美容髮型講場

主題列表 登入
二轉會員 #1
大家好,又係我,咁今日係我既重要日子,點解咁講呢,因為今日係7月26日,而四個月前即係3月26日我開始護膚生涯。

點解我記得3月26日既?因為3月26日 我偶像發專輯囉~

咁首先我想講四個月之內我用左咩爽膚水先

1.Olay refreshing toner
2.彩豐行 收毛孔清爽緊膚水
3.彩豐行 緊緻毛孔控油緊膚水
4.彩豐行 青瓜爽膚水

先講一講我呢四個月用左幾多爽膚水先..首先我用左3支200ml既收毛孔清爽緊膚水..再用左1支1000ml既青瓜爽膚水..
跟住Olay refreshing toner用左100ml啦.. 緊緻毛孔控油緊膚水岩岩用 用左兩三次左右..數字都幾驚人下..哈哈

其實呢一篇我真係無乜好分享可以講下..所以都係講我點樣用爽膚水..正常既做法就係倒爽膚水落化妝綿度拍下拍下拍幾分鐘定幾十秒咁(我都唔記得)..我既做法就係將爽膚水泵1-2下..跟住搽勻全塊面..再用手輕輕拍左1分鐘..再用cream..咁當然前者一定係好過後者..但係我係男仔..咁所以做乜都事事旦旦唔鍾意麻煩...呵呵..咁如果你都係唔鍾意麻煩既話..其實我覺得咁樣就夠..

--------------------

首先第一隻Olay refreshing toner,要講既就係佢帶有酒精成份,應該係40%..咁酒精如果你知道應該都可以收斂毛孔同埋清潔..當然如果你係咁用反而會整大毛孔..咁我就覺得呢隻係四隻之中最清潔既..但相反保濕係無乜效果..而控油就有小小幫助既..但又唔係好大..如果大家比較多暗瘡又或者比較鍾意乾爽小小既..我建議大家可以試下用呢隻..

[attach]326343[/attach]
[attach]326345[/attach]

清潔度:7/10
舒服度(使用時的感覺):7/10
控油度:6/10
保濕度:4/10
收毛孔度:7/10
痴立度(越痴立越低分):8/10
總分:39/60

第二隻叫做彩豐行 收毛孔清爽緊膚水..固名思義..呢一隻係收毛孔既初級使用品..亦係我第一隻使用既爽膚水..咁可能成份有薄荷葉既關係..所以搽落去你feel到一陣薄荷既清涼..但係有小小痴立又唔係勁痴立..但我真係幾鍾意用呢支..如果大家係毛孔比較大既人我第2隻建議係建議佢試下呢隻(因為之後仲有一隻更好)..

[attach]326347[/attach]
[attach]326349[/attach]

清潔度:6/10
舒服度(使用時的感覺):8/10
控油度:6/10
保濕度:8/10
收毛孔度:8/10
痴立度(越痴立越低分):5/10
總分:41/60

第三隻係緊緻毛孔控油緊膚水..呢一隻真係一隻好既緊膚水..其實我覺得呢一隻第比第二隻更加好用..而且仲控油..雖然我呢一隻用得幾次..但係已經感受到個種控油既感覺..同埋好舒服..搽落去既薄荷感覺係遠遠超越左其他三隻產品..呢一隻係最舒服既..同埋夠保濕又收到毛孔..最重要又唔係太痴立..所以如果你毛孔大呀..有d小暗瘡又或者多面油都建議你使用呢一隻

[attach]326351[/attach]
[attach]326353[/attach]

清潔度:7/10
舒服度(使用時的感覺):10/10
控油度:7/10
保濕度:7/10
收毛孔度:8/10
痴立度(越痴立越低分):6/10
總分:45/60

最後一隻就係青瓜爽膚水..呢一隻因為有青瓜..青瓜都係個d乜鬼野收毛孔既野啦..咁呢一隻野係彩豐行都幾出名..幾多人用既產品..但係我自己就覺得第三隻好過呢一隻..但係呢一隻既好處就係夠平掛...哈哈....但係控油真係差左d..呢隻野比較適合秋天用就真..因為夏天太多油..根本控唔到..冬天又唔夠保濕...所以我寧願用第3隻好過..but呢隻真係好多人話佢好..可能係搽個時都幾舒服..有種涼震震既感覺(但又唔似用薄荷個種涼震震)同埋收到毛孔啦..

[attach]326355[/attach]
[attach]326357[/attach]

清潔度:7/10
舒服度(使用時的感覺):8/10
控油度:6/10
保濕度:6/10
收毛孔度:7/10
痴立度(越痴立越低分):8/10
總分:42/60
三星高級會員 #2
講解得好詳細 等我下次都去彩豐行買黎c下先:smilie_:P2:  另外想問下有無D去暗瘡印既用品推街下?
二轉會員 #3
http://www1.2000fun.com/bbs/view ... 6amp%3Btypeid%3D186

呢個帖有暗瘡印+暗瘡 既 野
一星新手會員 #4
彩豐行係邊傢:S?
VIP會員 #5
原帖由 simpleman 於 11-1-31 09:18 PM 發表
彩豐行係邊傢:S?

http://lmgtfy.com/?q=%E5%BD%A9%E8%B1%90%E8%A1%8C
一星新手會員 #6
原帖由 小sion子 於 11-2-1 12:28 AM 發表

http://lmgtfy.com/?q=%E5%BD%A9%E8%B1%90%E8%A1%8C

囧了.haha
三星高級會員 #7
唔錯,下次去買先:love2:
一星新手會員 #8
唔得!!我用過
回到最頂傳統版

選擇頁數