名將列傳

主題列表 登入
版主 #1
本帖最後由 Mr.豪 於 12-6-15 01:09 AM 編輯

故事背景,特色,圖片呢d官網甘易搵既就自己上去睇吧。

屬性點系統
是的,名將列傳回歸返有得加點既模式,升一級得八點,任你加係六大屬性上。
三十級前無限重置,三十級後另加收費。

力勁:1點力勁提升3點物理攻擊力
靈敏:1點靈敏提升1.2攻速、2.4蓄勁、2.5閃躲
才智:1點力勁提升3點法術攻擊力
技巧:1點技巧提升2物爆、2術爆、2命中
氣脈:1點氣脈提升4真氣上限、3全抗性
體魄:1點體魄提升4生命上限、1.5全抗性

職業系統
名將列傳名義上係無職業限制,實際上你是需要揀定一隻黎玩的。
50級前渣一樣,50級後多一把,但只係切換時多一把,左手渣劍右手撥扇係唔可行的。
而職業系統入面又細分“武器技能”同“心法技能”,簡單點姐係一個係主動技,另一個係被動技。

心法技能(被動)
學習方法:心法等級每上升一級,可獲得一點心法技能點
三十級前無限重置,三十級後另加收費。

武器技能(主動)
學習方法:打怪/npc商店拎技能書>比錢學
理論上等級夠同錢夠,係可以無限學習的

「杵棍」











「巨劍」












「槍戟」













「拳甲」












「羽扇」














名將系統
所謂既名將系統講白點姐係寵物系統,而實際上亦同其他遊戲既寵物系統無咩分別。
純粹得個名好聽d,獲得方法都不外乎係打副本,做任務拎返黎,係無得自己捉甘解。

空戰系統
而所謂既空戰系統亦只係出招可以打飛人既技能,之後禁個shift制飛上天再打過而已,
當中係甘易會有小小既傷害加成或者減免,而且亦都只係20lv做完個任務就可以學到。

氐族系統
其實姐係公會系統,都係改左個合適點既名而已,只需20lv付出10金就可以成立。
功能都係果幾味野,比較特別既係有氐族專屬技能姐。

強化系統
最呃錢既部份當然不能不提啦,強化系統係需要強化卷軸和流離水晶黎消耗的。
強化卷軸可以透過做任,打怪,打副本等等方法拎到,而流離水晶就需要分解裝備黎獲得。
而最精彩既係呢,名將列傳既單一裝備係可以強化至20級架,你無睇錯係20級呀,大家加油啦。

最後,其他果d副本系統呀,地圖王呀,都係同佢前幾隻作品一模一樣既玩法,都無謂不停重覆啦。
而可視既未來更新都絕對會係前幾隻game既果堆系統啦。
包括抽你唔死唔心息既煉化煉幣系統啦,滿足大家pk慾望既武鬥場系統啦,之後就係名將合成呀,時裝附魔呀等等既野啦,睇返前面既作品果d有咩更新左而一開遊戲時仲未加入去就都係果堆架啦,基本上要有既新意都係一開波果陣都差唔多曬冷晒架啦,話晒4-5個月又要準備下一款新作品,所以講完了。
二轉會員 #2
死圖WO:smilie_:o:
二星初級會員 #3
30lv後另收費系咩意思?!!  系米要入點買道具升??
版主 #4
qwer367691 發表於 12-6-14 06:11 PM
死圖WO

慢慢睇
五星白金會員 #5
聽講依隻game主打【情境式】任務對話
加返句ccb資料~cb/ob可能有改
廢時比人抽後算帳xd

聽說好多野都要睇劇情先會知
好岩我依d鍾意睇劇情既a_a
不過唔知佢d劇情做得好唔好
區域版主 #6
qwer367691 發表於 12-6-14 06:11 PM
死圖WO

竟然加錯左Good俾你o.o"
三星高級會員 #7
好長.......... 不過分多幾個 post 好過 - - 唔會有人投訴灌水吧
三星高級會員 #8
內容豐富, 不過後邊 d 圖有權限, 睇唔到啵
版主 #9
HopeNeverEnd 發表於 12-6-15 01:06 PM
聽講依隻game主打【情境式】任務對話
加返句ccb資料~cb/ob可能有改
廢時比人抽後算帳xd


多個任務框而已,無咩分別
版主 #10
生菜魚肉 發表於 12-6-15 03:28 PM
內容豐富, 不過後邊 d 圖有權限, 睇唔到啵

後面d圖係前面d圖既下載權限黎
廢事太混亂先set225等大家唔洗睇2次相同既圖
五星白金會員 #11
Mr.豪 發表於 12-6-15 03:42 PM
多個任務框而已,無咩分別

其實呢
係我插句子插錯位xd

原本想係:
加返句ccb資料~cb/ob可能有改
廢時比人抽後算帳xd(e.g.技能加成個d應該會改~因為羽扇比人話+智補血仲多過+氣等問題)

聽講依隻game主打【情境式】任務對話
好多野都要睇劇情先會知(e.g.睇台灣人講好似係有d成就會有提示)
好岩我依d鍾意睇劇情既a_a
不過唔知佢d劇情做得好唔好
六星鑽石會員 #12
fafaovo 發表於 12-6-14 08:38 PM
30lv後另收費系咩意思?!!  系米要入點買道具升??

應該係30LV之後重點要係商城買重置水之類。

有錯請更正,
謝謝!
三星高級會員 #13
回覆 HopeNeverEnd 的帖子

你都話copy錯嚕~~ 係會比人抽水架啦, 哈哈哈
二星初級會員 #14
有任務框其實感覺也不錯...
四星黃金會員 #15
哇 好詳細..
唔該晒:)
二星初級會員 #16
Mr.豪 發表於 12-6-15 03:42 PM
多個任務框而已,無咩分別

我比較想知友好度咩黎@@
版主 #17
roy068 發表於 12-6-15 07:48 PM
我比較想知友好度咩黎@@

其他game既聲望系統,儲夠就可以同npc買野
佢對上幾隻都有,無咩特別
五星白金會員 #18
多謝大大的分享*0*
五星白金會員 #19
打機都係為hea時間啫,暫時睇畫面都ok既。
遲d入game再試真d係咪好玩。
二星初級會員 #20
係咪靠裝玩??
下一頁
回到最頂傳統版

選擇頁數