iPhone專區

Alex_s二星初級會員 2013-4-8 19:12#1

6000mAh充電池夠唔夠用？咁真係見人見智啦，不過對於我用一個智能電話同一個tablet，6000mAh就絕對夠用，如果用電量大既日子，6000mAh一般足夠作為一日後備電源用，如果平時6000mAh我阿妹話可以用到做兩日左右後備電。


呢個ProMini M6係我買黎送比阿妹既生日禮物，因為佢成日話個手機好快無電，所以就送個後備充電池比佢，等佢日日有電用。其實我一直有用開Magic-Pro之前出果隻ProMini 4000移動充電池，一直用得好好，充電快又有雙輸出，個充電池既style又靚，所以我好鐘意用佢，而今次覺ProMini M6比我之前果個更加有型，所以叫阿妹比我影D相同大家分享下。


ProMini M6盒背詳細寫明佢既特點，而支援既電子產品亦非常多，而我最常用就係手機和tablet充電。


我買呢個ProMini M6係紫色版本，好適合女仔用，至於男仕們，我買果時亦見到有黑色、白色和金色等顏色選擇。M6一套包括有三條USB充電線、一個電池袋、一個6000mAh充電池等。


個sale話M6送既充電線用純銅做，充電效果比一般充電線好。


ProMini有一年保用，去Magic-Pro個網，係支援及下載部分做網上登記就馬上可以生效。


說明書亦清楚說明使用方式，個sale話有問題可以打佢地Hotline問添。


ProMini M6有雙輸出及一個輸入，完全支援USB。


送既兩條銅線一長一短，長個條可以用黎係街一邊放系袋充電，一邊手就渣住個手機黎用。


背面寫上充電池既規格，清晰易見。


ProMini M6既兩個USB輸出規格分別係5V / 1A同5V / 2.1A。一個用黎充Samsung或Android手機比較適合，另一個用黎充iPhone比較適合，而充tablet時你可以隨便用其中一個輸出，電力絕對足夠充足個tablet。


我覺得呢個ProMini M6輕身得黎有成6000mAh備用電量，比起我係市面上見到既好多同級產品真係又薄又輕好多，最緊要係細細個帶出街夠方便。

Peach_s一星新手會員 2013-4-10 19:45#2

很漂亮的行動電源, 幾錢? 叉得快唔快(重點)??
想買過粒電池, 但又唔想買原裝電池咁貴....

Alex_s二星初級會員 2013-4-12 22:07#3

回覆 Peach_s 的帖子

$43x, promini叉電都幾快, 其實如果出街有帶多過2部電話嘅, 帶外置電確實比較方便, 而且就算換機都可以繼續用, 唔使浪費舊電

Peach_s一星新手會員 2013-4-23 16:36#4

Alex_s 發表於 13-4-12 10:07 PM
回覆 Peach_s 的帖子

$43x, promini叉電都幾快, 其實如果出街有帶多過2部電話嘅, 帶外置電確實比較方便,  ...

Good, 外置電確實比較環保及方便, 呢隻幾啱我要求

oilio01一星新手會員 2013-4-25 12:53#5

6000不太夠= = 我都要衝15000的才夠一天

dj2012二星初級會員 2013-4-26 22:48#6

回覆 oilio01 的帖子

之前我都係認為電量越大越好, 但發現超過1W既一般體積都越大(應該係同電量成正比), 唔單只攜帶唔夠輕巧, 而且15000mAh直覺差12個鐘都差唔飽佢...
Ps,我而家用緊隻promini 8000mah, 充滿佢差唔多要9個鐘, 臨訓前吉,訓醒就差唔多差滿 :sleepy:

alskdjfhg2013一星新手會員 2013-4-29 11:22#7

我還是喜歡可以換電池的!!!

選擇頁數