-
milkteayin四星黃金會員
2011-9-23 11:20#1
本帖最後由 milkteayin 於 11-9-23 11:46 AM 編輯
見咁多人打回憶我又打下,反正得閒:smilie_:):
先來個個人介紹先:我係眷戀,係fez入面都頗出名既,有咩咁出名?出名勁,出名串埋出名矮:smilie_:D:
以下會講下我既個人回憶,所有我打既都係事實+個人觀點!
係幾年前既某一日,果排唔知岩岩放棄左咩野game,同女朋友搵緊game玩既時候
突然見到一隻叫FEZ既online game就來公測,咁就二話不說即刻搵d 資料來睇下啦..
睇完之後覺得d公仔ok喎,但又未玩得咁就去dl大陸版來試玩下先,順便了解下隻game既野..
然後等到一公測,第一時間梗係即刻上去開返隻人搶返個靚id先啦..
本身我打咩game都好都會叫眼淚,而果時既女朋友都會叫迷戀,咁好啦,開完眼淚隻人之後,又屎忽痕想用女角..
一來用女角靚d好睇d,望住條女都打得舒服d,二來果時女朋友好大疑心成日都搶心我打機溝女,咁用女角就可以令佢放心啦!
後尾就開埋隻人叫眷戀,所以眷戀其實係我分身來..而眷戀既意思就係眷顧迷戀!
好啦改完名,入左game,由於國服玩過既原因,我地好快升到十幾lv,所以我地好快就去打國戰啦..
但其實係國服玩果幾日係無打過國戰,完全唔知咩來,一入到去見人去邊就去邊,
突然間有隻死靈彈左出來,我就同條女講,哇,果度有隻野飛緊過來丫,一齊打死佢啦..
咁我同條女就即刻衝埋去打佢啦,結果當然死得好能慘.死左既同時見到有隻白色既馬仔衝出來..
果時我當然唔知點出騎士啦,梗係係黃頻狂問人點出,後尾終於有個好心人教我點出...
咁我就同女朋友一齊坐水,呢度收d果度收d,夠數就即刻衝去出騎啦@_@
出左騎之後,心諗,我變左隻馬我超勁,即刻去搵敵人來打,無錯,係去打人,打打下發覺唔對路
點解我打佢扣咁鬼小既,仲小過人打人,事關我當事好似痴左線咁追住條友來吉,好快就比人幾個重壓打鬼死左,出左隻騎2分鐘都無..
仲即時同女朋友講,屌,隻馬癈架,比野比人打死,千其唔好出馬..自此之後去到33lv都無出過騎士!
好記得當時低lv 時候兩邊都唔太識玩既國戰,真係場場都殺20個以上,幾萬傷,
去到唔記得32 定33 lv,我開始上手了係呢隻game,果時成個server 無咩幾隻係雙修戰..
可能我同我女朋友係成隻game最頭果兩隻雙修戰,(我就雙修巨龍果邊+暈,佢就修大地果邊+重壓)..
點解人會識呢個玩法係事關果時睇日版影片見到,所以跟住做..
打住咁多先!有人睇再打~
-
須滕夜一三星高級會員
2011-9-23 11:38#2
十卜十卜~我要睇埋下半節:cool:
-
Violin6409六星鑽石會員
2011-9-23 12:19#3
本帖最後由 Violin6409 於 11-9-23 12:20 PM 編輯
睇你打成長經過都幾有意思:cool:
我一直想講2#個人
頭像好嘔心
-
milkteayin四星黃金會員
2011-9-23 12:33#4
仲好記得有一場,打緊藍國既,果時對面藍國有條友係我玩另一隻game識落既..
我暈左佢,之後小跳換武,兩下重壓打死左佢,十秒之後佢就密我講,"喂,你玩bug呀?"
咁我聽到之後都唔知比咩反應佢,我話"我見人地咁玩我照學架咋"
跟住佢話原來佢都想學,但唔知點整,由於我要繼續打既關係當然無理到佢啦..
就係咁我既新手之路去到呢度,新手時期真係好正,隻game又多人玩,又無人上石,果時我玩既雙修戰士可以話真係見一個殺一個..
我既新手之路大約都係咁,之後講下我第一個團係點來的!
大約玩左呢隻game一個禮拜多d,其實我都唔記得實際玩左幾耐,係我36lv 既時候
我好肯定係36lv ,事關我果時見到好多團,我就走去問人地個團長係邊個同幾lv,
問左幾個團,有d答我28,有d話32....我一聽到,第一個反應就同迷戀講,人地果d團長咁低lv,想搵個高lv 帶我地打下都無,我仲要高佢地咁多個lv
跟住我就同迷戀講話不如自己開個團啦,跟住佢即刻話好,因為之前我同佢玩好多game佢都叫我自己開團,但我又唔想開團因為知道做團長好多野煩
但偏偏我又最多時間打機喎,咁見呢隻game其它團d人咁低lv 就即刻走去開團!果時開團諗個名都諗左成粒鐘...
最後決定都係叫皇家騎士團,點解叫呢個名係因為我地係黃國,想改返個同"黃"有關/同音既名,因為見其它國都係咁..好似紅國血染,紫國v團咁
開完團就即刻係個城都收人,哇原來真係有人肯入團架喎,可能d人見個名型,又或者見到我高lv所以入啦..
(後尾問返先知原來d人以為迷戀同眷戀係兩姐妹所以先入團=_='')
如是者一路收人,打打下國戰見佢勁又搵佢入團..收下收下好快就百幾人lu..
就算皇家騎士團係個細團仔都好,但係都唔見得國戰會輸,反而仲成日贏添,基本上十場有9場係贏既..
直到見到幻影既出現...
-
代人玩的小京三星高級會員
2011-9-23 12:44#5
繼續寫落去！呢度有讀者呀！
-
milkteayin四星黃金會員
2011-9-23 12:51#6
i am coming ...有d唔記得既d遲醒返起再補返落去
繼續
第一次同幻影打,果時我記得我個團有20人到online,諗住宣最舊版亞克既時候..(姐係地圖十字,城後面有水路跳唔上去果個)
對面有30個以上叫幻影xx軍既人入左來,未打己經係度狂叫快d宣啦,又不斷係咁出言挑釁,,,
咁果時我都唔知幻影咩來,淨係知道好鬼多人,,好啦咁,宣完城,開打了..
一開波同平時一樣好英勇咁衝出去,但今次唔同鳥!!出去一陣見到自己d人係咁死係咁死,,自己都迫住退..
退下退下,,退到自己城門口,,見對面d人就好似痴左線咁係咁衝埋來巨龍,,我地就完全無還擊之力..
最尾我地極速比人sm到完場,果場我死左八次,係最大死亡數既新高,呢個最大死亡數仲keep到而家!
打完之後,當然好灰啦,果時先發現原來有班人咁鬼勁既,知道下次見到佢地要應真d!!
仲好記得果一期既幻影真係無敵,佢地只要企係個地圖度,係無人會入去守,黃國個大地圖頻就會不斷咁洗
"幻影係邊度邊度,大家唔好入去比佢地sm呀"可以諗到當時既幻影有幾恐怖,
而當時既我梗係唔識死要入去挑戰下高手啦,仲好記得果時迷戀打佢地打到話唔想同佢地打,因為對面d人好難打之類
咁我無理到佢,日日8~10都搵幻影打,因為果斷時間我地最多人..而幻影果時宣邊度都無人會去守..
但無論幾咁努力都好,換來既都係輸輸輸輸輸..後尾同團友深入討論過之後發現其實我地個團20~30人上線,
要打包到場既幻影係好難,人地人多加上技術好又合作,所以我就去左搵其它人來合團..
-
維維1985五星白金會員
2011-9-23 13:12#7
支持:cheers:回憶錄
雖然我自己無入過c團
不過我成日叫個團d 正常人轉過去c團
好過跟傻仔天:smilie_:10:
-
固態蛇五星白金會員
2011-9-23 13:14#8
好睇好睇！
-
milkteayin四星黃金會員
2011-9-23 13:19#9
一開始合左幾多個團真係唔記得了,多到數唔晒,每合一個團我地既戰力又上升d..
果期係默戰係2000fun開post話自己成百個連勝果排,果時佢就西利啦,百幾連勝,東方不敗呀!!
最記得就係搵左"刀仔鋸大樹"呢個團d人來合,因為當時呢個團成日有人上線,本來我都諗住求其問下,正路佢地都唔會肯合團架啦
點解一問之下,有個叫尖刀既人二話不話就退左自己個團,話咁落去都唔係辨法(意思係成日比幻影sm),過來我過團睇下咩環境..
經過幾個禮拜不地搵人合團合團合團之後,係合團不到一個月我地既戰力己經大大改善.當然我地岩岩合團果時成舊屎咁,合作唔到,但經過一段時候之後...
我地團既實力己經去到可以追貼幻影了,有一晚同平常一樣搵幻影來打,呢一晚印象深刻呀!!
由一開始同佢地打輸一條幾血,輸到半格血,我地己經知道贏幻影唔係不可能的事..
就係呢一晚,我地同幻影打素恩平原(唔太記得個名,總知就係中間可以跳落去,有一粒水晶,可以起個塔係中間樹上既圖),
果場西利了,我地唔知食左咩春藥,由頭到尾都五五波,直到最後果半條我地己經拉開左一格血了!
默戰當時梗係唔應輸即刻叫人分頭來偷我地塔+qml啦..我地果時見贏緊..就塔都唔敢出去打,人都唔敢去太遠殺..
只係敢係塔附近打,我果時就叫d人狂出騎,出到無晒水為止,而我果時當然打前線啦,但係我都唔敢去太出,驚人地來偷塔
只好同自己小隊d人坐係支塔前面,等守塔..果時真係我同幾隻戰坐係度等人來偷,絕對無吹水...
直到最後贏之前一分鐘,呢一分鐘個畫面我到而家都印象深刻,因為我打咁耐fez只係見過一次...
我見到眼前既敵人..不斷消失,無論騎好人好,都會走走下唔見左,唔知仲以為神跡,海市神流!!(有打錯字別怪我)
完場一打/sea 得返7x人..對面至小有一半人走左場...梗係啦..百幾連勝喎,,,比我都走啦!
果一刻我地個個開心都傻左,返城討論點贏都傾左成粒鐘..順便討論下人間蒸發呢個奇境!
自從第一次贏左佢地之後,開始慢慢就贏到佢地了,當時既時期大約係我地贏3成,佢地贏7成..
後尾點解皇家騎士團會變左做Crusades?係因為有好多人己經好多無上線,又好耐無玩
想清人但又唔知踼邊個,咁重開過個團係最好,因為合左咁多個團,改過個大名都好,好似三國統一之後n年改個名叫中國咁hahaa
係改左叫Crusades 之後無幾耐,我地既戰力不斷不斷上升,不斷收d勁人入來,好快好快戰力我地己經過左幻影了.
當然既戰力係我地贏6成佢地4成..去到呢度,好多人會話點解我淨係講幻影唔講其它國既大團...
咁我就係d度略略咁講下,當時綠國最大果個團好似h字頭既,d人叫佢h團,比當時烏合更強大..
不過聽講內部好多問題,打過幾次之後就成個團d人唔知去晒邊了,我都唔太清楚,
而v團就間唔中都會打下,不過佢地當時認為佢地人數比我地小,好多時都唔會同我地打,但其實打路大家唔係話差好遠..
就算我地贏佢地都唔係話贏好多,佢地既實力都好強!
而紅國當時既大團係血染,好記得有次佢地係紅國地圖一直線打過來黃國,話要搵我地打,,咁我地梗係打啦..
果場我都好記得係贏好小,可能真係贏一兩個人頭,,但好-6咁贏左佢地,咁佢地就即刻收隊啦...
之後佢地亦都有打過來黃國搵我地打,,但後尾結果都一樣...但佢地咁鐘意搵我地打原因當然係我同佢地d人唔岩啦
當時關係應該係咁... 幻影=友好 v團=友好 綠國鳥合=無交情 紅國=敵人
-
須滕夜一三星高級會員
2011-9-23 13:29#10
精彩!!大逆轉:cool:
百幾連勝咁就無左
-
milkteayin四星黃金會員
2011-9-23 13:39#11
係呢度我講下點解我會同血染嘈呢,主要主要都係因為黃國有班叫艾氏家旅既人,點解會同佢地嘈我就唔記得了,,
但肯定係同佢地嘈,佢地本身係黃國既大團,果時黃國最出名係公主軍,艾氏,同埋我果個團仔..
果時係人都知艾氏人小但個個都好勁,公主軍人多但成日唔打國戰坐係城度吹水..
但點解我會同艾氏嘈我都唔記得了,嘈既主要原因都係艾氏入面有對情侶,我淨係記得果條女同我嘈過仲嘈得好勁下..所以佢地就成班轉晒過紅國
其實黃國咁小人真係因為我,,家因我搞到幾個團轉國,,我記得既有g團,艾氏家旅,反港女大聯盟,所以大家可以隨便屌我hhaaa
但其實越多人同我地嘈,係越好既事!點解??因為風水輪流轉..自從幻影開始輸比我地之後..佢地d人開始有唔盆氣了
點解我會咁講,係因為有極小量幻影既人來左我地果邊,係邊個我就唔講啦,佢講返比我地聽話,
只要幻影輸左比我個團,幻影內部就會嘈交,嘈下嘈下嘈走晒d人..好似月影彩,果d都頂唔順帶埋d人過來了..
月影彩+小量幻影來左之後..藍國幻影同我團距離己經越拉越遠..咁岩呢個時候默戰又話唔玩了..唔知話要結婚定開鋪..
無左團長既佢地合作性更加低..所以佢地己經好小同我地打了..甚至有時我地叫佢地打佢地都話唔夠人唔打..
果期開始到我地宣城無人守了..所以同紅國嘈係岩既..嘈下先多團戰打!!
自此之後,個團越強大,團戰就越小,有時真係8點排隊,12點都入唔到場..真係好on9 同時宣3個城3個都空
直到有一日,,我又唔知得罪左邊個..搞到黃國比4國圍攻..
連平時同我地友好,成日叫我地幫手打其它團既v團都要打埋我地一份..
諗起果幾日就爽啦..個團前所未有成70~80 人上線...分幾個場打...咩團都照打..
果時c團既實力真係無人能檔,就算其它4國既團一齊打我地..我地團+黃國其它團合作起上來,一日打足12個鐘,可能真係輸一兩場架咋..
呢段時間可能係黃國最最最合作既其中之一...叫d人去邊就去邊,宣邊就宣邊,出騎就出騎,坐水就坐水..真係無敵丫!
比4國圍完之後,之後又經"力"左綠國烏合話要清我地本土呀,紫國v團話我地阻佢國任,我地又特登去打人地國任丫..
仲有我地團由藍國本土出發打晒四國本土行一圈返去黃國本土..種種驚人又無聊既創舉..其實點解我地要咁做?
事關果時真係8:00食完飯宣場去到12點先入到團..一個禮拜打1~2場團戰咁樣,大家都悶到死..做呢d野大家就有團戰打啦!
經過種種驚人既創舉之後..我地個團回復返之前咁..就係8~12 排隊online...
果時直情密其它團問佢打唔打,人地都話,唔打啦,唔夠人之類,,可能真係唔夠人既..但平時你地有3x個我地1x個咪又係咁打
到最後大家都抵受唔住排隊online,而去搵其它game玩了,而我都係咁就放棄左呢隻排隊online..去左玩其它game
間中我都會返來玩下,但因為我返來玩一排又變排隊online,因為小左好多人玩,同埋最主要熱情己減了..打街場,場場sm又無野玩
-
milkteayin四星黃金會員
2011-9-23 14:07#12
直到吉劍改版我正式再返來玩,果時終於正式返來玩一排,但果時身邊既人都唔同晒了..
最初一直同我一齊打個團返來既人好多都無玩了,就連迷戀都唔係我身邊了..
就算果時正式返來玩都好,雖然c團戰力明顯差左好多,但其實對住當時其它國既大團都絕對夠應付..
而且無玩一排,烏合轉左去藍國之後既實力明顯強左,因為好多藍國本身好既,又或者其它國既高手都入左烏合
所以岩岩返來果時只能同烏合打成平手,但當我地個團再一次調整,慢慢教返d新人應該做d咩之後..
我地既實力又上升返..開始贏得多過對面..唔知係咪因為咁..又搞到對面睇唔過睇..
要上來開個post 話輸左解團..其實當時我解唔解團真係無咩所謂..以我一慣既作風..
一隻game只要稱霸過我就唔會再留戀..好似之前打rainbow6,跑online,天翼,夢之"力"險等等,我都玩到去最top果度就無玩..
所以解唔解團對我來講唔重要..只不過一諗返起個團係同迷戀,同埋一班戰友一齊打返來既就有點兒唔捨得..
但去到最後呢場所謂既解團戰都係打左..當時我好記得我團有37個人online,對面有49個烏合..
後尾呢場國戰我地贏左,對面解唔解團都無咩所謂,打機其實都係求開心架姐..打完呢場國戰之後對落既一兩個禮拜
烏合都keep住搵我地打..不過對面開始越打越小人了..而我果時都開始忙住去打其它game..但都有keep住打fez..
打下打下..c團又變返以前一樣..宣城無人守..叫人地打人地又話唔齊人..可能你會覺得有咩可能丫你地咁串..
但事實就係咁,對於一班老手來講,打街場sm新手真係好無聊,間唔中一兩場都幾好玩,但係場場都係咁真係好on9
我地成日都為左打團,特登等其它團去宣其它國,之後我地成班入去第三國踼晒人地國果d出去自己入晒去..
咁做係好仆街,但係無計我地真係宣親都空城,又想繼續玩落去所以先咁做..
我諗好多大團都試過成30人係個vent度等場入,等成幾個鐘都無人入係幾咁無聊..
去到我最後一次放棄呢隻game既時候就係果個咩死人召噢祭!!
哇真係吊你咩,一入去幾十隻騎兩隻死靈..又兩隻qml..唔知做乜鳩..
都算,更新又慢,出來出去都唔出d 髮型果d,根本隻game keep住係咁打,打得多都會悶啦
仲要打左幾年都無點變..次次出新野岩心水我都好小理幾多錢想要就比錢抽..但係呢個代理真係唔爭氣..
搞埋d on9活動,無意思既比賽,不如早拎搞比賽果d錢去更新隻game好過啦..
根本搞一個比賽出來咪來來去去得d老手玩,完全吸引唔到人..
同埋近幾次比賽我想參加都無用,同我part開果隊友十個九個都無玩,而其它人/新來果d好多都同我既打法意識都唔同
係埋一team都無咩用..好似之前個5vs5 同職業比賽咁,其實5個戰士係戰場上都係高手級,但係我反而同佢地夾唔到,所以打落去得個第二..
反而當日有份去睇比賽企後面果幾隻玩戰士既人,如果佢地落場同我夾既話我相信會更加好,無奈叫報名果時又唔見人,睇比賽又出現返=_=
話題越拉越遠,講到尾我都係想講
花咁多錢去搞比賽不如早d更新隻game啦,唔係個個會無條件咁等既,,你可以話唔等得咪唔好玩囉,,
最後咪好似而家咁囉..朝早得果一個場,,入面得26個人..唔知做乜鳩..
-
milkteayin四星黃金會員
2011-9-23 14:18#13
隻game我都花左唔小時間去玩,你問我,花左咁多時間去玩值唔值得,又得到d咩呢...得到好多回憶,多左一班線上毒能朋友咁囉..但係都值得既
每次玩fez我都會諗返起一小部份同迷戀既回憶,仲有以前個團成長時辛苦野,好多趣事,仲有一班戰友!
或者係不久既將來fez又再吸引到我都唔定..希望有咁既一日出現啦...hahaaa
打住咁多先,遲d有野醒返起再打過,,又或者有咩想我講清楚d都可以問下既^_^
跟住講下我對各國其它大團/團長既印象
以下全部都係個人感覺..有咩得罪就睇過就算hahhaa
先講下紅國血染..第一次同佢地講覺得佢地d戰士好勁..個人技術好好..第一次見個團長覺得佢同爽刀係失散多年既兄弟..後尾覺得如果個團長換做
其它人既話..血染可能唔洗汁凹
藍國幻影..第一次見佢地覺得佢地好能勁,勁到不能形容,,打多幾場發覺佢地好能p甲,p到仆街..難以忍受..p甲+上勁真係無敵,不過從佢地身上學到
好多野,而團長默戰係大陸人,不過個人好好,同佢有計傾,不過同佢團果d人就無咩計傾,可能佢地一開始睇我地唔起因為覺得我地係暴發戶一樣
綠國烏合..第一次見佢地果時個團其實唔係好大,好多難民,不過果時佢地唔勁,不過佢地實力隨著時間發展越來越勁,但可惜我有玩既時候佢地個團
總係差我地個團一點點,好多時我地贏佢地都唔係贏好多,到後期實力差距唔大,,佢地既團長我玩到而家都唔知係無曬影定無銀用,淨係知係串燒三兄
弟,,一開始同佢地團關係都好好,大家都以禮代人..自從10打10出來嘈完關係開始變差
紫國v團..感覺得v團d團長成日都換,都唔知邊個打邊個,但係佢地團長往往都唔係佢地團入面最有領度能力/打得最好果個,呢點我覺得好奇怪,但v團
個人實力都係上上級,可能團長問題又或者夾唔到,搞到個團打極都差小小咁..至於團長我就唔知係邊個,只知道tody同油利雞絲做過,tody同我好小
交流,而雞絲就成日同我吐苦水=_=''同埋到而家都未知個雞絲男定女hahha
其實我一直都無睇唔起過其它團又或者覺得佢地癈..好多人人會覺得我好自大,,睇人唔起,,不過無論做人好做咩都好,,你做人做事去到一個高手級,
你見到其它高手心入面都會尊重佢,唔會話睇唔起佢,可能你把口話佢癈又好屎又好on9又好,但你心入面係知道佢係一個高手,絕對唔會睇唔起佢,至
於真係癈果d我會直接話佢癈,勁果d我亦都會話佢勁,當你玩到咁上下,係勁既,自自然然會有人欣賞,根本唔洗做d咩去駁出位..係呢隻game入面好多
人唔鐘意我,但話我癈既我玩咁耐好似真係未聽過,就係呢一點足以證明你憎一個人同時你亦都可以好欣賞佢^_^
打住咁多先,,有mood再打,,好似無咩人睇haha
-
維維1985五星白金會員
2011-9-23 14:31#14
隻game更新得慢 e下野真係好on9
有時d 有問題版本, 人地日本都只係 測試性質 居多
係港ser都維持好長時間,
例如上一版 日版只係維持左一兩個月ge overpower 大劍, 日版只係出左幾日ge召喚祭
甚至家下玩左成年有bug ge 拳手版本
諗住唔玩一排返來會已經攪好, 點知仲係咁,攪到又潛過水
版本更新慢, d 裝出得慢之餘仲要成日收起 要去排通頂先買到
一係要俾d 炒家略水
真係玩到好無mood:em012:
-
雲之彼端三星高級會員
2011-9-23 15:33#15
寫得好好 入面好多野我都好認同 雖然我仲係好廢><
----------------------------------------------------------
更新方面初音話佢老闆都嗺緊日本個邊sq
好似話輪盤個d 都要日本批先得
-
代人玩的小京三星高級會員
2011-9-23 16:25#16
我有睇哂架
-
siuly123五星白金會員
2011-9-23 16:30#17
我睇錯user 名係 milkyea.......
-
chunwailuiVIP會員
2011-9-23 16:59#18
睇晒0_0
正
-
暗影乂楓五星白金會員
2011-9-23 18:22#19
CD-ROM 特意登入留名
-
jacky138138六星鑽石會員
2011-9-23 20:50#20
路過留名