件，都夠架啦！』
『你之前食落都唔少，食少幾件都唔得咩？』
『我之前係食落唔少，不過你食落都唔會少得過我好多！』
『讓多件比我會死咩？』
『我今日一件都未食過，全部都係你食哂！』
『一場師兄弟，讓多件比我都唔得？』
『講到紅燒牛腩，我點都唔會讓步！』
歐陽清暗暗運勁，將內力透過手上一對筷子，穿過兩對筷子同時夾住既紅燒牛腩，再通過陳爽手中一對筷子，直擊陣爽——
不過陳爽都唔係省油燈，立即運勁反抗，用內力將歐陽清既內力頂番轉頭，於是，兩大高手之間既內力比拼就咁樣開始左——不過賽果冇人知，因為兩大高手之間既內力比拼一開始就結束左，皆因舊紅燒牛腩無法承受兩大高手既內力，比拼開始冇耐就因為同時受到雙方內力不斷輸出而谷到成舊爆左——
「咁小既野都要爭！我無辦法接受咁樣既師兄！」
「我都冇辦法接受咁樣既師弟！」
「好！我地就此割蓆絕交！以後你還你，我還我！」
「好阿！割蓆咪割蓆！」
於是，歐陽清同陳爽兩位師兄弟就咁斷絕左師兄弟關係，陳爽帶住修羅門、玄宿派、水月宮、天劍宗四大門派出走，而歐陽清亦為左果一舊紅燒牛腩，發起後世人所稱的「落雁崖之役」，正式與陳爽決裂，亦造就成今日武林盟同風雲堡對立既情形。
某狼曰：
一切都是紅燒牛腩惹的禍（？）
[ 本帖最後由 timyun 於 10-7-7 01:00 PM 編輯 ]
-
SiuEvenLove三星高級會員
2010-7-2 13:46#2
歐陽 = MC JIN
陳爽 = 爽爽:Q 黑絲^3^~
-
獵頭三星高級會員
2010-7-2 16:03#3
一個牛腩引發的血案:devil:
-
絕戀歌詞二星初級會員
2010-7-2 17:12#4
咦~~~你作既小說??
-
timyun二星初級會員
2010-7-2 17:34#5
e篇係即興爆肚作-3-
真正既係另一個劍狐討論區連載緊（4月開始連載）
因為太長唔敢放過黎= =（話說果邊已經開始入正戲，都已經寫到四章，要轉過黎都好煩下）
-
絕戀歌詞二星初級會員
2010-7-3 12:04#6
得閒再轉過黎囉:face_l_16:
分享比大家丫嘛ˇˇ
-
timyun二星初級會員
2010-7-3 13:05#7
老實講我唔敢po過黎= =
篇野截至現時為止前後合計60+話= =
轉過黎驚比人鬧洗板= ="
不過想睇既話可以上yahoo或者google搜尋「黑狐傳」
港版劍狐「唯一」仲持續連載緊既長篇小說
p.s.我諗咁樣應該唔會比人話我係度幫其他討論區宣傳掛= ="
不過如果硬豆或者問鼎話比既話都可以轉過黎= ="
-
timyun二星初級會員
2010-7-3 14:26#8
武林風雲錄‧卷二 擋桃花？
天劍宗現任掌門‧公孫雲城靚仔係人人皆知，據聞就連皇城既大戶人家都特登過黎見佢真人一面……不過同時又有好多人為左見佢一面，決定拜入天劍宗學武，雖然大部份人都唔係黎學野，不過有少數係真係打算入黎學野既，以下就係一位新拜入天劍宗門下既學徒既拜入師門前既親身體驗——
（由於當事人不願意公開身份，所以以某君代稱）
話說某君果時岩岩係風雲堡總管手上接過信，起行去天劍宗係風雲堡既根據地，岩岩行幾步，就見到有條打哂蛇餅，長到已經唔知點形容既人龍，由天劍宗門口一直排排排排排排排排排排排排到風雲堡大殿門口，當中有男有女，有老有嫩，有單身有已婚，有做正當生意既，亦有做——丫，都係唔講好過講。
當時某君心諗：『我只係黎拜師，直接搵傳功長老就得啦』於是佢就唔理條人龍，直接去搵傳功長老。
正當佢準備穿過人龍，直接去搵傳功長老果時，周圍排緊隊既人全部望實佢——
「想打尖！？兄弟姊妹姨媽姑姐大舅父表舅母二舅公三叔公老豆媽子乖仔乖女們我地一齊抄佢家封佢鋪將佢先姦後殺再姦再殺五馬分屍凌遲處死送佢入宮做太監絕子絕孫再打到佢不似人形連兄弟姊妹姨媽姑姐大舅父表舅母二舅公三叔公老豆媽子乖仔乖女全部都唔認得佢！！！！！！！」
※ ※ ※
無端端比人打一身，某君立即帶住成身傷行到龍尾排隊——
一個時辰後：推前一碼
兩個時辰後：推前兩碼
四個時辰後：推前八碼
十二個時辰後：終於見到天劍宗既建築群
二十四個時辰後：入到蛇餅
三十六個時辰後：好肚餓……
四十八個時辰後：好口渴……
六十個時辰後：就…就到我……啦……
七十一個時辰後：…………（已經進入生死彌留之間）
第七十二個時辰，有一把聲將再過半秒就要去見閻羅王既某君拉番過黎——
「下一位請進。」
某君立即拖住疲倦、滿身是傷的身軀步入天劍宗建築群——
那位引路者領著某君，走到一個攤位前：
「掌門紙娃娃一個十金、掌門布娃娃一個三十金、等身掌門人形娃娃一個一萬金，只是入畫的話一次一百金、掌門服複製品一件二萬金、掌門劍複製品一件三萬金、掌門用過的筆一枝十五金、連簽名的話一枝五千金、要和掌門真人一起握手、入畫一次十萬金，請問你需要哪個——先生！？你怎樣了！？人來阿！這裡有人昏迷了！」
※ ※ ※
「是阿……原來你是來拜師的……」
「正是……」
「那就簡單，拜師入門請付三百金入門費。」
………………
「哇！這位先生你怎麼又昏迷了！？人來阿！」
某狼曰：
咁都叫桃花劫？橫財就手丫嘛……
補充：
天劍宗門派服其實係真黑風法裝= =
睇到以上實況，你地明點解天劍宗咁有米啦= =
[ 本帖最後由 timyun 於 10-7-3 09:19 PM 編輯 ]
-
timyun二星初級會員
2010-7-7 04:22#9
武林風雲錄‧卷三 阿路尋寶？
人人都知，阿路尋寶都有一大堆好野隨機出，好多人為左尋寶出既野掛係狐居度等阿路班手足番黎——不過阿路又係咪真係咁好人呢？
有日友人拜別阿路同其他狐狸仔，離開靈狐居之後，其他狐狸仔立即埋位做野，只有阿路一族——
「大哥！我地番黎啦！」岩岩先出發既地底尋寶二狐組見主人走左就立即上番黎。
「大——哥——我——好——暈——阿——」出左發一陣既山麓尋寶二狐組都立即番黎。
「阿頭，我地番黎啦。」出左發三分鐘，一直係附近打轉，新加入既湖底尋寶二狐組都番左黎啦。
「你地番黎啦？我叫你地帶番黎既野帶左番黎未？」
「當然帶左番黎！」六隻狐狸仔異口同聲一齊講，然後將一包包野交比阿路大哥——
「好，咁就得啦——」只見阿路打開其中一包野，然後係包野入面拎左少少泥出黎，再係擺係佢旁邊既百寶——更正，係萬寶袋入面拎左幾枝野出黎——
「只要將e個，放少少係e個上面，咁就完‧成‧啦‧☆」
過左幾分鐘後——
「阿路！我番黎啦！你地搵到d咩比我阿？」
「對唔住，我地今次只係搵到咁多番黎……」
阿路攤開佢細細既狐掌，一枝枝帶住泥、仲係濕既藥水樽就出現係友人面前——
「唔緊要，下次再努力就得啦。」友人立即打開錢袋，將18k……唔係，係十八金交比阿路大哥，阿路大哥立即叫班手足開工，之後友人又走左，阿路幾個手足立即走番轉頭——
「阿路大哥，咁e家點算好？」
「好簡單，只要將e度d泥拎走，再放去果度就得啦！」
「咁多左出黎e枝點算？」
「e枝？」阿路一手將枝藥水扔入萬寶袋入面：「問題解決。」
某狼曰：
e個唔係老作，真係事實黎=_=你地冇發現阿路越尋越少野咩？十成係佢地中飽私囊= =
如果唔係阿路身後面個「金」打細算（永久版）點黎架！？