戀愛疑難雜症

~節瓜~一星新手會員 2012-10-20 01:50#1

我係一個唔靚仔既肥胖男仔~
想問~一個鍾意同靚仔拍拖既女仔傾緊戀情既時間爆我~
佢好似講笑咁講 你又唔追我~其實我好易追嫁炸~
呢句唔止之前都有講,起碼3次~但係都係講笑咁講~
問題出現了~呢個女仔唔會主動搵我,佢鍾意靚仔,我覺得佢好多秘密同大話,
就算係問佢同邊個whatapp緊丫都要昆我話你唔識~但係我見到個名我係識既=.=
佢知我對鍾意想追既女仔做好多感動既事~咩都肯付出既人~

最近呢次 佢講 你又唔追我~其實我好易追嫁炸~
我忍唔住講~其實我想追你嫁~只不過我怕追你唔到炸~
又怕到時你避開我咪仲慘~
跟住就轉話題了~不了了之~

咁我應唔應該追~但係佢對我好似小小冷淡咁~唔似有小小小小鍾意我既積像=.=

花濺淚v3vVIP會員 2012-10-20 02:52#2

本帖最後由 花濺淚v3v 於 12-10-20 02:58 AM 編輯

每日都係版上面見到好多人既告白
我都會咁樣諗：「要鼓勵佢，希望佢可以擁抱所愛。」

我本身好想寫長篇大論鼓勵你
但係我發現自己既感情都係Kind of mess
淨係識得一味鼓勵其他人、叫佢地要敢愛敢恨
但係可笑既係我連自己都鼓勵唔到

我鍾意左一個女仔好多年、中學同學
但事實上我地只係偶爾會係樓梯口擦身而過既陌路人
我只要有一刻停落黎、或者攤落床既時候
都會不期然諗起佢、諗起佢既笑容
仲有趣到幻想可以同佢起埋一齊
但現實中一切都變得遙不可及

因為我覺得自己其貌不揚、連行過既路人都唔會注視我一眼
因為我一直覺得自己高攀唔起佢
因為我一直覺得感情路上必須要門當戶對、遇到好靚既女仔就要識得知難而退
因為......
因為............
因為.................
因為我比得太多藉口自己　所以我連爭取既機會都放棄左

如果你真係鍾意佢，就要敢於表達愛
就算你真係比人當面拒絕又點?
就算你比人當面恥笑你又點?
假如你個仔將來問你：「爸爸，我鍾意左一個女仔，我應唔應該表白啊? 爸爸你有無試過呀?」
你想點答佢? 「我當初唔敢表白......。」

我寧願比人當面拒絕　日後諗返起呢件事就得啖笑
都唔想好似宜家咁晚晚失眠　諗返起自己係一個幾咁糯弱既人

如果緣份係一架尾班車
你必須趕上去
因為當你仲猶豫緊要唔要追既時候
佢身邊既座位，可能已經由第二個人填補了

〞kIu﹑版主 2012-10-20 12:19#3

應唔應該追
就要問下你自己係唔係鐘意佢啦

唔想答錯你一句 誤你一生

吞食貝貝五星白金會員 2012-10-22 11:05#4

追左先:smilie_:D:唔洗多問

〞kIu﹑版主 2012-10-22 12:18#5

我覺得佢對你都有D意思

sukiyaya版主 2012-10-22 15:25#6

本帖最後由 sukiyaya 於 12-10-22 03:26 PM 編輯

回覆 ~節瓜~ 的帖子

我係一個唔靚仔既肥胖男仔~
唔好介意外貌, 最起碼而家四肢健長, 你比不幸的人幸福更多

佢好似講笑咁講 你又唔追我~其實我好易追嫁炸~
呢句唔止之前都有講,起碼3次~但係都係講笑咁講~
女仔都開到聲了, 你都唔識做. 講得出e句的 或多或少都對你有feel.

問題出現了~呢個女仔唔會主動搵我,
um....我覺得冇咩大問題. 佢開完聲話好易追, 唔通仲要行動表示?? 女仔點都面皮薄d, 要矜持d先好.

佢鍾意靚仔,我覺得佢好多秘密同大話,
要小心了, 感覺可以害死一個人. 唔好去猜, 相信你的眼同你的心, 真正感覺到同證實左的 先去比一個標籤別人.

就算係問佢同邊個whatapp緊丫都要昆我話你唔識~但係我見到個名我係識既=.=
我覺得好正常, 你地而家仲係朋友, 就算係戀人, 都唔中意別人check自己同fd講野的對話了

最近呢次 佢講 你又唔追我~其實我好易追嫁炸~
我忍唔住講~其實我想追你嫁~只不過我怕追你唔到炸~
又怕到時你避開我咪仲慘~跟住就轉話題了~不了了之~
做得出就唔怕認, 既然你逃避左 就唔好後悔. 珍惜眼前, 失去左的機會, 唔係個個都可以拎得反.

咁我應唔應該追~
e個就睇你自己. 有決心就去做, 起碼日後唔會後悔先.
但如果你會後悔 驚表白左冇fd做的, 咁就要想清楚後路點行先.
但係要小心, 唔好想太耐, 機會錯過就冇回頭

但係佢對我好似小小冷淡咁~唔似有小小小小鍾意我既積像=.=
估係永遠都唔準. 請先確認再下定論.

p.s: 如果佢對愛情係認真, 唔係玩玩下的, 係追得過.
      但如果佢只係抱住想搵人陪的心態時, 你就要小心你玩唔玩得起.

loveyoujj520六星鑽石會員 2012-10-22 21:08#7

~節瓜~ 發表於 12-10-20 01:50 AM
我係一個唔靚仔既肥胖男仔~
想問~一個鍾意同靚仔拍拖既女仔傾緊戀情既時間爆我~
佢好似講笑咁講 你又唔追我 ...

人地笑你唔緊要   最緊要唔好連自己都笑既外表

有幾多人生出黎 係好令女  好令仔架   只要你夠花時間  花心意你都可以好睇    一個人既外表   髮型同裝化妝  都可以改變   係睇你自己想唔想去改變     個人覺得化妝唔係女性既專利    係人都可以去化妝    不過係香港呢個地方d人對化妝既男性反感   但唔洗去理佢地 佢地見識少姐

都唔好太再意外表   人既外表係跟年齡改變    外表好睇唔係永恆   只係短暫既光陰   一個外表幾好睇  但心唔好都係冇用     你有愛心有才華都可以受女性歡迎  

唔好因為一個小問題  而去放棄一個機會   

CHoK!麟=)二星初級會員 2012-10-22 21:16#8

~節瓜~ 發表於 12-10-20 01:50 AM
我係一個唔靚仔既肥胖男仔~
想問~一個鍾意同靚仔拍拖既女仔傾緊戀情既時間爆我~
佢好似講笑咁講 你又唔追我 ...

樓主可以諗下應該追同唔追兩者有咩得失?去衝量下應唔應該做

但你可以評估一下個女仔仲咩會同你講叫你試下追佢?動機係咩..?

ton7799二星初級會員 2012-10-26 23:03#9

追就可能有~~~~唔追就一定無

花濺淚v3vVIP會員 2012-10-26 23:39#10

ton7799 發表於 12-10-26 11:03 PM
追就可能有~~~~唔追就一定無

至理名言

09tonton二星初級會員 2012-10-26 23:45#11

其實係唔係唔好林太多~~~~試下追先囉

選擇頁數