-
~寧~二轉會員
2013-4-23 11:37#81
話我悲觀都係咁
不如一齊搵隻game轉,最好有國戰系統個D
之後開返個團叫FEZ
-
mahoro六星鑽石會員
2013-4-23 12:26#82
輪盤N年唔更新
寶石商長年唔更新
機率太低, 太黑暗
-
JACK乂乂乂五星白金會員
2013-4-23 13:32#83
根據以往香港橘子一向的做法
台灣橘子 一宣布合約滿
香港大多數都會一樣
原因好簡單 因為通常簽約個陣 大多數係以港澳台合約咁簽
所以,台合約滿 自自然然香港都係
另外我會選擇玩日服,希望日本可以開反海IP
-
風靜月乂六星鑽石會員
2013-4-23 13:42#84
是福不是禍是禍躲不過
有緣再見
-
小星塵八星無敵會員
2013-4-23 14:15#85
我冇打算過日服
就算朋友叫都唔會去
多數人都係日本人 主要係講日文
俾你去到都係單機ＧＡＭＥ （唔識日文來說
收水出水 攻守 巨集 你有心都會用日文
可能你講有朋友就可以一起玩？
對不起 我都係冇性趣
是問在座 有幾多人俾朋友拉來玩 之後你朋友唔玩？
我自己就係 走左後我仲玩緊玩到Ｅ＋ 中間都識左唔少人
得閒沒事就紅頻 花生打牙骹
可是去到日服會點？ 你朋友走完 你仲識到人？
ＰＳＯ２我都有玩過一排
之後溝通唔到放棄
-
fez大師二星初級會員
2013-4-23 14:15#86
你認為港服會唔會跟隨台服於合約期滿後結束營運？
未汁既遊戲都已經有一大班人想佢快d汁, 你覺得呢?
假如結束營運，你認為FEZ將來被其他公司代理既機會高唔高？
無可能, 搵鬼要呀!
解釋你如何得到上述兩題觀點。
邊個代理肯要呢d玩家 ?
假如結束營運，你會何去何從？
去日服進行侵蝕行為, 將日服變成大中華伺服器
對於過去響FEZ渡過既日子你有何感想？
玩家質素很低
最後，你有咩說話想講？
我都無野好講
-
Prueminer五星白金會員
2013-4-23 15:50#87
你認為港服會唔會跟隨台服於合約期滿後結束營運？
答案係會....
解釋你如何得到上述兩題觀點。
事實就係事實....
假如結束營運，你會何去何從？
可能會搵幾個真人FD一齊夾錢買VPN. BTW轉Game會大機會D,因為曾經同我玩FEZ既人已經唔係度.........
對於過去響FEZ渡過既日子你有何感想？
由我比人迫玩,到我識欣賞隻GAME都係半個月既事,當然我係兩年度不斷遊走五國希望搵到D意同道合既人..... 可惜佢地都離開左隻GAME.... 無朋友既FEZ玩唔落,所以我係上年DSE之前放棄左佢...
最後，你有咩說話想講？
希望日服大方收留繼續有心FEZ既香港朋友.... 雖然無乜可能
希望玩過FEZ既朋友都會珍惜曾經一齊玩過既戰友
雖然我無玩好耐,但係都會成日入黎睇野
-
電視乂炎斬二轉會員
2013-4-23 16:16#88
有完既始終都係要完....:face_l_14:
往事只能回味
by劉家昌
-
mikafar五星白金會員
2013-4-23 16:43#89
不如考慮由港服轉日服的有福利吧(FF)
-
夏清玄二星初級會員
2013-4-23 17:39#90
你認為港服會唔會跟隨台服於合約期滿後結束營運？
岩岩係fb睇到fez要汁先上黎2kf睇下,不過之前都覺得會汁
假如結束營運，你認為FEZ將來被其他公司代理既機會高唔高？
比較低,但都唔會太低.
但我覺得就算比香港公司代理到,都未必可以搞好fez.
不過如果可以比我簡的話,我會希望Garena代理.
因為我覺得Garena都好有心機搞好佢代理d game (LOL DNF<- 其他就未玩過/w\)
解釋你如何得到上述兩題觀點。
無新血.就有,可以繼續玩落去都少.
假如結束營運，你會何去何從？
基本上都無咩game好玩,lol都係fd叫我玩先玩
其他game又無咩興趣,所以都可能走去睇人實況算.
對於過去響FEZ渡過既日子你有何感想？
好開心!
fez係我玩得最耐既game.最有機會可以識到fd既game /w\
之前玩開個d game,1係就因為太低lv,去打怪打副都無人...=.=
完全無機會可以同人講野...單機咁..
同埋自己又唔主動又怕事.有人同我講野,識我,我都好開心
其實我初初玩fez個日都係1個人.
但因為本身fez呢game都好吸引我,所以都係唸住玩多1,2日先.
係呢2日我都好希望有人同我講野,問我入唔入團之類.(唸返自己都好低能,成個自閉青年orz|||)
結果之後真係有人問我入唔入團@0@
我重記得個日係電腦面前開心左好耐XDD
入左團之後,都係我第1次上前線.
之前一直都怕上左前線,廢得制比人屌/w\
不過當上左前線,我就愛上左fez,1玩就玩左2,3年XDD
雖然我地既團只係一個細團,但都玩到好hi.
不過最後都無因為團愈黎愈少人玩,最後我都係走左,無玩fez /w\
最後，你有咩說話想講？
感謝FEZand玩家給我的回憶w
如果真係有公司代理既話,希望唔好再搞衰FEZ..
-
warrence二轉會員
2013-4-23 18:14#91
你認為港服會唔會跟隨台服於合約期滿後結束營運？
已成為事實了
假如結束營運，你認為FEZ將來被其他公司代理既機會高唔高？
我認為機會不高 當然有代理肯接手就最好
眼見其他台服玩家已經寄信去Garena客服要求代理FEZ 希望有個好的答覆
解釋你如何得到上述兩題觀點。
因為港服和台服合約是一起簽的
台服倒閉 港服也同樣
FEZ已經有7年歷史 再加上畫質稍差 像爛橙的短炒經營手法是不可行的
我認為如果有新代理必須尋找方法吸引新血及維持遊戲的平衡和收入
達到FEZ細水長流的特色
假如結束營運，你會何去何從？
已經準備係日服著手 如果港服FEZ重生當然會回來
對於過去響FEZ渡過既日子你有何感想？
捨不得,由公測開始玩了5年
眼見我的兒女們還有2個月的壽命 心裡不禁泛起一陣哀傷的感覺
不過我好慶幸能玩過FEZ這遊戲
令我學習到戰場上的戰略 合作性 配合
更認識到很多朋友 一起進攻 VIP 雙介 等等傻傻的事情
雖然戰友們一個一個地離去 但我仍然堅持玩FEZ
能堅持到最後真是很自豪
最後，你有咩說話想講？
這五年來 FEZ謝謝你!
-
tat0070二星初級會員
2013-4-23 18:38#92
通常合ser都係事前提醒，我諗唔到有邊隻game係汁左之後再被其他代理商拾尾攤，而且人流不如昔日，所以今次玩完...
我6月頭先考完試，都好既...仲有一個月比我玩
轉日ser好難溝通，話晒呢隻game係講團隊合作
-
player0314三星高級會員
2013-4-23 21:52#93
一年無登入, 見到轉貼忍唔住入黎留低幾句
你認為港服會唔會跟隨台服於合約期滿後結束營運？
已宣佈，不討論
假如結束營運，你認為FEZ將來被其他公司代理既機會高唔高？
暫時睇落唔高，因為部份電競遊戲似乎比較流行
其他各代理商似乎亦有自己主打的遊戲（本人非打手）
假如結束營運，你會何去何從？
讓此遊戲於香港成為歷史，並改玩其他電競遊戲，或轉投單機遊戲市場
對於過去響FEZ渡過既日子你有何感想？
百感交集
我亦從中透過多位玩家，有所感慨
正所謂聽君一席話，勝讀萬年書
白手興家者依依不捨乃人之常情
團隊合作之喜與怒定必各有感言
無奈小學雞假膠罵戰充斥，影響遊戲整體形象
另一方面
爛橙點裝無人不知無人不曉
Ａ石Ｐ甲遠近馳名
也許關閉，可算是為倒米的爛橙作為解脫
可以肯定的是，我曾從ＦＥＺ看出希望與絕望
最後，你有咩說話想講？
打機姐，打出個未來咩你估真係？
打出個禍來就真，認真你就輸了
面對現實啦！
-
光一﹏一五星白金會員
2013-4-23 22:12#94
fez真係陪住我過左大半個中學
由ce到al到而家大學
由大團變細團再變到幾日先見到團友on
玩左咁耐或多或少都有感情
fez一路好走:w_rose:
-
-向-三星高級會員
2013-4-23 22:30#95
字海
你認為港服會唔會跟隨台服於合約期滿後結束營運？
公告都出左lu
假如結束營運，你認為FEZ將來被其他公司代理既機會高唔高？
唔高
解釋你如何得到上述兩題觀點。
由其他公司代理,前題係要隻game有前景
考慮返今時今日仍然有玩既fez玩家，個人認為雖然大多數人都中意隻game，但係整體黎講,掛城既時間可能佔玩fez 既時間一半or以上(我依家就係掛緊城打篇野v_v)
就算代理好過橙兄n多，但係成隻game圍繞國戰既情況都唔會有大更改。
以依個前題黎講，就算隻game繼續運行落去，當d 玩家們因為咁係初期打多左少少，頂盡一日連續玩既最多六七場，加上遊戲冇指定國戰時間，考慮到各玩家休息時間好大機會錯開，國戰場數自然高唔到幾多；舊玩家返黎唔係冇機會，但係亦有唔少玩家因為其他私人問題根本返唔到黎玩(我識既都至少有三個人去左國外留學)，幫補唔到幾多人數，而且大多數人介意既"cs戰場" 依然令人反感，個人認為就算舊玩家返到黎，情況應該最多只可以回復到一年半前左右既fez，冇咩可能返到全盛時期。
所以，最需要既依然係新人玩家。我自己試過叫fd 玩，但係大部分人都覺得畫質太舊：依家科技發達，社會物質水平高，智能手機普及……(下略)
總而言之，連隨手拎住既智能手機玩得既game 既畫質都可以好過fez，加上fez 種慢熱實在冇幾多新手等得到。當新人唔介意畫質，入到黎都要無止境坐水；再當佢成功捱過坐水，但係佢可能未接觸到fez 既吸引之處。個人經歷黎講，我直到34lv，先至完全投入係fez ，更何況我戈陣重係ab ser時期，新手唔洗淨坐水……當然我個例子應該屬於太慢，btw，貌似想要接觸到fez 既吸引之處，就係要佢嘗試到第一次玩家與玩家之間既配合帶出既成果。同現階段其他game 比較，fez 每個月既新手流入量可能十隻手指數得晒。
現役玩家保持原狀(接近),少量舊玩家回歸,再加少量新手投入，就算轉左代理，情況得到改善既機會唔高，至少唔會高到吸引代理商投資。
假如結束營運，你會何去何從？
睇埋黎緊隻高達online (好似係),如果挑唔返我玩fez 戈種既投入既話,我應該會全心等待完全潛行的推出v_v
btw，如果未來fez 得到重新包裝，我絕對肯回歸幻想大陸
對於過去響FEZ渡過既日子你有何感想？
雖然冇咩人識，但係我都係古董玩家之一……咁多年黎，國外留學既幾個，返工既幾個，對隻game 冇晒feel 既又幾個。當年帶我入黎玩既fd 走晒，依家得返我一個……經歷左好多悲歡離合(?)，體會人生百態……(下略)
曾經ar媽問過我：打機打機，邊打得贏部機架？(雖然我都唔太知佢想表達咩理據)
如果我重係玩緊夢之xx(消音)，或者我都唔知自己為咩打。
但係玩左fez 之後，我明白自己的的確確唔係為左贏d咩野而打機，fez 可能因為唔追求英雄主義而吸引唔到部分玩家，但係高度平衡性同配合度反而更加寫實。每一刻，自己應該點做，點行，每一步，每一個動作都會帶比對方少許影響……個人覺得fez非常考驗玩家認識、學習如何發揮自己，達到最大存在價值。
不單止係遊戲……個人覺得fez 已經成為我自身人格養成既一部分
最大既感想或者就好似戈一句咁： 這個雖然是遊戲，但可不是鬧著玩的。
最後，你有咩說話想講？
個人覺得，fez 運行左咁耐，雖然最後不免人流減少，但係遊戲商應該明白到fez 依種高自由高平衡既遊戲係有好大既市場，有價有市
無庸置疑，fez 既戰鬥體系吸引力絕對無可挑剔(雖然有p甲ar，滑步ar，cs ar)，因應國戰情況，自身需要既配合亦都唔會一樣，加上與隊友間既配合，可以講其實無時無刻都有一種屬於戰鬥既新鮮感 (除非玩到盲目，停止左思考
btw，個人認為fez 有一個好大既缺點。冇人會否認fez 單挑既刺激，團戰既配合，國戰既分工 所帶黎既樂趣。
但係由頭到尾，成隻game一直引導去戰鬥方面。我估有部分玩家會有同感，玩fez 玩左半年or一年，總係會有段冷淡期想轉一轉game，係隻新game玩唔夠個幾月，就又想返返黎玩fez……or 唔轉game 不過多左掛城。
隻game 係有得打怪……大家都明冇人打架la
有副本……都係明架la
game $ 實在冇用到極限(?)
fez 一場正常國戰差唔多四十分鐘，悶悶地戈陣真係懶得打，寧願去掛下城or城入面是但四圍搵人吹水
fez 重新包裝或者機會細左d，但係我相信不久將來一定會有類似既game 以更高質素既姿態出現係我地面前
我自己周不時諗，fez 唔計畫質既話，或者就係差在缺少戰鬥既原因
純粹因玩樂去國戰，冇幾耐就會盲目or 悶
公會係fez 好重要既一環
我覺得如果再有類似game戈陣，補完公會系統應該百利而無一害。
之前玩過 侍道，幾like 佢d 合成、設計自己間房既系統係打悶左戈陣一d 幾好既消閒
ff mode
fez 主城d 屋,劃分比公會大樓
公會人數愈多要愈大間,要既租愈貴 為左平衡game $ 既無用性,可以讓人選擇以gash /星戒/game $ 比租
每個月團員交團費,可選擇買傢私等等
再拎埋合成系統，可以整傢私，+埋sao d 技能，磨刀石變成技能(愈高補得愈多之類),合成c same 去合中紅星水
廚師 整雞蛋之類。
而合成素材就打怪出
但係由於fez 重點始終國戰，為左唔好令人流過於分散，最好就令d 材料有幾易跌得幾易跌
只係差d 人懶得打only
而亦都為新手係初段時期能夠有收入
ff 無極限v_v
一直以黎都諗，fez 應該係我最後一隻game，直到完全潛行推出為止(?)
btw，依然期待重新包裝的fezor同玩法既mmorpg
-
櫻想二轉會員
2013-4-23 22:57#96
本帖最後由 櫻想 於 13-4-23 10:59 PM 編輯
HK FEZ 已經到左完結既一日.. 真係好可惜
HK服已經明確地會汁..所以無得再懷有希望..(對黑橘)
至於FEZ 會唔會再有其他代理商代理就唔知了...但就算有..都好難會再返呢班咁既朋友..同果種感覺..果種晚晚都期待打國戰.既心情..不過如果有都盡可能會玩既..
因為暫時冇一隻GAME 可以取代到佢....果種50VS50既感覺真係好特別..總之 合作性係絕對無得頂!!!!
HK FEZ 我都已經有一排冇玩了...而且都知道會有結束既一日..但估唔到係咁快....都好幾既..始終讓FEZ 可以係離開黑橘既管理下 ..而且暫時都係玩單機GAME OR GW2 多..所以都無乜所謂了
始終玩左1年半時間左右...呢隻GAME既合作性真比起其他GAME 正好多..由起初一個乜都唔識玩既新手..慢慢玩落去..到左識得點樣去打國戰..走位...配合隊員..
呢種成功感真係好難有..唔似果D 升LV打怪GAME咁..用錢就換到返來..果種感覺真係實實在在..令人難以形容... 而且係呢個過程都認識到好多朋友..所以真係極正!!
最後..FEZ 886 有緣再會..多謝這一年半既時間..真係玩得好開心...
-
笨小陶六星鑽石會員
2013-4-23 23:02#97
為左分數我決定答你問題!
你認為港服會唔會跟隨台服於合約期滿後結束營運？
唔在意,因為事在必行,時間上問題
假如結束營運，你認為FEZ將來被其他公司代理既機會高唔高？
唔高,不過可能叫做夢之FEZ 咁就唔知啦
解釋你如何得到上述兩題觀點。
13年ONLINE GAME經驗及4年港服
假如結束營運，你會何去何從？
玩LOL,返工
對於過去響FEZ渡過既日子你有何感想？
感想.. 要講都講哂了 再講都沒咩感想可言
好多野都係回憶 破壞唔到 但冇可能再追求到
最後，你有咩說話想講？
霉男快D加分比我
-
仙人SH七星元老會員
2013-4-23 23:51#98
本帖最後由 仙人SH 於 13-4-24 12:04 AM 編輯
只回題目.
下面果6題.我d答案會好行.因為樓主d都問題好行.所以算啦.
Q:港服將步台服後塵，抑或可以撐多一陣？
A:港服一早預左要早死.睇下精美ge"黑橙".同"好做得野"ge GM.仲有長期ABC.3色早餐式活動.有e 3大因素.想fez唔收皮都幾難.
約滿喇.吸完金喇.就放棄fez.不過我都可以理解.黑橙唔係開善堂.
Q:一旦結束營運，有無被其他代理相中既可能？
A:目前無可能.why?睇下橙橙連黑店成日開到無貨都要汁就知咩事.
last:
不過.黑店成日開到無貨都要汁.
咁請問初音.係唔係根本無傾過?係唔係根本就係去通知唔續約?
點解黑店成日無貨都要汁?
明明仲有人投入資金.但係汁hk fez理由何在?
如果係黑店/法利亞收到d資金唔夠經營fez.咁黑店/法利亞存在又代表d咩?一切都係陷阱?
一直都係欺騙我地fez玩家?一早就計劃汁fez?
-
全職學生三世五星白金會員
2013-4-23 23:52#99
X街,最近先重玩,入左好多寶石
-
︴紫﹏藍〞四星黃金會員
2013-4-24 01:58#100
本帖最後由 ︴紫﹏藍〞 於 13-4-24 01:59 AM 編輯
靠你比錢買個代理返黎:redface: