本帖最後由 Kuso-小光 於 13-5-14 01:11 PM 編輯
** 3/5 核心最新資料,姚X江行騙罪+不誠實使用電腦成立
我之前有提過,姚X江既其中一張相影到個ACCOUNT 角色名:
「超甜柚子茶」
ACCOUNT本人,原來又係受害者
我Hi Auntie姚X江,你賣空氣俾我呀?
我對天發誓,你唔Hi Hi俾人拉我跟你姓
我想交代下我落區果日發生既事,
因為一定會有小學雞話我吹水,我唔係想証明d 乜,
只係想講有d 野如果連你自己都唔緊張,就更加冇人會理你。
3/5 大雨 深水埗
今日同朋友親身落區,諗住印100張街招,去大部分姚錦江會出現既網吧派,
首先要多謝文X圖書文具有限公司既老闆同E 先生,因為本身我想印黑白就算,
佢地知我印既目的後,試左張彩色俾我,再知道我自費,仲計左我印500 張既價錢,
大家都知道深水埗已經出名平同賺得少,而家咁都肯為左張單張易睇d,主動平俾我,
呢d 就係人間有情。

到每間網吧,我都首先拎一張紙同職員慢慢講解下發生咩事,
講解返呢個人會對你地客人有威脅同可能令貴公司惹上麻煩,
我就問可唔可以入去同玩緊LoL既客人派下單張,叫班客人留意下呢個人,
佢地全部都好合作,俾我入去派。
我入到去問左班客仔識唔識佢之後,都會提醒佢地自己小心自己帳號,
如果見到姚錦江出現,就記得報警/聯絡我,最後仲俾我撞到班巴打。
「嘩,玩到咁大?」某巴打問我
「唔係玩架,我好向左走向右走認真」

派完就去左南昌邨,係呢度要多謝各大廈既管理員,
佢地都好細心聽我講野,不過果日我可能著得太型,初初佢地以為我收數.. 渣向左走向右走住d 紙..
不過當然我唔會做犯法野,經過同管理員講解之後,佢都肯合作幫我留意下姚生既出現,
我話想上去佢屋企搵下佢,登記完ID 之後佢都叫我隨便上去 (記住,我仲係渣住d 紙),
上到當然係冇人啦,有都唔應門啦,講西咩..
之後去埋7-11 派,我發現所有人都好樂意聽我講解,
我真係好感動。

可惜,特登請假搞左成日,全身濕晒,都係得個吉,
紙就派完,野就講完,連防止網上罪行大使都做埋,都係廢既,
不過就真係俾我見識到人間有情。
明架,一定有人會講:你講晒自己去邊,我係姚錦江我都走啦
乜你認為我唔講,佢就會乖乖留係屋企?
公義,唔係打幾隻字,握幾個post,做鍵盤戰士就爭取到,
而係要自己落手落腳咁做,先會有人留意到你,
我成個星期冇訓好訓,發緊夢都check email 睇下有冇更加多受害人聯絡我
我自知呢種案件就係一路都被忽視,騙徒先咁得吋進呎
連自己既權益都唔落力守護,有邊個會尊重你?
話我煩,話我傻的嗎既人,你有冇諗過點解Hi Hi專員要咁煩?
我想上位?我想上位我寫多個甜故已經夠做啦,唔洗咁煩
單機小朋友,你呢世人有冇為自己做過d 咩有意義既野?
我就為緊我自己既公民權利爭返一口氣。