-
低能小子禁止發言
2012-11-1 22:21#1
未講事件....就要講幾年前...
我當時只係一個15歲的小朋友.....係網上認識左一個19歲的女生....
同佢都岩傾既.....只係佢係一個比較思想早熟的人......
當時我都係玩玩下既心態認識朋友....所以都無咩所謂.....
認識大家都有一段時間.....
到我16-17歲的時候....我完成左中五...出左黎工作....
過時都有同佢有來往......
而佢亦都認左我係親細佬咁睇......
我亦到係過時同緊個女仔一齊......
到左我差唔多18歲既時候....同個女仔因為第三者而分手.....
係過時......我好唔開心...佢用一個大姐姐身份開解我安慰我.....
係的......我一直都當佢係好姐姐咁睇.....
好了....講事件了.....就只是昨晚的事...
我係老銅同朋友飲酒....家姐打比我話有PARTY係銅鑼灣.....
咁岩又係銅鑼灣.......我就走左上去同佢飲.....
飲到咁上下佢唔掂...."捱"落我到同"Q"我隻手....
初時我都係到諗有咩所謂.....都咁熟...佢又係我家姐.....
同佢另一個朋友玩玩下....佢同我講話家姐其實為近排既感情問題煩緊.....
但有感情問題.....我應該知道的,,,,我地無所不談.....甚至大談性愛呢D野都無問題.....
我會唔知佢會煩呢D野.....
加上佢無拍拖都有2年.....我就有3年差唔多
所以我覺得有D奇怪.....
都玩到咁上下.....我走駕車送佢反家....
送佢上到佢屋企....我正當想問佢鎖匙的時候....
佢突然攬住我.....攬得好緊......
問我有無鐘意過佢......
係過時......我腦一片空白....我先發覺原來個個佢感情問題的人係關我事....
加上我都貓貓地......同佢既眼神引誘下.....係呢晚發生左關係......
今朝起身....佢唔再訓係我身邊.....
我出左廳.....就見到有一份早餐同佢既PAPER係枱.....<諗起都覺得有少少拍戲份 >
"我明白....你是一個怎樣的人....
我明白....你只當我係家姐咁睇....
我明白....我咁做....你會覺得自己好似對我唔住.....
但....我想你明白....我好清楚自己做緊咩
記得你失戀.....我點安慰你嗎.......
你這個人....就是傻頭傻腦....不明白一個女仔在等你嗎.....
對不起....我不是一個好姐姐......
怎樣的結果......我都要接受....."
我睇完再睇....對住張野發呆......
費話太多了嗎.....我真係唔知點..............
因為自己一直係想事業為重.....
我暫時無意去接受新感情......
更加煩既係....呢個...係我認識左幾年的家姐.....
我唔介意...佢大我好多.....
但由此之終....我都係當佢家姐......
更加更加煩既係...
我既決定......會影響我同佢既關係......
姊第......姊第戀....
我行錯路....我行得好錯.....
我今日搵左我幾個知己FD傾.....但都係幫唔到我解決呢D問題.........
好煩呀呵......我都覺.....
而+開POST.......搵人幫下我....
唔該大家
更新~~~~<<6月18日>>事件發生後幾日.....其實我都無咩行動...
搵佢....大家都知我無咁既勇氣......
但事件....事實....終究要面對.....
.....
這句說話.....我都說了...想了幾天
但如果沒有這件事的發生......
我現在可能還在煩惱...迷茫.....
昨晚睡覺的時候......無意醒一醒....
走出了廳房......發現愛犬的行為有所不同....
開了燈......見到既係周地都係嘔吐物......
當時我就即刻換 3 帶佢去獸醫診所.....
帶到佢落留下.....就打左比佢.........
話隻狗出左事...帶佢睇獸醫.....<其實佢好鐘意我隻狗....加上買佢反黎過時...佢係同我一齊買....理應都要同佢講>
跟住去到診所....佢已經去到等我地....
第一眼見到佢.....
我既感覺係同平時無咩分別.....
無咩話怕見到對方......
同隻狗睇獸醫途中......知道隻狗要"留院"....
所以都好唔開心......
去到外面等.....同佢獨處....
我地怕既野出左黎啦.....
係呢個時候真係唔知有咩同佢講好.....
但講真....如果我唔同佢講......我就真係唔會再有咩同佢講.....
所以我都先開口......
維:你聽日要反工嗎?<其實我係知佢既生活時間>
晴:要呀
維:咁你食左野未呀?
晴:食乜野.而+幾點....我同你應該訓緊覺
我個時比佢窒住左....~"~
跟住想同佢傾既時候.....
晴:做咩呢幾日唔搵我呀?
我話:呢幾日做野忙嗎...
晴:仲而為你唔再搵我....
正所謂"打蛇除棍上"唔可以比話題完結\"/
我再話:....我......都想搵你....
晴:你搵我有咩事?
我話:其實.....我好想搵你...我好掛住你.....
佢無出聲......
係個時....其實我個心跳得好快.......
因為始終係追女仔.....
我又唔係媾女多.....
但我隻手其實一直都拖住佢......
哈哈
做完哂所有野.....車佢反去....
落到留下....想送佢上去既時候....
我問:你聽日反幾點呀?
晴:10點
我再話:聽日食唔食早餐?
晴:你唔同我食...我自己都要食..
我話:你又知我會同你食?
大家都見到大家笑左出黎....
我知道呢個正係時候去馬啦!!!!
我行埋佢到拖住左佢隻手...
同佢講:對唔住呀.....令你咁唔開心....如果無過晚.....其實唔會有而家.....我唔想無左你.....
.....過左10秒....我同佢又笑左.......
原本其實都有好多對話.....但我唔記得左="=
但如果隻狗.....可能而+仲同佢仲冷靜緊....
係呢到多謝幫過我既人......
祝2000fun會員上下永遠開開心心....
-
小彊＊二星初級會員
2012-11-1 23:32#2
真係幸福
祝你地長長久久