相信大家對38副 2王都唔會陌生 佢既殘肢技能令到唔少力士同武者都難以招架 (當然 你幽抗性頂到60以上 外加一個高治療量既EC 你就可以企定硬食隻王既攻擊)
但係其實近戰單刷2王既關鍵就係令到隻仙獸消失 因為2王一發動殘肢技能 隻仙獸一打佢都會狂噴波波 所以佢係度會成為近戰刷2王好大既阻礙
方法1: 將佢2王拉上樓梯等仙獸番原位
方法2:將2王打到佢發動殘肢技能後 唔理佢 等佢打番仙獸 直至到仙獸死 跟住再單刷
以下係單刷既影片
[utube]EcCydDZtJQI[/utube]
因為我屋企電腦太廢既關係 所以開左個錄片programme就會疾疾地 希望各位見諒
其實留意番影片裡面 可以見到首要關鍵就係一定要拉開隻仙獸 而單刷2王既必備技能就係十字衝擊 因為佢既攻擊距離遠 而且可以點地下都可以放出黎 適合同2王中距離搏鬥:)
走位亦都係另一個關鍵 當你開左隻王之後 一定要不停咁樣45度走位 走一下 就放一下十字衝擊 慢慢咁樣磨死佢 (其實都唔算慢):D 我影片一開頭做得差 可以直接拉到中後段等我D走位
以下為我既技能圖
打精石前屬性圖
以及打左粒精石+buff之後屬性圖
以下落黎就係44副既攻略
首先坦請先將自己既冰抗+到55以上 咁樣先比較安全 我既配搭就係 項鍊+兩隻戒指=30冰抗 再+一條 1洞冰抗腰帶=14 然後係2件血腥同1件衝鋒套裝度 夾埋打5個孔 入+4冰抗石 最後再加一個點滿左既防衛命令+9 30+14+20+9 =73
我打44副既配備就係2件血腥套裝+2件衝鋒 +1條冰抗腰 因為2件衝鋒套可以+200多血 但係3件+2抗性 效果並不明顯 所以放左2件血腥套裝落去
以下為我打44副既屬性圖
人員配置方面: 好多時睇到44副出面 大部份人都係招1坦 2道法 2陰陽 但其實咁樣效率會幾低
我推薦既係 1力士或武者當坦 打手*2 刺客/陰陽/弓手 任選其2 補師道法*1 以及一個再生點滿左既陰陽師*1 刺客冰抗盡量50或以上 而陰陽弓手補師 30冰抗左右就ok 再加埋力士防衛命令+9冰抗 咁樣就安全得多
以下呢個配置 2-4分鐘左右就已經可以搞掂一隻3王
係44副本入面 小怪要注意既係神居衛士 因為佢識補血 好多人會打隻雀仔先 但其實隻雀仔淨番1/3血先會開始放十字技能 所以避免神居衛士幫隻雀仔補血 所以應該先清衛士再殺雀仔
要小心 1王 右邊下角有兩隻神居衛士 引到佢地出黎既話 會不停幫王補血 打極都唔死 所以安全起見 可以先清佢地
44副本其實1,2王都唔洗太多技巧 力士只要60冰抗以上 不停用十字衝擊吸實隻1王就ok 咁就可以輕鬆過關 如發現王轉頭望向打手 請自行停手 等坦吸番隻王先 因為呢隻game仇恨值設計太差= = 太過易ot了
去到2王 唯一要注意就係佢既殘肢狀態 (同38副本2王一樣有一個雙刀形狀既buff) 佢係殘肢狀態下 打佢會反彈傷害 所以一見到呢個狀態 請立即停手 如怕ot 坦可以係雙刀狀態下加多1-2下 十字衝擊 吸緊仇恨 相信你既EC:) 你唔會死的
打王果時 打手首要係清王叫出黎既小怪 而再生陰陽師 就不斷keep住放再生 再輔以清小怪 並唔需要打王 避免OT
到左好多人覺得難打既3王 其實最需要既係經驗 打多幾次慢慢熟習 死多幾次你就會開始識得點樣打
我既打法就係 將王拉向左邊 而其他人就會係右邊 等力士拉好隻王 其他人先開始打佢 當然 再生陰陽師呢個時候亦係不停放再生 而請弓手或打手陰陽師 用低輸出既技能去打隻王 避免ot (經驗多既話其實高輸出ot都無問題) 要注意既係 3王一OT轉頭望住你既話 請一定要向左,右走 佢一轉頭多數會直接噴直線冰
坦以半圓形既走法 不停以十字衝擊 打一下 走一下咁樣去打隻王 去避佢招直線 即係下->左->上->左->下 咁樣打一下就走一下
有經驗既刺客或其他擁有暈技既職業 係每當3王準備跳起叫小怪果時 佢周身會爆紅氣 呢個時候就可以用暈技避免佢叫小怪 咁樣就易打好多 王就會失去左訓覺補血既機會 如果暈唔到佢都唔緊要 佢跳起左之後 請打手立即番去幫EC周圍清小怪
而力士請注意 要係3王訓覺果時不停出住十字衝擊 吸實佢 因為佢一醒果下 仇恨值會清零 打手打到佢既話直接OT
當王醒左之後 力士可以有企定放兩下十字衝擊既時間 然後先至開始再重覆走位 咁樣就比較吸得實隻王 按照呢種打法既話 3王其實1 D都唔難打:)
以下就係我刷3王時影片 其實可以做到3分鐘左右衝到過去兼且殺埋佢 但係我開完個拍片程式之後實在太lag-.- 完全放唔到技能又ot 搞到打左好耐 無開拍片程式既其他場次 大多3分鐘就可以搞掂個副本
[utube]n8kq69eBa9I[/utube]
最後4王果時 佢會分一隻正身同一隻分身 當開左王之後佢就會出一隻分身 呢個時候就靠一個將再生點滿左既陰陽師拉走隻分身王 去左邊 (ps.記得清晒左邊既怪同右邊果隻雀)
等陰陽師拉走隻分身後就可以慢慢圍正身了:) 唯一要注意既就係44王會有一招旋風 企埋去就會不停扣血 要立即走開 力士可用十字衝擊中距離繼續打佢吸仇恨避免打手ot 打完4王唔洗理隻分身直接行出副本就得 :)
我盡量遲D會補影片 因為個progamme會搞到我lag 再加上3王叫小怪又lag= =驚避唔到佢D招
[
本帖最後由 ↑心魂↓ 於 11-8-17 10:30 AM 編輯 ]
二轉會員
2011-8-7 08:06#1
相信大家對38副 2王都唔會陌生 佢既殘肢技能令到唔少力士同武者都難以招架 (當然 你幽抗性頂到60以上 外加一個高治療量既EC 你就可以企定硬食隻王既攻擊)
