youaremelove禁止發言
2012-11-8 23:57#1
請比d同情心,唔好講埋d諷刺野
我係個相貌身型都普普通通o既男仔,
有個成日同我合作o既男仔(以下簡稱同事,其實唔係同事)搞到我好似變左gay
同事好靚仔,人又斯文,又有錢,又好人,好多女仔圍住佢轉
初初識佢時,好憎佢,回想起可能係出於睹忌,
日子耐左,大家覺得有d唔妥,明明佢條件禁好都冇女朋友
慢慢就傳佢係gay
個傳言散開後,大家都覺佢有d動靜gay gay地
我本身最憎呢味o野,當然更憎佢
佢一開始對所有人都好好,
即使明知我比面色佢睇,佢都對我好有禮貌
但係久而久之,我日日都避開佢,對佢黑口黑面,佢自自然然疏遠我
直至有次,我要搬好多o野出去比個客,但係真係搬唔到禁多,
佢明明放工都二話不說照幫我搬,
全程的士我都好尷尬,一來怕gay,二來覺得自己禁對人,人地都幫我,好慚愧
結果落左車佢幫我搬到個客office前,乜都冇講就走左
我入去傾傾下,傾左成個鐘,出到黎,佢居然係o立口
佢o羅住支利賓立,講左句:「以為你好快添」,成身大汗,企o係工廈冇冷氣走廊等左我成個鐘
同佢落樓時,已經有一種怪怪地,有少少霖霖地o既感覺
呢次之後,同佢close左好多,
跟住慢慢發覺佢係好人到有病,
佢對所有人都極好,做乜都唔計較,但係對我更好
我地開始無所不談,
佢其實唔算係o係公司做,但係就長期買曬我最鍾意個隻朱古力同糖放pantry,
我當回禮,買佢最鍾意隻咖啡
有時放工一齊走,佢突登兜路同我坐一架巴士,為o既係傾多一陣
什至公司同事都講笑話我地係密友
但係須然我好介意gay,我真係唔介意比人笑同佢搞埋一齊,什至有d開心
每次聽到個心會偷笑
當然公司同事見過我之前有拍過拖,都係當笑話講下
上個星期,我地公司有個新同事比老細兜左,臨走前爆陰毒搞大破壞,
公司上下忙到死,我o個鑊真係搞死都搞唔完,
佢打返黎問我另一個同事我點,我同事同佢講我做到就快死
結果佢個晚,帶多件外套同碗粥比我,幫我做通宵
第二日,同事問佢做乜係度,我先知原來佢穿左肺入院,叫大家唔好講,費事人擔心
即係佢全晚其實又痛又辛苦,o係醫院走出黎,帶埋o野食陪我做通宵
我同佢走,好想送佢返醫院,
但係佢係都唔比,
我上左我架巴士,佢突然衝上黎
我個一剎那唔知點解真係好開心
佢坐o係我則邊,
我問佢做乜禁傻,
佢話驚我訓著,唔記得轉車
我個一刻,淨係想可以同佢一齊,唔想理其他o野
我居然當眾訓o係佢膊頭,
仲忍唔到笑,個心好開心,
全程車有時開一開眼,望佢條頸同下巴,
有一種唔識形容o既感覺,可以話係:開心,親密,興奮同安全感
但係返到屋企,我第二日就開始驚啦
我知道自己係鍾意左佢,
但係我對gay只有恐懼,
我亦係獨子,
我完全唔敢再打比佢(我放緊年假)
但係我又好在意佢會唔開心
我個心好矛盾,好辛苦
所以上黎舒發下...