-
四星黃金會員
2010-8-1 22:31#1
高考同Jupas都放左榜....好開心,今年終於成功
@@
成績係點,唔講了,因為唔算好好,但夠入U,已滿足了
回想起自修呢十個月(由去年七月至今年四月),真係好辛
苦....
辛苦唔止係身體,最辛苦係個心理上,思想上既疲勞....
所以我想打一篇,以過來人既身份,講下自修生之路
都好長,因為我都打左好耐...
唔知對大家有冇用
但真係希望幫到大家
大家睇完,可以留個言
就算無咩心機睇,都希望俾個面,留個言支持下
因為真係打得好耐@@(下面有幾段係從網上參考/copy,原作者如果唔鍾意,可以pm我,我會del佢)
近排放左完,聽到好多朋友仔講,或者上網見到好多人講,
好唔好repeat/retake??定係讀asso好
??
所以,我今日想發表呢一篇,係關於自修同asso,想講
下我想睇法,同埋我既經驗,希望可以俾到大家意見
事實上,我都曾經考慮過再考還是asso...不過我好
快就決定左前者
唔係話asso唔掂,只係我對asso既科興趣不大,加
上升U率實在太低(見到D宣傳廣告話幾十%升學率,唔好
盡信)
所以我好快就放棄了asso
如果你問我,asso定retake??
我會答你,好簡單,你有冇對某D asso/HD科有興趣?,有既,就去讀~無既repeat~~就係咁簡單,唔洗
諗太複雜
asso同retake都係咁難升U,你問邊個易D?每
個人能力都不同...所以我先答,睇你有冇興趣
如果你揀一D你根本無興趣既asso科來讀,你係好辛苦
,好難先升到去degree....
唔好諗住你會撐得住,對住堆積如山既project,p
resentation,test,考試..最重要係仲
有一班豬朋狗友,成日叫你去玩,你好快就想放棄....
.
另外,如果你話,asso科有少少興趣,retake相
信又一般般..兩樣都係五十五十..咁點好?
我會咁諗,你語文成績ok??即係中化UE....如果唔錯,你可以試下讀asso.
..
如果好差,岩岩好合格,咁我都覺得,唔好去asso..
.因為asso要既英文水平都好高,又要考試,考得差會
影響你既GPA,拉低你入U機會
asso我真係知唔多,所以只可以講到呢一度....如
果有咩錯,可以話我知,但唔好插我=.=
----------------------------------------------------------
不過今日我發表既重點,係想講講自修
每年都係數以千計既人自修考AL...2010年的報考
人數是39,774名，其中30,918名為學校考生；
8,856名為自修生。
而好多讀ASSO既師兄師姐,讀緊個陣反而好後悔果陣冇
RETAKE,因為ASSO競爭重大過AL
的確,我都認為,repeat/retake,係最快方
法,最慳金錢,時間,上返大學~~~
因為asso要學費,一年四萬幾....repeat一
年最多兩萬多,自修就幾乎零...
而且asso要入U既成績,都真係幾難.....
所以,我都好鼓勵朋友,同學仔...如果你今年衰左,不
妨考慮一下再考.正所謂"邊度跌倒,邊度起身"
但係,repeat/retake正如呢篇開頭講,係真
係好辛苦,辛苦程度並非你依家想像到的....
好多人都揀左,或者仲諗緊好唔好自修高考多次
我覺得要諗以下既問題,再決定好唔好retake
1. 首先,你可能聽左好多次既問題,你有冇信心???
考多一年,你估一定考得好??好多人都錯以為,考多一年
,唔多唔少都有進步啦~~~
但事實上,每年既自修生,好多都無進步,什至會跌gra
de.論壇都見唔少...
點解會咁??好明顯當初以為自己ok,但其實唔掂...
所以真係諗真D,唔好高估自己
2. 上次你衰,係咩原因?
會唔會係讀書方法有問題??今年你有冇
咩計劃??會唔會補習之類??
我個人認為,自修生必須要定下時間表....例如每個月
既進度...每天既進度.....之類
另外,我覺得最好真係補一補習.....因為自修生遇到
困難,真係好無助,有補習至少都可以問一問
3. 你覺得你今年拎到咩grade??
AL 2C?AL 1C1D?咁你又想入邊一科??達唔達到你目標
如果入唔到你目標科,入其他科肯唔肯????例如eng
ine之類~~~
呢D全部依家都要諗....唔好同我講,我都未考,我唔
知..
或者話,依家估黎做咩,考完咪知囉,到時再搞啦.
個人認為~首先點會唔知,你大概都估到自己會拎邊D grade,你唔知,只係你唔去諗~~
其次,點會無用?你大概估到依家去唔去到呢個水平~~~
例如,原來你至少拎1B1C先穩陣有U入,你覺得你今年
去唔去到呀??
唔好唔理,依家就開始睇定,你八個月後就考了...四個
月後就要排jupas....以為時間好長嗎??
4. 懶~~~
我知道大家都話自己懶,自己未盡力,無咩點讀過書先拎到
咁既成績..今年勤力D,一定掂啦
但你問心個句,你去年懶成點??你今年係唔係都係咁懶?
你會有幾大恆心去讀???會唔會自律去讀書??會唔會自
動自覺去自修室自閉??
誠實D咁答自己,唔好呃自己
就算真係好比心機讀,谷到盡...你可唔可以成功???
考試永遠都唔係一分耕耘一分收獲
而你又有冇方法今年讀書呢??定係沿用返去年既方法??
呢個帶返去第一個問題,你有冇信心??
5. 你受唔受到壓力,會唔會嫌辛苦
我所指既唔係肉體上既疲勞
而係你頂唔頂得住有機會浪費一年既壓力
我可以話俾你聽呢種壓力絕對大過第一年考既兩三倍
你會每晚都訓得唔好
接唔接受到獨行俠,咩都唔可以玩,唔可以同朋友出街玩~
~
呢年都會好孤獨,大時大節,身邊一班一班朋友出去玩,出
去蒲,但你唔可以去,你要去自修室背書
什至連拖都唔可以拍....要做毒男毒女~~你受唔受到
即使有得出街玩都會諗考試d野
連發夢都成日見到d notes
你受唔受到??
而且,身邊既朋友,屋企人,親人,都可能會唔支持你,佢
地都會覺得你考多一年都衰,晒錢晒時間,
睇死你今年都唔掂~~~~
佢地等待緊放榜個日嘲笑你,佢地既咀臉,說話你接受到嗎
??
6. 金錢上,你可能會零收入...
屋企人可能唔會錢你用...你D私己錢頂唔頂到???
可能每日lunch都要食麵包/.\就算你唔食,交通費
唔多唔少都要D掛
你又會唔會去做part time??做既話,你會做咩???一日做幾多粒鍾??
做10個鍾一日嗎??
你諗住幾時辭工???最緊要係..做野,會唔會影響你自
修???
仲有,你補習既話,你有冇錢????屋企俾唔俾到你?
(個人認為,可以做part time,但一定唔好做得長....一定要以溫書為重
可以既話,一天返少於4個鍾...或者一星期只返一至兩
天.....
同埋,明年二月中前,就好辭工了)
其實以上呢D問題,有D係我自己,有D從一D論壇參考來
的~原作者唔鍾意既可以同我講,我會del左佢@@~
希望好好諗下自己過唔過到以上既問題...我自己行過,
真係好苦
但當然,當你收成正果,你就會好甜^^加油吧
下面仲有,睇埋先啦@@
-
四星黃金會員
2010-8-1 22:33#2
最後,如果大家決定左再考,或者仲1516緊...我想
俾多小小意見俾大家
1. 暑假
依家仲有個八月份
作為自修生既你,最大優勢係你讀過考過AL,你比第一年
考AL既人讀多左個中七課程
而第一年考AL既人,好多依家都仲未學中七既課程,所以
,你比佢地領先一點點
所以,你要好好利用呢個優勢
暑假就好開始溫~~溫好中六先~~ 而聖誕前開始攻中七.....
千奇唔好hea過呢個暑假
你如果暑假唔開始溫,你九月先開始,你優勢又小左...
..
人地學校考生,九月開始學中七,你先開始溫返中六...
到明年一月底左右,人地學完中七,你先溫完中六,開始溫
中七...學校考生都學晒中六七既野,咁你咪即係無優勢
=_=?
加上,你諗下,你四月考完AL,到依家差不多八月,足足
有三個多月係未溫過書,所以要兩三個星期warm up一下,搵返之前既感覺
呢段期間不妨隔日溫兩三個鐘(唔好谷咁盡,唔係你會捱唔
到考試)
慢慢睇番曬成個課程
記住積少成多,其他既時間就去玩下
但係最緊要keep住溫
不過,九月開始,就慢慢開始加碼了
2. asso+考AL
每年都有人揀一邊讀asso,一邊考AL....其實我
好反對咁樣做....
每人都係得24小時,你又要搞asso,又要AL,近乎
無可能兩邊兼顧到....
一腳踏兩船,只會沉死你自己
有人會話,我想retake,但因為怕考得唔好,到時咩
都無得讀..所以依家報埋asso,咁到時至少都有as
so讀
我其實唔明點解有人會咁諗....你話想retake,
點解唔一心一意去考呢??我深信,asso一定會分薄左
你既溫書時間....咁你AL都一定唔方好
而你另一邊讀asso,亦一樣唔會好,GPA一定唔會好
高.....asso要讀既野,絕對不比AL少....
.到時GPA低,無人會可憐你因為又考AL又讀asso
加上聽聞,asso同AL考試既時間係差不多,即係會又
要溫AL,又要溫asso??唔好玩啦
同埋,asso一年要成4萬多,.,...我當你真係A
L retake成功....咁你讀完一年asso又要退學
閃去jupas...咁呢4萬多咪白交?
所以點都好,唔好兩樣一齊讀,晒錢晒時間晒心機=_="
如果你淨係衰一科,只要呢一科合格,就可以入到U,你可
以考慮一邊讀asso一邊考AL既=.=不過我都唔建議
囉...
我會覺得用D錢學下興趣班(e.g 法文,會計,或者去健身...etc ),裝備一下自己仲好.....怕悶既,你咪自修多一科
AL囉@@好過用幾萬蚊讀一年HD/asso又走人
3. 學會取捨~~唔一定要考返之前所有科的
我個時就係無考中英文....因為自問,真係無咩升gr
ade既空間.....與其無無謂謂,晒時間讀,換返同
樣既成績單,不如放棄
真係無必要再考...既然你都知無得升,點解仲考??
有D人又覺得,我去年無咩點溫,都拎到咁好成績,咁我今
年溫多D,分分鍾拎更好成績...就算真係拎唔到好成績
,跌grade都無咩所謂,因為都會用返上年既grad
e
係,係無分別,但你自己會晒時間,會好蠢囉....點解
唔將呢D時間,用黎溫D重要既科呢???
另外,唔知大家有冇聽過poly屈分法
poly既計分制度同佢地唔同,poly係會計晒你所有
科既成績
例如如果我考十科AL,十科都拎E...咁E有1分,十
個E,即係有10分
所以,poly對於重考生係非常有優勢
固此,大家自修生,重讀生,不妨諗下讀新科
新科拎合格,相比起讀舊科拎C以上,我覺得前者相對容易
至於揀咩新科讀,如果大家有興趣,我可以開個新post
講一講,呢度唔詳談
小弟都係自修新科,拎左唔錯成績,先入U穩陣
4. 自修係好難捱
無錯,自修成功既大有人在,但失敗既數目係成功既幾倍.
..你聽到好多成功例子,但係...失敗例子更多...
非正式統計(我網上見D人講),10個repeat/自
修,只有1個成功
加上,依家愈來愈多人揀自修生呢條路,收生成績亦都上升
左不少...
今年好多人明明高過poly,嶺南既平均分,都入唔到.
..
(所以,排jupas要小心D.....)
而poly今年亦都唔知會唔會改規則,唔俾人屈分入去p
oly.....(年年都有傳聞話Poly會改,今年一
如既往有傳聞)
所以,你要有心理準備,今年都會衰...你要諗埋後路,
今年都衰,你會點???
再考第三年????我覺得都可以,第3年仲可以接受..
..但唔好考第4年=.=
定係轉讀其他野???或者AL真係唔岩你...
定係做野,做幾年野,慢慢諗下未來點行??
5. 返學校定係自修?
事實上,兩者都有好處
返學校讀,有固定讀書環境,又識到新既同學,一齊上戰場
....又有老師問書,對成績一定有幫助
但返學校,時間彈性就無咁大...星期一至五,要返學校
,跟學校時間表上堂.....到放學,已經好累,根本無
精神溫書....
淨係上堂,返屋企唔溫,都係無用的.....
而且學校又成日有課外活動之類....唔多唔少影響你學
野時間
仲有,學費又好貴呢...如果官津校唔收,讀私校,一年
兩萬多,負擔都好重下
自修方面,好壞處正正就係返學校既相反....時間彈性
,自己鍾意溫咩就溫書
但當然,太彈性,令自己懶..又成為獨行俠.....
你問我揀邊樣??我覺得......屋企有錢,就去私校
;無錢既,就算啦,自修吧了~_~
其實好多好多出路,asso上U,有唔少人成功,ret
ake升U,亦有唔少人成功~~~所以我無講過邊一樣係
好~~
而且唔一定要入U先叫成功......可能你會覺得我講
風涼話,事實上入唔入到大學真係並非一切
入唔到大學,係,可能真係辛苦D,但係生活未必唔開心
而入到大學,你以為真係過神仙生活??好多入左U既人都
話,大學d野難讀到......
而且大學畢業生出來,相比起你做幾年野~~~~有工作經
驗既,反而可能會著數
所以入唔到U,AL失敗,唔係絕對....最重要,真係
搵到條自己岩行既路
加油吧^^
完@@
-
一星新手會員
2012-8-15 10:04#3
作為正在考慮應唔應該retake ge 考生
其實我真係好同意你ge分析
什至根本我平時就係咁同父母分析
好欣賞你ge毅力;)
我retake係有特別原因
而且對成績要求相當高...( 姐係要番幾條a幾條b)
所以你應該慶幸可以用retake去解決問題 (我真心覺得公開試唔難)
但我ge問題就複雜好多...
-
二星初級會員
2012-8-29 10:42#4
:thup: 好欣赏你葛读书毅力～我时时都系半途而废:ro03:
-
二星初級會員
2012-9-13 22:49#5
其實自修最最最緊要真係考你自我管制能力
如果你本身係內向既人都好d
若果你係外向既人你本身可能會一星期日日打波,出街,拍拖同朋友玩等等
但因為你要自修再戰公開試 呢d野一定要放棄 跟本就係與世格絕 -
禁止發言
2012-9-25 19:37#6
多謝分享~~~~~