-
鋼牙章魚丸二轉會員
2011-8-3 03:12#141
章哥:em014: :em014:
:em012:
-
凸唯而出二轉會員
2011-8-3 12:00#142
原帖由 ~傳說中的傻仔︻ 於 2011-8-2 10:48 PM 發表 
你可能high大左=.=" 我想問如果主角換左人 大家會唔會有興趣睇落去 >>(可能暗示左d野 a0a)
如果換左人,
禁波哥係變左2線定係死埋?:em012:
-
tommy1512二星初級會員
2011-8-3 15:56#143
當然唔好啦=.=...
-
~傳說中的傻仔︻五星白金會員
2011-8-3 22:50#144
其實都係問下 暫時我仲想虐待一下主角
-
~傳說中的傻仔︻五星白金會員
2011-8-4 10:39#145
第十六話：手足情深
「吱．．．吱！！」
一些輪胎磨擦地上的聲音響起來，而且聲音更是愈來愈近，
「嘩！！」
「後面有架貨ｖａｎ撞埋黎呀屌！！」
「睇路呀！」
我半腫的雙眼向前望去，一架熟悉的面包車正出現在視線範圍內，
「仆街，佢地係黎救人，快ｄ做瓜凌成波！」
阿ｍａｎ洞悉來者意圖，可是卻沒有方法阻止面包車的亂衝亂撞，
「吱！！吱！！」
只見貨車內只有兩個人，正正便是浩飛與王子，
但奇怪他們也是血流披面，而浩飛更是把頭探出來大聲叫喊，
「波哥唔洗驚，飛仔黎幫拖！！」
我看見他額角上正流著血，在旁駕車的王子情況也不是太好，
（佢地都比人伏！？）
「灰蛇，行啦！」
灰蛇似乎正在猶豫繼續狙擊還是避開，但阿ｍａｎ卻已經先行一步，
「仆街，我就唔信你次次都咁大命！」
阿ｍａｎ剛刀亂揮，我亦只好勉力舉起剛刀抵擋，
「叮！」
但是體力已餘下無幾，剛刀不消數秒便已經被擊脫，
「呼！」
阿ｍａｎ的刀鋒則對著我的面龐斬來，我向右移動避過並抓著他的手臂，
「收皮啦，想捉住我！？」
豈知阿ｍａｎ一下蠻力催谷，把我整個人拋開。
「呼．．．砰！」
身軀整個被拋開，但令我受創最深的是頭臚最先到地，
暈眩的感覺使我失去集中力，而阿ｍａｎ這時則已經走過來，
我已經分不到是痛楚還是疲倦，只是把手臂護著面龐，
「刷！刷！刷！刷！刷！」
阿ｍａｎ的剛刀向我雙手亂揮，一陣又一陣的涼快在手臂上散佈開來，
「咁鍾意擋呀嘛，手都斬撚斷你！」
眼見他高舉利鋒便疾斬下來，我立刻放開雙手，
「呼！」
刀鋒在我面前掠過，卻又偏偏斬不中我，
「屌，你真係咁命硬呀嘛！」
我右手被阿ｍａｎ的左腳踩住，他再用一枝尖鐵通貫穿我的左手手掌並插在地上，
「嗚呀！」
痛楚的刺激使我有點清醒過來，發出一絲哀號；
「擋呀嘛！！我睇你呢下點擋！」
這時我雙手再也動不了，他緊握刀柄對準我的頭瞪、然後快速地揮下來！
（屌，就咁死我唔撚妥！）
意志力的驅動下，我右腳向上扳起、把阿ｍａｎ的身位踢偏，
阿ｍａｎ萬密一疏，算漏了我頑強的意志力與下盤力道，
他重心頓失、整個人向前仆了一仆，落刀的位置當然不再是我的頭臚，
我不放過任何機會，立刻便想拔開插在左掌上的鐵通，
可是阿ｍａｎ的反應極快，轉眼間他已經再次站起來，
同一時間、店外的景象已經有一百八十度轉變，剛才聚集的人群已經被撞開。
「波哥！」
在與阿ｍａｎ的纏鬥期間，面包車已經衝過人群，
「行開呀！！」
「架車想撞鋪呀！」
灰蛇屬於貪生怕死之輩，當然已經與手下避得遠遠的，
「碰！！！！勒！！！！」
車頭整個撞入店內，王子立時走下來扶起我，
而浩飛則撲向阿ｍａｎ，與他短兵相接起來。
「波哥，快ｄ上車！」
我意識有點混亂，但亦跟著王子上車，
「想走，無咁易！」
阿ｍａｎ想過來抓著我，但是浩飛卻把他硬生生擊回去，
「噹！噹！」
浩飛手上的鐵棍揮得力道十足，使阿ｍａｎ一時三刻之間也沒法過來。
這時我已經上了車，而後方的人群知道這是留著我們的最後機會，
「衝呀！！」
「咪撚比佢地走！！」
他們高舉武器便衝過來，這時王子把右邊車門踢開然後高叫，
「上車呀，浩飛！！」
前後不到一秒，王子已經踩緊腳著、車子向後移開，
「ＮＧ．．ＮＧ．．ＮＧ！！」
摩打發動的聲音已經響起，而浩飛一個轉身便想跳進車內，
但是距離太遠，浩飛竟然跳不到車廂之內！！
眼見浩飛差一點兒才捉到車門，我立刻把手向外一抓，
「撲！」
「浩飛，抓實我，我拉你上黎！！」
我捉到了浩飛的手掌，而正想發力之時卻發現一個嚴重的問題，
（嗚．．．！）
我剛才因力戰眾人而致使體力全無，這時更因為承受不了浩飛的重量而滑出車外；
浩飛看見我這個情況也是大吃一驚，而這時他身後的小混混們亦已經捉住浩飛的衣服，
「咁手足情深，一齊出黎啦！！」
「想走，有無咁撚易！！」
灰蛇這時拾個『尾彩』，想把我與浩飛一起拉出車外，
「波哥，放手呀！」
浩飛當機立斷，要我放手以換取自己安全逃離；
（又係咁．．．個個兄弟都為左保我．．唔得．．我唔可以放手！！）
「我老虎都唔放架啦！！屌！！」
可是情況卻不樂觀，我的半身隨著浩飛已經露出車外，
「砰！」
突然後腦一下痛楚，我的力道在剎那間全部消失，
眼見浩飛被灰蛇等人拉走，而我卻被身後的人拉回，
是王子．．．．．．是王子他把我打暈的！！
「對唔住．．波哥，你條命係最緊要．．」
車子這時已經飛奔起來，亂揰般的離開事發現埸，
我聽到王子的話後，雙眼慢慢閉起來、意識全無。
（待續）
-
~傳說中的傻仔︻五星白金會員
2011-8-4 10:41#146
聽日有要事 所以早一日發 請大家ｅｎｊｏｙ:victory:
-
玩完la四星黃金會員
2011-8-4 11:38#147
咁我幫忙回下文先
-
凸唯而出二轉會員
2011-8-4 12:25#148
浩飛冇啦~:face_l_12:
rip:w_rose:
-
thchan96四星黃金會員
2011-8-4 14:23#149
梗係捉浩飛黎做人質之後威脅波哥:em060:
-
evilhei二星初級會員
2011-8-4 16:16#150
幾時先到王子死?xdd
-
a1213829三星高級會員
2011-8-4 23:20#151
咪sm兄弟拉==
-
~傳說中的傻仔︻五星白金會員
2011-8-9 10:35#152
第十七話：江湖大亂
「波仔．．．波仔．．．」
一把熟悉的聲音在我四周響起，這使我不自覺地找尋聲音來源，
但我正身處一個朦朧的地方，就是怎樣也走不出這空間；
「波仔．．．波仔．．．」
是前？是後？是左？是右？是上？是下？
四面八方都出現了這把聲音，這時感覺到身後一陣風飄過，
我馬上把面孔轉過去，看見一男一女正站在我的面前，
「波仔．．．波仔．．．」
我感覺到是他們二人發出聲音，在不斷叫喚我的名字，
我慢慢走過去、然後跑過去，卻沒有把距離拉近，
「你地究竟係邊個！！」
我邊跑邊向著他們大吼，隱約之間更看到他們的面孔，
是一種既陌生又熟悉的感覺，究竟他們是．．．．．．？
「你地．．．！！」
我再想開口說話之時，地上忽然開了個大洞，
離心力使我整個人直墮下方，直仆個支離破碎！！
「呀！」
我大叫了一聲，雙眼猛然睜開，
「波哥！！」
王子的聲音在旁響起，我慢慢地別過面去，
四周的設施提示我這裡是一間醫院，而我正躺在病床之上，
只見王子左手綁著繃帶，面色卻是不太好看，
細心想一想之後，我是從藍田被王子打暈後、再來到醫院的。
看一看牆上的時鍾，時間為兩天後的晚上八時半，
我應該是睡了兩天，身體的負荷早已透支。
（浩飛．．．浩飛！！）
一個畫面從腦中不斷播放，那畫面便是浩飛甩開我手的瞬間，
他被身後灰蛇等人拉走，究竟他現在是生是死？
「王子。」
我叫了一聲，只見王子眉頭緊閉、他應該估計到我的問題，
「波哥，浩飛佢．．．．．．」
王子似乎有口難言，我激動得把他的衣領抽住，
「答我啦屌！」
激動牽動了我的傷勢，上半身的多處刀傷帶給我劇痛，
「嗚．．．」
我忍著痛、只因我相信浩飛承受的痛並不會比我少，現在只是小兒科，
「波哥．．唔好咁勞氣．．．」
王子把我的手輕輕拉開，然後便向我嘆了一口氣，
「波哥，其實我都唔知浩飛而家點。」
（唔知．．．即係乜撚？）
「咁即係點？係生係死你都唔撚知？」
「係．．．我係今朝已經發散好多兄弟收風，但係『盛聯』個邊收得好密，
佢地睇黎有心玩野，等我地連浩飛係生定係死都唔知。」
（你老味．．．．『盛聯』班仆街．．．！！）
「砰！」
我不禁向牆壁打去，以發洩對『盛聯』的不滿！
「但係．．．」
王子似乎有話想說，我馬上追問下去，
「講。」
王子眼珠浮游了數下，然後慢慢地道，
「琴日『東英』阿朗放料過黎，佢話問過大Ｄ摺埋左浩飛未，
大Ｄ就話已經將佢斬開左幾舊．．．．．．」
聽到這消息之後，我沒有像剛才般亂打牆壁，
只是雙眼睜得極大，呼吸聲也是愈來愈大，
明眼人如王子，一眼便看得出我是處於盛怒狀態；
「波哥．．．你想做咩就即管做．．．因為我地同『東英』已經玩完。
你一野斬到大Ｄ既手指斷哂，仲要摺左佢幾件近身，
『東英』有哂藉口發難，而家既江湖已經變左天下大亂，
就係琴晚已經有幾埸街戰，我地唔洗再理乜春合約。」
我沒有像之前的那樣急燥，相反卻把頭舒服地放在枕頭上，
「好．．．等我再休息埋呢幾日先。」
「波哥．．！？」
連王子一時之間也不明我的意圖，但他很快便想通了，
「波哥．．．你成熟左好多．．．」
「唔成熟點做大佬？點幫浩飛同世軒幫仇？」
王子露出了一個苦笑，然後便站起來準備離去，
「咁你放心抖抖，我會係呢幾日問其他堂主借兵。」
「嗯．．．」
「仲有．．．波哥．．．」
「嗯．．．？」
「個晚我見到．．．其實係古惑康架車．．．
我個刻係度猶豫．．．攪到而家咁．．ｓｏｒｒｙ．．．」
「過左去就算，最緊要係將來。」
我語氣之中沒有帶怪責，這可能使他更加內疚，
所以王子不發一言，只是默默地離去。
「而家由ｘｘｘ報導新聞，大前晚係藍田發生既黑幫撕殺案，
死者已確認有二十多人，當中包括『盛聯』、『東英』、『華興』既成員；
據目擊者所稱，當日係藍田村口見到幾十人包圍兩架貨ｖａｎ不斷追打，
當中死傷者眾多，相信係近月黎最大一次既江湖撕殺案．．．．．．」
（浩飛佢地個晚都係村口比人伏！？）
我記得王子駕車衝過來時，身上也是佈滿血痕，
相信當天我們到達藍田之時，四周早已埋著伏兵，
再等我下車探路之後，灰蛇便把握機會在後襲擊我，
而請君入甕的阿ｍａｎ與大Ｄ也同時現身，想把我擊殺於那地，
想不到這局面是由古惑康所做成，他的智慧真的十分恐怖。
但是現在江湖大亂，正正是壯大『華興』的好時機，
『東英』大Ｄ我不能不除，但是『盛聯』等人也要小心提防，
還有『謝記』折哥，總覺得這人有點奇怪，
我不禁噓了一口氣，煩惱的種子正在我的腦袋中生長開來，
（仲有你．．浩飛．．我一定會幫你報仇．．．）
凌浩飛．．．．．．究竟是生是死！？
（待續）
[ 本帖最後由 ~傳說中的傻仔︻ 於 11-8-9 10:37 AM 編輯 ]
-
凸唯而出二轉會員
2011-8-9 14:15#153
浩飛今次斷手定斷腳?:em012:
-
thchan96四星黃金會員
2011-8-9 16:29#154
要求波哥戰神上身...
-
tommy1512二星初級會員
2011-8-9 16:38#155
強烈要求浩飛金身
-
~傳說中的傻仔︻五星白金會員
2011-8-9 18:44#156
究竟你想凌浩飛係生係死呢?
1.生
2.死
你既投票可能會影響劇情進展 快d留低你既意見啦~
-
『LuNg』五星白金會員
2011-8-9 19:33#157
1.生:smilie_/):
-
凸唯而出二轉會員
2011-8-9 20:54#158
1.緊係生啦,:em012:
-
a1213829三星高級會員
2011-8-9 23:07#159
生呀~:em012:
-
可愛肥仔明三星高級會員
2011-8-10 18:48#160
死都要生。（我唔係Ｄ乜野資深讀者ＸＤ）