-
as2cm一星新手會員
2013-9-25 16:25#1
本帖最後由 as2cm 於 13-9-25 04:38 PM 編輯
唔知大家仲有無睇書既習慣？
果日我等我個fd等足兩個鐘，返屋企又唔係
咁就無無聊聊行下 OK便利店，宜家OK唔似OK除左雜誌仲可以有玩具賣，我當然就係去睇下書喇
見到有本叫"無聲的旅遊闖蕩"，封面都OK！又唔係好貴，咁就買左黎睇喇！
其實我都無諗過有iphone之後仲會睇書不過電話唔係好捱得，睇本書可以睇個幾兩個鐘，
如果連續咁禁住部電話，肯定一下子就無左我30~40%電不等。呢本"無聲的旅遊闖蕩"，
原來係由一位弱聽人士去畫既漫畫，係講緊兩個弱聽人士去旅行既經歷，佢畫d野都幾好笑！
睇完先覺得原來我地健全人士真係好幸福，相反弱聽者有好多野要避忌同埋有時因為聽唔到野而處於
危險狀態，佢地兩個仲要自由行。真係佩服佩服！原來佢之前都出過好幾本書，全部都有關弱聽的趣事。
其實弱聽又有幾多人去了解？如果身邊無接觸過弱聽人士根本就唔會將呢兩個字放入記憶入面，
我曾經係小巴上遇過一個弱聽人士，佢同我講佢每次搭小巴都好驚，因為弱聽人士由於聽力
有問題好多時都影響講野既發音，搭小巴有落車鐘按還好，如果無就要大大聲咁嗌"有落"。
多數架車d人都會望住佢。睇完呢本書其實好想知個作者-方包係點解弱聽？
係一出世就聽唔到定咩原因？？好奇想知，所以就去左佢facebook度(我的無聲世界)睇！
一睇之下，原來佢網上面d漫畫都好好笑
有其他散文，我自殺了，有誰明白？ - 呢d文章既主題多數都吸引到人睇，有無料到一睇就知！
但睇完真係有d感動位…我覺得佢真係好有才華，而且係好正面既！
佢畫畫都唔錯…可惜佢係個女仔。而且有報紙訪問佢，
我就係度諗其實上天真係好公平，當佢拎走你身上一樣野既時候，就會賜予返一樣野俾你！
正所為 "天生我才必有用"！
呢個係我的真心分享，對於一個唔係好鍾意睇書既人，其實漫畫真係不錯！原來佢果間既出版社(浩恩文博)
係一直為d有夢想既人出書，我都好想實踐一下出書既夢想，可惜我無咁既文筆同才華，
唯有我好好咁支持呢位作者-方包啦。
除左OK便利店應該其他書局都有嫁，睇完本書打完呢篇野 我個fd都未到，有無搞錯呀!!？？？
-
as2cm一星新手會員
2013-9-25 16:36#2
