-
三星高級會員
2011-8-8 07:58#1
大家好^^
小兔第1次係呢度發心得帖
如果有錯字 or 有咩打錯 唔好見怪@@"
小兔玩遊戲都鐘意練補師GE 所以呢次玩晴空都唔例外 都係玩翻補師
之前係台服 小兔係玩道法純補 感覺唔係好好 由其是係副本補得唔理想
呢次轉過黎港服 就練左只陰陽純補 陰陽有多一個復活技 超級好用:love2:
以下係我玩陰陽純補的心得^3^
先看看小女的角色屬性數值:smilie_:)3:
大部份都係撐治療量 無撐法速
感覺上撐對於小女黎講 撐治療量已經足夠
因為小女仲有個3疊GE再生 再加上活血大補 已經岩岩夠用
(道法唔同 佢撐法速可能會好d 因為有人測試過 撐法速對於CD係會減低的)
稱號45級係用呢個 食補專家+41點治療量 (咁多個裡面 呢個稱號最適合 因為呢個只單純+治療量 而且加41點 算係加得多ge稱號)
稱號50級轉用馴獸大師 治療量+49點 取得方法： 完成蒼月森林主線任務就得架啦
小兔之 技能篇:smilie_:)3:
而家暫時將有關於回血GE技能全部點滿 技能從左到右講起
再生術(點滿)：3疊非常好用
復甦術(點1)：係副本坦唔小心死啦 可以有多次機會比佢翻生再坦過
野外復活唔扣exp同裝備耐久 好好用GE招
妖神幻化(點1)：變身技無點高 因為我無常用 仲有點高時間唔會加長
對於純補GE我 唔實用
大地護盾(點滿)：呢個盾有時都可以救你一命架 小女而家點滿可以加154HP每秒 想省紅水就要點哦
活血真言(點滿)：純補必點 呢招大補 而家我可以自己補自己1200+HP一下(當然要有撐治療量啦..)
灼燒術(點1)：暫時我是點1 因為小女有固定朋友一齊組隊 做任 所以唔擔心 升級速度問題
建議只得一個人GE話 將呢招點到7 打怪都快d 咁就唔駛擔心做任務快慢問題
極凍冰錐(點1)：點1就夠啦 只需要佢果個定身狀態 打副本王，野外王都好用
暴風雪(點1)：呢個我都點1 如果太多怪 無個群怪技 都好唔方便 而且呢個群可以拖慢怪 怪太多 就打帶跑哦
虛空幻步(點滿)：必點 走位必備 避副本王招 走都走得快d 加上如果你有只PET+5%跑速 咁就走得仲快 (點滿)
調氣系列(點滿)：呢個作為一個純補 一定要點啦
+HP +治療量 對補師好有用哦
其他未點GE技能：
其實看小女的技能 應該都見到整翻10未點 (個人喜歡可以投資到自己覺得有用的技能上)
玄陰系列(個人喜好)：+攻擊+閃避 可以離補一點我地純補攻擊力太低GE缺點 (通常自己1個人玩果d 建議點滿)
事關我有固定朋友下副本 做任務 所以我都係觀望下先
堅韌符文(暫時不點)：原因係 花5點+10%精神效果唔好 在高級d可能就看得到效果
其他加術爆 運氣 無點到 既然係純補 咁就純到底:smilie_/):
技能加果dd 影響唔到純補好多
迅言術(唔點)：+法速唔駛講 一定唔加 事關我無撐法速
火盾(個人喜好)：呢個技能係PK場上真係好勁 點滿反傷真係有反90% (Miss、格擋、負狀態等反彈無效)
不過只限PK場哦 野外刷怪唔好用
冰盾(個人喜好)：如果看佢加10%防 真係無咩用
但看翻佢另外係有緩速效果 呢個對於鐘意群怪GE補 有用啦
[ 本帖最後由 ♀小兔★ 於 11-8-17 10:56 AM 編輯 ] -
三星高級會員
2011-8-9 05:32#2
小兔之 裝備篇:smilie_:)3:
係1-35級GE時候唔駛成日換裝 咁樣好曬錢
10級>蔓綠法杖 20級>預言法杖 25級>紅光術杖 35級>魔力水晶權杖 (你鐘意GE 可以唔做20級果把都得)
如果唔想花咁多錢做法杖 就用打怪有時到把法杖 就用住先 到45再換把橘色法杖
~~~~~~~~~~~45級武器、裝備及神器選擇~~~~~~~~~~
武器： 無錢將佢強化+10 有GE治療量應該會破千orz
防具： 華光套真係打到我吐血= =" 打到岩岩先防具先齊曬orz
華光3件可以加治療量 光療2件可以加精神 大多都係咁配架啦
還有另外一套45套-戰場軍醫套 (打得到GE話 45級用呢套最好 事關呢套要打44副本「仙霧神居」)
飾品： 神器 需要35級副本尾王爆GE博學事典黎做 通常10金左右有本 (唔想花錢花咁多咁就用永恆水源25級GE 加治療量少d就係啦)
另一只戒指 用綠色+治療量GE 因為神木戒指係裝備唯一 又未找到o岩GE戒指 所以先用住
未來應該會用8階訓練所同9階訓練所GE戒指 and 項鏈
~~~~~~~~~~~~~~~~50級武器、裝備及神器選擇~~~~~~~~~~~~~~~~~~
武器唔變 下副本GE話 小女依然會用翻45單手杖-墮落的黑夜權杖
50級武器選擇：
唔做單手杖原因係 發動技能唔好 45果把發動技能係精神追加23點比呢把好
雖然精神跟治療量係比45果把加多d 但係只係多少少分別唔大
雙手杖攻擊真係好高 但係佢加少左精神71點 所以小女也唔打算做 在副本補師係幫忙加血的哦
呢個看個人喜好~~
(乾坤‧無極)製作書取得方式：
打50級 穹蒼巨獸．翠石仙龍 (在日暮嶺)
蟲蛉大將軍 (在大砂谷..只有一日夜晚9點先出黎)
防具： 憐憫套3件 配 武鬥場2件 咁樣治療量係加最多GE
係霜之森 同武鬥場商人買製作書 (45級需要GE武鬥場點數少d 不過 有能力GE話 可以做50GE界靈強癒套裝)
神器、飾品：
龍息冰晶 (遲點補圖...)
對目標的治療量提高61點 HP+466 MP+466
施展技能時5%機率自身精神提高9點，靈敏提高9點，才智提高9點，持續10秒
取得方法：能量蜘蛛 (在冰晶雪原)
如果要帶+抗性GE 建議可以換巨熊聲望戒指、項鏈~~(每種都有加治療量 同 10%單種抗性)
小兔之 PET篇:smilie_:)3:
融合：打副本} 我都用小蘑菇 (一開始送果只= =") 不過呢只佢有+5%跑速+5%精神 都算係補師GE理想融合對象
如果要用藍PET GE話 就用朱沙水帽 +5%跑速 +5%精神 +5%攻擊值
or 舞蹈蘑菇 +5%跑速 +5%精神 +5%HP上限~~
2只主要都有加跑速 配合你技能 虛空幻步10%跑速 避王技 都會快d 唔駛成日食招
打野外怪GE話} 用32級副本砂靈聖地1王 +5%攻擊值 +5%術爆值 +5%法速值
戰鬥： 其實呢個可以隨便 真係要找GE話 就找只+防 會暈怪架啦 (小女覺得最好GE係 38副本2王 <加防 可以暈怪 降低怪命中>..但係我打唔到T.T)
有錢ge就整只 藍PET沙塵幼龍 +攻速 +物爆魔爆 另外果個技好似係可以暈怪 (好變態的PET@@..)
我暫時會用呢只 41級副本1王 天生+閃避 攻擊帶仇恨 會暈怪GE (最近打副本刷裝無時間帶水帽仔升級 所以仲係一級@@)
小兔之 升級心得:smilie_:)3:
1-35級 唔駛講 跟住任務走就得啦
36之後 可能開始主線任務唔夠GE情況
呢個時候 要洗錢買公會任做 最後5個人做齊 一人打一只怪 咁就好快完成一個公會任
不過 唔想洗錢買會任升都係有辦法
就做每日任 做完 去打副本升級 順便可以打材料賣
打到有主線任 就繼續做主線 做到無 就繼續咁循還落去
PS.小女就係咁升上去 所以升得無咁快@@"
小兔之 副本心得:smilie_:)3:
其實純補也可以跟其他陰陽一樣單刷副本 只係慢d咁姐
而且小女有多一個回血技能 就係活血真言
呢個唔好看小哦 佢而家加小女自身都有1200+HP架
補其他隊友應該都有1000+HP
再加上再生壘加 同 大地盾 副本王無咁容易打死你
嵌入唔到utube視頻呀T.T 唔好意思@@
找人教教小女~~
8階精英訓練所視頻：
打蟲王 只要避開王GE十字暈技 同 王放出黎蟲卵GE直線緩慢技 就ok架啦
http://www.youtube.com/watch?v=XXKPkRmnqp4&feature=youtu.be
9階精英訓練所視頻：
蜻蜓王 打人最痛就係十字電擊 (可以扣小女一半HP@@") 避開果個技 同埋遠距打佢就o啦
http://www.youtube.com/watch?v=gyRSjIuDobc&feature=youtu.be
[ 本帖最後由 ♀小兔★ 於 11-8-17 10:55 AM 編輯 ] -
三星高級會員
2011-8-17 08:12#3
小女玩陰陽純補的感想:smilie_:)3:
陰陽純補 其實唔比道法純補差
陰陽補比道法多了個 復活 坦 唔小心比王KO啦 陰陽補都有能力比坦翻生GE機會
小女自己都練過一只道法純補 其實只得道法自己一個人補 真係有點辛苦架
要顧住坦 又要兼顧打手 撞到d唔識跑位GE打手 就吐血啦
坦死左啦 我都跟住一齊死orz
其實最理想就係陰陽補 跟 道法補 都一齊 咁樣打5人副本一定會好順利
整低都要看其他 打手 走位技術 同 坦GE撐抗性 and 被治療量夠唔夠
小女覺得打副本真係好食技術 可以試組一個陰陽純補打副本看看架
陰陽純補總體回復量 唔會比 道法差多遠
最後送上小女GE照照:love2:
佢做咩禁望住小女@_@?
BY SER 秋葉原 小兔^^
呢篇野打得好辛苦架 唔好看完就走哦 覺得幾好GE 比個GD黎 唔該曬^^ -
一星新手會員
2011-9-17 23:25#4
推一推
睇得出你有落心去打:smilie_:):
十卜你同你隻純補陰:smilie_:p: -
一星新手會員
2011-9-18 17:12#5
thank you for your sharing
-
二星初級會員
2011-9-20 19:46#6
多謝分享:)