-
飄邈二星初級會員
2010-4-3 15:19#1
經過多次戰場的戰鬥,筆者能看出此遊戲職業之間的不平衡問題十分嚴重.
先進行一些描述.筆者所屬的門派是凌雲門,亦即坦職.走向一名上清觀的玩家,突然被爆擊,出了14xx這個數字.
看到也不禁覺得好笑我才40等8000血,來個14xx的爆擊,真的爽到不行.
完戰後,我在想:為何能被爆14xx呢?看看裝備,槍+30體,全套天罡橙裝+3,開了真氣護體3(-受到傷害12%),還能爆擊14xx.
為什麼呢?我百思不得其解.看清楚點,哇靠,全套裝連兩只藍戒加了1110術防.好笑得很,我相信這就是爆14xx的原兇.
為什麼整套裝不連戒加的術防不足1000??這是什麼道理??
再看看法系門派,體裝不在話下,加智加氣脈,術攻高對應我們這些凌雲真是一絕.至於他他防低?誰理你?遠攻不是王道嗎?
減減你步速,封封你動作,賞賞你魔爆,根本談不上什麼低防高防.再來一隻什麼星君增加一下傷害輸出,恭喜發財,筆者一只8000血的小小凌雲就此返魂乏術
"做坦的,不好好努力減低別的對你輸出的傷害怎行?都叫你加加氣脈,術防才會高!"
好吧,就和你玩玩加氣脈,然後體,氣脈與力分配不均,太少氣沒能加重術防,全體全氣脈,那戰場玩什麼??殺什麼??雪嗎?
戰場之積分全在於傷害輸出,如打水晶,殺人數量.那坦呢?我站著不倒下十數秒受盡法傷,我沒有貢獻?
正正就是因我在坦著隊友們才能多活一陣子.為何戰場系統沒有顧及坦職輸出低而受傷害數字極高的職業特性?
由是觀之,職業之間的不平衡就造成"水月宮"人數爆棚的現象.寫此文無他,唯願表達一下個人感受.
可能是筆者不是玩遊戲的材料才會被狂殺,以上的都是片面之詞.有什麼不同的看法,各位可給給意見.
筆者願聞其詳,定必虛心聆聽.大家不喜勿插@@!
-
jay2006四星黃金會員
2010-4-3 15:58#2
我都打過戰場~完全同意
我係神武門,用哂成身藍裝,+哂4+哂5
一樣比d ec/法職秒殺
佢地d攻又高,又定人又補血
相反,d戰士只係得d近攻技勁,打打下人又比人走左
唔通戰場真係比月/清玩哂?
-
吸血鬼王四星黃金會員
2010-4-3 16:46#3
係...法職...戰場...好屈...= ="""
-
飄邈二星初級會員
2010-4-3 18:23#4
法攻高已經屈,仲有定身..減步速==未埋到身都死鬼左==
-
condomZz三星高級會員
2010-4-3 19:32#5
天罡係重裝,術防根本係低,你睇下自己物防同術防差幾多先出聲啦
你再唔信,走入去紫雲觀副本,睇下可以頂幾耐,
40級戰場的確係水月,上清有好大優勢,我自己玩水月,就算比近戰打緊,
都一定先殺法師,冇人幫你補血,理得你8千,9千血照殺
水月,上清人數影響勝負係事實,不過唔係必然,試過打一個掌凌,
3個水月都殺佢唔死,水月,上清係補職,打戰場,副本,洪荒都不能或缺
你話法師屈,不如話戰場設計有問題,經常打到一半,輸果方有幾個人登出,
戰場人數不足,自動關閉,大家一點都冇,輸唔起真係唔好打戰埸,浪費大家時間
[ 本帖最後由 condomZz 於 10-4-3 07:43 PM 編輯 ]
-
飄邈二星初級會員
2010-4-3 22:35#6
所以個問題核心係,點解坦職會坦唔到魔攻??
戰場設計可能有問題,職業平衡做得唔好又係另一個問題,二者並存.
睇下凌雲d技,冇暈,反觀水月,減步速,呢個係根本上令凌雲先蝕一部份血
人數影響勝負並不必然,總有一兩個凌雲有你講既情況.
但e+講緊既係普遍性問題,唔係話一兩個個別例子可以推翻.
既然有事實根據,睇既都只係佔既比例.法c屈既情況無疑係鐵證亦極其普遍.
"輸唔起唔好打戰場",同意少少,我自己即使比5個法c係錦射我都照沖埋去.
問題係,乜野造成錦既局面?你可以試下自己開隻凌雲打下戰場,除左講理性事實之外,
其實你亦應該係人地既角度出法諗諗.
-
condomZz三星高級會員
2010-4-3 23:23#7
我上個POST都答左你啦,你穿重裝走去坦法師?你以為打怪?
穿重裝可以拉10幾,20隻一樣?
我玩體水月,6500+血,每4秒技回1100血,學左40級絕學,
卡40級刷戰埸點數,多數穿半重半法裝,不論近戰,法師打我都唔會好傷,
2,3隻圍我都頂得下,對方法師多,我會穿全法裝,同佢地比火力,
我所知都有好幾個上清,水月卡40級打戰場,老實講打咁多場,
真係好玩既冇幾多埸,多數都係一面倒,可以互有攻守,不足一成,
就算我40級水月組上一班低級隊員,都要接受輸既命運,
順便練下自己既技術,全隊約34-36,得我一個水月,打到100+分,都算唔錯
水月,上清有優勢係不變既事實,唔係場場勝利就叫好玩,打戰場要講戰術,
合作性,裝備要隨機應變,技術更加係練番來,唔夠人打,就話人屈,
我自殺幾多次,儲真元值,學技能,心法,你又知唔知?我打左幾多場,你又知唔知?
-
飄邈二星初級會員
2010-4-3 23:56#8
呢個係好簡單既邏輯問題,我唔否認有其他因素令水月/上清更勁,但主要原因,你仍然解釋唔到.
職業不平衡一點你反駁唔到,證明佢係事實.
第二,當我著輕裝去打戰場,對物理傷害又係米可以兼顧到?呢個兩頭唔到岸既情況,
絕不是玩家造成的.
沒錯你自殺儲技點很努力.但反問你,好多人都唔做呢d野,單靠職業特性就屈曬,你又知唔知?
諗清楚d,組34-36贏唔贏還要睇唔同情況.你講得好岩,唔係場場贏先叫好玩
輸都冇乜所謂,個問題係,你輸可以有百幾分,我地凌雲呢?
我試過得4分,呢個就係差別所在.
講到底,職業之間不平衡一點沒人能推翻,唯願官方好好修正!
-
uisout53五星白金會員
2010-4-4 00:04#9
上清定人 超屈 == 水月勁遠打你 無得還拖~.~
-
condomZz三星高級會員
2010-4-4 01:49#10
我一直冇想過要反駁你,一再強調上清,水月係有優勢,你,我都改變唔到,
你呢類POST都係想官方改勁你玩既職業,或者改弱上清,水月,
咁你慢慢等佢改左先玩啦
你唔想下點去拉近大家距離,一得必有一失,我穿重裝,火力一樣會低左,
但係我企前D班近戰都會走來打我,唔打我後面既法裝法師,
我睇你幾個POST就知你戰場經驗唔多,你穿重裝衝入去打法師,同自殺冇分別,
+3天罡,你覺得好勁?你話你凌雲得4分,全隊都係凌雲?戰場係5個人打,變數太多
重點係配合隊友,你話水月屈,對方４水月,各有各打,我方兩個水月,３個近戰逐個水月圍死,
我真係冇玩過凌雲,唔知點玩,作為水月,見到近戰走出群補範圍,真係幫唔到佢,
以我個人角度,低級近戰或用槍既,我都最後先殺,有法師在場,要殺坦係好花時間,
我多數企中前,可以吸引近戰打我,又可以補晒所有人,再睇下隊友打邊個,我去助攻
基本上好多近戰明知打我唔死都會呆呆一直打我,殺晒佢隊友,佢都唔走繼續打,
我都知穿法裝,火力高,刷聲望會較多,但係遇到修羅,神武,未必頂到,分分輸番轉頭
勁既近戰我都遇過唔少,只係佢地唔會卡等打,玩下就去升級,
打戰場既人真係唔多,我都未見過有兩場同時進行,見來見去都係果幾個人,
你真係覺得法師咁屈,升高去打50戰場,法師更難殺你
[ 本帖最後由 condomZz 於 10-4-4 02:12 AM 編輯 ]
-
飄邈二星初級會員
2010-4-4 02:28#11
我同意你講既野,但有幾點要講番清楚.
首先,全套橙+3,唔可以叫做勁,只係係40lv既範圍算叫唔錯,唔屬於會比sm既程度.
其次,我升左41,我唔係果d卡40打戰場既人.
第三,或者神武修羅呢d近戰dps比較高,但凌雲兼顧唔到攻,防,術防亦是不爭既事實.
第四,你著重裝真係會低攻d,但著左重裝都好水月既火力對凌雲仍然係壓倒性的.
反而,即使凌雲著輕裝,物防低左術防唔高,變左兩頭唔到岸,錦又係米公平?
第五,其實你諗真d,5個都係水月/上清根本唔需要坦,就錦企係度範補,邊個會死?反而補坦就未必補得切.
就因為有隻坦,就有個缺口比法c攻入.
最後,戰場經驗多寡我唔敢斷言,畢竟戰場只開左三日,憑咩話邊個經驗少,邊個經驗多?
-
condomZz三星高級會員
2010-4-4 03:38#12
1.你全套+3重裝只係唔會比物攻怪SM,你遇到法師,紫雲觀法攻怪,一樣唔夠頂
3.你玩坦,防高DPS低唔係今日先知話?你認為有高攻,高物,法防既職業?
4.1VS1,穿重裝我係殺唔死坦,或者要打好耐
5.5上清/水月係可遇不可求,我都只係試過幾次
打戰場正常水月都只會用範圍補,單補要2秒,夠我放兩下法術,
冇水月咁蠢會走上去救佢,補唔到血都唔走番轉頭,只好由得佢死
6.我唔係話自己經驗多,好明顯,你未搵到自己戰場上定位,
如果我係你,我會試下留響後防,保護法師,打衝入來既近戰,我唔知WORK唔WORK,
相信比你衝入去送死好,其實我都唔係好明你既情況,你一時話比法師狂射,物防低又點
近戰唔打法師,走去打你?你講到好似打怪放左群挑咁,5個打你一個,正常冇人會先打坦,
對方咁有默契,5個打一個誰都頂唔到
-
藤原龍也六星鑽石會員
2010-4-4 04:15#13
我玩神武真係覺得好無奈,,
放血技,, 而家39 LV,, 放50血,, 虎斬幾秒先放100血,, ( 打怪隻怪都話冇料到啦,, )
有暈人,,? 靠把武器2%,,5%機率,,?
好似上清,,水月,, 1個識暈技,, 一個識冰人,,
而家D ONLINE GAME真係只偏向法職,,?
物職完全被人忽視晒,,? :em012:
[ 本帖最後由 藤原龍也 於 10-4-4 04:16 AM 編輯 ]
-
itchangeworld一星新手會員
2010-4-4 07:19#14
唔知大家有咩好嘈
我台版60級上清60級水月
可以好直接同好有經驗同你講 水月係戰場王者
你唔like咪去玩水月lol
有人逼你玩其他職咩
叫官方改? 唔好耍白吧
台版原創都唔改 港版只係做代理 憑咩改?
-
frankytong三星高級會員
2010-4-4 09:24#15
好老實講句,我都係做坦ge~
如果好似樓你咁講,要改到頂到埋法傷,咁黎隻game唔同就會平衡?
咁坦玩晒,冇人打得佢入,用惱諗下野啦,你有玩邊隻game唔係法師克坦嫁?
你搵到我送夠1000點比你呢?!'~
-
jay2006四星黃金會員
2010-4-4 20:21#16
副本,洪荒不可劃決關鬼事
而家講緊戰場,你話人地打到一半走
但你又有冇試過出到去3秒死番番去?
打極d法c打唔入,出到去比人秒,又有邊個想玩呢?
仲有~3個水月會殺唔死一個掌凌我唔感肯定
但係成日都係幾個近攻都打唔死ec
-
jay2006四星黃金會員
2010-4-4 20:25#17
你都話有幾個上清/水月卡戰場la
你又有冇見過戰士果d卡戰場呢?
d人卡戰場因為d咩?其實有d就因為屈人機果種快感
我係神武~我諗我永遠都唔會玩戰場lu
我諗遲d戰場都係上清對水月架la
原本好期待~而家灰哂lu
[ 本帖最後由 jay2006 於 10-4-4 08:27 PM 編輯 ]
-
飄邈二星初級會員
2010-4-4 21:31#18
講到呢度,希望大家唔好覺得我開呢個post係想針對水月,上清.只係我覺得水月同上清真係屈.
而我地做戰士既,都唔係話想要掉番轉我地屈法c,只係想平衡少少.只少唔係同係40lv比人爆法傷14xx吧==
我就冇見過神武水月/上清物攻14xx.
請大家唔好太過激,只係想聽下大家既意見,我都係果句,我想聽下大家點睇姐:smilie_:10:
-
×湘愛二星初級會員
2010-4-4 21:32#19
今日我玩過1埸戰埸 隊友分別系 兩隻水月兩隻上清 加埋我都系上清
直接250:0 完全屈哂=_=
-
jay2006四星黃金會員
2010-4-4 21:33#20
250:0 你地一次都冇死過face_l_18: