-
F91西布朗副版主
2013-1-21 23:55#101
我較有興趣看你怎樣描寫澳門QQ
-
~傳說中的傻仔︻五星白金會員
2013-1-22 12:29#102
本帖最後由 ~傳說中的傻仔︻ 於 13-1-22 12:29 PM 編輯
為了上位。。。。。。
「呀！！」
我喝了一聲，鋼刀手起刀落，
「刷！」
把老伯整條右臂切了下來，血花全濺往我面上。
色戒。。。。。。
「你就係ＳＵＮＮＹ？我既人你都打，夠彊。」
「我仲夠彊媾你，信唔信？」
眼前少女對我笑了一聲，以秋波般的眼神回答問題。
「想媾我，你憑咩？」
「憑我ＳＵＮＮＹ個朵。」
兄弟。。。。。。
「阿迪，點解你要咁做？」
阿迪拋開煙頭，沒有好氣地指著我，
「ＳＵＮＮＹ，我唔想再發生火爆個件事，我信你會體諒我，係咪？」
眼前的阿迪好像變了另一個人，再沒有一絲的熟悉感。
精彩內容將會於２／２澳門篇與大家見面 敬請期待～
-
thchan96四星黃金會員
2013-1-22 21:45#103
希望你唔會又凌辱 D女角色
-
~傳說中的傻仔︻五星白金會員
2013-1-22 23:25#104
唔好睇到我咁變態啦~
-
零洛脩四星黃金會員
2013-1-22 23:27#105
哈哈 103樓好似有嘢想講~
期待~
-
~傳說中的傻仔︻五星白金會員
2013-1-24 23:25#106
零洛脩 發表於 13-1-22 11:27 PM
哈哈 103樓好似有嘢想講~
期待~
因為之前我將女主角描寫得太慘情... 比好多讀者罵-.-
-
零洛脩四星黃金會員
2013-1-25 00:57#107
暫時未擦覺有女主角嘅踪跡。。。係咪個阿玲？
-
F91西布朗副版主
2013-1-25 22:26#108
~傳說中的傻仔︻ 發表於 13-1-24 11:25 PM
因為之前我將女主角描寫得太慘情... 比好多讀者罵-.-
總比只當綠葉的女角來得好吧?悲情角很是令人印象深刻
-
a1213829三星高級會員
2013-1-27 18:26#109
你終於重作拉!!! 我上星期重睇返波哥個個黑社會 之後先知道你作緊新野= =
-
~傳說中的傻仔︻五星白金會員
2013-1-27 23:49#110
a1213829 發表於 13-1-27 06:26 PM
你終於重作拉!!! 我上星期重睇返波哥個個黑社會 之後先知道你作緊新野= =
係-.-.. 我又係度作野啦... 多D上黎傾下計啦~
-
~傳說中的傻仔︻五星白金會員
2013-2-2 19:54#111
第一話：重新出發
大家好，我的名字是楊光，
我在九個月前加入了『永泰』，在賭埸得到火爆賞識而被納為手下，
在麻雀館初次碰上黑道天皇的兒子－－凌安，
第一次的接觸，第一次的被擊倒。
在其後的深水步撕殺，我再一次被他所追殺，
幸好命不該絕，及時逃生並得以保命；
之後我與凌安結下不解之緣，在酒吧『傾數』時也跟細檸幹上，
細檸是凌浩飛的兒子，怎麼我就跟這些『大媽沙』的後代有著衝突？
龐迪是我的好兄弟，他在深水步撕殺時豪氣爆發，
一舉往凌安處斬殺，令我與他結交成為兄弟；
不幸地、在燒毀『華興』龍頭－－凌成波的大宅時，龐迪因為我而與凌安再起衝突，
豈料到我們的阿公－－火爆，責備我們多管閒事並引致『永泰』將會被針對，
竟然放棄我與龐迪，任由我倆在外被下江湖追殺令，
阿迪在此事之後更失了蹤，我感覺到前路茫然。
在命運的引導下，我碰上了辰晞、一名有趣的『華興』仔，
他不但沒有追殺我，反而與我臭味相投、結交成為朋友，
命運多變，我想我就是最好的例子。
幸好，在肥叔的幫助下，我與八爪魚會面，
八爪魚說出他澳門的朋友正在用人之際，而且『華興』的勢力在澳門亦不強，
所以勸誘我逃離香港，在澳門重新發展；
思前想後、我與姐姐的會面過後，便下了這一個『遠走澳門』的決定。
在種種的前因驅使，我最終暫時離開香港，
獨自一人前往澳門，重新大展拳腳！
澳門，以賭而為世界所聞名，
各地豪客都會聚集於此，絕對是一個紙醉金迷的世界。
「屌，又輸！！」
不少賭仔沉迷賭博，以致家庭破裂、欠債累累，
「通融兩日呀！！」
「通融，食屎啦你！」
受害者被打得全身骨折，全因為『錢』這個字，
錢是一切的來源，也是我們所追求的最高目標。
「到啦。」
司機回頭對我說，我拿出一張一百元著他找續，
「啪。」
關上的士大門，我抬頭一看，
一棟金碧輝煌的賭埸雄立於前，使人抖不過氣來。
我在衣袋拿出手機，找到八爪魚的電話，
「嘟。。嘟。。。」
「喂。」
「魚哥，ＳＵＮＮＹ呀，我到左葡京啦，搵邊個呀？」
「你入去搵縮骨啦，佢入面做疊碼仔既。」
「縮骨？點既樣架？」
「總之你一見到，就知佢係縮骨，忙呀喂，唔講住。」
「嘟。。嘟。。。」
（佢老味… 邊春個縮骨呀…）
無奈我沒有選擇，有求於人、只能低聲下氣。
我提一提起背包，往葡京賭埸前進。
「大，大，大。」
在不遠處的一張賭桌，有十多人圍著一叫喊口號，
我看一看電子版，原來已經連續開了九鋪大，
我也忍不住過去湊湊熱鬧，在人群中等待結果。
「六、六、四，十六點大。」
「正呀！！」
「今次和味！」
眾人都興高彩烈，我四周張望、找尋縮骨的身影。
「先生，係咪要碼？」
身後傳來詢問，很明顯便是疊碼仔，
我回頭正想拒絕，豈料到眼前之人實在太獨特；
他身高不足米六，有點兒陀背，雙眼有如鼠目，
一看便是膽小縮骨的性格，難道他就是我要找的人？
「縮骨？」
我普一開聲，他面色變化起來、而且還想離開，
「你認…認錯人。」
我立刻緊隨其後，他竟然就這樣走出賭埸，
我當然不放過機會，在後一路叫喊一路追著他。
「縮骨。」
他沒有理會我，徑自往附迎的小巷走去，
我剛一轉身，腹部馬上傳來痛楚。
「砰！」
我反應不來，胸部再受一棍、我本能退後數步，
「想收我皮！！」
眼前的人說著我不明白的話，鐵棍往我身上亂揮一通，
「屌！」
我被打得『發矛』，一記正拳轟向前方，
「沙啦！」
混亂之間，拳頭轟中了對方的面龐，
鼻血橫飛，更濺向我的面上，
「嗚呀。」
眼前的人戰力不高，才一拳他便痛得跪下，
我亦把手放在腹部，揉著想減輕痛楚。
「大佬，你係咪黎收我條數架，我已經好落力放Ｄ碼仔啦。」
他認錯我是『收數佬』，我只好澄清，
「我唔係收數佬，我叫ＳＵＮＮＹ，係魚哥介紹我黎搵縮骨。」
他聽到後，兩指按著鼻樑、站起來看著我，
「魚哥？八爪魚？」
「係呀。」
「屌，你唔早講！」
縮骨露出埋怨神色，我沒有好氣地回答，
「縮骨哥，我叫左你一次名，你就走夾唔抖，點響朵呀？」
他拿出紙巾，放在鼻孔外面擋著鼻血，
「你就係ＳＵＮＮＹ？」
「係。」
「我都有聽阿魚講過，你過黎就岩啦，近排我地用人，實有位比你上。」
看著縮骨，我有點兒信不過的感覺，
但一來縮骨是八爪魚介紹，二來我人生路不熟，我又不能不投靠他，
想到這裡，我有點垂頭喪氣。
「ＳＵＮＮＹ，我就係縮骨，你未有地方住啦下嘛？」
「係呀…」
縮骨鬆一鬆肩膀，走在我前頭，
「咁你住落我到先啦。」
「哦…」
看見縮骨不再回去賭埸，我向他詢問，
「你唔洗放碼咩？」
「屌，放碼聽日都有得放啦姐，反正今日都差唔多收工。」
離開賭埸林立的區域，回到平常居住的地方，
縮骨住在與香港無異的唐樓，看起來更有點殘舊。
「咔啦。」
推開大門，映入眼廉的是一個客廳，
「坐啦。」
在狹小的空間裡，我找到一張摺椅，
「縮骨哥，有咩我幫到手？」
縮骨一下子捱落沙發，燃點起一枝香煙，
「呼…你連澳門有邊Ｄ環頭都未識，幫條柒呀？」
雖然他語氣不屑，又偏偏說中重點，
「咁…澳門呢邊係咩玩法？」
縮骨吸了一口香煙，往我面上吐去，
「呼…放心啦，『華興』係度勢力唔大，凌成波應該刮唔到黎既。
不過，連『華興』咁猛既社團都做唔到過江龍，你應該知發生乜事掛？」
縮骨刻意留難，似乎想考驗我的分析力，
我緊頭一鎖，思考了約兩分鍾。
「係咪因為呢度亂過七彩？」
縮骨露出讚賞的眼神，舉起一隻手指公，
「醒目仔，唔怪得阿魚都叫你過黎撈。你講得岩，
呢度七國咁亂，乜野字頭都入黎想分野食，
『華興』、『東英』就一定有份，加埋『永泰』，『昇義』，
仲有本地字頭，就例如我地『振景』，全部都有份係度放碼，
走水貨，拆家，乜柒都有呀真係！」
聽到縮骨所講，澳門的形勢真的很亂，
在這裡一旦不小心，下埸一定會比身處香港更慘。
縮骨見我面色不安，他也估到一二，
「呢度三日一小嘈，五日一大嘈，
劈黎劈去就一定有，預左成日打交架啦。」
我呼了一口氣，未來的確充滿兇險，
可是亂世出英雄，我楊光誓要在此打響名號！
-
牙聰xP`二轉會員
2013-2-3 01:38#112
正,又有了
-
~傳說中的傻仔︻五星白金會員
2013-2-9 22:54#113
第二話：麒麟
在了解自己的工作之後，縮骨著我先自行熟習環境，
我看看手錶，時針指向下午二時，
心想反正沒有事情可幹，就在澳門四處逛逛。
走到大三巴的時候，高高的城牆象徵了以往戰爭的殘酷，
同時間、我感受到這高度彷彿是前路的障礙，要克服它？
難呀。
「躂…躂…」
我含著香煙，正想燃點的時候，
「喂，可唔可以唔好食煙？」
一把女性的聲音在旁響起，好奇心驅使我望過去;
她大約一米六五的高度，比我矮了半個頭有多，
曲髮、皮膚白晢，帶了貼近潮流的正方形框眼鏡，
「下……」
突如其來的阻止，使我有點不知所措，
「我估你都係澳門人，唔想自己既地方都烏煙瘴氣掛？」
她愈說愈興奮，我也不太想知道她說什麼，
「食枝煙仔都唔得…？」
說話未完，一道黑影從女性身邊出現，
「呼！」
我反應不來，手中煙盒已被搶走，
「小姐叫唔好食就唔好食，呢度當係賠比你。」
黑影是一名西裝男士，雙眼銳利如刃、比我略高，
樣子一本正經，應該是這名女士的保標。
保標拿出一百元的紙幣遞給我，我心裡火氣頓升，
「拍！」
我一手撥開保標，食指直指向女性，
「喂，無野呀？夾硬唔比人食煙？」
我聲線頗大，旁人開始圍觀，
然而奇怪的情況發生，大多數人只是瞄了一眼就走開；
「你咁大聲同我講野！？」
女性神色開始變化，雙眼露出極不滿意的眼神，
「咩呀？大聲唔得架？」
「你知唔知我係邊個呀？」
我笑了一下，雙眼睜得極大，
「我識你老鼠…砰！」
快拳印在我的心胸，媽的、施襲者是她身旁的保標；
「火狐，同我教訓下佢！」
保標名為火狐，他得令後快步踏前，
左右雙拳如影隨影，我感覺猶如被毒蛇纏上。
（條撚樣出手好快，要醒扒！）
「砰！砰！砰！」
我本能舉起雙臂，力保頭臚以防重擊，
火狐隨即變招，右腿向我下盤進攻，
「呼！」
我跳起避過踢擊，在半空之中、我亦與火狐的拳對上，
「砰！」
雙拳對碰，彼此同時墮後、我單滕跪地以穩身形，
「呼！」
火狐未有回氣，揮出戰拳劃過空氣，
「砰！」
（你老味！）
我肩膀再中一招，自尊心使我忍痛反擊，
我緊抓著他的手臂，奮力向後一拋，
「放你飛機！！」
未料到火狐亦抓著我的手臂，他借力打力、在空中轉了一圈後落地，
「呀！」
他大喝一聲，把力道集中在手、狠狠地把我摔了開去，
「砰！」
我整個人被摔倒在反方向的圍欄，背脊的痛楚使我認清現實。
（條友太好打，走佬！）
我沒有再糾纏下去，一下子便溜走，
心裡害怕火狐追來，雙腿更是用盡力道奔跑。
過了約兩分鍾，我回頭偷望有沒有人追來，
幸好全部只是途人，完全沒有火狐的影子。
「嗚！」
背部的痛楚不輕，令我眉頭緊鎖，
剛才的打鬥路人明顯看見，可是竟然沒有人來制止，
那女子，究竟是什麼來頭？
「嘩，黎左無幾耐就比人ＤＵＰ？你真係幾黑仔。」
我拿著縮骨的趺打酒，一下一下的揉著痛處，
「小喇叭，條女無啦啦唔比我食煙，真係佛都有火。」
縮骨把頭稍稍移近，擺出一副收聽的樣子，
「屌，頭先係大三巴行行下，有條女無啦啦唔比我食煙，
跟住仲要有個保標出黎同我隻揪，條友真係好撚好打，
我諗我打落去，真係唔死都骨折。」
我想了一想，然後望著縮骨，
「條友好似叫做火狐…」
縮骨聽到之後，面色立刻大變起來，
「唔撚係掛？」
我被他的反應嚇到，馬上追問火狐是何方神聖，
「條友好猛架？」
縮骨搖一搖頭，我緩緩吐出一口氣，
「咁你咪嚇鬼我啦。」
「火狐唔猛料，不過條女猛料。唉，唔記得同你講有邊Ｄ人你唔可以得罪。」
縮骨拿出智能電話，點了一張相片給我看，
「認唔認得呢個邊位？」
相片中有兩名男人和一名小女孩，他指著是今早碰過面的六星，
「六星哥呀嘛。」
「咁你又知唔知呢個係邊個？」
他把食指移向右邊，相中人穿著西裝、有種不怒而威的感覺，
左邊面頰有一小刀疤，整個人就有著江湖味道。
「邊位呀？」
縮骨有點啼笑皆非，我就是不知道這是誰人，
「佢係『振景』龍頭－－謝麟，人稱麒麟，係我地老頂呀。」
我吸了一大口氣，這是我頭一次看見『振景』的龍頭，
「咁你又知唔知呢個係邊個？」
他再次移動食指，今次指的是那名小女孩，
「唔知。」
「佢叫謝穎籣，係麒麟粒掌上明珠，張相就十年前影既，
而家佢個女應該就十九歲到，出名巴渣、成個澳門無人唔識佢；
火狐就係我地圍內最好抽既紅棍王，不過五年前比麒麟收做金牌保標，
專職保護佢粒女，你而家知條女咩料啦？」
怪不得就沒有人來勸交，原來澳門人知道謝穎籣是惹不起，
我倒抽了一口涼氣，看來我又惹了天大的麻煩…
我與縮骨沉默了一會兒，雙方都沒有什麼說話，
「即係咁…我得罪左自己老頂個女？」
「應該就係啦。」
「唔撚係掛…」
我慌忙地找尋香煙，唯獨找遍全身都找不著，
「煙呢？」
縮骨看見我心神彷彿，自己也亂了起來，
「今次真係仆街啦，你由香港著草過黎，唔通而家又叫你著草咩？」
（你講笑咋…？）
天呀？我楊光是走了什麼霉運嗎？
（待續）
-
~傳說中的傻仔︻五星白金會員
2013-2-9 22:55#114
正值新年
祝大家蛇年行大運 萬事勝意 身體健康！！
-
F91西布朗副版主
2013-2-15 02:20#115
楊光哥,慘情qq,走佬去越南啦XD
-
~傳說中的傻仔︻五星白金會員
2013-2-17 11:25#116
小弟岩岩先係內地番港 今個星期會停更一次 抱歉~
-
a1213829三星高級會員
2013-3-8 18:31#117
好正呀 你D文可以睇完再睇XD
-
牙聰xP`二轉會員
2013-3-18 20:43#118
成個月喇-_-
-
~傳說中的傻仔︻五星白金會員
2013-3-18 22:38#119
唔好意思呀咁多位大佬！！！
小弟岩岩實習左成個月 真係痴媽根 累到每晚十點半訓左
黎緊星期日將會重新連載 比下面啦。。。 星期日見！！！
-
F91西布朗副版主
2013-3-18 22:52#120
don't worry~
F向來都覺得現實是比較重要的,所以咱會等的!