-
伯爵二星初級會員
2013-6-5 12:28#1
本帖最後由 伯爵 於 13-6-5 01:12 PM 編輯
致︰
大家好，我叫丫偉，今日係我同佢分手第4日，真係幾漫長。4日既時間入面，經過左4日既痛，如果你問有幾痛﹖我可以答你，唔係好痛，而且係微痛，不過好長好長好長，當你一訓醒，呢種痛就係到一直陪住你，直到你再次入睡為止。，我仲嘆了無數無數次氣，一次比一次深，一次比一次長。我同佢拍左拖3年零13日，雖然我係到睇左一睇，發覺我3年真係係到時間唔算長，因為呢到有d 6年有d 8年，但係我既傷，我既痛絕對唔會比起你地淺。因為我『愛』得好深。
曾經有一個傻佬對天發過誓，『佢今生今世只愛你一人，如果有來生，我亦願意再次陪你，直到白頭。』當時個傻佬既女朋友笑了，笑了一笑，口中說出了一句︰『嗯』但係如今呢﹖為什麼在這誓言面前只餘下傻佬一個，你是否可誓言忘掉.....個傻佬經過4日既孤獨，只在口中念念有詞地說一句『只怪我不慬珍惜。』
以前個傻佬好自私，凡事只係由自己眼睛所睇到既，由自己心所感覺到既出發，從來唔會聽....唔會理人感受。就係咁佢所愛既人係呢3年入面，不知道被佢傷害過幾多次，不知道心碎過幾多次......個傻佬係3年入面仲可以傻下傻下咁過日子，一直以為佢所愛既人都算係幸福....都算係快樂。直到分手前十幾日先知道，其實佢女朋友一直都唔快樂唔幸福.....而且仲同傻佬過左半年冇感情既日子.....
佢女朋友一直比左好多機會比佢，但係佢呢﹖一次又一次咁浪費，就連最後一次機會都浪費埋。個傻佬好後悔連最後一次既機會都比自己一手摧毀。點樣摧毀﹖個傻佬居然忍心講出了分手呢兩個字.....
其實傻佬並唔傻，因為佢識諗一樣野，如果想佢女朋友幸福，就要自己去承受痛，如果想佢女朋友開心，就要孤單一個，佢終於都講左句分手，分手對佢女朋友係最好既.....最起碼.....佢女朋友唔洗再痛落去。分手之後佢冇喊到，因為淚水一早就流乾，真架，係巴士上面，眼淚不停咁流，由粉嶺開出，直到過左城門隧道先流完.....
琴晚個傻佬趁佢女朋友訓左既時候，send左個whatapp比佢女朋友，問下佢點樣，淨係想關心下佢，最後呢﹖直到依加都冇應過傻佬......不過傻佬冇怪佢，因為今日今日既一切，係傻佬自己搞成咁。傻佬知道佢女朋友唔會再返黎.....永遠都唔會再見到佢.....
最後.....請各位戀愛中既男人好好珍惜你既另一半，愛情走左係唔會再返黎，最後只係會餘下一個回憶比你，一個傷痛既結局比你。如果你女朋友話要走，我懇請你唔好諗咁多，唔好放手，千其唔好放手，因為女朋友話要走，佢會一句野都唔講就走，佢開口講，無非係想你挽留佢，係想比多次機會你。所以千其唔好放棄最後呢個機會，機會唔會再有，失去就失去架喇。相信一句，『愛情，係可以到白頭，只要你一直拖住佢隻手，幸福終會發生係你地身上。』
-
Borring禁止訪問
2015-12-31 22:40#2
請各位戀愛中既男人好好珍惜你既另一半，愛情走左係唔會再返黎
-
sc178net二星初級會員
2021-5-7 19:44#3
希望你放得下 時間會幫助你