-
難愛更想愛禁止發言
2012-11-1 21:42#1
前言:
我同現時嘅男朋友拍拖就黎3年..雖然唔係好耐,不過都好想將我地嘅經歷寫出黎.
事先聲明,我啲記憶力好差,唔係所有野嘅細節同次序都記得咁清楚.
第一章
話說,我同臻都係讀同一間中學.
我對佢第一個感覺係:好似我一個小學同學咁+平平無奇
第一日返學嗰日,臻就俾老師迫左做男班長.
喺我心目中嘅"男班長"係好乖,好有紀律,一個深受老師信任嘅角色.
點知臻係完全相反,佢係一個聲大大,上堂中意搞氣氛嘅人.
佢仲係班中嘅暴力分子.每日嘅午飯時間,佢都喺班房同人打交.
喺班男仔眼中,打交只不過係遊戲,佢地仲叫呢個遊戲做"鬥獸場".
而臻係班上數一數二嘅"強者"(我覺得佢有啲似技安).佢有次將個男同學掟左去塊白板度,搞到嗰位同學流鼻血.
其實我都係一個有暴力背景嘅人,喺小學5,6年級嘅時候.班上嘅男仔都好怕我,因為我成日打人.而且班上嘅男生都好有風度,俾我打都唔會還手.所以我一直都覺得自己好強.不過呢個錯覺喺我遇到臻之後完全破滅左...
有次,我見到佢蝦女同學.我就走去打左佢一下.點知佢竟然還手,仲要係超痛!
我嗰陣驚覺,原來中學嘅男生係唔野得,所以我之後就收心養性,做一個循規蹈矩嘅好學生.
自從嗰次俾臻打完,我就對佢冇乜好感.
第一次講電話:
有次放學,我同一班同學講起玩人電話呢個話題.
寧,一位女同學提議打俾臻,作弄佢.
臻:喂?
我(提高聲音):先生,左你一陣,我想做個調查.請你按個零字吖.
"咇" 臻按左
哈哈,中計啦,蠢材.
我:先生,我地測試到你嘅智商係零.byebye
未等佢講下一句,我就立即收線
事後,我有笑臻上我當.佢仲理直氣壯咁話:我當時都冇按個零字,我按左另一個制.
我地第一個電話只係一個鬧劇.