-
~傳說中的傻仔︻五星白金會員
2011-9-6 17:49#201
因有要事 星期五再更新:smilie_:):
-
拉特基斯．旦尼五星白金會員
2011-9-6 18:24#202
~傳說中的傻仔︻ 發表於 11-9-6 05:49 PM
因有要事 星期五再更新
dislike=[
又冇文睇...
-
a1213829三星高級會員
2011-9-8 19:44#203
浩飛5係波哥細佬咩-.- 之前仲諗住係
-
~傳說中的傻仔︻五星白金會員
2011-9-9 16:05#204
本帖最後由 ~傳說中的傻仔︻ 於 11-9-9 09:47 PM 編輯
第二十一話：『講數（Ｉ）』
「波哥，早晨。」
「早晨呀，波哥！」
「嗯。」
我揉搓一下眼睛，昨晚發的夢使我有點睡眠不足，
「波哥，番黎練拳呀？」
拳館的手下發出詢問，但是我卻好像有點無所事事，
「係掛．．．你地練啦，唔洗理我。」
他們看我有點神不守舍，也不好來作打擾。
我挑了一個面向門口的位置坐下，看著外面的小混混，
又令我想起當年還是小混混的時候，那是多麼快樂的時光；
但現實卻不容許我們有幻想的空間，現實會壓榨我們的腦袋，
一點一點地把所有夢想都掏光，直至生存的最後一刻。
「震．．震．．．」
電話震了起來，我不假思索地拿起電話，
「喂。」
「波哥，我係風濕呀，我幫你刮到大ｄ既屋企人啦！」
風濕的消息使我精神一振，我立刻伸直上半身，
「係邊！！？」
「係元朗入面既，個地址好鬼隱蔽架，我驚講完波哥你都唔知。」
（佢又講得岩．．．．．．）
「風濕，你想唔想上位？」
我腦筋閃過一個計畫，若此事成功、對自己或是社團也有大幫助，
「我緊想上位啦，我可以點做！？」
風濕的回答，也是所有小混混的夢想。
晚上十時半，我與王子二人已經到達了觀塘的其中一棟工業中心，
眼見入口附近站了數名『東英』門生，應該便是大Ｄ的手下，
「波哥，睇黎今晚盤數都有Ｄ危。」
王子思考精密，自然計算出眼前的風險指數，
「唔洗淆，我今晚有一張皇牌，一定唔會有事。」
「係咩！？」
「嘿，如果大Ｄ發矛你咪知。」
王子的神情是充滿疑惑，但是也沒有再作發問，
我則表現淡定冷靜，整個便是來找人的樣子。
「波哥！！」
一名看來鬼祟的傢伙，兩顆門牙也凸了出來，
雙眼鬼瞇瞇的緊鎖一起，露出的笑容也是不懷好意，
「你係邊個？」
「哈哈，我係『雷星』紫爺既近身，叫做花鼠，黎接波哥你上去既。」
「今晚係紫爺做架倆呀？」
「係呀波哥，呢邊呀。」
（『雷星』既人．．．．就睇佢係唔係可以渣正黎攪．．）
我跟隨著花鼠乘搭升降機，王子亦小心翼翼地緊隨後面，
「叮！」
升降機到達五樓後打開，然後我們便走到眼前的一道大門外面，
「砰！砰！砰！砰！砰！」
花鼠連敲大門五下，應該是一個暗號，
然後大門打開，我清楚看見大Ｄ的面孔，
短兵相接、究竟今晚的『講數』會去到那一個地步！？
踏入大門之後，花鼠便企回一名中年名叔的身旁，
此人雙眼帶神，人中之下有數撇胡子、應該便是『雷星』紫爺；
我則拉開椅子，坐在大Ｄ的對面，
大Ｄ右手帶了一個黑色手套，應該是不想被別人看到被我斬去的殘掌；
他身旁則坐著一名帶眼鏡眼的白面男子，看起來只有二十五歲，
面孔也是頗生的，應該是『東英』後起之秀吧。
「ＯＫ，兩個大佬都到左，我就係『雷星』紫七，比面既可以叫聲紫爺；
今晚就係傾藍田單野，有咩就四四六六拆掂佢，
無謂又要見紅，岩唔岩先？」
紫爺說話中氣十足，看來他應該也不會偏幫大Ｄ，
「我就緊係想拆掂佢，但係大Ｄ哥想唔想又係另一回事。」
我打蛇隨棍上，立刻把所有責任推向大Ｄ身上；
大Ｄ聽到我的說話後，立刻舉起左手的中指並向著我，
「我屌你啦，我唔想攪掂壇野既話，你而家幫你條靚收屍啦，
我仲會同你呢條ｏｎ９９講數，你食撚傻左呀！？」
聽到大Ｄ的挑釁，我的怒火立時冒升，
「砰！」
「你咪試下攪正浩飛，一個月內我就要你既銅鑼灣收皮！！」
我大力拍往桌上，而且與大Ｄ的怒目相視，
「唔撚洗一個月啦，我而家就攪正你呢條ＯＮ９虎旗！！」
看見大Ｄ快要發矛時我亦有所準備，但在此時．．．．．．
「喂！！你地即係當我臭四姐！？」
一把響亮的聲線把我與大Ｄ的情緒壓下，那就是『雷星』紫爺。
「大家都係大底，搵得我出黎做架倆就應該識自制，
而家就係度開拖？傳出去我驚兩位大佬比人笑姐。」
紫爺說得頭頭是道，我與大Ｄ也只好先把怒火壓下，
「ＧＯＯＤ，唔平心靜氣又點傾落去。」
這名紫爺的確有一定『台形』，難怪大Ｄ也願意找他作為今次的中間人。
「大Ｄ哥，與其大家好似低能仔咁屌黎屌去，不如直接開個盤口出黎，
你點先肯放番浩飛？」
王子比較冷靜，他代我說出今次談判的核心問題，
大Ｄ則把眼光移向王子，然後擺出一副不在乎的樣子，
「你老幾呀？你大佬未出聲講野就係度搭嗲，識唔識撈架你？」
大Ｄ擺明存心惹事生非，連紫爺也有點看不過眼，
「大Ｄ，你咁樣好難傾落去ＷＯ？」
「挑．．」
大Ｄ白了紫爺一眼，然後坐在他旁邊的白面青年則替他回答，
「ＯＫ，既然波哥咁有誠意，我地都唔會咁撚老土；
我就計過哂，上次係藍田單野我地手足死左十一件，傷左二十八件；
仲有大Ｄ哥隻手，波哥你應該最清楚架啦？
大Ｄ哥就好爽快既，係咁易收番波哥你一千個就ＯＫ。」
（１千個！！？）
聽到這個毫無道理的數目，我不禁向這傢伙咆哮，
「我屌你老母啦！！！一千個，你比我呀！？」
「波哥你咁即係唔想傾．．．．」
「我傾你老母呀！！我出黎撈個時你條白面仔仲係度含緊撚咋，
要一千個？得！！陰屍紙大撚把！！洗唔洗我而家燒比你！？」
(待續)
-
流水星月二轉會員
2011-9-9 16:29#205
「我傾你老母呀！！我出黎撈個時你條白面仔仲係度含緊撚咋，
要一千個？得！！陰屍紙大撚把！！洗唔洗我而家燒比你！？」
[講笑]姐係波哥要撈既時候佢就已經搞緊機/朴緊野，即係條友仔比波哥仲快上手wwww[/講笑]
[認真]型- -今集台詞主要中心句係最後 正！「/認真」
-
鋼牙章魚丸二轉會員
2011-9-10 18:03#206
「我傾你老母呀！！我出黎撈個時你條白面仔仲係度含緊撚咋，
要一千個？得！！陰屍紙大撚把！！洗唔洗我而家燒比你！？」
:cool:
-
『LuNg』五星白金會員
2011-9-10 20:46#207
「我傾你老母呀！！我出黎撈個時你條白面仔仲係度含緊撚咋，
呢個正啊!!!
-
0o小白o0三星高級會員
2011-9-10 23:56#208
一千個蛋糕牙:smilie_:):
-
可愛肥仔明三星高級會員
2011-9-11 16:25#209
一千個咩＝＝一千粒糖？
-
『LuNg』五星白金會員
2011-9-11 16:28#210
一千個=一千萬.....
-
~傳說中的傻仔︻五星白金會員
2011-9-13 19:46#211
本帖最後由 ~傳說中的傻仔︻ 於 11-9-14 07:43 PM 編輯
第二十二話：『講數(II)』
「波哥你唔想傾，ｏｋ！！咁唔撚洗傾！！
我阿烽拎住『東英』八掌舵個朵，就一定唔撚會比人拋窒！！」
白面男人原來叫作阿烽，職位更加是『東英』八掌舵之一，
他眼神化作凌厲之箭，繼而直射向我雙目；
附近的『東英』門生聽到阿烽的說話後，紛紛緊握拳頭，
看來只要阿烽與大Ｄ一聲令下，我們就要拼盡逃生。
「阿波．．．咁你又係火左Ｄ，咁即係令大家為難姐。」
紫爺摸著那兩撇胡子，向我展露一個埋怨的眼神，
「紫爺，如果你既頭馬比人挾走左，仲要比人屈多成千個，
你如果冷靜得過我既，我凌成波斬個頭比你坐呀！」
我大聲地說出每一個字，說得好像道理在己方，
這也是小混混慣常使用的技倆，『靠大聲』以振士氣。
「波哥你真係幾識打橫黎講，出黎劈友就預左收皮，
而家我地仲未摺埋你條靚，你咁都唔識見好就收？
我地呢邊既手足係觀塘都賴左你地野，傾下個價就係度嘈嘈哄，
如果我地真想屈你錢既，大可以同你玩盡佢，你知我地『東英』玩得起。」
阿烽從旁插口，當中說得極為有條理，
就在我無言以對之時，王子卻替我解圍；
「烽哥呀嘛，你地唔隊浩飛唔代表係想同我地渣扒；
加上照你所講，出黎互斬就預左收皮，
下下劈友都要計到十足十，我地呢班古惑仔都好唔得閒；
而家你仲要我地科一千個比你地，咁唔係屈錢唔通做善事？
最後你地『東英』如果想玩野，我地『華興』一定奉陪到底，ｏｋ？」
王子實在妙語連珠，才幾句說話就把責任推回大Ｄ身上，
「大Ｄ哥，唔好話我低輩份唔夠ＬＶ同你講野，
而家係講事實，雖然事實係未必個個人都岩聽，嘿。」
他媽的竟然還『寸』了大Ｄ，王子的智慧實在是今次談判中的一大利器。
「拿，大Ｄ！而家大家都肯坐係度嗲，就無謂係度攪屎棍，
開個合理Ｄ既盤口，你我都好落台；
如果唔係大家盞拎屎上身，你知我講緊咩架。」
我特意向他展露一個不懷好意的笑容，暗示他與『忠烈社』和『盛聯』的事情，
果然他面色一沉，馬上就陷入一個兩難的局面。
（今次仲唔收皮？睇死你都要收錢放人。）
但這時阿烽向大Ｄ說了一些話，後者神情馬上堅定起來，
「凌成波，斷估你唔係以為係度廢講幾句、就可以救番條馬仔咁著數？
我同你都係拎住牌頭出黎傾計，如果照你咁講、我咪好撚無ｆａｃｅ？
大ｄＤ的神情由剛才的緊繃變得淡定，這個阿烽竟然在從中作梗，
眼看快要達成今晚的目標，卻被這小子弄得重回起點。
我回頭看一看王子，只見他也露出無奈的表情，
然後王子把頭捱近我的耳邊，靜靜地說出一句，
「波哥．．．呢個人都知單野．．」
王子的說話提醒了我，這時阿烽決意把事情弄大，
肯定是聽從上級命令，要借我的手來清除內部瘀血，
大Ｄ卻仍然蒙在鼓裡，以為旁邊的兄弟是支持自己，
我不禁把拇指按著自己的太陽穴，希望能使頭腦更加清醒。
「一句講哂，一千個，比唔比！！」
大ｄ向我怒吼，殺氣更是立時散發，
四周的『東英』門生似乎有所準備，我立時向紫爺提出不滿，
「紫爺，你睇下大Ｄ哥，講兩句已經起哂桿，咁點傾落去？」
豈料紫爺向我發出不滿的眼神，更指出我的不是，
「波哥，人地都已經開左盤口，一千個包哂傷亡又救番條靚，你仲想點？」
他更是與大ｄ有著眼神接觸，這使我明白了眼前的一切。
（你老味．．．原來呢個紫爺都同大ｄ打哂龍通，想屈我錢！？）
「唔係下話，紫爺！而家搵你做和事佬姐，唔係叫你做法官ｗｏ，
一千個都夠公平？我諗你真係食到傻左。」
「躂．．躂．．」
我索性點起香煙來，大口地吸著以解胸口的鬱悶；
「你講咩呀！咁即係當我臭四啦，咁你仲搵我出黎傾！！？」
紫爺被我『單打』過後，立時無名火起，
「喂，紫爺，唔係我叫你黎架ｗｏ，係大ｄ哥叫你黎既；
而且睇你個款，都食左唔小油水啦，你唔好當我ｋｉｄ子先得架。」
「波哥．．．你做乜咁講野．．．」
王子察覺到我的說話十分不妥，不妥之處不在於我在唱黑紫爺，
不妥之處是在於王子也明白紫爺是什麼一回事，但不應該立刻說穿他。
「嘿。」
我冷笑了一聲，並沒有理會王子的勸說，
眼見紫爺雙眼閃過殺意，我知道今晚的『戲肉』終於來臨。
「凌成波，我比面你叫你聲波哥，唔代表你可以攪寸個ｐａｒｔｙ！！」
（嘿．．．仲以為係咩老屎忽咁堅，ｃｈｏｋ兩句就自己原形畢露。）
雖然紫爺怒目瞪視，我卻直接忽視他而望向阿烽，
（靚仔，你得左啦。）
我向他作出這六個字的口形，他的面色一瞬間掠過驚慌，
可是才不夠兩秒，又立刻恢復過來。
「凌成波，你係唔係想玩野．．．砰！」
紫爺還沒有說完這句說話，我的右拳已經印在他的鼻樑上，
「收嗲啦你！！」
拳力之重把紫爺從椅子上摔往地面，在埸眾人我的舉動嚇得不知所措，
紫爺好像還不太相信自己捱了一擊，只是摸著自己的鼻樑並看著我。
「我比面就叫你聲紫爺，唔比面你就叫你柒頭皮！！
你條撚樣真係當我ｋｉｄ架？收哂大ｄ錢黎做呢埸大龍鳳，
仲想屈柒我錢？我唔打死你算你好彩，仲想扮老屎忽？
想玩起我凌成波？ｓｏｒｒｙ，你仲未夠班呀！」
我索性站起來，但同時間我與王子已被眾人包圍，
「凌成波．．．斷估你唔係諗住咁樣就走到呀？」
（終於講野啦咩？）
大Ｄ看戲看得過癮，承著現在人強馬壯便想發難；
這時我卻不慌不忙，從衣袋裡拿出電話並按了一個號碼，
「大ｄ哥，你係唔係想玩野？係既話唔該你聽下呢個電話先，
我估你聽完之後，應該唔會捨得我有咩損手爛腳。」
這時電話已經接通，我把它拋向大ｄ．．．．．．
（待續）
-
牙聰xP`二轉會員
2011-9-13 20:45#212
中秋節出多集啦:cool:
-
拉特基斯．旦尼五星白金會員
2011-9-13 22:19#213
中秋節就要大d家破人亡XD
-
thchan96四星黃金會員
2011-9-14 18:26#214
烽哥呀嘛，你地唔?浩飛唔代表係想同我地渣扒；
睇唔明呢句
-
凸唯而出二轉會員
2011-9-14 21:27#215
:cheers:波哥已有人質
-
鋼牙章魚丸二轉會員
2011-9-14 22:25#216
大d家人被捉:smilie_:):
-
~傳說中的傻仔︻五星白金會員
2011-9-16 21:13#217
因有要事..........星期二再更新:smilie_:(:
-
tommy416一星新手會員
2011-9-17 00:40#218
開始賴數啦!!!!:mad:
-
~傳說中的傻仔︻五星白金會員
2011-9-20 18:36#219
本帖最後由 ~傳說中的傻仔︻ 於 11-9-20 06:42 PM 編輯
致各讀者:
本人因為學業的壓力 時間也不像以往的空閒
所以基本上已沒有太多時間去繼續創作故事 為此我只能忍痛去暫停一下<我在黑社會的故事>
作出這個決定是痛苦的 想到未能把所有的情節呈現給讀者 那種感覺是悲傷、是無奈
最後 感謝各位一直以來的支持
或者在不久的將來 我會與大家再見面 凌成波也會再次活在大家的心中 謝謝~
傳說中的傻仔上
補充:最後一集將會於今個星期四更新 謝謝
-
『LuNg』五星白金會員
2011-9-20 18:42#220
可惜可惜......中途腰斬左=[