-
五星白金會員
2012-1-27 08:51#1
早排為爺爺賀壽，重遊荃灣愉景，我想起幾年前一件事：話說當日同娘親、爺爺系愉景food court食晚飯，我買左碟Ｘ雞飯比爺爺之後，就去左睇下有咩好食，就當我返轉頭個陣，突然間前遠方有人尖叫，有人大喊：〔走呀！〕前面一堆人放低晒食物，向自己沖過黎，人群如潮水般湧至（無誇張，Ｄ人爬?，爬花槽湧過來！）以人群驚惶的情況來看，加上聲響，我第一個念頭系：爆炸。
跟著，呀媽拉著我話：〔吾知發生咩事，吾好返轉頭。〕但我想也沒想就逆著人潮跑返去，因為我擔心呀爺有事。點知，爺爺氣定神閒咁坐系到食飯...我好奇，就行去那”疑似有危險事發生的地方”。行到商場平台（近染廠出口）見到一個男人趴系地下，比兩個security按住，有刀...後來一隊軍裝趕到現場，我先知原來系斬人事件。
後來，我問爺爺當時點解吾走，佢有點激動地說：〔佢夠膽行埋黎，我用熱水潑佢！〕個杯系熱檸水。
之後睇返新聞，先知起因系一對情侶和一個男人起爭執，男人不知點樣沖左入廚房搶刀，在food court揮舞。