-
三星高級會員
2011-2-16 18:29#1
一開始滿懷期待玩呢隻game, 又拎哂咩獎又咩大作 所以期望都幾高。
一開始創角都ok啦 冇乜話咩特別, 遊戲畫面都幾靚。
由於第一日, 耐玩性, 遊戲性等等 都未太突出 實在評價唔到。希望各位未玩過既玩家可以參考下。
現在可以評價既好同唔好, 分別為:
好:
1. 畫面幾靚, 亦都好細緻, 好多間屋, 城既城堡都有幾層, 感覺好現實好精緻。
2. 世界觀幾大, 單單只係一開始既城已經大得離譜。
3. 單單睇新手既階段都不難發覺, 遊戲對於團隊既需求性都幾大, 獨行俠應該幾難生存。
原因: a. 法師, 補師施法好多都要詠唱, 一比怪打條詠唱bar就會退後, 而且都退得幾後, 所以比怪近身打到,都要2-3下先唱到一次, 可見肉盾既重要性(?)
b. 比主動怪打想逃跑, 其實都幾有難度, 因為你背向怪, 受既傷害會提高, 而且有機會減移速, 都幾難走到, 如果單人要深入虎穴做任務都幾困難。
4. 怪物數量少, 而且經驗少, 我諗外掛都幾難生存。
5. 『瞬發』既技能施放都算流暢。
6. 儲定詠唱系統現時用途實在不太大, 一開始我以為係可以儲定一招技, 可以隨時放番招披出黎, 例如儲定補血技能A, 打怪時繼續用詠唱補血技能A, 當你突然唔夠血, 先釋放番招儲定既技出黎。
但原來唔係, 只要你儲定一招技能, 你再用個招技能, 第一次就會變成唔洗詠唱, 可以瞬發。姐係可以將一招要詠唱既技, 係第1次用既時候變成多左招瞬發技能, 姐係你一儲左, 就唔可以留住個招
技能, 而繼續用, 要瞬發完先可以用個招技, 變相鎖死左你一招技, 係活用上面冇咁方便。
唔好:
1. 文字太細, 相信好多討論區/玩家都一早提出過, 睇到發雞盲。
2. 新手一入到城, 就一大堆任務, 完全冇步驟咁跟住做, 而且要行到個區附近, 你先見到有d咩任務接, 假如你係一個planning比較差既朋友, 應該都會比一堆突如其來既任務攪到幾頭痛, 主要原 因請看以下『第4點』。
3. 遊戲無自動導航, 所有任務, 搵npc 都要自己搵, 老土d講, 有d浪費時間, 最大原因請看以下『第4點』。
4. 冇自動導航都唔緊要, 但係大部份任務既任務內容都要睇佢既任務說明自己去『估』點做, 同埋係邊做, 怪物係邊打, 雖然地圖有個凌形既logo話比你知個任務大約係邊到做,
但係佢比你既logo, 只係大約既地方, 實際既地方仲要自己係個個logo附近探索, 有時有d地方有高低之分, 例如要落洞穴, 就更加難搵。
例子: 叫你係第一個石像旁邊放置5個狼章, 但其實要你係個石像附近既『燈柱』先用到個任務道具(狼章), 而且燈柱距離石像都要幾步路, 實在唔係所謂既『旁邊』
p.s. 我都係問人先知燈柱。
例子: 叫你落水庫底部打一隻怪, 水庫就係地圖既凌形logo附近, 有個好唔顯眼既入口行入去。 所謂既底部, 原來只係水庫既中層, 而且要係個層再搵d洞穴入去, 先搵到你要打既怪。
例子: 叫你係6間屋放間諜蟲, 個6間屋係一個大區入面既唔同地方(地圖冇說明), 要自己搵邊6間屋, 入到屋, 點任務物品係冇用, 要點間屋入面既『木椅』先放到間諜蟲, 任務說明亦都冇講。
例子太多, 不能盡錄, 總括而言, 就係 難搵, 猜謎, 問老手, 食自己, 花30分鐘去做一個搵npc既普通任務。
5. 地圖太大, 超級極度容易迷路, 人物行得超慢, 相信冇騎寵都幾難生存。
6. 任務物品, 怪獸重生超慢, 幸好今日唔算太多人, 唔係都唔知點搵怪打。(註:只係小怪,唔係王)
7. 傷害表示個方面實在唔流暢 (姐係原來比隻怪打左幾下, 其實都唔多覺, 傷害既表示好細, 而且好唔明顯), 由其是出現係要詠唱既技能, 使用起上黎實在幾混亂, 比怪打會退後, 用完一次好似會自動再
用(?), 都唔知幾時用緊招技咁。
總括而言, 不是遊戲不好玩, 只係這遊戲會令人很累, 因為解『普通』任務就似係解謎遊戲咁, 要從一個任務說明(通常都講緊遊戲內既背後故事, 任務既背景, 點解你要做呢個任務) 去從中『參透』
個任務其實要點做。可能係我個人蠢or品味太低, 又可能隻game太有內涵同深度, 對於呢D咁大地圖, 咁『玄』既任務系統實在有d辛苦同唔識欣賞, 因為玩左隻game1,2個鐘, 已經真係玩到我頭痛, 除非你話隻game係以『解謎』作題材。由於組隊, 副本等等尚未能體驗, 因此只評價平時打怪, 攻擊系統未如我想像中咁流暢(上述唔好既第7點)。
整體上黎講, 係現時既新手階段, 除左遊戲畫面,世界觀同地圖大外, 未睇得出呢隻game有d咩咁突出, 由其而家升LV既階段, 實在有d浪費玩家既時間。可能佢之後既組隊, 副本, pvp系統會帶到比大家另一番景象。亦都要有心理準備, 因為呢隻遊戲實在同現在大家所玩開既遊戲既系統不太相同, 地圖大, 任務多, 任務指示唔明顯, 相信需要經過一段時間既習慣, 熟習, 先可以融入遊戲。
-----------------------------------------------------------------------------------------------------------------------------------------------------------------------------------------------------------------
遊戲小提示:
希望分享一D, 我一開始玩既時候所遇見既問題, 同埋心理準備。
1. 新手任務完左, 由地下水道出到城, 實在會有一大堆任務, 實在唔知由邊解起, 呢個係正常。
2. 一開始個城主要分為5個小區, 每個區都會有一位傳送師, 禁M字地圖會有一個藍色好似螺旋型既附號, 只要同每個區既傳送師講一次野, 就會開通到個傳點, 由於人物步行速度好慢, 而且任務內容要求你行既地方都會相距好遠, 所以要善用傳送系統, 唔係行到痴肺都未解到個任。
3. 至於最頭既解任務方面, 其實接完任, 禁(M)地圖, 係會見到有d凌形既logo, 個d就係做任務既地點, 雖說唔係好清楚, 但都係大約係附行, 大致內容都要自己參透下, 地方就比左你, 點做靠自己。
4. 任務怪方面, 真係要自己搵, 同自己睇名, (M)地圖只係比左大致既位置你, 有d怪可能連(M)都冇顯示, 靠自己行路個陣記下d怪係邊, 同埋睇下右邊(L)個行任務欄有冇完成到, 就知自己打唔打岩怪。
5. 完成任務, 交任既logo會係(M)地圖以一個結色既旗仔作表示。
6. 禁(R)可以自動向前行, 唔洗一直禁住個(W)。
7. 一D特別既任務目標, 可以禁(T)制可以突顯到個任務目標, 例如你去到任務所需既地方, 而唔知邊樣係任務目標, 禁完(T)之後, 呈現黃色既, 就係任務目標。
8. 打怪會有累積既疲勞度, 可以係左上人物既頭像查看 xxxxx/xxxxx(幾多%經驗), 疲勞度可以係旅館比錢休息以換取經驗, 由於疲勞度可以換既經驗都幾多, 記住要去換, 疲勞度會係每晚9點重置, 唔會累積到第2日, 所以今日冇換, 今日所打既疲勞度都會冇哂。
9. 點屬性方面, 實在未參透到, 經本人爬文所得, 只知幸運對於每個職好似都幾有用, 好似係加爆擊同埋另一個都唔知咩既能力, 而且+幸運既裝備係比較少見, 因此其他主要屬性可以靠裝備補足, 但幸
運比較難靠裝備去補足, 所以我而家都仲係未配點住, 有待其他高手解說。
10. 多d四圍組下路人, 因為有d任務怪都幾難打下, 幾個人解會好好多。
11. 多d結交朋友, 遇到唔識就問下有冇人識解or解過, 因為好多任務都要靠自己估。
12. 另外係(B)背包最右邊個欄入面會有兩個寶箱, 分別係 a.係唔同LV時候開, 同埋 b.每隔幾耐時間開一次, 所以記住開b., 因為你要開完佢先會計下一次既時間。
由於我自己都係新手, 嘗未玩過其他國家既版本, 如有錯誤, 請各位老行尊回POST幫手改改佢。
以上意見同提示都係由本人爬文+自己經歷所寫, 未必準確, 如有提意或更改, 請大方提出。:smilie_:)3: :smilie_:)3:
[ 本帖最後由 仲z 於 11-2-17 01:14 AM 編輯 ] -
一星新手會員
2011-2-16 21:26#2
行路佔左你遊戲既9成時間..........咁大獲..........
-
四星黃金會員
2011-2-16 22:47#3
問題係d任務....=.=''
要去任務到慢慢睇清楚先知去邊解,有d睇完都唔知係邊應該
個地圖簡單到無野好講
怪又少,
解任/打怪一樣少經驗 -
四星黃金會員
2011-2-16 23:28#4
其實接了任務後,可以在地圖中找到做任務的位置,也可以找到回任的npc
-
三星高級會員
2011-2-16 23:55#5
做到冇咩心機做...:smile_13.gif: :smile_13.gif:
睇下聽日有坐騎點先啦.. 唔係慢慢行...真係行到冇心機 -
三星高級會員
2011-2-16 23:57#6
好似做個導覽任... 明知d npc 係哂中間個楝野到 但係又要行上行落.行上行落
放間諜蟲個任.. 佢就咁寫叫你係d屋度放 原來要放來張椅子到:smile_38.gif: :smile_38.gif:
跟住個6間屋 又要係個區到4圍行 做個咁簡單既任.. 都要用成15-30分鐘 -
二星初級會員
2011-2-17 00:09#7
就咁聽
我又覺得幾好wo，講真依家玩game好多野就係太方便，玩懶哂d人 -
五星白金會員
2011-2-17 02:49#8
樓主好用心~不過過左10點先知今日開始
-
三星高級會員
2011-2-17 18:19#9
其實法師個招詠唱幾有用 不過要睇你係咩系同埋升咩點而定
鎖上的確唔係幾好 但係補師放定一招勁技 你可以係個坦打緊怪時回魔 然後再用
本身補師個招就係俾你係緊要時用 咁你可以回住魔 等個個時候(哈哈) 只要人唔死 就冇人話你啦
幸運的確幾勁 但法師同補師靠法能(第2重要) 第3重要係血量 (本人只是出些法系的意見)
仲未拎VIP=.= 不過我等住封測先 -
二星初級會員
2011-2-17 20:16#10
原帖由 仲z 於 11-2-16 06:29 PM 發表
例子: 叫你係第一個石像旁邊放置5個狼章, 但其實要你係個石像附近既『燈柱』先用到個任務道具(狼章), 而且燈柱距離石像都要幾步路, 實在唔係所謂既『旁邊』
p.s. 我都係問人先知燈柱。
禁t制個燈柱會發光 去到任務地區就要狂禁t制探下架啦 -
五星白金會員
2011-2-17 22:29#11
今日玩左 歐美game相差不大 環境靚又唔lag 不過好多法c囉
最大問題係怪重生慢又少 地圖無npc找尋 精力去晒搵npc相對無咁悶
台服人數相對多 尋日隻九尾人少比佢悶走 -
三星高級會員
2011-2-17 23:53#12
九尾係劍狐既改版.. 又冇開新ser 只係轉名呃人
-
三星高級會員
2011-2-17 23:54#13
台服反而好多戰士w0... 法師係召喚師有d睇頭.. 隻野幾勁
補師打怪超辛苦, 所以玩補師記住識多d朋友or親友團, 唔係你任務都做唔到:smilie_:10: -
五星白金會員
2011-2-18 01:20#14
聽你咁講本人覺得幾好呀，
就以樓主所見接任務或做任務過程等等問題為例
本人有幾點想反駁你，如下:
(1) 防止養賴D玩家
(2) 冇自動導航可以令玩家專心地明白任務內容講乜做乜
(3) 某某任務要玩家諗、分析點做仲好過盲目地做完就算
(4) 某某任務要玩家諗、分析點做既時候仲好過接D無謂重複任務
(5) 佢地在研發過程做到要玩家諗、分析點做，豈碼個任務系統難道性都相對地增加，
唔會在一味睇任務內容有冇D字係有顏色提是，玩家就跟住去解或做，咁傳統任務系統
係你習慣左傳統做任務、解任務、接任務..等等方式所以先做到冇心機、做到灰..等等感覺
本人唔覺得要自己搵NPC、自己估點做..等等係一個大問題囉，反而本人對依D愈做愈過癮，愈做愈有挑戰性
[ 本帖最後由 wolfhell 於 11-2-18 01:39 AM 編輯 ] -
三星高級會員
2011-2-18 05:05#15
原帖由 wolfhell 於 11-2-18 01:20 AM 發表
聽你咁講本人覺得幾好呀，
就以樓主所見接任務或做任務過程等等問題為例
本人有幾點想反駁你，如下:
(1) 防止養賴D玩家
(2) 冇自動導航可以令玩家專心地明白任務內容講乜做乜
(3) 某某任務要玩家諗、 ...
咩叫養懶D玩家face_l_18: face_l_18:而家叫你番工咩..番工就話驚養懶姐 做任務都要養到你咁勤力?
我知你係天才 好中2用腦 好中2解謎 覺得好有自豪感
但係隻game 根本就係四圍試 而唔係用腦 你就覺得好似好好玩 有難度face_l_18:face_l_18: 你明唔明咩叫思考 咩叫盲目去試:smilie_/):
明白個任務內容講乜, 你都唔會知係邊到做架w0, 任務內容只係講個任務背後既故事你聽:D2:D2.
如果佢係有計劃地似猜謎咁要玩家估.. 我絕對讚同, 但係你都係要睇(M)地圖, 睇佢比你既表示(同自動導航冇分別,都係話比你聽係邊做,只係要你自己行)
但最大問題係, 行到去, 就算你睇完任務內容, 都唔會識做。 好似火花盒個任務, 叫你係海岸地方開左佢, 行到去(M)表示既位置, 試埋4周圍 都係開唔到。
姐係佢唔係要你根據任務內容去估個任務點做, 而係要你去到達地方, 4圍係咁試, 禁(T)制 周圍搵, 望住個地圖四圍禁
好明顯呢d唔係難度:smilie_O_o::smilie_O_o: 都唔洗用腦, 只不過係要你好麻煩, 好哂時間4圍試
任何內容同傳統game冇分別, 點npc, 打怪 只不過最大問題唔係要你思考去點做, 而係要你去到達地方4圍試:D2:D2
所以我先覺得咁樣有d浪費玩家時間姐
我冇話隻game 唔好玩, 但原來你覺得盲目去試係咁好玩, 又真係幾特別, 可能唔洗用腦咁岩face_l_18:
[ 本帖最後由 仲z 於 11-2-18 05:09 AM 編輯 ] -
三星高級會員
2011-2-19 23:30#16
其實都唔算盲目地去試既...
睇清楚D個任務介紹,雖然介紹度有D模糊,但係的確係有講到要點做的
同埋遊戲中彈出來既新手提示
就會知道幾時要禁T制,幾時要去邊到,做D咩野,打D咩怪...
我覺得反正習慣左之後就冇咩問題
[ 本帖最後由 齊滕冰 於 11-2-19 11:35 PM 編輯 ] -
五星白金會員
2011-2-21 16:43#17
怪差1級差好多
唔知其他職 我玩補師 補唔多又要施法時間攻又睇運又難命中 怪lv多一級 難打到喊 -
二轉會員
2011-2-21 23:35#18
聽聽下更加想玩tim~:smilie_:D3:
-
五星白金會員
2011-2-22 00:36#19
有錢行路只佔不到1/2時間
冇錢玩就9成9!
自動導航...依樣野, 可有可冇... 用UI支援吧~
另外 任務一定要解, 如果唔系打怪升級好難..實死人XD
仲有D世界迷題任(主線!?) 一定要解, 有幾個任後期都送紅寶石(天賦點)
得閒就用下守護神回血回魔...
後期高級冇2階守護神打咩都痛咩都慢(開一日守護神要1個香..)
果然香...以後商城有賣! (每日任好像也有1個...) -
三星高級會員
2011-2-22 06:44#20
多謝分享~
:ro03: 好想玩。。